Pirro, tradita per te cilen ti flet ishte e nevojshme vetem ne gjenezen e shtetit shqiptar. Vetem atehere kur shqiptaret ishin ende nje popull qe nuk njihnin ligjin e shtetin por ishin fise e tribu. Kete tradite e filloi Ismail Bej Vlora, e vazhdoi Ahmet Zogu. Por ne kohen e tyre, analfabetizmi i shqiptareve ishte ne nivele marramendese dhe nuk ekziston nje tradite shteterore: shqiptaret as nuk ia dinin vleren shtetit e ne shumicen e rasteve as nuk e mbeshtesnin ate. Zgjidhnin besnikerine e tyre krahinore apo fisnore perpara atij shteteror.

Kane kaluar plot 4 breza qe atehere dhe mendoj se kjo tradite nuk eshte me aq e nevojshme dhe me shume se cdo gje tjeter eshte simbolike. Te gjithe shqiptaret pa perjashtim, pavaresisht nga besimi qe kane, duan te njejtat gjera, kane te njejtat aspirata: duan rend, qetesi, drejtesi e mundesi per te punuar e fituar. Emerimet ne postet me te larta te shtetit shqiptar nuk duhet te behen me ne baza fetare, por ne baza profesionale. Duhet te zgjidhen ata njerez me integritet te gatshem per tu dhene zgjidhje probleme te vendit.

Ne rastin ne fjale, ne rastin e zgjedhjes se presidentit, me e rendesishme se identiteti fetar i presidentit eshte gatishmeria e tij per te bere reformen ne drejtesi, ate reforme qe nuk e beri dot Bamir Topi ne 5 vjetet e tij ne detyre. Te gjithe shqiptaret pa perjashtim sot, perballen me nje sistem gjyqesor te te gjitha niveleve te korruptuar dhe inkriminuar. Policia kap kriminele e trafikante, gjykatat i leshojne te lire. Ky perben nje shqetesim per te gjithe qytetaret shqiptare, pavaresisht nga besimi fetar. Gjykatesit e korruptuar nuk bejne dallim mes qytetareve ne baze te besimit te tyre. Ashtu si besimtaret orthodhokse nuk kane nevoje qe te kene ne krye te shtetit nje president me besim orthodhoks qe eshte kukull, dhe nuk i jep zgjidhje korrupsionit ne sistemin e drejtesise.

Prandaj mos u merr me vogelsirat dhe anet simbolike, por ktheje vemendjen nga ceshtjet thelbesore qe ka nevoje vendi.

Albo