Gjakmarrja, vritet mbesa dhe gjyshi

[Smth_Poetic]

Ne te jugut duhet te krijojme shtet me vete e te ndahemi njehere e mire na geget.
Vallai barre e madhe na jane bere.

Me mire ti bashkohen kosoves ata e mbase kosovaret i sjellin ne vete ata .

E kam sugjeruar nje gje te tille edhe me pare.

Sado ti vecosh te tilla krime e incidente, fakti qendron se komplet shqiperia e veriut ka te njejtin mentalitet ne te tilla veprime.

Ose me mire te behemi si shba ku secili ka mini-shtetet e tija dhe vet-qeverisen vet.

Lerini geget te vetqeverisen vet edhe te rregullohen vet (nqs do munden) .

Te pakten mos tja uli ritmin e emancipimit edhe njerezve qe duan te emancipohen.

[POKO]

i pam verioret e i pam jugoret se si qeverisin e udheheqin,lere se e kemi krimbin e urrejtjes e te egersise te gjithe mbrenda...thuaj qe pak me ndryshe i shofim gjerat ne nga jashte sot per sot,se po te ishim atje,do hidhnim valle si e hedhin te tjeret.

te tallim me dashakeqsi e te bejm indiferentin para ktyre krime e fenomene mesjetare,qe po hajn koka njerzish per dit,pa perjashtuar moshe e gjini,eshte gjeja ma e ulet e me pa fisnike per kedo prej nesh!

[POKO]

Një revoltë në emër të Maries së vrarë për gjakmarrje

Krimi i përbindshëm mesjetar e sfidoi sërish shtetin, duke i prerë jetën në mes një fëmije, një vajze mbi të gjitha.

Marie Cuku, nuk ishte duke pushuar si shumë shoqe të saj, që sapo kanë mbaruar shkollën. Ajo ishte duke punuar tokën, bashkë me gjyshin e saj. Por edhe këtu nuk e lanë. Ajo u vra dhe sot nuk është më mes të gjallëve. Policia nuk e pati të vështirë të gjejë shkaqet e vrasjes së një njeriu që nuk i kishte bërë askujt keq në jetën e saj fare të shkurtër. Ishte gjaksi!

Mesjeta na tregoi se nuk është larguar ende nga mesi jonë, tregoi se është ende këtu dhe e fortë, duke mbjellë viktima krejtësisht të pafajshme. Mesjeta tregoi se është kaq e përbindshme sa nuk pyet as për ligjet dhe rregullat e saj të cilat e ndalonin vrasjen e një fëmije, e aq më tepër të një vazje. Por mbi të gjitha, mesjeta tregoi se është me e fortë se shteti, është më e fortë se ne të gjithë. Vrasja e Maries dhe gjyshit të saj nuk duhet të trondisë vetëm familjen Cuku në Dukagjin, por duhet të trondisë çdo familje shqiptari. Por, së pari ajo duhet të trondisë shtetin, qeverinë, drejtësinë, parlamentin…. Ajo duhet të trondisë dhe të shkundë fort indiferencën e tërë neve, shoqërisë civile dhe medias.

Shqipëria është sot në përpjekjet e saj finale për të marrë statusin e vendit kandidat për në BE. Asaj i duhet të plotësojë 12 kushte që i ka vënë Bruskeli. Diplomacisë ndërkombëtare i ra bretku duke rendur nga njëra seli partie tek tjetra, për të kërkuar konsensus e paqe, në mënyrë që të realizohen kriteret dhe Shqipëria ta marrë statusin. Shqipëria do të jetë vend kandidat për në BE. Po ç’dreq kandidati do të jetë ky vend, kur ende vriten njerëz krejt pa faj, kur ende vriten njerëz për të paguar një krim që as e kanë bërë dhe as që kanë lidhje? Ç’dreq kandidati do të jetë ky vend kur ende ka njerëz që qëndrojnë në arrest shtëpie pa vendim gjykate(të ngujuar), sepse kërcënohen me vrasje nga gjaksi? C’dreq kandidati do të jetë Shqipëria, kur një ligj mesjetar është më i fortë se Kodi Penal?

