Pyetje dhe Përgjigjje me Shejkh Abdus Selam Es Suhejmi (All-llahu e ruajt)

[Thirrje Islame]

Pyetje dhe Përgjigjje me Shejkh Abdus Selam Es Suhejmi (All-llahu e ruajt)

http://www.youtube.com/watch?feature...&v=BOxQWJSxyHE

Ju nuk duhet të jini të kënaqur me pak dituri, ju duhet të kërkoni atë, derisa ju takoni All-llahun!

Sepse kjo është rruga për Xhennet!

''Kushdo që ndjek një rrugë për të fituar dituri, atij All-llahu (subhanehu ue te'ala) do t'ia lehtëson rrugën për Xhennet.''

Dhe mjerë për ty, nëse e kërkon atë për mburrje, garimi, syefaqësi, vetëpëlqimi, dashuri për famë dhe çdo gjë që i ngjan.

Për shkak se ajo shkatërron diturin tëndë!

Njeriu është i ditur, për aq kohë sa ai kërkon dituri. Por nëse ai mendon, se ai është i ditur, ai është injorantë!


Pyetje: Thotë All-llahu u shpërbleftë: A keni ndonjë këshill të veçantë në lidhje me gratë që kërkojn dituri?

Shejkh es-Suhejmi: I këshilloj motrat besimtare në mund dhe përpjekje në arritjen e diturisë dhe shpërndarja pasi ato të jenë të sigurta për atë që ato kanë marrë, dhe mundim dhe përpjekje në përfitim të dijetarëve të nderuar, emrat e të cilëve i kam përmendur.

Shumë gra janë larg prej vendeve të dijes dhe kështu ato joshen nga disa pretendues të dijes apo nga disa të cilët japin gjykime pa dituri, ose disa prej tyre që ua lejojn atyre atë që është e ndaluar. Dhe unë i them motrave besimtare: Çfarë do të thuash nesër?

Nëse ju bëni sipas asaj që japin fetua disa. A do të thuash filani më ka dhënë këtë fetua (më ka dhënë këtë gjykim)? Dhe kush të ka thënë ty se filani ishte një dijetarë nga dijetarët?

Filani mendjelehtë, që nuk është i njohur ndryshe vetëm si njeri që përzihet me gra dhe qëndron me to. Dhe vuan për të drejtat e tyre ashtu siç gjoja ai pretendon. Të drejtat e tyre i përkasin Islamit, fe të cilen All-llahu nuk pranon tjetër pos saj.

Motër besimtare! Ti je e vlerësuar dhe e nderuar në fenë e All-llahut , vërtet All-llahu të ka nderuar, dhe kujdes mos e nënçmo veten duke u bërë viktim nga thirrësit e së keqes, thirrësit e devijuar dhe thirrësit e përzierjes së gjinive. Dhe nga thirrësit se gjoja pretendojn të drejtat e grave, të cilët dëshirojnë që ajo të dalë nga feja e saj. Dhe ata duan, ju të jeni një lodër për ta, kështu që ata mund të zbaviten me ty dhe pastaj ju hedh larg si plehra.

Islami është i cili ju ka vlerësuar dhe nderuar juve dhe është marrë me ju. Atëherë mbahu fort në fenë tuaj motër besimtare! Dhe dëgjo këtë lajm të mirë nga i Dërguari i All-llahut (sal'Allahu alejhi ue selem): ''Nëse gruaja i fal 5 kohët e namazit dhe agjeron muajin e saj dhe ruan nderin e saj dhe i bindet burrit të saj, ajo do të hy në Xhennet, nga gjitha tetë dyert që ajo dëshiron.'' Po!


Pyetje: All-llahu u begatoftë me të mira, një pyetje nga interneti, cili është gjykimi mbi studimin e përzier në Universitet, që ne përballemi në vendet tona (islame)?

Shejkh es-Suhejmi: Unë nuk e shoh si të lejuar për të studiuar atu, nxënësi i dijes duhet gjithmonë të kërkojë sigurinë dhe të kërkojë rrugën e sigurisë.


Pyetje: Një motër pyetë: Unë dua t'i mësoj fëmijet e mi, në mënyrë që ata të bëhen dijetarë me lejen e All-llahut, dhe ata janë 4, 5 dhe 6 vjeç. Kur duhet të filloj me ta dhe cila është këshilla juaj për këtë?

Shejkh es-Suhejmi: Këshillat e mëparshme që ne i përmendem disa prej tyre, duke pas në konsiderat mbrojtjen dhe ruajtjen e tyre nga disa programe të rrezikshme, të cilat shfaqen nga disa programe televizive.


Pyetje: Thotë All-llahu u shpërbleftë me të mira, me cilat libra duhet të filloj nxënësi i dijes. Nga fillimi i studimeve të tij deri të librat bazë?

