Presidenti, tërhiqet Artan Hoxha, mazhoranca propozon Bujar Nishanin

[Mike Oldfield]

Scion,

çe ke Artanin qe i del kaq zot??

.......


Fakti qe Artani u terhoq, tregon se i ka 2 pare mend...


.

Po normal qe i ka dy pare mend se po mos ti kishte pas do te kishte shkuar me keq puna. Bravo Artanit per kurajon e gjetur pas shume vite demokracie.

[Mike Oldfield]

Ajo qe ti e kompani nuk kuptoni eshte qe ne keto 20 vjet pluralizem e demokraci, ajo katgeoria e njerezve qe i sherbyen atij rregjimi ne forma nga me te ndryshmet, kane patur mundesine ne liri te plote te bejne dy gjera:..........

Albo

Po pranaj mi paske eliminu postimet e mia per artanin e anal-istit se te paska ardhe keq per te. Mos e ke gjo familjar? Jo per na i gjo po si shume me zell e ke mor ket punen e artan "presidentit".

[Mike Oldfield]

Pastaj, me thuaj ti ne je i sigurt qe dhe babi yt nuk ka nje dosje te bardhe tek Sigurimi? :P

ti duhet ta dish mire ket pune se ke punu ene ke "gjethi" si i themi ne m'Tirone.

[Albo]

Hoxha: Pashë dokumentet, Sigurimi më largoi si inaktiv një vit pasi e refuzova

VIJON | Pjesa e dytë/ 21 Qershor 2012 |

Kandidatit për President tregon për herë të parë jetën e tij.

“Takimi me operativin e Sigurimit kur isha në gjimnaz në vitin 1981, refuzimi për të bashkëpunuar dhe jeta në diktaturë”

Artan Hoxha: Babai ishte dënuar për agjitacion në kampin e Maliqit.

“Si fitova të drejtën e studimit, pasi punova dy vite tornitor”

VIII. RËNIA E REGJIMIT
U vendosa për herë të parë në Qytetin Studenti. Koha punonte kundra regjimit dhe në favorin tim. Qyteti Studenti ziente. Tirana përreth përgatitej për diçka. Kudo lëvizje. Vendosa të lëviz. Me një grup të ngushtë shokësh hodhëm idenë e krijimit të një organizate, me qëllim e përmbajtje shkencore në formë, me synime politike në thelb. Synime në fillim ende të ndrojtura e gradualisht gjithnjë e më të guximshme. Në ato javë intensive të tetorit e nëntorit u njoha me shumë pedagogë të rinj dhe pasuniversitarë që jetonin në Qytetin Studenti, kryesisht në atë që quhej godina e pedagogëve. Lëvizja po na bashkonte. Një pjesë e madhe e tyre u bënë protagonistë të lëvizjes studentore e të Partisë Demokratike.
Gjatë nëntorit, me miqtë nismëtarë, ndërmorëm disa takime edhe me personalitete të njohura të kohës për të diskutuar denë e shoqatës. Një nga takimet ishte edhe ai me profesor Hamid Beqja. Rasti e kish dhënë që unë të kisha shoqëri me Adën, një vajzë nga Durrësi që ishte fejuar me djalin e profesorit, Ilir Beqjen, sot deputet i Partisë Socialiste. Takimi u bë në një nga ditët e festave të nëntorit, në shtëpinë e profesorit. Unë dhe miqtë e mi i prezantuam idenë. Mbante era politikë. Profesori e kuptoi qartë. Ndonëse na mbështeste, këshilla e tij, si e një plaku të urtë, ishte që ta shtynim krijimin e shoqatës pasi të kryheshin zgjedhjet e përcaktuara në shkurt të 1991-shit, të ashtuquajtura pluraliste sipas Ramiz Alisë, ndryshe do t’ju paragjykojnë. Nuk e tha, por nënkuptoi këtë të fundit. U ndamë miqësisht me profesorin, por vazhduam rrugën tonë. Në ditën kur përfaqësia e studentëve do të takonte Ramiz Alinë, u takova përsëri me profesor Beqen, ndërsa edhe ai po i ngjitej “malores” në hyrje të Qytetit Studenti. Revolta dhe forca studentore ishte një magnet i parezistueshëm. U përshëndetëm përzemërsisht.
Më 14 dhjetor, në një mbledhje urgjente në një nga godinat e Qytetit Studenti, Eduard Selami, në emër të Grupit Nismëtar të PD së sapoformuar, kërkoi që secili të shkonte në rrethet a qytetet e lindjes për të nisur themelimin e degëve të PD. Të nesërmen shkova në Durrës dhe nuk iu ktheva më studimeve në Fakultetin e Gjeologji-Minierave.
Jeta mori tjetër drejtim. Në pak ditë, bashkë me një grup burrash me emër e kurajozë, themeluam degën e PD-së së Durrësit. Ditët e fundit të dhjetorit ishin të vështira, por gjithçka u lehtësua pas mitingut të paparë më 3 janar 1991, ku mori pjesë masivisht qytetaria durrsake. Durrësi ishte kundra regjimit. I këtillë kish qenë me kohë. Ai qytet, që konsiderohej problematik për mungesën e entuziazmit në aktivitetet masive politike gjatë regjimit, tregoi një entuziazëm, mobilizim dhe civilizim që në mitingun e parë ku pata rastin të mbaj fjalimin hapës. Rindjeva mbështetjen e qytetit. E doja. Më donte. Në zgjedhjet e 31 marsit 1991 fituam bindshëm në shumicën dërrmuese të zonave elektorale të rrethit dhe humbëm vetëm njërën prej tyre.
Durrësi, si edhe disa qytete të tjera kryesore, me Tiranën në radhë të parë, nuk e pranuan dot rezultatin. Lëvizjet masive qytetase, politike e sindikaliste diktuan rrëzimin e qeverisë Nano të zgjedhur nga Kuvendi me shumicë dërrmuese të deputetëve të PPSH dhe i hapën rrugë zhvillimeve demokratike më të shpejta. U krijua Qeveria e Stabilitetit dhe u vendos që zgjedhjet të kryheshin pas një viti. Ngjarjet rrodhën; vizita e Bejker; rënia e qeverisë në dhjetor; kryerja e zgjedhjeve më 22 mars 1992. Në Durrës fituam thellë dhe gjerë. Asnjë zonë elektorale e humbur. Rezultatet në qytet ishin afro 80% në favor të PD dhe aleatëve të saj.

