Llojet e fitneve

[Skimpo]

Llojet e fitneve
Shkëputur nga ligjërata "Fitnet bashkëkohore" e Salih es-Salih Bazuar në artikullin e shejh Muhamed el-Khumejjis në librin e tij Nedherat ue te'mmulat min Uak'i el-Hajat, 1419/1998
Ka shumë lloje të fitneve, por të gjitha takohen në dy lloje kryesore. Lloji i parë është
fitnetu-shubuhat [fitnet e çështjeve të paqarta, të dyshimeve dhe keqkuptimeve]. Këto fatkeqësi të dyshimeve [shubuhat] kundërshtojnë akidenë e saktë, duke çuar në prishje të të menduarit dhe të konceptuarit.
Ndaj, personi i ndikuar devijon nga shtegu i selefëve krejtësisht apo pjesërisht, dhe mund të devijojë në të kuptuarit e urtësisë hyjnore lidhur me gjëra të caktuara. Veç kësaj, ky person mund të shpikë në fe atë që s'është pjesë e saj. Fitnetu-shubuhat është lloji më i rëndë i fitnes, meqë mund të çojë në kufr [mosbesim] dhe në shirk.
Lloji i dytë i fitnes është fitnetu-shahauat [fitneja e epsheve dhe e tekave]. Ky lloj i fitnes kundërshton vullnetin dhe çon në prishje të sjelljes. Pavarësisht rrezikut që shoqëron
këtë lloj të fitnes, kjo është më pak e rrezikshme sesa fitnetu-shubuhat. Nga veprimet e këtij lloji të fitnes është pasimi i epshit të barkut, organeve gjenitale dhe të ngjashme me këtë.
- Shkaqet e fitnes
Ka shumë shkaqe që çojnë në fitne. Ndër to e para është pasimi i dëshirave dhe i qëllimit
të prishur. Allahu i lartësuar ka thënë:
« O Daud, vërtet, Ne të kemi bërë mëkëmbës në tokë, kështu që gjyko mes njerëzve
me të vërtetën dhe mos paso dëshirën tënde, se do të të devijojë nga Shtegu i Allahut.
Vërtet, ata që devijojnë nga Shtegu i Allahut, do të kenë dënim të ashpër, ngaqë
harruan Ditën e Llogaridhënies » [38:26]
Shkaku i dytë i fitnes është injoranca dhe braktisja e dijes. Personi që ka dije të dobishme, e njeh natyrën e fitnes dhe dyert e saj, dhe kjo e bën atë të sigurt. Në kundërshtim me këtë, është lehtë për injorantin të bjerë në fitne, meqë ai është i paditur rreth saj, rreth shkaqeve të saj dhe rreth mënyrave të përballimit me të.
Shkaku i tretë i fitnes është pasimi i teksteve që s'janë krejtësisht të qarta [muteshabih]. Për këtë ka paralajmëruar Allahun i lartësuar, kur ka thënë:
« Sa u përket atyre në zemrat e të cilëve ka devijim [nga e vërteta], ata pasojnë atë që
s'është krejtësisht e qartë, duke kërkuar el-fitan [idhujtari e sprova, etj.] dhe duke
kërkuar domethënien e fshehtë të tyre » [Al-Imran, 7]
Page 2
2 MBUROJA.NET
Kështu, pasimi i teksteve të paqarta është teprim dhe shkujdesje. Islami është një shteg mesatar, mes shkujdesjes dhe teprimit. Sa i përket teprimit, kjo çon në fitne, siç ka
shpjeguar pejgamberi [salallahu alejhi ue selam]:
"Ruhuni nga teprimi, se kjo i çoi në shkatërrim popujt para jush, duke i bërë ata të
derdhnin gjak e të lejonin atë që ishte e palejueshme për ta".
Këto janë vetëm disa shkaqe të fitnes. Ka edhe të tjera veç këtyre katër.
- Disa forma të fitnes bashkëkohore
Në kohën tonë, fitneja është shtuar dhe shumëfishuar, duke tërhequr shumë njerëz nga
feja e tyre. Disa nga këto fitne janë si në vijim:
• Fitneja e pasurisë. Shumë njerëz kërkojnë të fitojnë pasuri në çdo mënyrë të mundshme, duke mos u kujdesur se a është e lejueshme apo e palejueshme.
Atyre u intereson vetëm arritja e pasurisë, duke e menduar këtë si mënyrë për t'i përmbushur nevojat. Për këtë shkak, njerëzit janë në një garë të fortë për të fituar para dhe për t'i shtuar sa më shumë. Kjo është një fitne tepër e rrezikshme, e cila është duke u përhapur.
