Pershtypje dhe ndjesi

[daniel00]

Marc Levy

Të shoh ndërsa fle, Zot, sa e bukur je. Rrotullohesh përsëri në këtë natë të fundit në të cilën të zënë të dridhura e unë të shtrëngoj pranë, duke vendosur xhakoventon mbi ty.Do kisha dashur të bëj të njëjtën gjë për çdo dimër tëndin.
Fytyra jote është e qetë, të përkëdhel faqen dhe për herë të parë të ekzistencës sime, jam i trishtuar dhe i lumtur në të njëjtën kohë.
Kur u takuam, në secilin prej nesh kishte shumë gjëra të paplota e të parealizuara. E unë kur iki në të gdhirën e mëngjesit duke u larguar pak e ngapak për të përfituar deri në fund nga çdo çast që kaloj me ty. Do të zhdukem pas kësaj peme për t´iu dorëzuar arsyeve të këqia.
Kthehu, e dashura ime, në atë shtëpi që të përshtatet aq shumë. Do të kisha dashur të prek muret e shtëpisë tënde që kanë shije kripe, të shoh përtej dritareve të tua mëngjeset që zbardhin në horizonte që nuk i njoh, por që i di se janë të tuat.
Ke arritur të bësh të pamundurën, ke ndryshuar një pjesë timen.
Do të doja vetëm që trupi yt të më mbulonte e të mos shoh më kurrë dritën e botës përveçse nëpër sytë e tu.
Atje ku ti nuk ekziston, nuk ekzistoj as unë. Duart tona së bashku do të bënin një të vetme me dhjetë gishta, e jotja në timen do të bëhej e imja, aq sa, do të përgjumesha kur të mbylleshin sytë e tu.
Mos ji e trishtuar, askush nuk do të mundet kurrë të vjedhë kujtimet tona.
Tani më mjafton të mbyll qepallat që të të shoh, të ndal së marri frymë që të ndjej aromën tënde, të vendosem përballë erës që të jem frymëmarrja jote.
Tani dëgjo: kudo që të jem, do të njoh të qeshurën tënde, do të shoh buzëqeshjen në syte e tu, do të dëgjoj zërin tënd.
Fakti i thjeshtë që di se ti je diku në këtë tokë, do të jetë në ferrin e kësaj jete, këndi im i parajsës.

[daniel00]

Përshtatem më çdo gjë; me kalimin e kohës kam filluar të mendoj të jem "e fortë", që është një fjalë e çuditshme nëse e imagjinon mbi fytyrën time, por vërtetë: me kohën kam filluar të mbahem si më rezistente ndaj përplasjeve se sa më kishin mësuar dy apo tre njerëz në të shkuarën.
Por.
Por është diçka ndaj së cilës nuk arrij të mësohem e t'i dorëzohem, diçka që vërtetë nuk di si ta përballoj: pasiguria. Agonia e ngadaltë e mosdijes. Ose që të dish përgjysëm. Ose që të dish ngaqë ke dëgjuar të tjerët të thonë, gabimisht. Që duhet të presësh, sepse edhe nëse bëj pyetje, për momentin nuk ekzistojnë përgjigje e kështu do të jetë edhe për ca kohëra të tjera që do të vijnë. Pasiguria më shkatërron më shumë se dhimbja, më shumë se e keqja; më përfshin, merr kontrollin tek unë e nuk lë hapësirë për asgjë tjetër. Vjedh nuancat e mia, rezistencën time, dashurinë time e më lë indiferente përpara jetës time. Është absurde të mendosh që atëherë për mua ka rëndësi vetëm çfarë nuk di, çfarë nuk mund të di. Mbase. Ende.
Për atë që di, për atë që kam, për atë që më mbetet nuk më bëhet vonë fare, ndonjëherë, e nuk ekziston trishtim më këmbëngulës se ky.
Për mua.

x

[daniel00]

Uilliam Shekspir - Do të mësosh

Pas njëfarë kohe do të mësosh ndryshimin ndërmjet të japësh dorën dhe të ndihmosh një shpirt të brengosur…
Do të mësosh që të duash nuk do të thotë të mbështetesh dhe që shoqëri jo gjithmonë do të thotë siguri. Do të fillosh të mësosh se puthjet nuk janë kontrata, as përkujtime, as premtime…
Do të nisësh të pranosh disfatat e tua me kokën lart, ngritur, duke parë drejt përpara teje, me gëzimin e një të rrituri dhe me trishtimin e një fëmije.
Do të zbulosh se shumë herë vetëm sa i kalojmë pranë njerëzve që kanë rëndësi më tepër, e megjithatë duhet tu themi gjithmonë që i duam, që gjithësesi të ishim të sigurt nëse do të ishte hera e fundit që i shohim.
Do të mësosh se miqësitë e vërteta shkojnë duke u forcuar pavarsisht distancave, që nuk ka rëndësi se çfarë ke, por kë ke në jetë… Do të zbulosh se miqtë e vërtetë janë familja që ne kemi zgjedhur.
Do të shohësh që kërkon shumë kohë që të arrish të jesh personi që duam të jemi e që koha është e shkurtër. Do të mësosh se nuk ka rëndësi ku ke arritur, por ku je drejtuar… dhe… nëse nuk e di, çdo lloj vendi ka dobinë e vet.
Do të mësosh se nëse nuk kontrollon gjestet e tua, ato do të kontrollojnë dhe që të jesh elastike nuk do të thotë të jesh e dobët apo të mos kesh përgjegjësi, sepse nuk ka rëndësi sa delikate apo e brishtë të jetë një situatë, përherë ekzistojnë dy anë. Do të mësosh se heronjtë janë njerëzit që bënë atë që duhej duke u përballur me pasojat.

