- Anuluesit e Islamit

[il dandi]

anuluesi i pare

Me Emrin e Allahut, i Gjithëmëshirëshmi, Mëshirëploti.
Dije se anuluesit e Islamit janë dhjetë.
I pari është: Shirku, të bërit shok Allahut të Lartësuar në adhurimin
e Tij. Allahu i Lartësuar ka thënë:

“Vërtet Allahu nuk fal t’i bëhet shok Atij në adhurim dhe i fal
gjynahet e tjera veç kësaj atij që dëshiron Ai.”
1
Dhe ka thënë i Lartësuari:
“Vërtet ai që i bën shok Allahut në adhurim atëherë Xheneti do të jetë
harram për të dhe vendbanimi i tij do të jetë Zjarri. Dhe për
zullumqarët nuk do të ketë asnjë ndihmues (në Zjarr).”
2
Dhe tek shirku hyn therja e kurbaneve për dikë tjetër veç Allahut, si për
shembull ai që ther kurban për ndonjë Xhin apo për ndonjë varr.


Shpjegimi:

Vërtet, prej librave dhe shkrimeve të Shejkhul-Islam (Muhamed
Ibn’Abdul-Uehab) është edhe “Dhjetë Anuluesit e Islamit”; dhe ajo që ka
detyrë Muslimani është që të sigurohet që t’i mësojë këta anulues derisa të
mos bjerë në ta pa e kuptuar.
Dhe anuluesi i parë e më i madhi është të bërit shirk Allahut ‘Azze ue Xhel
dhe argumentet për këtë janë të shumta. Prej tyre është thënia e Allahut
‘Azze ue Xhel:

“Vërtet Allahu nuk fal t’i bëhet shok Atij në adhurim dhe i fal
gjynahet e tjera veç kësaj atij që dëshiron Ai.”
3

E prej tyre është thënia e Tij ‘Azze ue Xhel duke treguar për Isain (‘alejhisselam) se ai tha:
“Vërtet ai që i bën shok Allahut në adhurim atëherë Xheneti do të jetë
harram për të dhe vendbanimi i tij do të jetë Zjarri. Dhe për
zullumqarët nuk do të ketë asnjë ndihmues (në Zjarr).”
4
E prej tyre është thënia e Tij Subhanehu ue Te’ala:
“Ai që krahas Allahut i lutet të adhuruarve të tjerë, duke mos pasur
kurrfarë argumenti për këtë, atëherë s’ka dyshim se ai e ka llogarinë
tek Zoti i tij. Me të vërtetë, nuk ka shpëtim për mohuesit.”
5
si dhe ajete të tjera që tregojnë se mushrikut nuk i pranohet vepra e mirë
dhe nuk i falen gjynahet, madje edhe nëse ka qenë nga njerëzit më të afërt
tek Allahut ‘Azze ue Xhel, nga njerëzit më të mëdhenj e me pozitë të lartë
tek Ai.
Dhe ka thënë Ai Subhanehu ue Te’ala:
“Me të vërtetë, tashmë të është shpallur ty (o Muhamed), si dhe atyre
që kanë qenë para teje: Nëse i shoqëron Allahut diçka tjetër (në
adhurim), me siguri që punët e tua do të zhvlerësohen dhe do të jesh
ndër të humburit.”
6
Dhe ka thënë për Pejgamberët në suren el-En’am, pasi që përmend disa
prej tyre:
“Ky është udhëzimi i Allahut, të cilin Ai ia jep kujt të dojë nga robërit
e Vet. Por, sikur ata t’i kishin bërë shirk Allahut, do t’u humbiste çdo
gjë nga ajo që kanë bërë.”
7
Dhe nga Ebij Hurejrah (radij-Allahu ‘anhu) i cili ka thënë: Ka thënë i
Dërguari i Allahut (sal-lAllahu ‘alejhi ue sel-lem): Tha Allahu Tebarake ue
Te’ala:
“Unë jam më i panevojshmi për ortak; kush bën një vepër duke më
shoquar të tjerë në të, e kam braktisur atë dhe ortakun që më
shoqëroi.”
8
Pra, të gjitha këto argumente tregojnë se kush i bëri Allahut shirk të madh,
duke iu lutur dikujt tjetër në vend të Allahut që t’i sjellë dobi e t’i largojë
dëmin – duke besuar në fuqinë e tij për ta bërë atë gjë – atëherë ai ka
dalë nga Islami. Dhe prej atyre veprave është edhe therja e kurbanit për të
tjerë në vend të Allahut ‘Azze ue Xhel, ngase Allahu Subhanehu ue Te’ala i
thotë Pejgamberit të Tij:
“Thuaj: “Në të vërtetë, namazi im, kurbani im, jeta ime dhe vdekja
ime, i përkasin vetëm Allahut, Zotit të botëve. Ai nuk ka asnjë ortak.
Kështu jam urdhëruar dhe unë jam i pari që i nënshtrohem Atij”.”
9
Andaj kush ther kurban për xhinin apo për varrin, atëherë ai ka bërë shirk
të madh dhe klasifikohet si kufër në Njëshmërinë e Allahut ‘Azze ue Xhel,
kufër që e nxjerr atë nga Islami.

1
En-Nisa, 116.
2
El-Ma’ideh, 72.
3
En-Nisa, 116.
4
El-Ma’ideh, 72.
5
El-Mu’minun, 117.
6
Ez-Zumer, 65.
7
El-En’am, 88.
8
Transmetuar nga Muslimi, n2989.
9
El-En’am, 162-163.

[nitti47]

Vlla a mundesh me jep ni sqarim tema jote po thot"10 anuluesit" kurse ti ne 10 pikat ke perseritur gjerat e njeja,ni sqarim nese ka mundsi.

[il dandi]

Vlla a mundesh me jep ni sqarim tema jote po thot"10 anuluesit" kurse ti ne 10 pikat ke perseritur gjerat e njeja,ni sqarim nese ka mundsi.

ky eshte vetem aunulesi i pare,me vone do vijojne anuluesit e tjere nje nga nje,ndersa ato numra jan te fusnotave ku mund te kontrollohet argumenti perkates te cilin dijetari ahmed iben jahja en nexhmi e sjell si argument .Allahu te shperblefte per interesimin.