IX. KOHERENCA AFATGJATË DHE DISA NGA AKUZAT E LAPANGJOZËVE
Në shtator 1991 u zgjodha kryetar i Degës PD të Durrësit nga konferenca e parë e kësaj dege e, njëherazi, anëtar i Këshillit Kombëtar të PD. Qoftë në zgjedhjet e 31 marsit 1991 dhe në ato të 22 marsit 1992, nuk pranova të kandidoja për deputet. Ndërsa merresha me organizimin e zgjedhjeve, kisha ndjesinë qe unë vetë nuk duhej të përfshihesha për të evituar çdo konflikt aparent interesi. Një arsye edhe më e fortë ishte se dëshiroja, në rastin më të parë, të vazhdoja studimet pasuniversitare jashtë vendit. Gjithsesi, propozimi i Sali Berishës për t’u bërë ministër i Tregtisë dhe Bashkëpunimit Ekonomik me Jashtë, m’u duk tërheqës pasi e mendova si mundësi për të zhvilluar reforma ekonomike e për të cilat kisha filluar të studioja me kohë. Tek e fundit, detyrën e ministrit nuk e mendoja detyrimisht katërvjeçare si ajo e deputetit. Propozimi im në detyrën e ministrit u mirëprit nga Kryesia e PD. Bëri ca përshtypje në publik mosha ime e re, kur sapo i kisha kaluar 27 vitet, por kaloi shpejt dhe shihej megjithatë me shumë më simpati sesa me dyshim.
Nga këtu ngjarjet janë mjaft më të njohura, ndaj nuk po zgjatem. Unë qëndrova rreth 18 muaj në detyrën e ministrit dhe vetëm 1,5 muaj në detyrën e drejtorit të Agjencisë së Privatizimeve. Ato ishin kohë keqkuptimesh të mëdha, analizën e të cilave e kam bërë me kohë. Qeverisja e vendit po bëhej në mënyra gjithnjë e më të papërputhshme me idetë e mia dhe që nga janari 1994 shkëputa lidhjet me çdo strukturë të PD-së e ndoqa rrugën time.
Pas disa muajsh pa ndonjë angazhim konkret, në korrik 1994 shkova për studime pasuniversitare Master ne Ekonomiksin e Energjisë dhe Mjedisit në shkollën “Enrico Mattei” të Grupit Eni në Milano. Shkolla u jepte mundësi studimi të rinjve nga e gjithë bota. Ishte një vit produktiv e i dobishëm. Iu riktheva jetës studentore me plot kënaqësi, moskokëçarje, por edhe plot sfida. Studiova me metodë e sistem Shkencat Ekonomike, që deri në atë moment i kisha studiuar vetë. U ktheva në Shqipëri në gusht 1995.
Një nga shpifjet e lapangjozëve që vazhdon e qarkullon edhe sot e kësaj dite, është ajo që jam arratisur me skaf a gomone nga frika e arrestimit. Hetimi i çështjes që njihet me termin “druri i arrës” përmes së cilës u akuzuan tre ish-ministra, unë, Genc Ruli dhe Rexhep Uka, u hap pas referendumit të nëntorit 1994 dhe u mbyll në mars 1995 pas rrëzimit të kërkesës për heqjen e imunitetit të deputetëve Ruli dhe Uka, kundra së cilës votuan shumica e demokratëve dhe socialistëve bashkë. Vetë këto data rrëzojnë shpifjen e arratisjes, ndërsa lidhur me çështjen ajo u komentua nga vëzhguesit më objektivë të kohës si një proces politik dhe jo si një proces gjyqësor.
Me kthimin në Shqipëri, ndërsa fillova aktivitete studimore dhe konsulencë, rivendosa kontaktet politike, tashmë me segmentet e politikës në opozitë me qeverisjen demokratike. Veprimtaria ime politike u rrit pas zgjedhjeve të dështuara të majit 1996 dhe veçanërisht gjatë krizës së piramidave dhe kolapsit të shtetit në mars 1997. Qëndrimi im politik ka qenë në opozitë me ekstremizmin demokratik që vazhdoi deri nga fundi i vitit 2001 dhe kam bashkëpunuar me qeveritë socialiste për kryerjen e reformave të asaj kohe, veçanërisht ato që lidheshin me forcimin e shtetit. Nga fillimi i vitit 2002 politika shqiptare filloi normalizimin dhe unë fillova gradualisht të inkurajoj e mbështes konstruktivizmin opozitar, derisa në janar 2004 dhashë dorëheqjen edhe nga këshilltar i jashtëm i kryeministrit Nano dhe fillova mbështetjen e plotë të demokratëve për një rrotacion të shëndetshëm pushteti, që ndodhi në 2005.