Do të mësosh se durimi kërkon shumë përvojë… Do të zbulosh se në ca raste personi që ti pret që do mund të të shkelë me këmbë ndërsa bie, mbase mund të jetë nga të paktët që të ndihmojnë të ngrihesh.
Të rritesh ka të bëjë më tepër se sa ke mësuar me eksperiencat se sa me vitet që ke jetuar.
Do të mësosh se ka brenda teje nga vendi yt shumë më tepër nga çfarë supozon…

Do të mësosh se me të njëjtën rreptësi me të cilën gjykon , do të jesh gjykuar edhe ti, e që në një moment të caktuar edhe dënuar.
Do të mësosh se nuk ka rëndësi se në sa copa zemra jote është coptuar, bota nuk ndalet sepse të duhet ta ngjitesh…
Do të mësosh se koha nuk është diçka që mund të rikthehet, ndaj duhet ta kultivosh kopshtin tënd dhe të zbukurosh shpirtin tënd sesa të presësh dikë që të të sjellë lule.
Do të mësosh se kur ndjen zemërim, ke të drejtën ta kesh por kjo nuk të jep të drejtën të jesh e pamëshirshme.
Do të zbulosh se vetëm pse dikush nuk të do në botën që do të doje, nuk do të thotë se nuk të do me gjithçka që mundet, ashtu siç ka njerëz që na duan por nuk dinë si ta tregojnë, është gjithmonë e mjaftueshme të jesh falur nga dikush, ndonjëherë duhet të mësosh të falësh veten tënde.
Do të mësosh se nuk duhet të ndërrojmë miqtë nëse jemi të gatshëm të pranojmë që miqtë të ndryshojnë.Do të kuptosh se do të mund të kalosh momente të bukura me mikun tënd më të mirë duke bërë çdo lloj gjëje apo asgjë, vetëm për kënaqsinë që të kalosh çaste në shoqërinë e tij…
Do të zbulosh se janë të nevojshëm vite për të ndërtuar besimin e vetëm pak sekonda për ta shkatërruar e që madje edhe ti mund të bësh gjëra për të cilat mund të pendohesh gjatë pjesës së mbetur të jetës tënde.
Do të mësosh se rrethanat dhe ambjenti që na rrethon kanë ndikim mbi ne, por ne jemi të vetmit përgjegjës për ato që bëjmë.
Do të fillosh të mësosh që nuk duhet të krahasohemi me ekstremet, përveçse kur duam t’i imitojmë për t’u përmirsuar.
Do të mësosh të ndërtosh gjithë udhët e tua, sepse terreni i së nesërmes është i pasigurtë për planet dhe e ardhmja ka zakonin të bjerë në zbrazëtirë.

Pas njëfarë kohe do të mësosh se dielli djeg pa iu ekspozuar shumë…
Do të pranosh, përveç të tjerash, që njerëzit e mirë ndonjëherë do mund të të lëndojnë e do duhet t’i falësh…
Do të mësosh që e folura mund të lehtësojë dhimbjet e shpirtit.
Atëherë do të dish vërtetë të mund të durosh, që je e fortë e që do mund të shkosh shumë më larg se sa çfarë kishe menduar kur besoje se nuk do t’ja arrije. E që vërtetë jeta vlen kur gjendet vlera dhe kurajoja për ta përballur.

[daniel00]

Fëmija i Hënës

Budalla është ai që nuk kupton
Legjendën që thotë
Se një grua cigane
Iu përgjërua hënës deri në agim
Duke qarë ajo iu lut
Që kur të zbardhte dita
Të martohej me një burrë
“Ti do të kesh burrin tënd zeshkan”
Që nga qielli iu përgjigj Hëna,
“Por në shkëmbim dua
Fëmijën e parë
Që do t’i lindësh atij”
Që t’ia jepte Hënës si sakrificë
Që Hëna të mos mbetej vetëm
Nuk do ta donte shumë e ëma gjithësesi

Refren
O Hënë, ti do të jesh nënë
E ti nuk gjen askënd që të plotësojë
Dëshirën tënde për ty
Më thuaj, Hënë e argjendtë,
Ti që nuk ke krahë
Si do ta përkundësh fëmijën
Fëmijën e Hënës

Nga një baba ngjyrë kanelle lindi një fëmijë
I bardhë si barku i një nuselale
Me sytë gri
Në vend të ngjyrës së ullinjtë
Bir albino i Hënës
“Mallkuar qoftë ngjyra e tij
Është fëmija e një të bardhi
Dhe unë nuk do të hesht”

Refren
O Hënë, ti do të jesh nënë
E ti nuk gjen askënd që të plotësojë
Dëshirën tënde për ty
Më thuaj, Hënë e argjendtë,
Ti që nuk ke krahë
Si do ta përkundësh fëmijën
Fëmijën e Hënës

Cigani, duke besuar se ishte turpëruar
Me thikë në dorë shkoi të gjente gruan
“I kujt është fëmija?
Jam i sigurtë që më ke tradhëtuar”
Dhe e plagosi për vdekje
Pastaj ai u ngjit në mal
Me fëmijën në krahë
Dhe atje e la

