Kthehuni tek Dijetarët! Shejkh Reslan (All-llahu e ruajt)

[Thirrje Islame]

Kthehuni tek Dijetarët! Shejkh Reslan (All-llahu e ruajt)

http://www.youtube.com/watch?feature...&v=PK5A8WiEN4k

Shejkh Reslan: Duke u kthyer tek fjalët e dijetarëve, o ju vëllezër të dashur. Referohuni tek fjalët e dijetarëve tuaj! Dhe mos i akuzoni dijetarët, sepse ata janë të besueshëm në lidhje me fenë e Zotit të botëve, ashtu siç e ka transmetuar Profeti juaj (sal'Allahu alejhi ue selem): ''Kjo dije bartet në çdo gjeneratë nga më të besueshmit e tij.''

Padyshim,ai i cili është shpallur si i besueshëm nga vetë Profeti (sal'Allahu alejhi ue selem), është më i mirë se të gjithë ata që ju i keni shpallur si të besueshëm, sepse njerëzit shpallin të besueshëm pikërisht në bazë të dëshirave dhe tekave, dhe në bazë të hamendjes duke u vërtitur brenda këtij kuadri dhe këtij horizonti(të tekave dhe dëshirave).

Dijetar është është ai që thotë: ''All-llahu ka thënë, i Dërguari i Tij ka thënë, Sahabët kanë thënë! Dhe jo ai, që pason dëshirat dhe tekat, e as ai që është i shtyrë nga emocionet e pakuptimta.’’

Kthehuni tek ata dijetarë, që kanë një besueshmëri të vërtetë në Ummet! Për shkak se ata kanë juridiksionin e duhur në lidhje me situata të tilla të pazakonta. Kjo që ata vepruan për të, nuk është më një mundësi, për të marrë ndonjë rrugë tjetër përveçse asaj të argumentit.

Sepse All-llahu ka vendosur që argumentin ndaj krijesave të Tij, të ngrejë këtu në tokën e Tij. Të gjithë këtë e sqarojnë njerëzit e dijes dhe nuk e fshehin atë! Kthehuni tek dijetarët tuaj për çështje juridike, që me të vërtetë i përkasin njerëzve të Sunnetit dhe tek ata, që janë të bazuar fuqishëm (në dituri) dhe të cilëve All-llahu u ka dhënë besueshmëri të vërtetë.

Janë ata, të cilët të gjitha grupet i kanë pranuar, pavarësisht se janë nga ata luftojnë njëri-tjetrin, prej atyre që kanë masakruar njëri-tjetrin, prej atyre që kanë derdhur gjakun e njëri-tjetrit, prej atyre që kanë akuzuar njëri-tjetrit me mosbesim.

Ata vazhdojnë të pranojnë faktin –qoftë edhe sikur vetëm në thellësinë e brendësisë së tyre- se këta dijetarë janë të vendosur fortë në dituri dhe kanë njohuri të thellë për atë (diturinë).

E gjithë kjo përkundër përpjekjeve nga kundërshtarët, për t'i këputur lidhjet ndërmjet nxënësve, ndërmjet rinisë, ndërmjet Ummetit dhe dijetarëve të tyre, të cilët janë të vendosur me qëndrueshmëri (në dituri), me pretendimin se ata janë dijetarë (të temave) të menstruacioneve dhe lehonisë, dhe dijetarë për dispozitat e tualeteve, ata nuk kuptojnë asgjë në lidhje me realitetin.

Nëse nuk kupton asgjë ai i cili thotë: All-llahu ka thënë, i Dërguari i Tij ka thënë, Sahabët kanë thënë, atëherë kush tjetër kupton diçka në lidhje me realitetin?! Atëherë kush është ai i cili kupton diçka nga kjo?! Dhe si duket ky realitet?!