Maria sot nuk është thjeshtë një vajzë nuk jeton, ajo është simboli i shëmtisë sonë të përbashkët, është simboli i shtetit që nuk ekziston, është simboli i shoqërisë që struket në heshtjen dhe rehatinë e saj. Vajtimi i prindërve të Maries është sot një klithmë që nuk duhet lënë të shuhet, por duhet shndërruar në himn për kërkimin e drejtësisë. Ajo është një motiv që duhet të na bëjë të gjithëve të përgjegjshëm, për të dalë në rrugë e për të protestuar, jo më në emër të politikës, por në emër të jetës.

Forumi i Mendimit të Lirë, si organizatë që ka studiuar dhe dokumentuar familjat e ngujuara, shpreh indinjatën më të thellë për këtë krim të tmerrshëm dhe, pa asnjë ngurrim, ngre dorën dhe tregon me gisht si vrasës, jo gjaksin që fshihet pas ferrave si burracak, por shtetin që vazhdon të heshtë përballë kësaj maskarade.

[Ziti]

Nje gje dua te them per gjakmarrjen.
Asnje shqiptar nuk te bie ne qafe po nuk i re me qafe.
Ai qe i bie ne qafe i pari hallall e ka plumbin.
Shoqerite e organizuara kane ligjin qe percakton renien ne qafe, por ndonjehere ligjet jane shume te buta per te mposhtur dhimbjet.
Une e urrej renien me qafe. Jane disa lloje njerezish qe jane te destinuar "te jetojne" gjakmarrjen dhe kurre te mos harrojme temperamentin tone te pershkruar kaq eger por qarte ne nje fjali te vetme: Borxh pa lare e gjak pa marre nuk ka. Pse te fshehemi?- keta jemi. Jo femrat kurre ky eshte veprim jo-shqiptar.
Ngushellime per viktimat.

__________________________________________________ ________
Pranohen korrigjime ortografike.

po taksat pse i paguajme ne?
per policine, per shtetin, drejtesine, per te na mbrojtur.
ne qofte se te bien me qafe, thirr policine dhe zgjidhet problemi.
apo ju jeni kunder c`do lloj qeverrie.

[l-island]

Shum akt i tmerrshem,Thon qe nuk ka dhom qe nuk ka der ,edhe hak marrja ka der,por nuk ka njerz te sinqert,Ketyre rasteve nese ju lihet hapsir do te jetoin ne trevat tona po sa te jetoin dhe vet malet tona,duke i shiquar me syrin e but dhe fjal nxitese te njerzve te ligj ne vet i ushqeim keto dukuri,Nga mangesit tona per te i qendruar besnik drejtesi dhe mirsis ne dorzohemi para ketyre rasteve,duke e arsytuar veten si keto fenomene jan nga natyra e jon,nga gjaku i eger, nga Kanuni ...Jo vellezer Shqiptar fajtor ne krim nuk esht vetem fajtori por dhe ai qe mund te ndal krimin e i mbyll syt,njesoi sikurse Mjeku te i mbyll syt para pacientit,Pra kta njerz jan te semuar ne shoqeri dhe duhet nje menyr apo nje tjeter te ndalohen.Nje shembull te thjesht;a ishin me te njejtin gjak te eger keta vrases ne kohen e Enverit?,Qe ne te shumten e rasteve nga eproret e brigadave dhe te tjer lozeshin me nderin e grave te motrave te tyre dhe zgerdhiheshin si servil duke qe nuk po kuptonin,Ku ishte Kanuni ne kohen e Enverit?.pse keta kriminel nuk vran asnje pushtetar te partis qe i ju mur token dhe trashigimin qe e kan patur testament nga te paret e tyre,do me then po egzistoika medikament per kta kriminela qe zbrazin armen mbi vellain e vet.Por jan dhe disa njerz te pa pergaditur qe me gabimete tyre shtoin zjarr ne keto dukuri siq gjat transmetimit te lajmeve thoshte komentatori qe ky rast nuk kabaz me kanun,me keto fjal ai po e plot-fuqizon kanunin,kanuni nuk duhet te zen vend per pos ne muzeum sepse i takon kohes para pes shekujve... Pas ramjes se komunizmit ne SH.B.A.kan emigruar me mija shqiptar ku dhe njoh shum nga ta, 99% nga keta e zbatoin ligjin me shum perpikshmeri dhe as qe vjen ne shprehje hakmarrja ndaj as kujt,pra te njejtit njerz te ardhur nga ato vise ku hakmarrja esht ka perbin njerz por ketu nuk ka hapsir.
Un mendoi qe se pari duhet te nderroi mentalitati tek faktori njeri qe ta zbatoi ligjin,Te krijohen ligjet me te egerta per vrasesit kriminelt me xero toleranc,te organizohen sa intelektual qe ky grup te punoi me zemer te paster duk e qmuar lart doren e faljes dhe duke e pershkruar me ngjyra me te errta vrasesin,kshtu qe njerzit duhet ta fitoin nje nderdije qe trimeria esht te falish e jo te gadasish,pastaj ne keto trava te mbahen seminare fetare sa me shum qe njerzit te kuptoin qe ka Zot dhe cila esht rruga e verteta dhe jeta,Nga bugjetet e shtetit duhet te ndahen bugjete qe te hapen mini-fabrika, biznese te profileve te ndryshme qe njerzit te angazhohen fizikisht dhe mentalisht me punen,sepse puna ngrit standartin me ngritjen e standartit ngritet dhe mirqenja diponimi intelegjenca,dhe njerzit e krimeve filloin te mirren me progreset e jetes dhe zhvillimin,emancipimin e tyre dhe te familjes ne pergjithsi.