Gjatë 2005-2009 unë kam pasur shumë pak aktivitet mediatik. Angazhimet e mia ishin thelbësisht të lidhura me reformat. Pranë zgjedhjeve 2009 komentova disa herë sondazhet, kryesisht ato të Zogby të porositura nga Top Channel. Në komentet e mia të atyre kohëve kam qenë mjaft analitik dhe shumë pak preferencial. Qeverisja kishte kryer disa detyra të mëdha, opozita sillej konstruktivisht. Politika më se normale ishte e shëndetshme për vendin. Ndërkaq, teoria e politikës së vjetër e të re, programi inekzistent socialist dhe konflikti me LSI do të ishin objekti i analizës sime por, tek e fundit, këto nuk ishin kritika ndaj PS, të paktën sipas meje, por thjesht analiza e fakteve që më çonin në përfundimin se shanset për fitore i buzëqeshnin aleancës së gjerë të demokratëve, siç edhe ndodhi.
Përfshirja ime në debatin politik përmes studiove televizive dhe shkrimeve në shtypin e përditshëm erdhi e u rrit në proporcion me ekstremizmin e politikës pas zgjedhjeve 2009. Ne një nga shkrimet e para të miat në gazetën “Shqip”, në nëntor 2009, me titullin “Paqja pa luftë apo lufta për paqe”, analizova zhvillimet nga këndvështrimi i një pale të tretë, asaj që unë shpesh e përkufizoj si të këtillë që “nuk ushqen dashuri dhe/ose urrejtje” për një nga palët politike në fjalë. E vetmja zgjidhje që përkonte me interesin e palës së tretë dhe atë publik njëkohësisht ishte angazhimi i Gjykatës Kushtetuese në shqyrtimin e kushtetutshmërisë së hetimit parlamentar, pozicion ky që u adoptua nga demokratët vetëm pas disa muajsh, por që nuk u pranua asnjëherë nga socialistët. Një pozicion të këtillë këndvështrimi të analizave të mia nga një palë e tretë jam përpjekur ta mbaj në çështjet kryesore të diskutuara në këto 3 vite konfliktuale politike.
Unë i kam bërë vetë zgjedhjet e mia edhe në këto tri vite të ashpra, duke i qëndruar koherent vetvetes në këto 20 vite. Sa për ilustrim, ndërsa kam qenë kritik për ekstremizmin demokratik në vitet 1998-2001, kur demokratët kishin mijëra arsye të pretendonin dhunë mbi opozitën dhe manipulime të zgjedhjeve, s’kish se si të mos isha kundra ekstremizmit opozitar socialist pas zgjedhjeve 2009, ndërkohë që socialistët s’kishin asnjë fakt mbi manipulimin e zgjedhjeve e nxorën teorinë e pakuptimtë e lehtësisht te rrëzueshme të vjedhjes së të paktën 75 mijë votave nga një ushtri e padukshme demokratësh manipulatorë.
Unë kam qenë kritik ndaj sulmit të dhunshëm të demokratëve më 14 shtator 1998, që erdhi pas vrasjes së deputetit Hajdari, hero i lëvizjeve demokratike dhe lider i PD e po kështu kam qenë kritik edhe për largimin e kryeministrit Nano dhe dorëzimin e shtetit në duart e dhunës. Ndaj, s’kish se si të mos isha kritik, në fakt duhej dhe isha proporcionalisht edhe më shumë kritik me demonstratën e organizuar qëllimshëm të ishte e dhunshme më 21 janar 2011 të socialistëve dhe s’kish si të mos vlerësoja qëndresën e strukturave në mbrojtje të institucioneve e të Kryeministrit në detyrë e në godinë. Kam thënë e kam shkruar se demokratët u gjakosën, pa sulmuan Kryeministrinë në 14 shtator 1998. Socialistët sulmuan, pa u gjakosën më 21 janar 2011. Mua më duket gjithashtu se ka një ndryshim të madh në lidhjen shkak-pasojë, ndaj jo vetëm kam ruajtur koherencën në qëndrimin kritik ndaj atij që kryen ekstremizëm, por kam qenë edhe proporcional në kritiken time bazuar në lidhjen shkak-pasojë. Hetimet i takojnë sistemit të Drejtësisë, analizës politike i takon të analizojë faktet dhe të nxjerrë konkluzionet duke i qëndruar besnik vetvetes ndër vite dhe jo duke e dredhur sipas rastit. Për të njëjtat ngjarje e fenomene duhet përdorur një peshë e një metër, pavarësisht distancës në kohë.
Edhe lidhur me çështjen e votave në kutinë e gabuar, që në rastin më të parë kam arritur në përfundimin se çështja e vetme që ia vlente të shqyrtohej ishte ajo e vlefshmërisë së votës së hedhur në kutinë tjetër. Përgjigjen për këtë e japin më së miri parimet dhe angazhimet tona ndaj OSBE/ODHIR, ndryshe të njohura si standardet zgjedhore. Vota në kutinë tjetër, vetëm dhe vetëm për këtë shkak, s’ka se si të mos jetë e vlefshme. Për rrjedhojë, çdo pretendim lidhur me procedurën ishte i pakuptimtë pasi, nëse biem dakord për parimin e vlefshmërisë së votës, si me njërën procedurë ashtu edhe me tjetrën do të arrinim në të njëjtin përfundim në favor të Lulzim Bashës. Po aq bajate në historinë e zgjedhjeve të 8 majit 2011 ishte edhe ajo e manipulimit të rreth 10 mijë votave natën në Tiranë e me të njëjtin mekanizëm si ato 75 mijë votat në 2009 në gjithë Shqipërinë, siç shkruante Edi Rama në “Kurban” disa muaj më vonë, ndërkohë që më 9 maj, duke parë kutitë e para projektonte një avantazh prej rreth 10 mijë votash dhe e quante të pathyeshme ushtrinë e komisionerëve socialistë.
