Investitore gjermane ne Prishtine

[dodoni]

Investitorët gjermanë ndërrojnë paragjykimet për Kosovën: Jemi të gatshëm të investojmë këtu


PRISHTINE, 8 mars - Investitorët gjermanë deklaruan se janë të gatshëm për të investuar në Kosovë. Sipas tyre, vizita në Kosovë ka ndërruar shumë paragjykime për investime këtu. Ata i ka ftuar kryeministri Bajram Rexhepi për të parë situatën nga afër për investime.
Sipas RTV21, vlerësimet e para të investitorëve gjermanë në përfundim të vizitës së tyre në Kosovë janë se vendi ynë është hapësirë e përshtatshme për investime bashkërisht me investitorët kosovarë. Përfaqësuesi i grupit të investitorëve gjermanë, Helmut Penez theksoi se iniciativa e kryeministrit Bajram Rexhepi është për t'u përshendetur. Sipas tij, kushtet për investime në Kosovë janë të mira dhe në shumë veprimtari.
“Ne këtu jemi si investitorë privatë pa asnjë program shtetëror. Kemi programet tona private, që i kemi paraqitur gjatë takimeve që kemi pasur në Kosovë. Sot biseduam me investitorë kosovarë dhe jemi të kënaqur me ofertat e tyre. Besojmë se veprimtarinë këtu do ta nisim në ndërtimtari, ku përfshihet prodhimi i materialeve të kësaj veprimtarie, investime në ndërtesa banimi, hoteleri, ekologji, si dhe veprimtari të tjera”, tha Penez.
Këshilltari i kryeministrit të Kosovës Safet Merovci thotë se invesitorët janë seriozë dhe kjo duhet të respektohet dhe të marrim me seriozitet. Edhe biznesmenët kosovarë interesimin e invesitorëve gjermanë e shohin si ofertë shumë të mirë. Udhëheqësi i Ndërmarrjes së Tjegullave në Besianë, Hashim Deshishku thotë se është i gatshëm për bashkëpunim. Ai tha se për sigurinë ligjore duhet të merren institucionet përkatëse.

Përshëndetje
Rrofshin Shqiptarët e Bashkuar dhe Shqipëria e Bashkuar