Shejkh es-Suhejmi: Le të filloj me librin e All-llahut, sepse është libri më madhorë dhe më i zgjedhur, dhe ai duhet të mësojë përmendsh nga ai, çfarë ai arrin dhe pastaj të mendoj mbi të dhe të ndjej atë dhe të kuptoj atë me kuptimin e Selefu-Salih.

Pastaj nëse ai e arrin le t'i mësoj përmendsh 40 hadithe nga Neveviu dhe disa tekste të tjera si 'Al Bejunijah' ose 'Kitab min Atib el Minah fi'Ilm Al Mustallah'. Dhe ai duhet të vazhdoj me 'Mulahas Al Fikh' të Shejkhut tonë Salih el-Feuzan, All-llahu e ruajt. Dhe ai duhet të filloj me librin 'Usul Thalatha' dhe 'Kitab et-Teuhid', pastaj të mësoj librat bazë nga dijetarët e mirëfilltë.


Pyetje: Thotë Allahu u begatoftë me të mira: Cila është këshilla juaj rreth asaj që është përhapur ndërmjet nxënësve të dijes, duke bërë ofendime, apo duke bërë bidatçi njëri tjetrin, për shkak të ndonjë gjëje të dyshimtë, që i ndodh menduesit tjetër.

Shejkh es-Suhejmi: Unë kam theksuar këtë në këshillat e mia, dhe unë them se nxënësi i dijes duhet të këtë frikë All-llahun dhe se ai nuk duhet të nxitoj në Tebdi (ta bëjë bidatçi) vëllain e tij ose Tefsik apo Tekfir mbi ta.

Ai duhet ta ruaj gjuhen e tij, këto gjëra tua lë dijetarëve të medhëjn. Ata janë ata të cilët trajtojnë këto gjëra. Por ajo që është presente në disa vende, ku nuk ka dijetarë, është se ata bëjn njëri-tjetrin bidatçi ngase ata janë nxënës të vogël të dijes.

Dhe ndoshta nuk janë nxënës të dijes, ata i shmangen njëri-tjetrin, polemizojn për disa gjëra të imta, pa ju kthyer dijetarëve të mirëfillt. Kështu ata gjykojnë kundër njërit apo tjetrit, apo ata gjykojnë madje kundër disa nxënësve të mëdhenjë të dijes me Irxha, Tebdi apo Tefsik etj. Kështu ne ua përkujtojm këtyre njerëzëve, se ata po hyjnë në një rrezik dhe se ata duhet të mbajnë përgjegjësi për çdo gjë, çfarë del nga gjuha e tyre.


Pyetje: Thotë Allahu u dashtë të mira: Unë jetoj në një vend në Evrop dhe unë dua të emigroj tek një vend islamik. Çfarë më këshilloni në lidhje me emigrimin tim në vendin tim ose në një vend tjetër.

Shejkh es-Suhejmi: Nëse ju keni gjetur një rrugë për këtë, është më mirë në vend islamik, përkundër kundërshtimeve që mund të hasni atje, është më mirë se në një vend të Perëndimit.


Pyetje: Siç e ceket edhe ju, nxënësi i dijes duhet të luftojë nefsin e tij në pastrimin e njetit, por unë nuk e di si mund të përmirsojë qëllimin tim, pra si duhet të jetë kjo?

Shejkh es-Suhejmi: Largoje vetën nga mashtrimi që mund t'ju çojë në humbje dhe mund të ngurtësoj zemrën tuaj dhe lexoni Kur'anin fisnik dhe lexoni hadithet e Profetit dhe lexoni libra të inkurajimit, dhe kërcënimit dhe largojeni vetën nga librat e shpikur dhe të dobët. Dhe qëndroni me nxënësit e arsimuar të dijes që ju sjellin dobi.

''Shembulli i shokut të mir dhe shokut të keqë është si shembulli i atij që bartë parfume dhe farkëtarit. Sa i përket të parfumosurit, ose bleni diçka nga ai, ose ai do t'ju jep diçka, ose ju do të përceptoni (nuhatni) aromën. Sa i përket farkëtarit, ose ai ju djeg rrobat, ose do të përceptoni (nuhanti) një aromë të pakëndshme nga ai.''

Dhe mos u bëjë i ashpër në mënyre që ta dëmtosh vetën, vetëm shpenzo shumë në marrjen e diturisë, orë për orë! Dhe largoje vetën nga ndikimet e jashtme të ndaluara, apo të urryera që mund ta ngurtësojn zemrën.


Pyetje: All-llahu u dashtë të mira: dëshirojm nga ju një këshill për disa nxënës të dijes, të cilët nuk dhajn selam dhe tregojnë ashpërsi nga pamja e jashtme.

Shejkh es-Suhejmi: Kjo është një shfaqje e rrezikshme dhe kjo gjindet më se shumti të Hauarixhët dhe Tekfirsat, ose tek të paditurit, kur dikush e sheh dikënd se ka mangësi në fe, ata e shikojn atë me vrazhdësi dhe ashpërsi, ky është një gabim.