Qëndrimet e mia kanë rënë ndesh me pozicionet ekstreme të opozitës socialiste sot, e asaj ekstreme demokrate vite më parë. Asnjëherë nuk kam ngurruar të mbështes qëndrimet konstruktive qofshin opozitare, apo maxhoritare. Në një hark kohor më të gjerë kam kaluar nga qeveria në opozitë dhe anasjelltas e disa herë sipas bindjeve të mia. Gjithnjë kundër ekstremizmit.
Pozicionet e mia në raport me politikën nuk kanë pasur lidhje me asnjë interes financiar. Kur mbështeta dhe inkurajova konstruktivizmin opozitar demokratik që nga viti 2002, kjo s’kish si të përputhej me interesat e mi ekonomikë e financiarë, aq më shumë kur lashë pozicionin e këshilltarit të kryeministrit që në janar 2004 dhe i dedikova mjaft kohë e mbështetje rrotacionit politik. Se ç’interes financiar do të kisha me këtë lëvizje, veç lapangjozët mund ta marrin me mend.
Pozicioni im i katër viteve të fundit është argumentuar nga disa lapangjozë të radhës me akuzën se kam marrë si kundërshpërblim miliona euro projekte nga ky regjim fashist e i korruptuar. E vërteta është krejtësisht e kundërta. Të ardhurat vjetore të Institutit të Studimeve Bashkëkohore (ISB) arritën pikun në vitin 2007, si rezultat i kombinimit të disa projekteve të fituara shumica para se demokratët të vinin në pushtet, e që nga viti 2008 e deri në fund të 2011, të ardhurat vjetore kanë rënë në pikiatë dhe janë sot disa herë më të ulëta se 5 vite më parë. Edhe aktiviteti i Tirana Business University, në vitin e dytë të tij akademik është ende në fazën e investimit dhe pra të ardhurat janë më të ulëta se shpenzimet operative dhe kapitale, ndonëse në vitin e dytë shkalla e humbjeve është zvogëluar. E gjithë akuza lapangjoze e interesit financiar kundër shërbimeve ndaj regjimit është një sajesë që rrëzohet lehtë me shifra.
Një tjetër akuzë e lapangjozëve është ajo që shërbimet e mia ndaj regjimit fashist të Berishës, i mbajtur me patericën e Metës, janë bërë për arsye të dëshirës sime për karrierë politike. E vërteta është krejtësisht e kundërta. Në këto vitet e fundit të aktivitetit më intensiv mediatik, unë kam dhënë dorëheqjen edhe nga ato dy angazhime të pjesshme shtetërore që kisha para disa vitesh, njëri në Këshillin Mbikëqyrës të KESH e tjetri në Këshillin e Administrimit të UT. Edhe një tjetër fakt ilustrues: ndërsa isha anëtar i Këshillit Mbikëqyrës të Bursës së Tiranës, nga 2002-shi me t’u emëruar në Këshillin Mbikëqyrës të KESH, dhashë dorëheqjen nga ai i Bursës, ndonëse edhe vendimi tepër kufizues i qeverisë Berisha lejonte pjesëmarrjen deri në dy borde. Po kështu i jam përgjigjur negativisht ftesave serioze të Sali Berishës në gjithë këto vite për pozicione të ndryshme shtetërore. I vetmi pranim, në instancë të fundit, për shkak të rrethanave të krijuara papritmas, e si shprehje e ndjenjës së detyrës ndaj shtetit, aq më shumë në kurriz të projekteve e jetës sime private, ishte kandidimi për Presidentin e Republikës, kandidim nga i cili u tërhoqa sapo konstatova se rrethanat binin ndesh me parimet e mia e veçanërisht atë të shmangies së konfliktit në aparencë të interesit.
Shkurt, kushdo mund të më ketë aleat, pa kosto e kundërshpërblim. Mjafton të na përputhen idetë. Por kujdes, mund të më kesh lehtësisht kundër, pa kosto e shpërblim nga kundërshtari, mjafton që të kemi ide të kundërta. Por gjithnjë jo me dogmatizëm, ekstremizëm a nihilizëm. Pa fyerje, sharje e shpifje gjithashtu. Vetëm analizë faktesh dhe ballafaqim konkluzionesh.

