Sezoni turistik, baret dhe lokalet zhurme deri ne oren 23
Sonila Isaku
Baret dhe pubet pergjate te gjithe sezonit turistik veprimtarite e tyre gjate diteve te javes do te kene mundesi t'i zhvillojne nga ora 9 deri ne oren 23 ne perputhje me nivelin e lejuar te zhurmave dhe gjate fundjaves nga ora 19 deri ne oren 24. Ne rastet se ka kundershtime, do te jete policia qe do te nderhyje ne te gjitha diskotekat dhe lokalet qe gjate sezonit veror shkaktojne zhurme pertej orarit te caktuar. Te pakten keshtu eshte premtuar gjate nje takimi te Ministrise se Mjedisit Institutit te Shendetit Publik dhe Policise se Shtetit, ku u theksua se cdo veprim i kundraligjshem nga ana e lokaleve do te penalizohet menjehere pas konstatimit. "Te gjitha veprimet e kundraligjshme ne pergjithesi ne ato cfare kane te bejne me ndotjen akustike po dhe veprime te tjera qe kane te bejne me ndotjen e mjedisit, besoj qe nga ky dokument qe do te diskutojme sot eshte nje udhezues i perbashket qe vendos perballe detyrimeve ligjore jo vetem thjesht institucionet tona qendrore, por edhe institucionet ne varesi, te cilat jane shume te rendesishme per sa i perket zbatimit te ligjeve qe kane te bejne me mjedisin dhe ligjet tjera ne pergjithesi", - tha Alfred Deshati, Drejtor i Kontrolleve Mjedisore ne Ministrine e Mjedisit. Oraret do te monitorohen nga grupe te perbashketa ekspertesh nga Ministria e Mjedisit, Instituti i Shendetit Publik dhe Policia e Shtetit. "Krijimi i nje ambienti te perbashket ne zonat turistike dhe ne zonat urbane jane detyre paresore dhe ne si polici e shtetit marrim dhe azhurnojme ne menyre serioze per plotesimin e te gjitha detyrimeve dhe ne kuadrin e zbatimit te ligjit po dhe bashkerendimit te ngushte. Ka nje veprim te mirestudiuar, nje planveprim te sakte te policise se shtetit, vetem per sezonin turistik", - tha Ilia Nasi, Policia e Shtetit. Sipas udhezimit, ne mjediset e mbyllura veprimtaria te lejohet pa kufizime orari, duke respektuar nivelin e lejuar te zhurmes te percaktuar ne Udhezimin e perbashket nr. 8 date 27.11.2007 "Per nivelet kufi te zhurmave ne mjedise te caktuara" te Ministrit te Mjedisit, Pyjeve dhe Administrimit te Ujerave dhe Ministrit te Shendetesise. Nderkohe, strukturat pergjegjese te ketij te fundit, ne zbatim te kompetencave ligjore do te programoje dhe bashkerendojne punen me institucionet e tjera shteterore lidhur me ushtrimin e kontrolleve periodike per monitorimin e situates ne qendrat e banuara dhe zonat turistike e bregdetare, si dhe te inspektimeve verifikuese ne rastet e ankesave te komunitetit dhe ne rast te konstatimit te shkeljeve do te marrin vendimet dhe sanksionet administrative konform dispozitave ligjore ne fuqi.
Drejtoria e Kontrollit Mjedisor ne keta 5 muaj ka realizuar 3 mije inspektime ne drejtim te zhurmave dhe ndotjes nga mbeturinat. Gjithashtu jane vendosur edhe gjoba ne nje shume prej rreth 44 milione lekesh.
Detyrimet e institucioneve per punen ne terren:
1. Palet informojne reciprokisht njeri-tjetrin si ne nivel qendror dhe ne ate vendor per situaten dhe problematiket qe mund te lindin gjate procesit te monitorimit, me qellim mbarevajtjen dhe zbatimin e masave gjate sezonit veror, problemet e dala, veshtiresite e hasura dhe percaktojne detyra per periudhen e mepasshme.
2. Te hartojne e miratojne Plane - Veprimi te perbashketa, qe do te kryhen nga palet per marrjen dhe bashkerendimin e masave per monitorimin dhe kontrollin e nivelit te zhurmave ne qendrat urbane, turistike dhe bregdetare.
3. Strukturat perkatese te te tre paleve, te planifikojne dhe organizojne takime pune per evidentimin e problemeve dhe shqetesimeve qe kane te bejne me monitorimin dhe kontrollin e nivelit te zhurmave ne qendrat urbane, turistike dhe bregdetare.
4. Per shmangien e problemeve dhe shqetesimeve midis paleve, duhet te bejne te gjitha perpjekjet per te ruajtur marredheniet qytetare, korrekte dhe te bazuara ne aktet ligjore e nenligjore ne fuqi.
5. Do te ushtroje kontroll te vazhdueshem ndaj veprimtarive ndotese, per te siguruar mbrojtjen e mjedisit nepermjet zbatimit te legjislacionit mjedisor dhe kerkesave te vena ne lejen mjedisore.
6. Urdheron masa te detyrueshme per zbatim per permiresimin e gjendjes se mjedisit, per pakesimin e ndotjes dhe te demtimit te mjedisit;
7. Vendos sanksione, sipas ketij ligji dhe akteve te tjera ligjore qe mbrojne perberes te vecante te mjedisit;
Komentet e juaja
KJ
Pėrgjigju Duke Cituar
Postuar mė parė nga V.I.P Member
Krijoni Kontakt