Refren
O Hënë, ti do të jesh nënë
E ti nuk gjen askënd që të plotësojë
Dëshirën tënde për ty
Më thuaj, Hënë e argjendtë,
Ti që nuk ke krahë
Si do ta përkundësh fëmijën
Fëmijën e Hënës

Dhe netët që fëmija luan e buzëqesh
Prej gëzimi edhe Hëna rrumbullakoset
Dhe kur fëmija qan
Ajo zvogëlohet për t’i bërë
Një djep drite
Dhe kur fëmija qan
Ajo zvogëlohet për t’i bërë
Një djep drite

[daniel00]

Nina George

Dhimbja më ka treguar se çfarë është me të vërtetë e rëndësishme.
Dhimbja funksionon kështu: të shoqëron që nga fillimi. Të zgjon.
Qëndron gjithë ditën me ty, deri në darkë, e nuk të lë të flesh rehat. Të shtrydh e të trondit. Por edhe të ngroh.
Herët a vonë largohet, por nuk largohet kurrë përgjithmonë.
Lë përherë gjurmë. E më në fund... kuptova papritur se çfarë është e rëndësishme në jetën time.
Dhimbja ma zbuloi: dashuria është më e rëndësishmja.

..............

E ndërsa ajo gjen strehë në botën e saj, ku mbetet pjesa tjetër e botës ?

.............

Gamberale

E më pas erdhi ai mëngjes. Kur në mënyrë misterioze ndjeva që nuk dhimbte aq shumë ku më parë nuk duroja. Ose që mbase, tanimë isha mësuar me atë dhimbje e që në një mënyrë apo një tjetër, mund të ecja përpara.

.............

Ndërmjet natës që mbaron
dhe fillimit të ditës
zemra ime ka urgjencë
prej nostalgjisë tënde

..............

Febraro

Kur bie shi, ndaj me ty çadrën, nëse nuk kam çadër, atëherë ndaj shiun...

............

Lumturia është si një flutur, nëse e ndjek, nuk arrin kurrë ta kapësh, por nëse qëndron e qetë, mundet që mbase të ulet e të qëndrojë mbi ty.

[daniel00]

Nuk më pëlqen të përdor fjalë të komplikuara
për të shprehur një ide
Mendoj se jeta është vetë mjaft e komplikuar.
Më pëlqejnë gjërat e thjeshta,
më pëlqen të zgjas një dorë
dhe të gjej pranë meje atë që kam nevojë.
Lumturia, ajo e vërteta nuk duhet gjëmuar,
e gjen pranë teje.
Nuk shërbejnë fraza të artikuluara me nënvizime
mjafton një "Të dua shumë".
Nuk kam nevojë për premtime të mëdha,
dua buzëqeshje, përqafime, të qeshura e prani.

.............

Besoj se ndonjëherë do të duhej
Të mos mendosh, por të jetosh.
Të jetosh me ato buzëqeshje të rastësishme,
me ato përqafime të papritura.
Të jetosh me emocione të vërteta,
nga atë që të shkojnë deri në kocka
e që të sjellin të dridhura.
Besoj se ndonjëherë do të duhej
të ndaloje së pyeturi "përse"
e të lëshosh veten për të parë se çfarë ndodh.

..............

Serena Santorelli

Dikush zgjedh për të jetuar si mundet.
Dikush tjetër se si duhet.
E pastaj është ajo që zgjedh të jetojë si beson.
Po për këtë duhet kurajo.

..............

Njerëzit që takon
Janë si këngët në radio.
Për disa ngre volumin.
Për të tjerë ndërron stacion.

.............

Cacace

Të thonë se ke një karakter të keq
duke parë ato që janë sjelljet e tua
Pa ditur, se sjelljet
në ndryshim nga karakteri
janë pasojë e mënyrës që të trajtojnë.

................

- A ke shkuar përtej puthjes ?

- Po, e kam bërë të buzëqeshë.

................

Del Grande

Duhen "Cilësi"...
për të dashur femrat e shënuara nga e kaluara,
ato me karakter të fortë
por me zemër tepër të butë
pavarësisht gjithçkaje.
Duhet jashtëzakonisht dashuri
për të shëruar plagët,
zhgënjimet e mbi të gjitha
duhen shumë demostrime,
me fjalët ca lloj femrash nuk dinë çfarë të bëjnë
Janë shumë të matura
kanë jetuar shumë
sa nuk besojnë më çfarë dëgjojnë,
por çfarë je në gjendje të bësh për ato.

..............

Del Grande

Femrat e forta janë si uruganë.
Bëhen të papërballueshme, gati të paarritshme.
Nuk ndalen përpara asgjëje.
Janë të fshehta dhe dashurojnë gati duke e mbajtur sekret.
Kanë vështrime të sigurta dhe zemrën plot me shenja të vrarash.
Buzëqeshin, por kapërdijnë lot
Ato, janë femrat që bëjnë diferencën

[daniel00]

Kur jeta të jep një mijë arsye për tu rrëzuar, ti ringrihu.
Kur ditët të të duken të errëta e pa rrugëdalje, ti shpreso.
Kur zhgënjimet të ulërasin më fort se ëndrrat, ti ndërto.
Kur rrudhat të krijojnë brazda në fytyrën tënde, ti buzëqesh.
Kur të ndjehesh vetëm, eja të më kërkosh...
Do të flas se si të ringrihesh, por ti bëj të njëjtën gjë me mua.

...............

Kamy

Vetëm muzika është në lartësinë e detit.

.............