X. RISHFAQJA E SIGURIMIT TË SHTETIT PËRMES LAPANGJOZËVE
Si edhe akuzat e tjera të lapangjozëve që janë rrekur të përdoren për të shpjeguar pozicionet e mia politike e publike, edhe kjo e bashkëpunimit me Sigurimin e Shtetit është përdorur sistematikisht nga kundërshtarët e momentit, herë demokratë e herë socialistë. Në këto vitet e fundit këtë akuzë në përmbajtje e variante të ndryshme e lexoj shpesh edhe në komentet e lapangjozëve anonimë, që komentojnë në shkrimet e mia apo në atë që shkruhet për mua në gazeta të ndryshme. Sipas dy-tri anonimëve mjaft të zellshëm, bashkëpunimi im me Sigurimin paska marrë më qafë mjaft njerëz e unë paskam arritur të spiunoj edhe njerëz mjaft të afërt, deri te bashkëshorti i motrës sime. Ndoshta shumë lexuesve mund t’u kenë rënë në sy këto komente. Cilido që ka dëshirë t’i lexojë, mjafton të bëjë kërkim me emrin Artan Hoxha në faqet online të gazetave e të gjejë plot xhevahire të këtilla lapangjozësh.
Unë nuk e kam bërë ndonjëherë qejfin qeder për kësi akuzash. Duke ditur të vërtetën time, këto nuk më kanë ndikuar a diktuar asnjëherë të marr vendimet e duhura e që më takojnë tërësisht mua dhe vetëm mua. Të rrekesh të vërtetosh se zgjedhjet e mia politike në këto 22 vite qenkan bërë nën diktatin e dikujt që ditkësh një sekret timin, është teoria më idiote. E para, për ç’sekret bëhet fjalë në këtë vend, ku veç sekrete s’ka e ku kushdo që ka dashur e kur i ka interesuar e ka përdorur akuzën e bashkëpunimit tim me Sigurimin dhe e dyta, nëse çdo krah politik e paskërka ditur sekretin tim si shpjegohet që kam lëvizur nga njëri tek tjetri në kërcënimin e nxjerrjes a mosnxjerrjes së sekretit? Rezultati do të duhej të ishte moslëvizja nën kërcënimin e atij që nuk duhej ta tradhtoja dhe lëvizja nën kërcënimin e atij që duhej t’i bashkohesha, ndërsa të dy e posedonin sekretin magjik në fjalë. A merr përsipër ndonjë lapangjoz ta zgjidhë këtë paradoks? Ka vetëm një përgjigje të thjeshtë. Zgjedhjet e mia janë bërë në lirinë time te zgjedhjes. Kaq.
Tërheqja nga kandidimi për postin e Presidentit të Republikës u bë nga unë, por në konsultim dhe në mirëkuptim me liderët e maxhorancës, pasi nuk ishte një zgjedhje vetëm e imja. Në mëngjesin e së hënës mua më erdhën shumë sinjale dhe të dhëna që, ndër të tjera, më lanë të kuptoj se historia lidhur me bashkëpunimin me Sigurimin nuk ishte aq për t’u neglizhuar. Te dhënat e grumbulluara vetë dhe ato që dolën nga konsulta me liderët e mazhorancës më krijoi një farë bindjeje se kishte diçka që binte ndesh me besimin mbi të vërtetën time. Diçka kishte ndodhur që unë nuk e dija dhe nuk kisha vrarë mendjen ndonjëherë të informohesha e të verifikoja. Atë ditë kuptova thelbin e çështjes. Mendja më shkonte edhe tek manipulime të mundshme të dokumenteve, veçanërisht në periudhat e shthurjes së shtetit. Çështja m’u qartësua në ditët në vijim mes informacioneve nga njerëz të ndryshëm dashamirës. Por atë të hënë, ndër shkaqet bazë të dorëheqjes ishte shmangia e konfliktit në aparencë të interesit, nëse si President do filloja të merresha me sqarimin e të kaluarës sime. Arsye bazë ishte edhe zhgënjimi që ndjeva mes qëndrimit zyrtar socialist dhe qindra mesazheve mbështetëse, shumë prej të cilëve majtas, që më erdhën gjatë natës së të dielës dhe mëngjesit të së hënës.
Gjithsesi, le të mbetemi tek akuza lapangjoze. Në fund të thuajse një jave takimesh dhe informacioni nga disa drejtime, arrita të krijoj tablonë e plotë të anës tjetër të medaljes. Jo asaj të së vërtetës sime, por asaj se ç’kish bërë Sigurimi i Shtetit kundra vullnetit dhe pa dijeninë time. Këtu më rezultuan tri fakte dokumentare, ku dy pohojnë të vërtetën time e njëri e mohon atë duke e vendosur Sigurimin e Shtetit në kontradikte me vetveten.
Shkurt, drejt e në thelb, sipas dokumenteve (këtu për qëllim të ruajtjes së besueshmërisë dhe integritetit të burimeve, as nuk pohoj dhe as nuk mohoj autenticitetin e dokumenteve që kam shqyrtuar, por besoj se disa nga lapangjozët do ta kuptojnë menjëherë se unë kam parë po ato që edhe ata kanë parë në fotokopje), rezulton se Sigurimi i Shtetit më ka tërhequr (kupto rekrutuar) si bashkëpunëtor të tij më 21.9.1981 pas takimit me sigurimsin më 18.9.1981; më ka larguar si bashkëpunëtor me vendim të arsyetuar të këtij organi të datës 28.12.1982 dhe pasqyruar në kartelë më 5.1.1983 me motivacionin “e inaktivitetit dhe padobisë… pasi nuk ka dhënë gjatë kësaj kohe asnjë material për qëllimin që u tërhoq”.
E vërteta ime pohohet nga motivi i largimit tim si bashkëpunëtor pas 15 muajsh, në mes të maturës, për inaktivitet të plotë dhe asnjë material. Vetë Sigurimi i Shtetit ka hequr dorë nga ideja e tij fillestare se unë mund të isha një bashkëpunëtor i dobishëm për ta. Qëndrimi im plotësisht refraktar, gjatë gjithë periudhës, vetë e me mbështetjen e plotë të familjes, e bëri Sigurimin të arrijë në këtë përfundim. Për lapangjozët, ky fakt, që me siguri e dinë, nuk ka rëndësi.
Po ç’dreqin pati që më regjistroi si bashkëpunëtor? A mos iu duk PO ajo JO-ja e imja dhe e familjes sime, një JO e qartë por e pakapshme dhe e pandëshkueshme, të paktën sipas nesh. Por, mungesa totale e aktivitetit dhe informacionit faktuar nga vetë Sigurimi, tregoi se JO-ja ishte zgjedhja konstante dhe definitive e imja dhe e familjes sime, gjë që e dobëson hipotezën e keqkuptimit fillestar pa e rrëzuar atë gjithsesi.
Apo ia donte plani i rekrutimeve që shpesh bëheshin shumë e për lumë, siç kam dëgjuar të thuhet?
Apo s’mund të kthehej i dështuar nga takimi me një kalama kur, sipas dokumenteve Sigurimi kishte rreth katër muaj që më studionte para se të ndërmerrte kontaktin e parë më 18 shtator 1981?
Apo mos mendoi se nëse do raportonte kundërshtimin për bashkëpunim që në fillim, mund të fillonin reprezaljet mbi mua dhe familjen dhe ai ndoshta nuk donte t’ia hynte e të bëhej një shkaktar i njohur i një krimi të këtillë?
Unë nuk mund të zgjedh asnjë nga variantet e mësipërme. Këtë përgjigje mund ta japin vetëm ata që kështu vendosën, njëanshmërisht, kundra vullnetit tim të shprehur sa me fjalë e aq më shumë me vepra.
Por, pasi u njoha me shënimet dokumentare të Sigurimit të Shtetit, më ka lindur një tjetër dyshim. A mos vallë kalvarin e mohimit të së drejtës së studimit për shkollën e lartë, edhe pse me rezultate të shkëlqyera dhe dy herë kampion i matematikës, e kam peshqesh nga Sigurimi pasi më vlerësoi inaktiv, të padobishëm dhe që nuk u dhashë asnjë material. Biografia e familjes përballë rezultateve të mia, qoftë edhe me standardet më sektare të kohës, nuk do të ishte një arsye e mjaftueshme.
Unë nuk kam fakte që të vërtetoj këtë dyshim pra, se ka qenë Sigurimi që ka nxitur a diktuar mosdaljen e së drejtës së studimit, por që nuk më ka ndihmuar kjo duket qartazi për çdo njeri me mend në kokë, përveç lapangjozëve që shkruajnë në anonimitet, se motivimi im prej gjimnazisti për të bashkëpunuar me Sigurimin e Shtetit ishte dëshira për të më ndihmuar të më jepnin të drejtën e studimit.

