TIRANË-Partia Aleanca Kuq e Zi ka nisur sot në Pallatin e Kongreseve në Tiranë, Kongresin e parë Mbarëkombëtar. Në një atmosfere krejtesisht kuqezi, pas një marshimi nga sheshi “Skenderbej” në bulevardin “Dëshmorët e Kombit”, kongresi nisi punimet me një fjalë përshëndetëse të Kreshnik Spahiut.
Duke bërë një rezyme të situatës aktuale në Shqipëri, kreu i Aleancës Kuqezi, Kreshnik Spahiu tha se AK-ja vjen për herë të parë si një alternative qeverisëse, me forcën e duhur për të thyer sundimin e partive politike.
“Aleanca vjen si një alternativë qeverisëse më e përgatitura me forcën e duhur për të thyer themelet e partive tradicionale që koha u ka perenëduar”.
“Viti 2012 e gjen kombin në një situatë politike -juridike të paprecedentë, dhe si në asnjë vend tjetër të mos dihet numri i popullsisë. Na gjen si një nga kombet më të varfra në Europë. Shqiptarët në Shqipëri dhe Kosovë kanë dy nga shtetet me nivelin më të ulët ekonomik në Europë, po ashtu shqiptarët në Mal të Zi dhe Maqedoni e kudo. Viti 2012 i gjen shqiptarët me dy qeveritë më të korruptuara në Europa, si dy vende që janë përjashtuar nga proceset integruese. I gjen shqiptarët në ndasi politike. Viti 2012 i gjen shqiptarët me të njëjtat liderë politikë të para dy dekadave, të cilat kanë uzurpuar karriget e pushtetit, edhe përpara se të lindin qindra kuqezinj që sot janë në sallë.”- tha Spahiu.
Spahiu theksoi se AK ka gati platformat e saj për të qeverisur dhe shpëtuar sektorët e pushtuar nga korrupsioni dhe kriza.
“Reforme radikale amerikane dhe britanike në sistemin e drejtësisë këtë do bëjë Aleanca Kuq e Ki. Shqipëria do ribëhet si një shtet i hekurt, luftë trafikimit, pastrimit të parave. Vepra penale e vrasjes të dënohet me vdekje dhe jo me burgim të përjeshtëm.
Tu heqim maskën liderëve politikë që kanë punuar për shërbime antishqiptare. Të rimëkëmbim ekonominë. Shqipëria ka sot ekonomi kosnumatore dhe primitive që pastron paratë e zeza. Askujt të mos i gënjejë mendja se do gëzojë paratë e pista”.
Duke vlerësuar maksimalisht rininë shqiptare, Spahiu shtoi se, bashkimi dhe integrimi janë tërësisht të realizueshme, vetëm nëse më votën e shqiptarëve largojmë dy partitë, PS dhe PD të cilat sipas tij, janë nofullat e një goje.
“PS e PD janë nofullat e një goje që bluajnë vetëm për stomakun e tyre. Këta krokodilë zaptuan Kushtetutën dhe u kanë thënë shqiptarëve zgjidhni ose PS ose PD, nuk u dhanë alternativën, zgjidhni më të mirin, por zgjidhni të keqen më të vogël".
Spahiu vazhdoi më tej në fjalën e tij se, në 100 vjetorin e Pavarësisë këtij kombi ju cenua integriteti territorial, identiteti kombëtarë dhe rendi kushtetues, për këtë nuk duhet të fajësojmë fqinjët, por qeverinë e cila është jo shqiptare por tradhtare.
Sipas AK-së, janë me dhjetra aktivistët kuqezi që kanë mbërritur nga SHBA-j,a Britani, Itali, Berlgjika dhe shumë vende të tjera.
Në kongres ishtë i pranishem edhe ambasadori i Shteteve te Bashkuara te Amerikes, Aleksander Arvizu.
(d.b/BalkanWeb)
Përgjigju Duke Cituar
Postuar më parë nga Brari
Krijoni Kontakt