Kryeministri Berisha nis sot vizitën në SHBA

[PLAKU]

http://www.botasot.info/img/sala.jpg





Kryeministri Berisha nis sot vizitën në SHBA
Bota Sot 24-4-2012

Sali Berisha do niset sot drejt Shteteve të Bashkuara të Amerikës për një vizitë zyrtare një javore.

Burime zyrtare pranë kreut të qeverisë konfirmuan dj se gjatë qëndrimit të tij në Uashington ai pritet të zhvillojë një sërë takimesh në Departamentin e Shtetit ku takimi më i rëndësishëm pritet të jetë ai me Sekretaren amerikane të Shtetit, Hilari Klinton.

Në SHBA, kryeministri ka planifikuar edhe një sërë takimesh me kongresmenë e senatorë amerikanë.

[pranvera bica]

...lum si ky...

[OPARI]

e paska hequr kemben zvarre rama
me kete vizit do zgjidhet presidenti i ri ndosht merr dhe ndonje keshill qe ti zbres kalit se u be bajat pasi me RAMA miku i vet nuk ka ndermet ta rrezoje

[Djal Dimali]

Me habit fakti qe per nje koh te gjat administrata e SHBA zere se nuk meresh me Ballkan Kazan po tani sikur u shpeshtuan vajtje ardhjet.
- me duket dhe me par vajti Basha
- ka vajtur dhe Hashimi
- pritet te vi Hilari ne Shqipri
- vete Sala ne SHBA
- dergesa e 700 farcave ushtarake te SHBA ne Shqipri
- dergimi i forcave shtes nga Gjermania dhe Austria ne Kosov
- situata e tensionuar ne veri te Kosoves
- situata e tensionuar ne Maqedoni
- tensionet Greqi <> Turqi ne Ballkan
- sikur te mos mjaftonte Serbia filloj dhe Bulgaria ti fusi hundet kudo dhe i mban hison Serbis, arin deri atje sa thot ndaheni Maqedonin qe te fitojn Shqiptaret sa me pak.
- qershia mbi tort: nuk e di sa tanke te mir ju dhuruan greqis

Nuk ka lezet ne situat te till te meremi me Sala Rama e PD PS diku tjeter qendron muabeti

[PLAKU]

http://www.mapo.al/wp-content/upload...00-300x200.jpg





Vizita në ShBA, Berisha takim me Klinton dhe Boehner


TIRANË Kryeministri Sali Berisha niset sot për një vizitë zyrtare në Shtetet e Bashkuara të Amerikës. Vizita disaditore e tij përfshin një sërë takimesh të nivelit të lartë në Departamentin e Shtetit dhe Kongresin amerikan. Mësohet se në këtë vizitë kryeministri Sali Berisha do të zhvillojë takim me sekretaren amerikane të Shtetit, Hilari Klinton. Pas takimit mes tyre pritet të ketë edhe një konferencë për shtyp. Kryeministri Berisha do të zhvillojë gjithashtu një tjetër takim po aq të rëndësishëm si me sekretaren e Shtetit. Bëhet fjalë për kreun e Dhomës së Përfaqësuesve, John Boehner. Në vizitën e tij disaditore, kreu i ekzekutivit do të zhvillojë një sërë takimesh të tjera të nivelit të lartë. Berisha është gjithashtu i ftuar nderi në 100-vjetorin e krijimit të Shoqatës “Vatra”. Pak kohë më parë, Këshilli i Ministrave miratoi vendimin për t’i akorduar 36 milionë lekë të reja shoqatës “Vatra”. Fondi iu dha me rastin e festimit të 100-vjetorit të pavarësisë së Shqipërisë si dhe 100-vjetorit të krijimit të kësaj shoqate. Kryeministri Sali Berisha pritet të zhvillojë bisedime edhe me lobe të rëndësishme të biznesit amerikan, disa prej të cilave Berisha i ka vizituar edhe gjatë turit që zhvilloi vizitën e fundit në Nju-Jork. Kjo është hera e parë që kryeministri Berisha zhvillon takime të niveleve kaq të larta. Vizita e këtij të fundit është përgatitur prej kohësh, ndërkohë që është i fundit nga politikanët kryesorë në vend që po zhvillon një vizitë zyrtare në ShBA. Në fillim të vitit, në Departamentin e Shtetit ishte kryetari i Bashkisë së Tiranës, Lulëzim Basha. Më pas ishte kryetari i PS-së, Edi Rama, ndërsa i fundit ishte kryetari i LSI-së, Ilir Meta. Megjithatë, vizita e kryeministrit Berisha mund të konsiderohet më e rëndësishmja jo vetëm për shkak të pozicionit të tij, por edhe për nivelin e takimeve që do të ketë.
MAPO

