Firenze, 16 maj 2012, NOA- Rrahu një djalë 21 vjeçar, faji i vetëm i të cilit ishte se kishte përshëndetur të dashurën e këtij të fundit duke e ngatërruar me një mike të tij, dhe më pas i lidhi rripin e pantallonave në fyt duke e kërcënuar se do e mbyste.
Ngjarja në fjalë ndodhi gjatë natës së shkuar në Firenze të Italisë, ku protagonist i saj është një 28 vjeçar shqiptar pa probleme me drejtësinë në Itali, i cili sulmoi të riun prej xhelozisë ndaj të dashurës.
Siç raporton noa.al, në denoncimin e viktimës thuhet se kishte përshëndetur një vajzë amerikane 20 vjeçare e cila ishte e shoqëruar me shqiptarin, duke e ngatërruar me një mike të tij dhe menjëherë pas kësaj u përball me sulmin e shqiptarit.
Pasi nisi ta qëlloi me shqelma dhe me grushte e shtriu përtokë dhe e lidhi me rripin e pantallonave duke rrezikuar ti zërë frymën, por fatmirësisht një tjetër shqiptar i cili pikasi ngjarjen ndërhyri dhe i ndau.
Menjëherë pas kësaj shqiptari u vu në pranga, ndërsa i riu italian u dërgua në spital.
a.y/noa.al
Postuar më parë nga Nete
Krijoni Kontakt