Limaj kritikon ministrat e Thaçit

[projekti21_dk]

I painteresuar për qeverisjen aktuale

Limaj kritikon ministrat e Thaçit

Deputeti i PDK-ës Fatmir Limaj i cili së fundi u lirua si i pafajshëm për akuzat për krime lufte në paraqitjen e tij të parë publike, ka deklaruar se nuk është aspak i interesuar të jetë pjesë e qeverisjes aktuale. Kjo, pasi që sipas tij nuk ia lejon morali politik një gjë të tillë.


Prishtinë: “Edhe pse kam pasur oferta, nuk jam i interesuar të angazhohem në këtë qeveri atkuale, për shumë arsye. Ne duhet të kemi moral politik, andaj pikërisht morali politik nuk ma lejon një gjë të tillë. Kjo për faktin se kam qenë kundër këtij koalicioni, andaj nuk e shoh veten se mund të bëjë diçka këtu.

Limaj pa rezerva ka drejtuar akuza të rënda ndaj ministrave të qeverisë së Kosovës. Ai madje sjelljet e ministrave i ka quajtur si sjellje të kullerave e që sipas Limajt nuk i takojë një ministri.

“Do ta marrë si rast fusnotën, kur u morr vendimi për fusnotën të gjitha partitë u larguan dhe heshtën, mirëpo kur kujtojmë reciprocitetin na kujtohet se secili mundohej ta merrte meritën individualisht që të dilnin e të thonin para kamere. Andaj përgjegjësinë duhet ta marrin për çdo gjë. Jo çdo gjë duhet të bëhet politikë e marketingut” ka pohuar Limaj në intervistën e tij të parë.

“Njëri nga miqtë ndërkombëtarë më pati thënë se më shumë dalin zyrtarët e qeverisë jashtë vendit se sa unë. Duhet të fillojnë të punojmë e jo të shkojnë jashtë vendit, të paraqiten si kullera. Ministri duhet të marrë përgjegjësit’i kryejë punët e jo veq të dal para kamere e në mbrëmje ta shikojë veten në TV” ka deklaruar Limaj, duke theksuar se në këtë qeverisje ka performancë të dobët të ministrave.

Kurse sa i përket zgjidhjes së veriut Limaj ka deklaruar se duhet forcë e koalicionit dhe të kenë kredibiliteti për t’u përballur me veriun, pasi që veriu sipas Limajt nuk ka zgjidhje ushtarake.

Megjithatë nënkryetari i PDK-ës ka pohuar se prej urës së Ibrit ajo pjesë mund të jetë gjithqka por vetëm jo e Kosovës. Ai ka vlerësuar se Kosova nuk duhet të ndërtojë marrëdhënie serviliteti me Brukselin por të jetë më agresive.


I pyetur se çfarë mendimi ka për opozitën e Kosovës, Limaj është ndalur te partia në pushtet së cilës edhe i takon duke theksuar se “pozita ekstremisht vetëm po lavdërohet kurse opozita vetëm shan”. Por Limajt me theks të veçantë si opozitë më të “fortë” e ka quajtur lëvizjen Vetëvendosje, kurse për LDK-ës ka pohuar se është në mes. “LDK më shumë ka qenë opozitë derisa ka qenë në qeverisje se tani kur është vërtetë në opozitë. Info Globi

[projekti21_dk]

Deputeti Fatmir Limaj, ka kritikuar qeverinë e Kosovës, duke thënë se kjo qeverisje ka ngecur në shumë sektorë. Sipas tij, kjo ka ndodhur pasi që kemi një koalicion të brishtë.

Ai në emisionin Debat në RTK, ka thënë se në qeverinë e Kosovës, disa ministra sillen si kullera. Limaj ka folur edhe për opozitën, duke vlerësuar se opozita në Kosovë është ekstreme, duke cekur këtu Vetëvendosjen, ndërsa ka thënë se LDK-ja ka qenë më opozitë derisa ka qenë pjesë e qeverisë se sa tash.

Ai ka thënë se është çudi, por është një e vërtetë, më mirë ka qenë parlamenti i parë pas luftës se sa ky i tanishmi.