XI. SFIDA JURIDIKE PËR AKSESIN NË DOKUMENTET E SIGURIMIT

Ndërsa këtu mbaron rrëfenja ime për publikun, ju njoftoj se kam filluar hapat juridikë për sigurimin e provave dhe rrëzimin formal si të padrejtë të këtij regjistrimi. Sot kam bërë kërkesën zyrtare pranë Shërbimit Informativ Shtetëror për akses në të dhënat e mia personale, deri aty ku nuk cenohet siguria kombëtare dhe interesi i palëve të treta.
Ndërkaq, po krijoj bindjen se një rast i këtillë nuk është i vetëm. Shumë shqiptarë mund të kenë pësuar diçka të ngjashme. Nuk i kanë shërbyer Sigurimit me asnjë material a informacion dhe janë regjistruar prej tij si bashkëpunëtore.
Unë arrita t’i lexoj dokumentet e njëanshme, të shkruara në padijen time e në keqbesim nga Sigurimi i Shtetit. Tashmë, më mbetet t’i dokumentoj ato, hap pas hapi e pa ndonjë nxitim.
Por sa të tjerë janë që nuk e kanë këtë mundësi?! Transparenca mbi dosjen nuk është vetëm për të demaskuar maskarenjtë, por edhe për t’iu dhënë shansin viktimave të Sigurimit të vënë në vend dinjitetin që sot mund t’iu nëpërkëmbet edhe nga kushedi se çfarë lapangjozësh.
Për këtë u drejtohem autoriteteve shtetërore, Kuvendit, qeverisë, opozitës, SHISH, Avokatit të Popullit, Komisionerit për Mbrojtjen e të Dhënave Personale, Drejtorisë së Informacionit të Klasifikuar, organizatave në mbrojtje të të drejtave të njeriut, medies dhe opinionit publik të mbështesin të drejtën e aksesit në të dhënat personale të vetat nga çdo individ e për aq sa nuk cenohet as siguria kombëtare dhe as interesi i personave të tretë. Ky është minimumi i minimumit të domosdoshëm.
XII. KUJTESË PËR LAPANGJOZËT
Sa për ju lapangjozët, besoj se e keni kuptuar se unë di të luaj edhe me armët tuaja e ndonjëri nga ju do më bjerë në rrjetë nëse vazhdon avazin. Mjerë ti që do biesh, se do heqësh kusuret e të tjerëve! Një më mjafton për të gjithë.