Ju duhet të jeni të lehtë me atë dhe të fitoj dashurin e tij. Po, mos merr pjesë në atë çfarë ai vepron por ju duhet të duani me të miren për të dhe ju duhet të përpjekni për t'i dhënë atij një këshill.

Dhe ju duhet të bëni atë të ndjejë, që ju po i jepni atij një këshill nga dashuria jote e vërtet dhe dashuria për të miren e tij. Dhe i Dërguari (sal'Allahu alejhi ue selem) ka thënë: ''Mos i nënvlerësoni veprat e mira, edhe nëse e takon vëllaun tëndë me një buzëqeshje.''


Pyetje: Thotë Allahu u dhasht të mira: unë dëshmoj në All-llah, se ju dua për hir të All-llahut! Cili është qëndrimi i nxënësit të dijes në çështjet që ka mospajtime si në fikh dhe ngjashëm?

Shejkh es-Suhejmi: Bënë zgjedhje duke ua lënë dijetarëve të njohur, të cilët unë i kam përshkruar. Dhe nëse ai i di disa detaje, dhe ka pak dituri mund t'i drejtohet rregullave të dijetarëve, nuk ka gjë të keqe, që ai të gjykon ndërmjet argumenteve të dijetarëve në çështjet e Fikhut.

E merr atë e cila është më e fortë në argument. Por nëse ai është në fillim, ai duhet të kthehet të dijetarët, në të gjitha çështjet e vogla dhe të mëdha. Dhe sa i përket gjërave të mëdha, pa marrë parasysh edhe nëse ai është njëri nga nxënësit e mëdhenjë dhe të fortë të dijes, duhet të shkojë të ata që kanë më shum dituri se ai.


Pyetje: Thotë Allahu u begatoftë me të mira: disa nxënës të dijes thonë se namazi pas atij që kërkon ndihm prej dikujt tjetër pos Allahut, është i vleshëm. A është e vërtet kjo?

Shejkh es-Suhejmi: Kurrë, kjo thënie është humbje, askush nga nxënësit e dijes nuk e ka thënë këtë dhe ju thoni se nxënësit e dijes ka thënë diçka të tillë. Nuk është e mundur, që një nxënës i dijes të thotë diçka të tillë, as të ndonjë dijetarë e as të ndonjë nxënës.

Kushdo që thërret në ndihm krahas All-llahut, në një çështje ku vetëm All-llahu ka fuqin për të, ai është një Mushrik. Dhe namazi i tij nuk është i vleshëm dhe së fundi namazi i atyre që falen pas tij gjithashtu është i pavleshëm. Dhe ka një rregull të dijetarët, se namazi i të cilit është i vleshëm për vetën e tij, është i vleshëm edhe për ata që falen pas tij.

Edhe nëse ai ka mangësi në fe por tek ai nuk ka Shirk ose Kufër apo ndonjë devijim nga feja, kështu namazi pas tij është i vleshëm. Në përputhje me kërkim urgjente për njerëzit e frikës së Zotit dhe të mirës (për të udhëhequr namazin).

Por të thuhet, se namazi nga ai i cili thërret varre dhe kërkon ndihm nga to të jetë i vleshëm, këtë nuk e thotë një musliman e lëre më një nxënës i dijes.


Pyetje: Pyetësi i njëjtë thotë: Dhe nëse nuk është i vleshëm, unë jam falur 2 vjet pas dikujt, i cili krahas All-llahut ka thirrë të tjerë në ndihm.

Shejkh es-Suhejmi: Nëse nuk e keni ditur gjendjen e tyre apo ishin të paqartë, ju nuk jeni i obliguar të përsëritni (namazin). Por nëse e keni ditur gjendjen e tyre, që ata janë thirrës të Shirkut, unë ju këshilloj tek Shejkhu jonë Abdul'Muhsin el-Abbad el-Bedr dhe shtroja atij këto gjëra, apo Myftiut të nderuar.


Pyetje: All-llahu u begatoftë me të mira: a dallojn dy xhamit e shenjta fisnike nga xhamit e tjera, sidomos kur ecin para namazlive?

Shejkh es-Suhejmi: Sa i përket dallimit në adhurim, dhe kjo përmban, se namazi në Mekkë është 100.000 herë më shum dhe namazi në Medine është 1.000 herë më shum. Por që atje të këtë një dallim në ecjen para namazlive, kjo është e nevojshme të shikohet sipas nevojes .

Nëse kjo është në dy xhamitë e shenjta fisnike apo dikun tjetër, nëse ai që ec para është urgjent, shpresoj se ai është i justifikuar ''frikësojuni All-llahut aq sa mundeni''. Dhe nëse nuk është urgjent, shtyje atë dhe mos e lejo të kaloj para teje (në namaz).


Përktheu: Seladin Musa
Kontrolloi: Hajrullah Musa