Limaj e ka kritikuar koalicionin qeverisës, duke thënë se nuk kanë pasur partneritet të mirëfilltë dhe se sipas tij më shumë janë shtyrë se kush t’i merr meritat për ato që ka bërë qeveria.

“Zëvendëskryeministri Hajredin Kuçi dhe ministria e tregtisë, Mimoza Kusari-Lila, janë shtyrë se kush të dala para kamerave dhe të tregoi se kush i ka vendosur masat e reciprocitetit me Serbinë” ka thënë Limaj.

Ish-ministri Limaj, e ka kritikuar punën e Ministrisë së Jashtme, duke thënë se politika jonë e jashtme, nuk është në nivel dhe është e kufizuar vetëm në njohje. Sipas tij, politika e jashtme duhet të bëhet në Bruksel.

Duke folur për çështjen e veriut, ai ka thënë se duhet të merremi shumë seriozisht dhe nuk mund të ketë zgjidhje ushtarake, por kjo zgjidhje duhet të bëhet për mes dialogut. Sipas tij, tejkalimi i paketës së Ahtisarit e bënë jo funksional shtetin e Kosovës

Limaj ka thënë se Autostrada “Ibrahim Rugova” është vepër e tij dhe viti 2008-09, sipas tij, ka qenë vit i suksesit.

Lufta kundër korrupsionit, sipas deputetit Limaj, po bëhet në mënyrë selektive dhe ka thënë se nuk duhet që përmes ligjit të rrënohen njerëz për shkaqe politike dhe se të gjithë njerëzit në këtë vend duhet t’i përgjigjën drejtësisë, edhe pse ai dyshon se në Kosovë ekziston drejtësia.

Ai duke folur për të ardhmen, ka thënë se nuk është i interesuar që të inkuadrohet në qeveri, mirëpo ka pohuar se përmes Kuvendit, do të jetë aktiv dhe se do të angazhohet aq sa mundet. /Indeksonline/

[projekti21_dk]

... tash as që po përmendet më zhargoni monoton " Luftë kundër korrupcionit" dhe "askush mbi ligjin"!!

[prishtina2010]

Po do ministra eshte ashtu evertet se vertet nuk jane te zotet as te fundit e as te konopit siq thot nje fajl popullore..
Dhe eshte e vertet asnje minister apo nuk ka folur per fusnoten me perjashtim te zotit thaqi dhe aj e ka marr kete vendimi,,dhe kuqi,,,kures te tjeret jo ashtu eshte ,,e per reciporcitet po ashtu se mimoza dojke me u qku pas gazetarev kur e vun reciporcitetin,,edhe at thaqi eka ba po kjo bajagi une po nejse,,

[prishtina2010]

Gezohem si eshte liruar nga akuzat per krime lufte zoti lima,,dhe ishalla lirohet edhe zoti haradinja dhe te tjeret qe sot vuajen denimet per krime,,,kures per korrupsion gjdo njeri qe eshte i korruptauar duhet te jap denimin e merituaR.
e lima edhe gjdo njeri kur vete nuk eshte aty ose nuk drejton diqka edhe kritikon edhe kan te drejt demokratike,,thjeshte nje shtepi sot me maru e merr nje mejshter e punon ndryshe nuk ben kur te marresh nje tjeter me punu me ly os ediq tjeter thot se nuk e paskan punu mire se vete jemi te till se cili me i meqem se tjeteri ..
keto i dim te gjithe e morra kete shembull te thjeshte edhe e di se gjdo njeri keni kesi raste plot edhe ne shtepija tejuaja

[Llapi]

*
LIMAJ: PËR AKUZAT QË MË JANË BËRË KA FOLUR DREJTËSIA

Nënkryetar i Partisë Demokratike, Fatmir Limaj, i cili ditë më parë u shpall i pafajshëm për akuzat që i bëheshin për krime lufte si ish-komandat i UÇK-së, ka folur për herë të parë pas një viti, për zhvillimet politike në Kosovë....
Postuar: 12:22:00 / 19.05.2012
Në emisionin “Debat” të RTK-së, Limaj duke folur për proceset gjyqësore ndaj tij. Ai ka thënë se është bërë një ‘luftë shtrigash’ me qëllim të fitimit të poenave politikë të dikujt që ka interes të realizojë agjendën e tij të politikës ditore.