Realiteti është i vërtetë! Apo mos vallë realiteti është ajo që arrihet nga ndjekja e lajmeve në kanalet që përhapin thashethemet e rreme?! Apo ndoshta ndjekja e tregimeve të këtyre njerëzve të devijuar, që përhapen me shpejtësinë e erës, dhe që lënë ndikimet e tyre në zemrat e krijesave dhe po ashtu në mendjet e tyre. Dhe kështu të formohet një qendër e re (në shoqëri), ku parimet e njerëzve të mosbesimit mund të përhapen më lehtë dhe ku do të formohen bashkësi të reja, nën sytë vigjilentë të mosbesimtarëve dhe njerëzve të mosbesimit, kështu që ata mund t'i marrin mendimet e tyre më lehtë dhe mund të përhapin thashetheme të rreme në mesin e tyre.

Kështu ata lehtë mund të përhapin lajme të rreme në mesin e tyre ose ata i'a paraqesin atyre lajmet e vërteta në ndonjë kontekst të gabuar dhe jo në kohën e tyre aktuale. Gjithë këtë e bëjnë ata!

Dhe pastaj vijnë të tillë dhe flasin vazhdimisht,duke pretenduar se janë ata që e kuptojnë realitetin. Por All-llahu Zoti i botërave, nuk pranon tjetër vecse t`i bëjë të qartë botës –qoftë kjo edhe pas kalimit të njëfarë kohe- se këta njerëz ishin gabim dhe kanë devijuar nga rruga e drejtë dhe asgjë nuk ishte e saktë nga ajo çfarë ata thanë.

Dhe çfarë përfituan muslimanët nga e gjithë kjo, përveçse arritjen e një dickaje boshe! Çfarë përfituan muslimanët nga gjithë kjo, pas gjithë atyre vuajtjeve, gjakderdhjeje, shkatërrimi të shtëpive, plaçkitjeje të thesareve dhe vendit të humbur?!

Çfarë përfituan muslimanët nga e gjithë kjo, përveçse një grushti të mbushur me miza ose një grushti pluhur! Asgjë! Kthehuni tek dijetarët tuaj! Pyesni dijetarët tjuaj për çështje juridike! Dijetarët e njerëzve të Sunnetit! Ata të cilët ndjekin Profetin (sal'Allahu alejhi ue selem) dhe e dinë se si mund ta kuptojnë atë dispozitë nga libri i All-llahut dhe nga Sunneti i të Dërguarit të All-llahut.

Ata, të cilët janë në Menhexhin e Profetit! Ata nuk falsifikojnë! Dhe ata nuk devijojnë! Dhe ata nuk i hutojnë krijesat! Dhe ata nuk e shtrembërojnë të vërtetën! Kthehuni tek ata! Dhe shpërndani diturinë e tyre ndërmjet njerëzve.

Pasha All-llahun! Ne të gjithë jemi në një sprovë. Sa më përket mua, unë nuk e gjej askënd që dëshiron të degjojë, përveç atyre, që janë këtu në një takim të tillë.

Ne u lexojmë atyre fjalët e dijetarëve, pastaj kalojnë vetëm disa momente dhe asgjë nga ajo nuk ka mbetur. Sepse njerëzit nuk dëshirojnë të dëgjojnë, e aq më pak që ata të lexojnë vetë. Ata as nuk kërkojnë e as nuk hulumtojnë.

Shumë prej tyre, edhe nëse dëgjojnë apo lexojnë, nuk perceptojnë e as nuk kuptojnë, sikur zemra e tij të ishte e vulosur. Kthehuni tek njerëzit e dijes! Sepse në dituri është mbrojtja prej devijimit dhe humbjes.

Është ajo dituri, me të cilën erdhi i Dërguari i All-llahut dhe jo ajo që falsifikuesit e falsifikojnë. Dhe as ajo, që nuk është paraqitur me vërtetësi nga këta devijues dhe dështues.

Përktheu: Seladin Musa
Kontrolloi: Shuajb Rexha