[Duaje Siveten]

A di gje kush te thote se cila eshte konkretisht axhenda e takimit me Clinton apo Boehner?

apo do te degjojme si perhera "i thashe", "theksova", "sigurova" ...

[TetovaMas]

Sala ,dhe Rama, ne te vizitojne ameriken USA ,pore mos te ankohen ne amerike per njeri tjetrin, pore ti hapin syte dhe te kerkojne ndihmen e USA per rregullimin e ceshtjes shqipetare ne ballkane .

Amerikanet USA ,duhet ta kete te qarte ,sepse me politiken e saje 10 vjecare ne Kosoves,Shqiperi, dhe Maqedoni, e ka filluare ta humbe simpatine e popullit shqipetare si aleate dhe si miqe . Ndoshta politikanet shqipetare ende e kane kete miqesi dhe simpati ndaj amerikes ,pore disa intelektuale qe shohin me large ,kete simpati qe kishin shqipetaret ndaj amerikes sikur eshte zbehur .

Nje realitet eshte i pa mohueshem : Shqipetaret i duhen amerikes ne evrope ,pore edhe amerika ju duhet shqipetareve ne evrope .

[{A_N_G_E_L_69}]

Berisha në SHBA, u ftua nga VATRA, do takohet me Hillary Clinton






Faqja zyrtare e Këshillit të Ministrave ka zbardhuar axhendën e kryeministrit Berisha gjatë vizitës së tij në SHBA. Sipas kabinetit të kryeministrit, Berisha do të zhvillojë takime të nivelit të lartë në Departamentin e Shtetit dhe në Kongres në Washington DC, si dhe takime e aktivitete në New York.

Berisha do të zhvillojë të mërkurën një takim me Sekretaren e Shtetit, Hillary Clinton, në përfundim të të cilit do të ketë një konferencë të përbashkët për median.

Kryeministri do të takohet me Kryetarin e Dhomës së Përfaqësuesve, i cili është dhe njëkohësisht kreu i Kongresit të SHBA, John Boehner.

Gjithashtu, kryeministri do të ketë në Washington DC, takime me personalitete të tjera si senatorja Jeanne Shaheen, Kryetare e Nënkomitetit për Çështjet Europiane, Richard Morningstar, i Dërguari i Posaçëm i Sekretares së Shtetit për Energjinë në Euroazi, etj..

Gjatë qëndrimit në SHBA, kryeministri Berisha është i ftuar në ceremoninë e prezantimit të filmit dokumentar “Besa”, me producente Johanna Neumann, në Holocaust Memorial Museum, në Washington DC, ku Berisha do t’i drejtohet audiencës me një fjalë, si dhe do t’i akordojë zonjës Neumann çmimin e mirënjohjes.

Një moment të veçantë në axhendën e Kryeministrit është pjesëmarrja si i ftuar nderi në kremtimin e 100 vjetorit të themelimit të Federatës “VATRA”, në New York. Me këtë rast, do të zhvillohet konferenca shkencore “Federata Pan-shqiptare e Amerikës ”VATRA, 100 Vjet në shërbim të kombit”, ku krahas fjalës së kryeministrit, do të mbajnë kumtesa studiues e akademikë shqiptarë.