• Fitneja e femrës, dhe kjo është fitneja më e madhe për njerëzimin, siç ka thënë pejgamberi [salallahu alejhi ue selam]:
"S'kam lënë pas vetes fitne më të dëmshme për burrat sesa femrën". [el-Buhari, vëll.7, libri 62, nr.33]
Shejtani i ka kapur shumë njerëz nëpërmjet kësaj fitneje, duke i frymëzuar dhe
duke u pëshpëritur shumë grave që të vishen me veshje tërheqëse, të vejnë lloje të ndryshme parfumesh dhe të ngjashme me këto nga mënyrat e fitnes. Të tjera rreziqe përfshijnë ambientet e përziera, çka ka çuar në pasoja të rënda. Shumë
njerëz, gra e burra, janë bërë të shkujdesshim në uljen e shikimit dhe në ruajtjen e vetvetes nga kjo fitne. Shumë njerëz po dalin jashtë shtëpisë për lidhje dashurie, kurse gratë, po ashtu, po "mërziten"!
• Lloji i tretë është frika nga njerëzit, për shkak të dobësisë në besim e në bindje si edhe varësisë në Allahun. Kjo është arsyeja përse shumë njerëz kanë filluar të kenë frikë nga të tjerë veç Allahut dhe të përmbahen nga thënia e së vërtetës, duke pasur frikë për jetët dhe për pasurinë e tyre, siç ka thënë Allahu:
« Nga njerëzimi ka që thonë:'Besojmë në Allahun', por, nëse pësojnë fatkeqësi
për hir të Allahut, sprovën me njerëz e konsiderojnë si dënim nga Allahu.
Page 3
3 MBUROJA.NET
Dhe, nëse fitorja vjen nga Allahu, [hipokritët] do të thonë:'Vërtet, në ishim me
ty'. A nuk është Allahu ai, që e di më së miri çfarë ka në gjokset e alemin
[njerëzve dhe xhinëve] » [el-Ankebut, 10]
• Pasimi i asaj që s'është krejtësisht e qartë. Kjo ka çuar në shfaqjen e shumë sekteve të devijuara nga ithtarët e tekave, si ata që mohojnë cilësitë e Allahut
apo një pjesë të tyre, si dhe ata që e lejojnë derdhjen e gjakut të muslimanit, bazuar në interpretime të gabuara. Kjo, gjithashtu, përfshin ata që mohojnë paracaktimin e Allahut, që përfshin gjithçka, dhe ata që bëjnë tekfir [ngarkojnë
me mosbesim] muslimanët, për shkak të mëkateve dhe mosbindjeve të tyre.
Ngjashëm, ky lloj i fitnes përfshin ata që thërrasin për kryengritje kundra pushtetarëve muslimanë, apo ata që u japin zotimin e besnikërisë udhëheqësve
të grupeve ndërsa bëjnë tekfir në ata që i kundërshtojnë. Këto janë vetëm disa grupe nga e kaluara dhe e tashmja, të cilat kanë devijuar.
• Fitneja e pasimit të rrugëve/mënyrave të mosbesimtarëve. Në shumë pjesë të botës muslimane, njerëzit po pasojnë e imitojnë rrugë të mosbesimtarëve në veshje, në lëvizje, në sjellje dhe në marrjen e tyre si shembull. Kjo ka bërë që të ketë problem me identitetin islamik.
• Lloji i gjashtë përbën një nga manifestimet më të rënda të fitnes së dyshimeve. Kjo është fitneja e Rafidhave [shi'itëve], të cilët i ngarkojnë më mosbesim të gjithë sahabët [Allahu qoftë i kënaqur me ta] dhe madhërojnë varret e lusin të tjerë veç Allahut, si dhe besojnë se Imamët e tyre e njohin të padukshmen dhe
janë më të mirë sesa pejgamberët dhe engjëjt, siç vërtetohet në punimet e tyre klasike. Shumë muslimanë janë entuziazmuar me politikën dhe nuk shohin në Rafidhat ndonjë gjë të keqe, sepse mashtrohen nga qëndrimet e tyre politiko- revolucionare. Njerëzit, zakonisht, udhëhiqen nga emocionet lidhur me këtë dhe
nuk shqyrtojnë besimin e tyre. Për këtë shkak, ata përfundojnë duke mbështetur politikisht Rafidhat. Ky është hapi i parë në adoptimin e doktrinës së tyre shi'ite, dhe kjo, në fakt, po ndodh në shumë vende të botës muslimane. Shejhu ynë,
Muhamed bin Salih el-Uthejmin [rahimehullah], para vdekjes së tij, ka theksuar se "Fitneja e Rafidhave është më e madhja në kohën tonë".
E lidhur me këtë fitne, është fakti që shumë grupe islamike sot janë të radhitura
krahas tyre për hir të politikës. Kjo pozitë ka bërë dëm të madh tek pasuesit e Sunetit në shumë vende muslimane. Për hir të përfitimeve politike e financiare, përpiqen të minimizojnë ndikimin dhe rrezikun e Rafidhave në publikun musliman. Allahu muste'an.
