Kush janë Ehli-Suneti vel Xhemati?

[perkthyese]

Ehli-Sunet vel Xhemati janë pasuesit e asaj që ishte i Dërguari i Allahut , salallahu alejhi ve selam, dhe sahabët, ata që e ndjekin sunetin dhe të cilët janë të paluhatshëm në të vërtetën, që i shmangen bidateve të shpikura dhe shkatërrimit të unitetit të muslimanëve, do të ketë në çdo vend dhe në çdo kohë dhe kështu do të jetë deri në ditën e Gjykimit.

Thotë Pejgamberi, salallahu alejhi ve selam: ''Në ummetin tim do të jetë gjithmonë një grup e cila do të jetë e qartë në të vërtetën, nuk do ti dëmtojnë ata që i kundërshtojnë, derisa të vije urdhri i All-llahut, dhe ata të jenë në këtë ".

Pse u quajtën kështu?

Janë quajtur kështu, sepse ata i përkasin sunnetit të Pejgamberit, salallahu alejhi ve selam, edhe për shkak se ata e njohin atë (sunetin), dhe kujdesen për të, dhe për shkak se e mbrojnë atë fuqishëm, dhe për shkak se ata janë të përfshirë në praktikimin e tij publikisht dhe fshehtas, dhe për shkak të brengës së tyre për bashkimin e muslimanëve. Për shkak të frikës që mos ta thyejnë saffin (rendin), që mos të bien viktima, dhe për shkak të brengës për xhihadin së bashku me imamët dhe ata me bindje të njëjtë, derisa ata janë të bindur në Allahun, xhele sha'nuhu.

Emra (emërtime) tjera të ehli suneti vel xhemati

a) Selefus-Salih

Këta janë imamët e udhëzimit nga tre shekujt e parë të islamit: Sahabët, tabi'inët dhe tabi-tabi'inët të cilat janë përmendur në fjalët e Profetit, salAllahu alejhi ve selem, kur ai thotë: ''Më i mirë është ky shekulli im, pastaj ai që vije më pas." (Buhariu)

Kushdo që i pason ata është një nga selefus-salih, pa marrë parasysh sa kohë është larg prej tyre. Derisa ai që nuk pajtohet me ta në akideh dhe bindje, nuk është nga ata, edhe nëse ai jeton me ta.

b) Grupi i shpëtuar

Është i shpëtuar nga risit e këqija dhe devijimet në dunja dhe nga zjarri i ahiretit. Kjo është për shkak se e pasojnë sunetin e Profetit, salallahu alejhi ue selam, dhe veprojnë në përputhje me islamin plotësisht. Në hadithin e njohur sahi thuhet:

''Jehudet janë të ndarë në 71 grupe, të krishterët në 72 grupe ndërsa muslimanët do të ndahen në 73 grupe, dhe të gjithë do të jenë në zjarr përveç njërit." Është pyetur: ''Kush janë ata''- dhe u përgjigj:''Ata janë në atë në të cilën jam unë tani dhe sahabët e mi".

c) Grupa a ndihmuar

Një grup hadithesh thonë se është ne kornizë me ehli sunetin vel xhema'atin një grup i veçantë i njerëzve që e kryejnë obligimin e xhihadit në rrugën e Allahut. Tek ajo grup ka shkaqe për ndihmën e Allahut, xhele sha'nuhu, konkrete dhe abstrakte, si besimi i saktë, zuhd (asketizmi), ahlaki-sjellja, dituria e madhe së bashku me fuqinë dhe përgatitjen e armëve, trajnimeve, mbledhjeve të informacioneve për armikun dhe kështu me radhë.

d) Ehlul hadithi (pasuesit e hadithit)

Investojnë përpjekje në studimin e hadithit dhe punimeve dhe në praktikimin e të njëjtave në jetën e tyre dhe shmangien e të kundërtës nga mesazhet që gjenden në to.