Limaj ka theksuar se në këtë intervistë nuk do të përmend emra, por nuk ka përjashtuar mundësinë që në një moment të caktuar të flas për veprimet spektakolare që në emër të drejtësisë janë bërë ndaj tij.

“E para, nuk kam çfarë të flasë për akuzat që më janë bërë për krime lufte, sepse ka folur drejtësia. E kam thënë që lufta çlirimtare ka qenë e pastër dhe jam krenar që isha pjesë e saj. E dyta, sa i përket akuzave për korrupsion, kam thënë se nuk është keqpërdorur asnjë cent, dhe tashmë ka kaluar afati ligjor dhe drejtësia nuk ka gjetur asnjë shkelje”, ka thënë deputeti Limaj.

Sipas tij, drejtësia ka fituar në Kosovë, edhe pse është përpjekur t’i bëhet një gjykim publik me bastisjen spektakolare të policisë, me nxjerrjen e thashethemeve për 30, 50 e deri në 80 milionë euro gjoja të keqpërdoruara si ministër i Transportit.

Duke folur për punën e Qeverisë, ai ka theksuar se Qeveria detyrimisht bën punë të mira, që nuk shihen, por gjatë punës së saj ka edhe gabime që nuk duhet përsëritur.

Sipas Limajt, kabineti aktual qeveritar është i stërngarkuar, gjë që nuk shkon aspak me realitetin e Kosovës.

“Është jashtëzakonisht e tepërt të kemi pesë zëvendës kryeministra. Pastaj kemi ministra ‘kullera’ që më shumë rrinë jashtë se sa në Kosovës, madje pothuajse çdo vikend argëtohen në Maqedoni, Shqipëri, apo vende të tjera të rajonit. Fëmijëve tanë u ka hije të jenë edhe ‘kullera’, por për gjeneratën tonë është e tepërt. Dhe natyrisht kemi edhe ministra të cilët janë jashtëzakonisht të përkushtuar në punë”, ka thënë ai.

Limaj ka deklaruar se për një vit e gjysmë, Qeveria ka pasur ngecje, rënie të intensitetit të punës.

“PDK-ja në mandatin e kaluar ka bërë projekte madhore dhe ua ka kthyer shpresën qytetarëve, vullnetin për të punuar dhe krijuar të ardhmen në këtë vend. Mirëpo gjatë këtij viti e gjysmë të qeverisjes në mandatin e dytë, qeveria ka ngecur në disa fusha, dhe sidomos në politikën e saj të jashtme. Nuk është politikë e jashme vetëm shtimi i njohjeve të reja, por është lufta jonë për ta ndryshuar imazhin e Kosovës, lufta për t’ua bërë të huajve të njohura vlerat që kemi dhe lufta për të thithur sa më shumë investime”, ka deklaruar ai.

“Na duhen njohjet, por ky nuk është aduti i vetëm. Ne duhet të krijojmë imazhin e mirë të shtetit dhe të shfrytëzojmë diasporat në Evropë dhe SHBA. Po ashtu duhet të shfrytëzojmë bizneset për lobim”, ka thënë Limaj.

Ai është shprehur se është inidikative se në sektorin e politikës së jashtme ka shumë staf të angazhuar dhe më së paku suksese.
Limaj ka kritikuar edhe sektorin e ekonomisë. Sipas tij, nuk ka një politikë dhe strategji të qartë për zhvillim ekonomik. Ai është shprehur se Kosova do të duhej ta përfundonte projektin e ndërtimit të termocentralit të ri.

Deputeti i PDK-së ka thënë se kryeministri, Hashim Thaçi ka zgjedhur një koalicion të brishtë që e ka të vështirë të ecë me hapa të shpejtë.

Limaj ka theksuar se kryeministri e ka mbështetjen e anëtarëve të koalicionit kur janë në pyetje poenat politikë, ndërsa kur bëhet fjalë për sfidat, të gjitha ia mbështesin PDK-së.