- Pozita e muslimanit ndaj fitnes
Page 4
4 MBUROJA.NET
Islami ka parashtruar mënyra të mbrojtjes nga fitneja dhe ka qartësuar pozitën që muslimani duhet të marrë përballë fitnes. Së pari, kërkimi i shpëtimit tek Allahu nga
fitneja, meqë Allahu është i plotfuqishëm për mbrojtjen dhe parandalimin nga rënia e besimtarit në fitne. Pejgamberi [salallahu alejhi ue selam] na ka këshilluar të bëjmë lutjen në vijim në namaz para selamit:
"Kur ndonjëri prej jush të kryejë teshehudin e fundit, le të kërkojë shpëtim nga katër gjëra:'Min adhab xhehenem ue min adhab el-kabr ue min fitneh el-mahja uel-memat ue min sherri fitnetil-Mesih ed-Dexhel' [Nga dënimi i Zjarrit, nga dënimi në varr, nga sprovat e
jetës dhe vdekjes, si dhe nga e keqja e fatkeqësisë së Mesihut të rremë". [Muslim, vëll.2, libri 23, nr. 459]
Së dyti, kapja për Librin e Allahut dhe Sunetin autentik të pejgamberit [salallahu alejhi ue selam], sipas të kuptuarit të sahabëve dhe të atyre që i pasuan nga pasardhësit e
drejtë. Allahu i lartësuar ka thënë:
« [Allahu] tha:'Zbritni [nga Xheneti në tokë], të dy ju së bashku. Disa nga ju do të jenë
armiq për të tjerët. Pastaj, nëse ju vjen udhëzim nga Unë, atëherë, kushdo që pason
udhëzimin Tim, as nuk do të humbasë e as nuk do të vuajë » [Ta-Ha, 123]
Së treti, kërkimi i dijes së dobishme islamike. Burimet e kësaj dijeje duhet të jenë librat
autentikë të paraardhësve të devotshëm [selefëve]. Nga këtu muslimanët duhet të marrin dijen e dobishme.
Së katërti, është paralajmërimi i të tjerëve të mos rebelohen kundra udhëheqësve
muslimanë. Kjo, sepse i Dërguari [salallahu alejhi ue selam] e ka udhëzuar sahabin e madh Hudheife ibn el-Jeman të mbahet fort për xhematin musliman dhe për udhëheqësin e tyre, kur ai pyeti çfarë të bënte, nëse do ta mbërrinte koha e fitneve. Kurse, kur Hudheife pyeti çfarë të bënte, nëse s'ka xhemat apo imam [udhëheqës],
pejgamberi [salallahu alejhi ue selam] u përgjigj:
"... Atëherë, rri larg të gjitha grupeve, edhe nëse duhet të mbahesh me dhëmbë për rrënjët e lisit, derisa të mbërrijë vdekja e ti të jesh në atë gjendje". [Buhari, vëll.9, libri 88, nr.
206]
Kjo është një gjë tepër e rëndësishme, që duhet të mbahet mend, dhe kjo është paralajmërimi i të tjerëve kundër rebelimit ndaj udhëheqësve, edhe nëse ata janë tiranë e
zullumqarë, për sa kohë që s'ka mosbesim [kufr] të qartë, siç ka thënë pejgamberi [salallahu alejhi ue selam]:
"... përveç nëse shihni mosbesim të qartë, të bazuar në argument nga Allahu".
Shejhu ynë Muhamed in Salih el-Utheimin thoshte se qartësia e mosbesimit të udhëheqësve duhet të jetë më i qartë se dielli në ditën më të kthjellët, pa edhe retë më të
Page 5
5 MBUROJA.NET
vogla [dmth kur s'ka pikë dyshimi për kufrin e tij], sepse kjo është diçka që çon në fitne dhe gjakderdhje, siç është dëshmuar në shumë vende muslimane.
Së pesti, ruajtja e takuas ndaj Allahut dhe qëndrimi në të. Takua do të thotë të veprosh në bindje ndaj Allahut në udhëzimin e vërtetë, duke kërkuar shpërblimin nga Ai dhe duke u përmbajtur nga mosbindja ndaj Tij në udhëzimin e vërtetë, nga frika e dënimit të Tij.
Takau është mbrojtja më e mirë kundër fitnes. Ajo është barriera mes personit dhe pasimit të tekave e dëshirave personale.
Allahu i lartësuar na udhëzoftë të gjithëve për tek ajo që është e dashur për Të.
Lavdi Allahut. Paqja dhe bekimet qofshin mbi pejgamberin Muhamed, mbi familjen e tij, mbi shoqëruesit e tij dhe mbi këdo që i pason ata, deri në Ditën e Ringjalljes.
Salih es-Salih 2 shaban 1427/26 gusht 2006