*Shkrimi është publikuar edhe në faqen e Artan Hoxhës në Facebook, më 20 qershor 2012. Titujt janë të redaksisë. Titulli i autorit: UNË, SIGURIMI DHE LAPANGJOZËT E DEMOKRACISË

[Duaje Siveten]

Aty m'rri Kol....

Pra dosjet i shkrujti..., prandaj s'duhet t'hapen...
.............

Puna e presidentit esht me t'futme....
Prandaj edhe Artani u terhoq...
Ktu do jemi, dhe do shohim se çdo ti punojn Bujarit....
Kti pislleku i jepet fund, vetem nese presidenti zgjidhet nga populli dhe jo nga politika...
Vetem atehere presidenti esht mbi palet...
.

Dosjet jane si puna e shpates e Damokleut, ne kuptimin me negativ te shprehjes ... eshte iniciuar nga regjimi i kaluar, dhe eshte transplantuar "çuditurisht" edhe ne tranzicionin pas-komunist ... por:

Ajo qe desha te theksoja eshte se nuk eshte zgjedhja nga populli dhe jo nga politika e presidentit.

Presidentimund te jete nga palet vetem ahere kur politika nuk kerkon ta "palesoje" presidentin, ne daç te jete i zgjedhur drejtperdrejte, ne daç nga parlamenti.

Zgjedhja e drejtperdrejte e presidentit duhet bere vetem kur te njesohen funksionet e kryeministrit me ate te presidentit, ose presidenti te kete atributet si ai i Frances, fjala vjen.

Qe te kthehemi ne teme: sulmet metodike qe behen, veçanersiht nga salijevi, ndaj presidentit dhe prokurorit te pergjithshem jane per ti intimiduar dhe dominuar ata, mekanizem i cili ka punuar dhe funksionon ende me se miri per psikologjine e "auto-ljepurit" qe kemi aq te zhvilluar ne Shqiptaret e Shqiperise.

Kthehemi perseri tek dosjet - ato sherbejne si nje "topuz" ne duar te ekzekutivit per te intimiduar kundershtaret dhe ata/ato qe nuk i hapin udhe.

Jam dakort me ate qe edhe Nishani nuk do ti shpetoje "shigjetimit" - eshte vetem çeshtje kohe dhe kur te jete me oportune/pragmatike per salijev, edver, etjer soj i tyre. ...

[Albo]

Po pranaj mi paske eliminu postimet e mia per artanin e anal-istit se te paska ardhe keq per te. Mos e ke gjo familjar? Jo per na i gjo po si shume me zell e ke mor ket punen e artan "presidentit".

Nese do te shkruaje ndonje fjale me mend, do ta lija, por shkruan budalleqe. Ti akoma nuk ke marre vesh se cfare ndodhi ne Shqiperi me Artan Hoxhen, dhe si Edi Rama e Gramoz Ruci te kane terhequr ty e shume si ty (qe pretendoni se jeni mbeshtetes se Berishes) prej hunde. Dhe qe te mos ngelet merak, jo vetem qe nuk me lidh gje me Hoxhen, por as nuk e kam lexuar apo degjuar te shprehet shpesh.

Artan Hoxha ishte kandidatura e dyte e koalicinit qeverises, qe iu service opozites ne tryezen Berisha-Rama. Nese Rama do te kishte thene: "po, jam dakord, do ta votojme ne parlament.", sot Artan Hoxha do te ishte presidenti i zgjedhur i Shqiperise dhe do te ishte nje president konsensual, pasi te dyja palet e pranuan. Duke mos qene nje njeri politik, nga te gjitha kandidaturat e tjera per president, ai kishte shanset me te medha per te qene "president konsensual".

Rama e kompani, se bashku me mediat prane tyre, vune ne levizje thashethemnajen e "dosjes se Sigurimit" dhe duke e sulmuar ate direkt dhe indirekt ne media ne menyre personale. Ti e meseusi me lart, kujtoni se keto thashetheme i perhapi Berisha e PD, por nuk eshte e vertete. U perhapen nga selia roze me qellimin e vetem qe te mbanin larg kandidimit nje person jo-politik si Artan Hoxha. Presioni i tyre publik ia doli me sukses qe te beje qe Artan Hoxha te terhiqet.

Dhe po te kishe lexuar jeteshkrimin e tij, para se te degjoje thashethemet, do ta kuptoje qe Artan Hoxha nuk eshte vetem nje njeri me integritet e profesionist, por eshte nje nga njerezit me inteligjente qe ka Shqiperia.

Prandaj meso te respektosh dinjitetin dhe inteligjencen e njerezve, e mos u genje nga mashtrimet e fabrikuara mediatike. Lexoje jeteshkrimin qe ai vete ka hedhur me siper, qe te kuptosh se me ke ke te besh.