Fiorillo

Vetëm ajo që ka thjeshtësinë
është në gjëndje të të japë gjithçka.
Përulsia është shenja dalluese e një shpirti.

............

Atëherë kur largohem
duhet të vish të më marrësh
Është kur jam e padurueshme
Që duhet të më përqafosh.
Është kur mbyllem në heshtjet e mia,
që duhet të vish të më flasësh me ëmbëlsi të pafund.
Është kur jam tmerrësisht e pambrojtur,
që duhet të më mbash përdore
të më shoqërosh drejt teje.
Sepse janë ato momente
ato momente të mallkuara në të cilat rrezikoj
të humbem e të të humb.

...............

Donadei

Njerëzit e veçantë nuk bien shumë në sy
por dëgjohen jashtëzakonisht shumë.

.............

Degas

Një femër e bukur nuk është ajo që ka bërë gjoksin
apo me buzë të plota, ose me këmbë të gjata
apo me forma që bien në sy, ose me sy të bukur
E bukur është femra e ndjeshme, e fortë e në të njëjtën kohë delikate,
ajo që është e sprovuar nga jeta.
Sepse ka tejkaluar vuajtjen, ka rënë dhe është ringritur,
dhe tani është një person i vërtetë, e fortë, e përulur dhe e sinqertë.
E bukur është femra lotët e së cilës janë të përbërë
nga 10% ujë e nga 90% ndjenjë.
Dhe është një femër serioze, e lehtë dhe kurrë sipërfaqsore, e urtë dhe gazmore,
e sigurtë dhe dyshuese, e ditur dhe e etur për dituri.
E bukur është femra që ka difekte që nuk i vë re,
ato që kanë rrudha që shënojnë një jetë të jetuar e të vuajtur,
me rrathët nën sy të lëna nga netë pagjumësie prej dashurisë së thellë.
E bukur është femra që shkëlqen me dritën e saj,
me shikimin e shndritshëm dhe depërtues,
jo ajo që vë në dukje bukurinë e saj të jashtme e të përkohshme.
E bukur është femra që të bën të ndjehesh mirë duke i qëndruar pranë,
sepse "dëgjon" atë që është brenda saj.

[daniel00]

D'Annunzio

Shtrëngohu pas meje, braktisu tek unë, e sigurtë.
Unë nuk do të të mungoj, e ti nuk do të më mungosh.
Do të gjejmë, do të gjejmë të vërtetën sekrete
Mbi të cilën dashuria jonë do të mund të prehet përgjithmonë.
e pandryshueshme.
Mos u mbyll ndaj meje, mos vuaj e vetme,
mos më fshih mundimin tënd!
Më flit, kur zemra të fryhet nga vajtimi.
Më ler të shpresoj që unë mund të të ngushëlloj.
Asgjë të mos jetë heshtur mes nesh e asgjë të mos jetë kyçur.
Guxoj të të kujtoj paktin që ti vetë ke vendosur.
Më flit e do të të përgjigjem gjithmonë pa të gënjyer.
Më ler që të ndihmoj, përderisa prej teje më vjen aq shumë mirësi!

.............

Fiorillo

E pamundura
është një kufi
i mendjes.
Jo i shpirtit
dhe as
i zemrës.

..............

Del Grande

Njerëzit e bukur mbeten në zemër.
Pjesa tjetër janë vetëm të njohur.

.............

Serena Santorelli

Janë kështu, e di, njerëzit e ndjeshëm. Ndjejnë dyfish, ndjejnë më shpejt. Sepse, saktësisht një hap më përpara trupit, ecën shpirti i tyre.

.............

M. Presta

Pa paralajmërim, e desha. Ca herë, mjafton të shpërqëndrohesh një çast dhe zemra merr vendime të pavarura, pa pyetur për qëllimet e tua.

..............

Herët a vonë do të ndodhë që të rrëzohesh.

Prite këtë. Pranoje.
Je vetëm një qënie njerëzore.
Çdo gjë shkon mirë.

Fale veten.

..............

Të ndodhë çfarë të ndodhë, ditët e këqija kalojnë identik si ditët e tjera.

.............

Fabio Volo

E dua femrën, e kam dashur gjithmonë. Si mund të mos e duash? Sepse femra është e bukur. Të bukura konturet, duart e saj, lëkura, fijet e ngatërruara të mendimeve të saj.
Të bukur parfumet e ngjyrosur të dëshirave të saj. Si frikërat, turbullirat e saj. E dua bukurinë e gjesteve. E dua se si i than lotët me duar dhe buzëqeshjen e beftë që bën pasi ka qarë si fëmijë. Rreze e papritur drite. E dua. Pa të do të kisha ikur. Pa të nuk do të isha kthyer më kurrë.

.............

Fabio Volo

Nuk ka rëndësi sa ke vuajtur. Do të dashurohesh sërisht. Do të jetë më bukur se më parë. E do të jetë më e frikshme se kurrë.

[daniel00]

Kur dikush është e bukur,
vjedh shikimin.
Kur dikush është e thjeshtë
të pushton zemrën.
Kur dikush është e dashur
çliron mallëngjime.
Kur dikush është e sinqertë
frymëzon besim.
Kur dikush të emocionon,
ka hyrë tashmë në zemër.

Agostino Degas

Më pëlqejnë njerëzit autentik dhe spontan.
Ata që nuk bëjnë kurrë gjë për llogari.
Por gjithçka me zemër.