[mesuesi_1]

kjo nuk eshte gjakmarrje sic eshte duke u thene poshte e perpjete ..... gjaku "nuk merret" me grate dhe per me teper me vajza te vogla .....


.

[DYDRINAS]

Lamtumirë Maria, paç dritë Maria!

Alred Lela

Teknologjia e vrasjes punon sipas një mekanizmi i cili ofron pak sa i përket rrugëve për ta shpjeguar; ky mekanizëm vihet në lëvizje nga shtysa që, ndër shqiptarë, ka shembuj se aktivizohen më shpejt se ndër popuj të tjerë. Shqiptari e përcjell vdekjen me njëfarë logorie ngjethëse, pak pasi, pothuajse ngjitur me të, e ka pritur, madje ndjellë, me një shkujdesje së cilës nuk i gjendet shoqja.

Për këtë, përpjekja për të shpjeguar se ç’i shtyu tre burra, thellë në malet e Dukagjinit, të qesin kallash kundër një 17-vjeçareje të pafajshme dhe të hapin derën e mortit jo vetëm në shtëpinë e hasmit, por edhe të atyre shqiptarëve që i ka përgjunjur ashpërsia e këtij krimi, nuk mund të fillojë nga interpretimi i Kanunit.

Kanuni është i painterpretueshëm sa kohë në tre nyje të tij shpjegohet si më poshtë:

897. Me grani të dorërasit nuk ka punë shpija e të vramit, sepse “grueja e prifti nuk biejn në gjak.”

835. Prita do të fillojë pushkën mbë burra e jo mbë gra, fmi, mbë shpi e mbë bagti.

836. Po qiti pushkë prita mbë gra, fmi, a shpi a mbë bagti punon kundra Kanunit…

Tre meshkuj të familjes Prroj, të dyshuar nga policia si autorë të vrasjes së 17-vjeçares Marie Quku e 70-vjeçarit Kolë Quku, mbesë e gjysh, janë kështu ‘në gjak’ edhe me Kanunin. Ata, për të cituar nyun 836, duke qitë pushkë mbi gra punuan kundra Kanunit. Janë ‘në gjak’ edhe me shtetin. Vrasësi i babait të tyre, ai që në Kanun quhet dorasi, po kryen një dënim me burg për krimin e pafalshëm të kryer ndaj familjarit të tyre të dashur. Ata janë ‘në gjak’ me shoqërinë. Plumbat e tyre kanë këputur, në një moshë të pakëputshme nga asgjë, një vajzë 17-vjeçare. Nuk dihet ahti i sa nënave i ndjek duke u kërkuar hakmarrje, në gjumë a zgjuar qofshin.