“Kur u vendos reciprociteti me Serbinë, Mimoza shtyhej me Hajredinin për të marrë përgjegjësinë, por këtu nuk kishte vend për shtyrje, sepse ishte vendim i Qeverisë. Kur u pranua fusnota, partnerët tanë në koalicion humbën për dy javë, ia lanë fusnotën PDK-së. Prandaj e them se me këtë lloj koalicioni, Thaçi është i pafuqishëm”, ka thënë ai.

Duke folur për veriun dhe bisedimet me Serbinë, Limaj ka thënë se veriu është çështje që duhet zgjidhur përmes dialogut me serbët lokal dhe bashkësinë ndërkombëtare.

Ai ka deklaruar se duhet harruar logjika se çështja e veriut mund të kryhet me zgjidhje ushtarake.

“Sa i përket bisedimeve me Beogradin, them se deri tani Serbia ka fituar statusin e kandidatit, ndërsa Kosova ka fituar premtime. Unë vlerësoj se për të zhvilluar bisedime me Serbinë, duhet ‘kushtëzuar’ Bashkimin Evropian. Pra që Kosova të bisedojë me Serbinë, Bashkimi Evropian duhet të kërkojë nga Serbia të shuajë strukturat e saj paralele në veri të Kosovës, të ndalë provokimet dhe të implementojë marrëveshjet e arritura deri tani midis dy shteteve”, ka thaksuar deputeti i PDK-së.

Limaj ka folur edhe për Partinë Demokratike, duke thënë se do të qëndrojë në parti për të kontribuuar në demokratizimin e saj.
Ai ka thënë se nuk e ka ndërmend që aktualisht të angazhohet në qeveri, pikërisht për shkak se ka qenë kundër këtij koalicioni prej fillimi.

“Sa i përket opozitës, në Kosovë ka dy lloje të saj, Lidhja Demokratike që ka qenë më opozitë kur ishte në koalicion me PDK-në, dhe “Vetëvendosja”, e cila bën shpesh politikë ekstreme pa paraqitur argumentet. Sidoqoftë, opozita e fortë që kritikon me argumente nuk e dëmton qeverinë, përkundrazi e bën atë më të fortë dhe më përgjegjëse për punën apo mos punën e saj”, ka thënë ndër të tjera Limaj.

[Llapi]

Sipas nji burimi jo zyrtar,Fatmir Limaj do te jet kandidat per kryetar te Kosoves nga radhet e PDK-se .

[projekti21_dk]

Sipas nji burimi jo zyrtar,Fatmir Limaj do te jet kandidat per kryetar te Kosoves nga radhet e PDK-se .

pse, a
thua Mimoza, kryeministre?!

[sheneri]

Sipas nji burimi jo zyrtar,Fatmir Limaj do te jet kandidat per kryetar te Kosoves nga radhet e PDK-se .

I kandiduar nga kush??. Nga cila parti dhe per kende per cilin popull nese per shqiptare jo ateher kush do ta votoj.

Dihet qe Fatmiri i ka do afera edhe nese nuk ka afera ka fakte qe eshte nje milioner dmth nga hiqi prandaj nese Kosova eshte e gatshme per te korruptuar dhe per profiter Fatmiri do ta krijon nje parti adekuate pa popull por vetem me korrupcionista vagabonde dhe neandertale.

E populli si gjithnje do te ul bishtin '' se behet mire'' me kete shprese nje dite edhe do te flutroj me krah te lyer me dyll.

[projekti21_dk]

I kandiduar nga kush??. Nga cila parti dhe per kende per cilin popull nese per shqiptare jo ateher kush do ta votoj.

Dihet qe Fatmiri i ka do afera edhe nese nuk ka afera ka fakte qe eshte nje milioner dmth nga hiqi prandaj nese Kosova eshte e gatshme per te korruptuar dhe per profiter Fatmiri do ta krijon nje parti adekuate pa popull por vetem me korrupcionista vagabonde dhe neandertale.

E populli si gjithnje do te ul bishtin '' se behet mire'' me kete shprese nje dite edhe do te flutroj me krah te lyer me dyll.

dhe është për t'u cuditur si mundet një popull "shqiponjë" të bjerë në gjumë kaq të thellë. Po ka qenë një popull heroik e liridashës. Kjo më habit shumë. Hipnoza i ka fajet!