Përfundon gjithmonë kështu, i premton vetes që nuk do të varesh më prej askujt dhe përfundon duke i dedikuar gjithë këngët, frazat dhe gjërat e bukura që sheh kudo.

Nelli

A e di, një ditë do të jesh e lumtur
Dhe do të shohësh pas.
Gati nuk do ta besosh duke kuptuar
se sa miliona gjëra
që mendoje se ishin të pakalueshme
tani të bëjnë që të buzëqeshësh.
E pra, arrite të ecësh përpara,
me dinjitet luftove,
ke qarë gati krenare edhe për lotët.
Ke tejkaluar pragje, shembur mure
shëruar plagë, dhe ja ku je sot,
duke parë gjithë këto pas teje
me një buzëqeshje të shkëlqyer.

Ephron

Dy njerëz nëse janë bërë
për njëri tjetrin
Do të përfundojnë duke u gjetur
përkundër distancave,
kohës
dhe madje rrethanave.

Thënie indiane

Një mbrëmje një shef i moshuar indian i tregoi nipit betejën që ndodh brenda njeriut.
I thotë: "Biri im, beteja është ndërmjet dy ujqish që jetojnë brenda nesh.
Njëri është pakënaqsia, frika, shqetësimi, xhelozia, hidhërimi, keqardhja për veten, zemërimi, inferioriteti.
Tjetri është lumturia, dashuria, shpresa, harmonia, mirësjellja, zemërgjerësia, vërtetësia, dhembshuria."
... Vogëlushi mendoi pak dhe e pyeti: " Cili ujk fiton?"
I moshuari i përgjigjet thjesht: " Ai të cilit i jep për të ngrënë"

Mikelanxhelo Da Piza

Për të jetuar në gënjeshtra
duhet të kesh një kujtesë të fortë
Për të jetuar në të vërtetën
të duhet një karakter i fortë.

"Unë nuk dua të detyroj askënd që të rrijë.
Nuk dua të jem një rrjetë, nuk dua të mbaj.
Preferoj të jem breg, vendi ku ja vlen gjithmonë të kthehesh.
Sepse nuk mund ta mbyllësh në shishe detin, mundet vetëm ta duash."

Fabio Volo

Nuk ka përralla,
Nuk ka heronj
apo bëma të mëdha,
është vendosmëria
e njerëzve të thjeshtë
që nuk dorëzohen kurrë.

Tamaro

Shumë thonë se në dashuri fiton ai që ikën, të tjerë thonë se fiton ai që pret, unë them që në dashuri thjesht fiton ai që dashuron. Edhe nëse nuk i kthehet dashuria është prapëseprapë fitues, sepse të duash është gjëja më fisnike që njeriu mund të bëjë.

Chiantese

Dashuri është kur s'do t'ia dish për të ftohtin për të pasur dhjetë minuta nga buzëqeshja e saj. Është kur do të doje të përpije trishtimet e saj më të thella për të mundur ta lirosh nga pesha e kujtimeve. Dashuri është kur të mungon pamasë dhe e vetmja gjë për të bërë është që të marrësh frymë fort për ta ndjerë nga thellësia e zemrës.

Anna Mary

E më pas, vjen dikush në majë të gishtave që fillon të të bëjë të flasësh të buzëqeshësh, e të kuptosh që nuk ka asgjë të gabuar në të qënit e sinqertë e në ca edhe pak naive, se je e veçantë pikërisht ashtu siç je.
Atëherë i rikthehesh asaj që të kishte sjellë aq shumë dhimbje e kupton se është duke u venitur, që zemërimi ka ikur, që zhgënjimi nuk është më, je e lirë, e lirë nga ajo peshë që kishe në zemër, e lirë për të shikuar përpara. E shkuara ka mbetur pas në të shkruarën e nuk do të kthehet më, e nuk do të sjellë më dhimbje, sepse nuk e ka më portën e hapur për të arritur tek zemra jote.

Erdhi indiferenca e bashkë me të... liria.

Kush dashuron ka durim, është e vërtetë,
por ndonjëherë durimi
nuk është ai që duhet.
Ndonjëherë duhet kurajoja
për të thënë mjaft,
me ëmbëlsi, por mjaft.

" Mbaj mend, njerëzit janë shumë krenarë për të pranuar gabimet e tyre.
E për këtë, çfarëdo që të ndodhë, do të të thonë gjithmonë që faji ishte i yti :
Do të ta përsërisin aq shumë herë, sa do të përfundosh duke menduar që mbase është vërtetë ashtu."

Një dorë që të ndihmon të ngrihesh kur je rrëzuar është shumë më e rëndësishme se një mijë duar që të përqafojnë kur je në këmbë.

Kur një femër të përgjigjet "Do të kalojë.." mos i bëj pyetje. Përqafoje fort pas vetes, sepse në atë moment po të thotë që po vuan.

Daisaku Ikeda

Kur vuan
mund të të duket se kjo vuajtje
zgjat përgjithmonë.
Por, ji e sigurtë, nuk do të jetë kështu.
Dimri transformohet gjithmonë në pranverë.
Asnjë dimër nuk zgjat përgjithmonë.

Gibran

Të gjithë duan lumturinë,
askush nuk do dhimbjen,
por nuk mund të bësh një ylber,
pa pak shi.

Luna Del Grande

E dashur jetë, të dedikoj ditët e mia më të vështira dhe ëndrrat e mia më të bukura.
Të kërkoj vetëm të më japësh gjithmonë forcën që më kundërveçon dhe kurajon për të përballuar gjithçka.

