Kur dashurohesh me mikun tënd

[{A_N_G_E_L_69}]

Kam rënë në dashuri me mikun tim më të mirë, po tani si t’ia bëj? Mos vallë miqësia dhe dashuria mes një burri dhe një gruaje janë marrëdhënie që rrjedhin paralelisht dhe të destinuara për të mos u kryqëzuar kurrë? Ja se si mund ta përballoni situatën nëse ju ndodh diçka e tillë.
Ndodh që miku i ngushtë të bëhet diçka më shumë për ju. Por përse femrat bien pikërisht në dashuri me shokët e zemrës? Mos vallë ndikojnë besimi, pasionet e përbashkëta, respekti dhe vlerësimi reciprok? Ndoshta ka shumë arsye, por më kryesorja është që mund të mbështeteni në çdo moment tek ai. Me të mund të flasësh për gjithçka pa pasur frikë se mund të gjykohesh. Por para se të vendosni t’i flisni hapur për dashurinë, në fillim duhet të kuptoni nëse ndjenja juaj është e sinqertë. Heshtja mund të prishë gjithçka, t’ua prishë marrëdhënien. Ndoshta nga e gjithë kjo mund të lindë një dashuri, ose në rast të kundërt do ta vazhdoni shoqërinë me një peshë me të lehtë në stomak.
Dhe kjo mund të ndodhë pikërisht atëherë kur nuk e pret… Mes një besimi reciprok, një përqafimi të dashur, një komplimenti që del nga thellësia e shpirtit, të ndriçohet papritur një ndjenjë për të cilën nuk keni qenë shumë e qartë. Dhe në këtë mënyrë vlerësimi reciprok dhe besimi bëjnë të vetën: kështu si pa e kuptuar ke rënë në dashuri me mikun më të mirë dhe e keqja është se nuk mund të kthehesh më pas. Të mbetet vetëm të rezistosh e të përballesh me situatën e ndërlikuar. Por si mund të silleni para një ndryshimi të tillë? A ndodh shpesh që dy miq të bien në dashuri dhe lidhen me njëri-tjetrin? Ja disa këshilla lidhur me këtë “problem”.


Përse ndodh


Rrugët e dashurisë janë të pafundme, por ka nga ato që fshehin kurthe dashurie më shumë se të tjerat. Miqësia midis burrit dhe gruas është shpesh një rrëshqitje e butë drejt një marrëdhënieje tjetër. Kjo ndodh sepse keni mundësi që të kaloni më shumë kohë me një person tjetër pa u kufizuar, pa pasur frikë se mund të ndodhë ndonjë gjë e pakëndshme, të bindur se miqësia ka kode të ndryshme nga dashuria dhe ndodh që të mos biesh në grackën e kësaj të fundit. Por me sa duket gabohemi! Liria u jep mundësinë personaliteteve dhe karaktereve të zbulohen gradualisht, pa qenë e nevojshme të kalohet nëpërmes etapave standarde, secila me hapa të përcaktuar dhe të detyruar.


Si të silleni


Tani që i keni qartësuar ndjenjat tuaja, prisni një moment para se të rrëfeheni. Përpiquni të kuptoni nëse ajo që ndieni ju kthehet, duke provuar që të ndërroni pak sjelljen. Kështu mund të vëreni nëse edhe tek ai ka ndonjë ndryshim. Frika më e madhe është se mos shkatërrohet një marrëdhënie e qëndrueshme, apo marrja e një përgjigjeje negative. Kështu që pritja është një sugjerim i mirë për të kuptuar se sa e vërtetë dhe e qëndrueshme është kjo marrëdhënie në zemrën tuaj. Gjithashtu, ky mund të jetë një moment vetmie reflektimi nga i cili po përpiqeni të kthjelloni ndjenjat e ngatërruara, nëse kjo e juaja është miqësi apo diçka tjetër. Pasi t’i keni bërë të gjitha këto kontrolle emocionale duke arritur në përfundimin që, po është dashuri, nuk ju mbetet gjë tjetër veçse t’ia thoni. Nuk ka më kuptim të vuani në heshtje, më mirë të flisni hapur, sepse nuk i dihet mund të merrni një përgjigje pozitive.


Nëse merrni një jo


Në këtë rast, zgjidhja më e mirë do të ishte largimi për një periudhë të shkurtër kohore në mënyrë që të kthjelloheni. Pavarësisht përgjigjes negative të shtireni sikur gjithçka shkon si më parë, do të thotë të sforcoheni, gjë që rrezikon të komprometojë përfundimisht marrëdhënien. Merrni të gjithë kohën që ju nevojitet për të vlerësuar nëse ia vlen dhe a është e mundur që ta varrosni ndjenjën e dashurisë dhe të kënaqeni me atë të miqësisë.

[toni54]

une mendoj vajzat edhe sot jane qe nuk mund te mbajne miqesine....sado nga ato qe thone se akuzat gjithmone i hedhin mbi meshkujt.......ate shoke as femnat se respektojne.......mua me ka ndodhe kjo me nje shoqe sikur u pajtuam per shoqeri nje kohe po dikur ja nisi e kuptoja krejt po beja se spo kuptoj.......pra ajo qe mendoj eshte edhe qe edhe po te zeje dashuria me shokun eshte me mire se e njef me mire .....

[Mezhgorani]

thjesht i bie shurt me dashnoren . Me dashnoren ia mbush dhe pas e ben shoqe .
Kurse me shoqen , e njeh se pari dhe pas sigurisht do kalos na faza e dashurise .
Tani nese do ta besh apo jo . nuk i dihet .

[Brari]

me mir dathurohu me mikun se me armikun qe te shalo ne hu..

[Enii]

shprehja eshte dhe .. Shoku ta fut ...

[Pirate of Love]

ç` dashuri varfanjake duhet te jete, nuk gjeti njeri te dashurohet, por ngeli ne dashurine e mikut !

[Nete]

Kur e quan dikend mik ose mikeshe,duhet edhe ta mbash,ka vlere fjala mik... megjithse ka humbur me ajo

[Pirate of Love]

Kur e quan dikend mik ose mikeshe,duhet edhe ta mbash,ka vlere fjala mik... megjithse ka humbur me ajo

po pra, ne ditet e sotme ti thuash dikujt "te dua" eshte bere, sikur ti thuash miremengjes o miredita ndersa per miq, as qe diskutohet ajo pune, por e perdorin vetem si fjale per te lozur me to

[Nete]

po pra, ne ditet e sotme ti thuash dikujt "te dua" eshte bere, sikur ti thuash miremengjes o miredita : ndersa per miq, as qe diskutohet ajo pune, por e perdorin vetem si fjale per te lozur me to :

Poa, pra takojme njerez rruges ne vend te pershndetjes,ti themi te dua,prape si te hyjme tek dera ku punojm rend iu shkojme kolegeve te dua,besoj qe ka mbetur ende respekt ku, dhe kur te perdoret fjala te dua,dhe kend e quan mik....se mos ban hajgare ore ti pirat

[Pirate of Love]

Poa, pra takojme njerez rruges ne vend te pershndetjes,ti themi te dua,prape si te hyjme tek dera ku punojm rend iu shkojme kolegeve te dua,besoj qe ka mbetur ende respekt ku, dhe kur te perdoret fjala te dua,dhe kend e quan mik....se mos ban hajgare ore ti pirat

po si te sqarohet ndryshe, e shikon e ka pasur mik, i ka thene miremengjes, miredita e tani i ka nderruar, ne vende te miremengjesit, i thote "te dua" e per diten, rrespektivisht naten e mire, perseri nje " a llove ju"