Albo

[drague]

sa inat me vjen kur shkruan ato qe kam ne mendje.

djem si Artani i duhen Shqiperise.

[DeuS]

Albo, aty ku te kam lene paske mbetur. Kaq vite pas dhe ende s'e paske kaluar klasen. Lexova c'ke shkruar me lart dhe duket qarte qe nxitimi per te mbrojtur qeverine me korruptive ne historine e Shqiperise, t'a eklipson aryen dhe te ben te tingellosh kontradiktor. Kujdes, se e ke emrin me te kuqe dhe je nga ato qe shkruajne firmen ne fund te postimit..

Ja vetem dy 'perla' qe shkruan ti:

..jo vetem qe nuk me lidh gje me Hoxhen, por as nuk e kam lexuar apo degjuar te shprehet shpesh.

Ashtu, ok, po te besojme, qe nuk e ke lexuar apo degjuar!

(pastaj ti shkruan serisht)

Artan Hoxha nuk eshte vetem nje njeri me integritet e profesionist, por eshte nje nga njerezit me inteligjente qe ka Shqiperia.

Uee, c'thua more Albo?!
Na habite, hmmm..
Ti sikur sapo the qe s'e njihje..

Lexoje jeteshkrimin qe ai vete ka hedhur me siper, qe te kuptosh se me ke ke te besh.

Ke te besh me nje ushtar te Berishes, i cili ka kaq vite qe s'mungon ne asnje studio televizive. Pozicionohet ne krahun e djathte, kollariset mire dhe kakaris e ciceron e pellet me ore e me ore duke mbrojtur Berishen, qeverine dhe klanin e tyre korruptiv. Eshte nje zar, nje militant, nje ushtar. Kaq eshte mjaftueshem per te kuptuar se ai 'NUK' mund te ishte president konsensual dhe mbi te gjitha, ai eshte nje njeri pa integritet e dinjitet (sic na e ke prezantuar me lart)..

Eshte njelloj sikur Rama te ishte kryeminister e te propozojne Lorenc Vangjelin si president konsensual lol..

Nuk do merrem fare me te kaluaren e tij, as me akuzat per spiun, fuks, etj etj..

Keto qe te thashe mjaftojne e teprojne te kuptosh se kush eshte Artan Hoxha dhe pse kandidimi i tij ishte nje 'tallje' me inteligjencen e shqiptareve dhe nje 'perbuzje' e postit te larte te kryetarit te shtetit! Une e kuptoj qe te ka shkuar jeta me tregime e barcaleta te gjyshit e te moshuarve, por ka ardhur koha qe t'a nxjerresh vete koken te dritarja e te shohesh nese po bie shi apo ka dal dielli..

[mesuesi_1]

Ti e meseusi me lart, kujtoni se keto thashetheme i perhapi Berisha e PD, por nuk eshte e vertete.

Albo

tani duhet te japesh nje pergjigje bindese!
meqenese na ditke shume per artanet e hoxhajve, a s'na thua se pasi e moren kandidatin per president me makine te shoqeruar me makine policie ku perfundoi ki Artani ...??? ne Parlament nuk u pa edhe pse e prisnin deputete socialist te cilet momentin e fundit moren vendimin per te shkuar ne Parlament, nderkohe qe gazetaret e OraNews gjate transmetimit Live hodhen idene e surprizave nga ana e tyre .... pra nje vote pro per Artanin ..... ne parlament nuk u pa edhe pse e priste ambasadorja gjermane dhe Volfarti ... ne komision nuk u pa edhe pse u debatua per te ...

tani ti si thua ku shkoi Artani ate dite ne mengjes i shoqeruar nga policia ...???? nderkohe Balla tek top-qeni ate dite direkt thonte se ne baze te infove Meta ishte me Berishen ne Kryeministri ..... dhe Artani akoma sot pasi shkruan e shkruan pa fund pa thene asgje nuk thote se ku shkoi ate dite ne mengjes i shoqeruar me polici ....
Sala e kishte ditur qe ne 1993 problemin e artanit te hoxhajve, perse ai duhet te heshte tani me 2012 ....?? mos duhej te heshte se Meta me akordin qe beri nen tavoline me Ramen i ofroi te vetmen mundesi Sales per te zgjedhur presidentin dhe shpetuar mazhorancen ... ?!

topin e ke ti tani ....

.

[Brari]

msus.. di gje ti me shum se ne qe dim cna thon gazetat.. bujrum fol..

ki eshte lezeti forumit se..nuku piesim shoket lart kur shkruajm..

e njeh ti kte artanin nga afer apo keshtu nga ekrani..?

per mua me i mire eshte nishani..se artani..
nuku nisen nga qo puna e ..a ish spiun a jo..

sepse kjo nuku ka qen zgjedhje e artanit..
aso kohe ishte biroja qe vendoste..

nga cehrja thjesht ..me duket me fisnik nishani se artani..

por dhe cehrja te genjen..

bamiri psh ne cehre ishte goxha..mirpo nuku duall gje..

megjithate cdo president shqiptar e ka nje gur prove..

eshte 21 janari..
pik..

do denohen rojet e shtetit shqiptar qe ruajten shtetin.. apo banditet agresore qe tentuan te shkaterrojn shtetin..

ki eshte bigprabllemi..

aty i dalloj un te gjithe..

,