Del Grande

E vërteta është në gojët e të shumtëve
por në zemrën e të paktëve.
Gjithësekush tregon atë që do,
por mbi të gjitha atë që i leverdis.
Ti dëgjo zemrën,
për pjesën tjetër merret jeta.

Styles

Askush nuk vë re trishtimin tënd,
askush nuk vë re lotët e tu,
askush nuk vë re dhimbjen tënde,
por të gjithë vënë re gabimet e tua.

Nënë Tereza

Ka që besojnë se çdo gjë u takon,
por nuk i takon asgjë askujt,
gjërat fitohen
me ëmbëlsi e përulje.

De Pascalis

Njerëzit e ndjeshëm janë ashtu.
Një herë në fund të gropës,
një herë në majë të malit.
Po çfarë emocionesh!

Paes

Është bukur të jesh në mendimet e dikujt,
por të jesh mendimi i saj është mrekullisht e papërshkrueshme

Lo Presti

E di pse ndonjëherë mbetemi të zhgënjyer ?
Sepse besojmë se të tjerët
janë të gatshëm të bëjnë
atë që do të bënim për ta.

I adhuroj ata njerëz që njohin
kuptimin e "distancës",
asnjëherë shumë afër, asnjëherë shumë larg,
por gati të të gjenden në momente të vështira.

Brus Li

Mos u lut për një jetë të lehtë...
Lutu që të kesh forcën të përballosh një jetë të vështirë.

Hygo

Ndërroji opinionet
por ruaj principet e tua.
Ndërroji gjethet
por ruaji të padëmtuara rrënjët e tua.

O. Fallaci

Asgjë nuk lëndon, helmon, sëmur sa zhgënjimi. Sepse zhgënjimi është një dhimbje që vjen gjithmonë nga një shpresë e shuar, një disfatë që lind gjithmonë nga një besim i tradhëtuar, domethënë nga mohimi prej dikujt në të cilin besonim.

Curnetta

Njerëzit e ndjeshëm janë të fjalëve të pakta,
por shpirti i tyre flet në mënyrë të vazhdueshme.
Dhe e bën përmes gjesteve, shikimeve...
Dhe heshtjeve.

Curnetta

Ji optimiste.
Mund të të rrënojnë ditë e muaj,
por nuk do të arrijnë të të shkatërrojnë jetën.

Littleword

Bukuria e një femre
matet nga ëmbëlsia
dhe nga ajo sasi qetësie
që përçohet në gjestet në lëvizjet.
Një femër është e bukur për virtytin,
jo për të jashmen.

Pistoia

Përpara se ta shohësh në qiell,
diellin,
bëje të lindë brenda teje.

Merini

Kisha uri për gjëra të vërteta,
të natyrshme, që prej krijimit;
Kisha uri për dashuri.
A do ta kishin kuptuar ndonjëherë të tjerët ?

Ndonjëherë një dhimbje i lidh dy njerëz shumë më tepër se sa mund ta bëjë një lumturi.

Vapzarov

Në ëndrrat e tua do të vij herë pas here
mik i papritur, i ardhur nga larg.
Në rrugë, jashtë, mos më ler,
mos e blloko derën.
Do të hyj në heshtje, butësisht do të ulem,
do të fiksoj vështrimin në errësirë për të të parë.
Kur të jem ngopur duke të shikuar,
do të jap një puthje e do të iki.

Flaubert

Çfarë do një femër,
me të vërtetë
është që të gjejë një mashkull
që ti tregojë se meshkujt
nuk janë të gjithë njëlloj.

Bukowski

Shpirti i lirë është i rrallë,
por kur e takon
e njeh:
mbi të gjitha sepse
provon një ndjesi mirëqënieje
kur i qëndron pranë.

Arrij që me një gisht të prek një re.
Megjithëse e di që është larg me kilometra... por më pëlqen të jem në lartësinë e fantazisë time.

Pavese

Ti do të jesh e dashur ditën që do të mund të tregosh dobësinë tënde pa e përdorur tjetri që të tregojë forcën e tij.

Emily Dickinson

Kam frikë një burrë fjalëpak
kam frikë një burrë që hesht
diplomatit mund t'ia kaloj,
llafazanin mund ta përmbaj,
por atë që peshon ndërsa të tjerët
harxhojnë çdo gjë që kanë,
këtij burri i ruhem
kam frikë se ai do të jetë i madh.

Littleword

Kam nevojë për durim,
që të transformohet në shpresë,
që të bëhet forcë.

Tangorra

E nëse dielli mund t'i japë qiellit
ylberin e tij më të bukur
vetëm pas një shtrëngate,
edhe jeta, mbase,
na keqtrajton pak
që të mundet të na ofrojë
diçka të çmuar.

Një njeri i mençur u ul në mes një grupi njerëzish dhe tha një barsaletë.
Të gjithë qeshën si të çmendur.
Pas një momenti, ai tha të njëjtën barsaletë përsëri.
Këtë herë më pak njerëz qeshën.
Ai e tha prapë dhe e përsërit disa herë të njëjtën barsaletë.
Kur nuk mbeti më asnjë e qeshur në turmë, ai buzëqeshi dhe tha:
Ju nuk mund të qeshni me të njëjtën barsaletë duke e përsëritur por pse ju vazhdoni të qani për të njëjtën gjë sërisht e sërisht ?

I dua njerëzit që mbahen mirë edhe kur rrinë vetëm. Janë ata, që nëse të kërkojnë, është sepse të duan vërtetë.