Por do t’i ndjekë sidomos hija e brishtë e Marie Qukut, 17-vjeçares që vdiq me kokën ulur, ashtu siç e kishte mësuar jeta, të cilën ajo megjithatë duhet ta ketë dashur shumë.

Jeta e saj u ndez e u shkimb si një përzierje elementesh që vazhdojnë të lënë shenja në historinë e shqiptarit. Uji e formëson historinë, thonë. Kanë të drejtë. Për ca ujë të shmangur nisi sherri mes dy familjeve dhe ajo vijë uji e pafat u kthye në rrëke gjaku. Tek uji që u bë gjak e te gjaku që s’bahet ujë e kërkon më shumë gjak, fillon e mbaron edhe historia e jetës së Marie Qukut. Ajo nuk ka qenë personazh kryesor në gjithë këtë hulli gjaku. Ajo duhet të ishte jashtë gjithë kësaj bashkë me sytë e saj të mëdhenj. Sytë më të mëdhenj të imagjinueshëm.

Grueja e prifti nuk bien në gjak. Në fakt, Maria nuk vritej për gjak. Pa e njohur, pa e takuar kurrë, shqiptarët që ia kanë përcjellë portretin nëpërmjet gazetave e televizioneve janë identifikuar me 17-vjeçaren nga Dukagjini. Siç identifikohet gjithkush me të pafajshmin. Edhe kur vetë nuk është i tillë, por ravgon së brendshmi të jetë.

Nuk ka, sigurisht, ndonjë shpjegim për teknologjinë e vrasjes, as Kanunin e Lekë Dukagjinit, as vrasjen e para tri ditëve të ndodhur në Dukagjin. Të pashpjegueshëm janë edhe dy sytë e mëdhenj gjithë dritë që ndjekin sa vrasësit e sa ne të gjithëve. Të pafuqishëm për të thënë më shumë, mund të pëshpërisim përshpirtjen tonë dhe të lutemi për shpirtin e saj: Lamtumirë Maria! Paç dritë, Maria! Ave Maria.

MAPO Online

[BEHARI]

Te vritet nje vajze 17 vjecare ne lulen e saje te rinise aq me teper duke germuar ne toke per te mbijetuar eshte krim masaker!
qe shpirti i pa fajshem i asaj vajze te pushojne ne paqe,qe njerzite e afermt te asaj vajze te mjere te ndihen sado pak te qete,qe shoqeria shqiptare te ndihet sadopak e sigurte duhet qe gjaku i asaj vajze te pafajshme te mirret! lind pyetja si te mirret gjaku i vajzes...?shteti nepermjet ligjit duhet qe vrasesit e asaj vajze te denoheshin me varje mu ne mes te shkodres!ne te kundert gjakmarrja primitive do egzistoj per jete!turp per ata te cilet kthejn armen ne drejtim te fmive dhe grave!

[Izadora]

kjo nuk eshte gjakmarrje sic eshte duke u thene poshte e perpjete ..... gjaku "nuk merret" me grate dhe per me teper me vajza te vogla .....


.

E vertete sipas kanunit vetem tek meshkujt merret gjaku , por
kafsheve ju jane erresuar syte po na kthejn ne mesjete.


Ngushellime familjareve, nje vajze e re ne lule te moshes :-((

[maratonomak]

si per ironi te fatit , kete plage te tmershme te shoqerise shqiptare e permendi edhe kryetari i partise AK aleanca kuq e zi , gjate kongresit te pare nderkombetar te kesaj partie , duke theksuar midis te tjerave edhe faktin qe kriminaliteti dhe gjakmarja mund te fashiten nese vendosen ligje te rrepta dhe vihet ne zbatim denimi me vdekje ;



ka zgjidhje edhe per kete problem ; votoni AK

une do kthehem ne shqiperi vetem kur te jete ne pushtet AK.

ngushellime familjes se viktimave .