Pershtypje dhe ndjesi

[daniel00]

Florbela Espanca

Ëndrra

Kam ëndërruar që isha e dashura jote e shtrenjtë
E dashura jote e lumtur e xhelozuar
Kam ëndërruar që kisha një shtëpizë të bardhë
Ndërtuar pranë një përroi

Ti vije të në takoje, në mënyrë të mistershme
Në orë të vdekura kur toka priftërohet.
Që lutet. Unë ndieja, çmendurisht,
Të rrihte zemra ime kur nga larg

Dëgjoja hapat e tu. Dhe e pangopur,
Isha në krahët e tu brenda një çasti
Duke fiksuar sytë e tu me dashuri !

Dhe a e di, e mrekullueshmja, e ëmbla dhimbja ime :
U zgjova me sytë plot me ujë
Duke dëgjuar zërin tënd në një të zgjatur lamtumirë !

[daniel00]

Pablo Neruda

E dashura ime, nëse vdes

E dashura ime, nëse vdes e ti nuk vdes,
E dashura ime, nëse ti vdes dhe nëse unë nuk vdes,
Mos të lëmë dhimbjen të shtrijë territorin e saj
Nuk ekziston një vazhdimësi të tillë si e jona.
Pluhur mbi grurë, rërë mbi ranishte
Koha, rrjedha e ujit, era endacake
Na ka marrë me vete si fara që lundrojnë mbi ujë.
Mund të kishte ndodhur të mos ishim takuar fare në kohë.
Atë livadh ku ne u takuam,
Oh pafundësi e çastit! Ta kthejmë.
Por kjo dashuri, e dashura ime, nuk është pranë fundit.
Sepse nuk njohu lindje
Nuk do të njohë vdekje, është si një lumë i gjatë,
Që ndërron vetëm tokë dhe buzë.

[daniel00]

.. nuk do të pres nje yll për të shprehur dëshirën time më të madhe, do të pres ty.. sepse vetem ti mund të bësh nga ëndrra ime , realitetin e mrekullueshëm..

[daniel00]

Kush të do është gjithmonë, është përpara teje, përpara se të të njohë.

M. Mazzantini

[daniel00]

Të bukurat e jetës i njoh, janë ato që në një moment të caktuar nuk kuptoj nëse japin gëzim apo ligështojnë.

Susanna Casciani

[daniel00]

Të rrallë janë personat që përdorin mendjen... pak janë ata që përdorin zemrën... dhe unikë ata që i përdorin të dyja.

Rita Levi di Montalcini

[daniel00]

Jemi si qirinjtë e ndezur. E kuqja e flakës nuk është e vetmja ngjyrë, por më e jashtmja dhe më e dukshmja. Janë edhe e verdha me blunë: në bazë, përreth fitilit. Në të njëjtën mënyrë brenda nesh ndodhin tre lloje “flakërimesh”: e kuqja e pasionit në të jashtmen, e verdha e emocioneve dhe si bazë, bluja e shpirtit. Kush kalon jetën duke ndjekur pasione për të provuar emocione përjeton diçka me shumë gjallëri, por e pamjaftueshme dhe për këtë rrezikon të mbetet gjithmonë pa shpërblyer. Për të nxjerrë nga ndjesitë gjithçka që mund të të japin, duhet të merresh me shtresën më të thellë e më të fshehur. Të mësosh të kërkosh përgjigje brenda dhe jo jashtë teje. Përndryshe do të jesh gjithmonë viktimë e rrethanave dhe të luhatjeve emocionale të dikujt tjetër.

Massimo Gramellini

[daniel00]

Çdokush lë gjurmën e tij në vendin që ndjen se i përket më shumë.

Murakami

[daniel00]

Fëmijët duhet t'i falin të rriturit.

[daniel00]

E kundërta e bukurisë është mungesa e pasionit .

Gramellini