D'avenia

Ka dy lloj mundimesh në jetë:
Pasoja e kurajos së tepruar.
Pendesa prej frikës së madhe.

Në martesa, të moshuar më japin gjithmonë një të rrahur shpatullave duke më thënë : "Rradhës tjetër do jesh ti"
Kam filluar të bëj të njëjtën gjë me ta nëpër funerale.

Zevin

E më pas, shumë ngadalë, harron. Njerëzit, ata që dukeshin të pashlyeshëm fashiten pak nga pak.
Harron. I harron të gjithë. Madje edhe ata që thoje se i doje apo ata që thoje se i doje vërtetë.
Janë të fundit që zhduken.
E atëherë kur të kesh harruar mjaftueshëm, mund të duash dikë tjetër.

[daniel00]

Një ndjenjë bëhet e fortë vetëm kur ka sinqeritet të ndërsjelltë.

Nuk duhet të mbrosh apo të shpjegosh vendimet e tua askujt.
Është jeta jote, jetoje pa shfajësime.

Gjërat më të bukura lindin papritur.
Është e kotë të mallkosh veten, të programosh dashurinë, ditët, gjërat për të bërë.
Gjërat më të bukura të godasin atëherë kur e pret më pak.

Askush nuk mund të ta japë. Forcën që të lënë gjërat të shkojnë, forcën për të harruar, forcën për të jetuar, për të vazhduar së luftuari, forcën për të buzëqeshur edhe kur nuk ke dëshirë ta bësh, edhe kur dikush do të dojë të ta marrë.
Fitoje betejën tënde por jo mbi të tjerët, mbi veten tënde, betejën e jetës tënde.
Gjeje diellin brenda teje, në mënyrë që të mundet të shkëlqejë çdo herë që shiu do të dojë të lagë buzëqeshjen tënde.

Privitera

Ndihet shumë më fort
një dhimbje e lënë
në heshtje.

S.Lion

Çfarë mendojnë të tjerët për mua nuk ka rëndësi... prapëseprapë rruga që do të bëj do të jetë e njëjta...
e imja.

"Njerëzit që mendojnë se gjëja më e keqe është të humbësh një person që e do shumë. E kanë gabim.
Gjëja më e keqe është të humbësh vetveten ndërsa do shumë dikë tjetër."

"Mos ndalo kurrë së arrituri ëndrrat e tua prej dikujt, kurrë. Nëse e bën, herët a vonë do të pendohesh."

Përpara se të flesh, 91% e mendjes tënde fillon të imagjinojë gjëra që do të doje të ndodhnin...

Nëse të jesh e brishtë do të thotë të jesh e aftë që të vuash... atëherë do të ruaj brishtësinë time... sepse nuk kam frikë të tregoj që kam dobësi... nuk kam frikë të kërkoj ndihmë kur nuk ja arrij me forcat e mia... e nuk kam frikë të pranoj që jo gjithmonë jam e fortë, që ka momente jashtëzakonisht të pakëndshme, momente trishtimi, momente dëshpërimi... Unë nuk kam frikë të tregohem vetvetja në një botë të shumë maskave e pak fytyrave... e nëse rrezikoj të vuaj se tregoj fytyrën time të vërtetë... nuk dua t'ja di... sepse unë e rrëfej që jam e brishtë... e nga brishtësia time, do të di të gjej forcë...

Merini

Ka momente vetmie që bien papritur si një mallkim, mu në mes të ditës. Janë momentet në të cilat shpirti nuk vibron më.

Santorelli

Ka meshkuj që e kanë aq të lodhshme që të dashurojnë. Nuk dinë se nga t'ja fillojnë e nëse përballen me diçka të madhe, me vështirësi arrijnë të kujdesen.
Kur i ndesh në jetë, mos ki iluzione për të mundur t'i ndryshosh. Me ty do të njohin kuptimin më të thellë të dashurisë, por nuk do të jenë kurrë aq kurajoz sa të qëndrojnë.

Do të ndryshosh... është jeta që të detyron ta bësh, pak zhgënjimet, pak falsiteti i personave që nuk prisje. Kjo është jeta... me kalimin e kohës kuptohen shumë gjëra.

Montalcini

Në fund të fundit,
mos i kini frikë momentet e vështira.
Më e mira nis prej aty.

Marinoff

Është e rëndësishme mos të qëndrosh shumë, në të shkuarën apo në të ardhmen, sepse vetëm sa e errësojnë të tashmen, me të cilën sido që të jetë duhet të përballesh.

Ndershmërisht nuk kam nevojë atë që sheh të mirën tek unë. Kam nevojë dikë që sheh edhe të këqijat e prapë do të donte...

Nëse Zoti e mbyll një derë, mjaft godite mbi të! Çfarëdo që latë pas, nuk ishte për ju. Konsidero faktin që mbase Ai e mbylli atë derë sepse të vlerësonte më shumë.

Kur dikush kujdeset për ju, bën një përpjekje, jo të nxjerrë një shfajësim.

Vetëbesim nuk është:
"Ata do të më pëlqejnë"
Vetëbesim është :
"Do të jem shumë mirë nëse nuk më pëlqejnë."