Kryeministri Berisha, gjatë qëndrimit në Washington DC, do të vizitojë shtëpinë muze të Presidentit të 28-të të Shteteve të Bashkuara të Amerikës dhe mbështetësit të madh të pavarësisë së Shqipërisë, Woodrow Wilson. / G.N.


Shekulli

[{A_N_G_E_L_69}]

SHBA, Berisha takohet me Klinton


Kryeministri i Shqipërisë, Sali Berisha sapo ka nisur një takim me Sekretaren e Shtetit në SHBA, Hillari Klinton. Para nisjes së takimit Klinton dhe Berisha kanë dhënë një prononcim të shkurtër për mediat.

“Është një nder që presim sot kryeministrin e Shqipërisë. Shqipëria ka qenë partnere e fortë e SHBA në misionin në Afganistan. Kemi një marrëdhënie mjaft të gjerë dhe të thellë”, është shprehur Klinton duke shtuar se me Berishën do të diskutojë disa çështje dypalëshe.

Ndërsa Berisha tha se një nga qëllimet e vizitës së tij ishte të bindte Sekretare e Shtetit të SHBA-ve, që të vizitonte Shqipërinë me rastin e 100-vjetorti të pavarësisë.

“Një nga qëllimet e këtij takimi është ta bind zonjën Clinton të vijë në Shqipëri në100-vjetorin e pavarësisë. SHBA ka luajtur një rol kyç në momentet më të rëndësishme të historisë sonë. Do të diskutojmë mbi një serë çështjesh të interesit të përbashkët”, është shprehur Berisha. /


Shekulli

[DYDRINAS]

E mërkurë, 25 Prill 2012

Kryeministri Berisha takon Sekretaren e Shtetit Hillary Clinton


Kryeministri i Shqipërisë Sali Berisha u takua sot pasdite me Sekretaren amerikane të Shtetit Hillary Clinton.

Në komentet para takimit Sekretarja Clinton shprehu mirëseardhjen për Kryeministrin Berisha.

“Kryeministri dhe vendi i tij kanë qenë partnerë të fortë të Shteteve të Bashkuara, në NATO, si pjesë e misionit tonë në Afganistan dhe ne kemi marrëdhënie të gjera dhe të thella që ne e vlerësojmë lart”, tha zonja Clinton.

Ajo shtoi se do të diskutonte për çështje dypalëshe, rajonale dhe globale me kryeministrin Berisha .

Kryeministri Berisha tha se ishte mirënjohës dhe i lumtur për takimin me Sekretaren Clinton.

“Ajo është një mike e madhe e vendit dhe kombit tim”, tha zoti Berisha. Ai shtoi se një nga synimet e takimit ishte që ta bindte zonjën Clinton të vizitonte Shqipërinë për të marrë pjesë në festimet e 100 vjetorit të pavarësisë.

“Shtetet e Bashkuara kanë luajtur një rol themelor në momentet më të vështira të historisë sonë”, tha ai.

Zoti Berisha tha se gjatë takimit do të diskutoheshin çështje të interesit të përbashkët.

“Shqipëria ka pasur privilegjin e madh që të gëzojë mbështetjen e këtij vendi të madh, nga administrata e Presidentit Obama dhe Sekretarja Clinton në të gjitha përpjekjet për të ndërtuar një demokraci të ngritur mbi ekonominë e tregut”

Gjatë vizitës në Shtetet e Bashkuara, zoti Berisha do të marrë nesër pjesë në një ceremoni në Muzeun e Holokaustit në Uashington, ku do të shfaqet edhe filmi “Besa”, që i kushtohet miqësisë dhe përkushtimit të veçantë që treguan shqiptarët gjatë Luftës së Dytë Botërore për mbrojtjen e hebrejve që ndodheshin në Shqipëri. Në fundjavë zoti Berisha do të marrë pjesë në ceremonitë që do të organizohen në New York me rastin e 100-vjetorit të krijimit të organizatës pan-shqiptare Vatra.

http://www.voanews.com/albanian/news/Kryeministri-Berisha-148880355.html