Koepke

Fakti që je në vështirësi nuk të bën një barrë. Nuk të bën të padashur apo të padëshiruar apo që nuk meriton vëmendje. Nuk të bën të tepruar apo shumë të ndjeshme apo shumë kërkuese. Të bën njerëzore. Çdokush kalon vështirësi. Të gjithë kanë vështirësi të përshtaten, dhe ndonjëherë rrëzohen.
Gjatë këtyre kohëve nuk jemi të kollajtë për tu duruar - dhe kjo është normale. Askush nuk është i kollajtë njëqind përqind të kohës. Po, mund të jesh ndonjëherë e pakëndshme apo e vështirë. Po, mund të bësh apo të thuash gjëra që i bëjnë njerëzit përreth teje të ndjehen të pashpresë apo keq. Por ato gjëra nuk janë gjithçka çfarë ti je dhe ato gjëra sigurisht që nuk të zhvlerësojnë si qënie njerëzore. E vërteta është se ti mund të jesh në vështirësi dhe prapë të jesh e dashur. Ti mund të jesh e vështirë dhe prapë dikush të merakoset. Mund të jesh më pak se perfekte dhe përsëri të meritosh mirëkuptim e mirësjellje.

Kadare

Ja, hap nje dere, mbyll nje dere
dhe endem kot neper shtepi.
Per ty mendoj ne cdo penxhere,
E pas cdo dere t'kerkoj ty.
Por ti je larg... Edhe debora
tani ne rruget zbardh kudo;
Ajo per ty me flet cdo ore,
Me flet me ererat ajo.

Tani u ngrys. Diku dritares
degjon ti shiun neper xham,
E me kujton e humbur fare,
E me therret qe larg ku jam.
Merzitesh. Shiu i paprere
troket n'oborrin tend tani...
Ti hap nje dere, mbyll nje dere
dhe endesh kot neper shtepi.

Askush s'do arrijë të kuptojë si ja bëjnë,
por femrat bëjnë gjithçka.
Mbledhin gjërat e bëra rrëmujë
e i vendosin në vendin e vet
shtëpinë, rrobat, dollapët...
zemrën e tyre të thyer.

Pjesa më e bukur e një marrëdhënieje është ta marrësh në telefon atë person apo të jesh me të e të flasësh për marrëzira që të ndodhën gjatë ditës. Është ajo që të dëgjon t'i flasësh për orë e orë për gjëra të kota që mund të mos kenë rëndësi për të tjerët por që janë të rëndësishme për ju të dy.

Dodinsky

Je shumë më mirë po të pranosh me thjeshtësi se gjërat ndodhin për një arsye se sa të mundohesh më kot të ndryshosh të pandryshueshmen dhe të dëshpërohesh për një fund ndryshe.

Orebela Gbenga

S'ka rëndësi sa shumë dhemb apo sa keq ndjehesh, është koha për të ndaluar së menduari për atë person që luajti me ndjenjat e tua, që e mori dashurinë tënde si diçka të zakonshme, që nuk e vlerësoi përkujdesjen tënde, që nuk ishte i kënaqur me atë çfarë ti mund t'i kishe dhënë. Nuk mund të qëndrosh në vendin e lëndimit më. Ti nuk mund të vazhdosh të derdhësh lot për dikë që nuk e meritonte dashurinë që i dhe.Ti nuk mund të ndjehesh në faj ndaj vetes tënde që nuk bëre më shumë. Ti nuk mund ta bësh që ta dojë atë lidhje sepse po ta kishte dashur nuk do të kishte lënë të ikje.

Joel Osteen.

"Ti duhet të marrësh një vendim që të ecësh përpara. Nuk do të ndodhë automatikisht. Duhet të ngrihesh në këmbë e të thuash: Unë nuk dua t'ja di sa e vështirë është kjo, do të eci përpara me jetën time. Duhet të vendosësh në mendjen tënde se s'ka rëndësi çfarë ndesh në rrugën tënde, s'ka rëndësi sa e vështirë, s'ka rëndësi sa e padrejtë, ti do të bësh më shumë se sa të mbijetosh. Ti do të triumfosh ndaj saj."

Nëse do të qëndrosh, qëndro përgjithmonë
Nëse do të largohesh, largohu që sot.
Nëse do të ndryshosh, ndrysho për më të mirën
Dhe nëse do të flasësh, sigurohu që e ke me gjithë mend atë që thua.

Shannon L. Alder

"Femra e ndjeshme është njeriu më i sjellshëm e më i ndershëm që do të kesh rastin të njohësh. Nuk ka asgjë që ajo nuk nuk do të tregonte për vetveten nëse do të besonte në mirësinë tënde.
Megjithatë, në momentin që e tradhëton atë, e përzë apo e zhvlerëson, ajo do t'i jepte fund miqësisë. Ajo jeton me fajin dhe dhimbjen konstante për situatat e pazgjidhura dhe për keqkuptimet. Ajo është shpirt i torturuar që nuk është e zonja të jetojë me urrejtje apo e urryer. Kjo lloj femre ka nevojë për dashurinë më të madhe që një mashkull mund të japë, sepse shpirti i saj është shkrumbuar gjithmonë nga të tjerët.
Megjithatë, përtej tragjedisë që ajo duhet të kalojë në jetë, ajo mbetet njeriu më i dhembshur që ja vlen të njohësh nga ato që shpesh bëhen ndihmëse për zemrën e thyer të të tjerëve, të harruarve dhe të keqkuptuarve.
Ajo është ëngjëll me krahë të thyer që fluturon vetëm kur është e dashur."

Kur ke një zemër të mirë; Ti ndihmon shumë, beson shumë, jep shumë, dashuron shumë dhe mesa duket ti je që lëndohesh më shumë.