Kuriozitete Nga Shkenca Dhe Jeta

[fegi]

Tel Aviv, 28 dhjetor – Shkencëtarët e Universitetit të Tel Avivit gjatë gërmimeve në një shpellë në Izrael kanë gjetur një dhëmb njeriu, për të cilin besohet se është i vjetër të paktën 400 mijë vjet.
Dhëmbi i takon llojit të hershëm Homo sapiens dhe është gati dy herë më i vjetër se zbulimet e gjetura deri tani në Afrikë. Arkeologët izraelitë thonë se ndoshta kanë gjetur mbetjet më të vjetra të njohura deri tani të njeriut modern, me të cilën mund të bie teoria, sipas së cilës homo sapiensi i parë gjendej në Afrikë, raporton “Telegraph”.
Edhe pse dhëmbi i gjetur i ngjanë atij të njeriut modern, izraelitët duhet të bëjnë studime shtesë për të konfirmuar gjetjen. “Viteve të fundit në këtë shpellë kemi gjetur disa mbetje, të cilat po i analizojmë për të konfirmuar teoritë tona”, theksoi arkeologu Avi Gopher.

[bindi]

Organizata “Shoqëria e të Ardhmes së Botës” në SHBA hedh një vështrim për 2011
02 janar 2011

Viti 2010 ishte i mbushur me katastrofa natyrore, një krizë ekonomike dhe arritje në teknologjinë mjekësore. Çfarë domethënieje kanë këto ngjarje për të ardhmen?

Një organizatë e quajtur “Shoqëria e të Ardhmes së Botës”, hedh një vështrim rreth asaj që mund të ndodhë dhe paralajmëron mbi mundësinë e problemeve globale në parashikimin e saj të përvitshëm.

”Shoqëria e të Ardhmes së Botës”, ështrë një organizatë që publikon një parashikim të përvitshëm se si ekonomia, teknologjia dhe shoqëria do ta ndryshojnë botën, duke theksuar se një nga arritjet më të mëdha në parashikimin e këtij viti do të jetë në mjekësi.

Sipas kësaj organizate, në 2011-ën, " fusha e nano-teknologjisë, bio-teknologjisë dhe teknologjisë informative po bashkëpunojnë dhe po krijojnë mënyra të reja për të ndihmuar pacientët. Mënyra të reja mjekimi, mënyra të reja diagnostikimi dhe trajtimi pa ndërhyrje kirurgjikale. Arritjet në fushën robotike do të çojnë drejt një të ardhmeje ku për pacientët me të meta fizike do të kujdesen infermiere robote që aktivizohen përmes zërit”.

Për sa i përket mjedisit, kjo organizatë parashikon që problemet e shkaktuara nga ndryshimi i klimës do të vazhdojnë të shtohen deri sa të ketë përpjekje globale për ta ndryshuar këtë prirje, duke veçuar Kinën si një nga kontribuesit më të mëdhenj të problemeve botërore të mjedisit.

Sipas saj, “Mungesa e tyre e përkushtimit ndaj mjedisit, dhe fakti që vazhdojnë të përdorin qymyrgur për prodhimin e energjisë elektrike po shkaktojnë ndotje që po përhapen në të gjithë globin. Megjithatë ka një prirje pozitive që vërehet tek brezi i ri i kinezëve, të cilët po përpiqen ta ndryshojnë politikën ambjentaliste të vendit të tyre”.

Në lidhje me ekonominë, ”Shoqëria e të Ardhmes së Botës” thotë se kriza ekonomike në Shtetet e Bashkuara e ka ndryshuar mënyrën si bëhet biznesi dhe e ardhmja është përsëri e pasigurt.

[ylber1998]

Videon misterioze e xhiroi në fillim të dhjetorit një burrë i cili po shëtiste aty me qenin e tij Tarzanin

Kamera përcjellë qenin i cili vrapon drejtë një shkurreje, ndërsa pronari niset pas tij. Në një moment del në një shteg pylli i cili qon në një lëndinë në të cilën shihet një grua më e vjetër me vajzën e saj e cila duket sikur rri pezull në ajër.

Pas disa sekonda xhirimi dëgjohet lehja e Tarzanit, gjë që duket se frikësoi vajzën dhe gruan afër saj, kështu që të dyja ikin në drejtim të kundërt. Se çfarë ndodhë, ende nuk dihet, por për momentin nuk do të hyjmë në analiza më të thella të montazhit dhe regjisë. huatuar /Telegrafi/

[EuroStar1]

Videon misterioze e xhiroi në fillim të dhjetorit një burrë i cili po shëtiste aty me qenin e tij Tarzanin

Kamera përcjellë qenin i cili vrapon drejtë një shkurreje, ndërsa pronari niset pas tij. Në një moment del në një shteg pylli i cili qon në një lëndinë në të cilën shihet një grua më e vjetër me vajzën e saj e cila duket sikur rri pezull në ajër.

Pas disa sekonda xhirimi dëgjohet lehja e Tarzanit, gjë që duket se frikësoi vajzën dhe gruan afër saj, kështu që të dyja ikin në drejtim të kundërt. Se çfarë ndodhë, ende nuk dihet, por për momentin nuk do të hyjmë në analiza më të thella të montazhit dhe regjisë. huatuar /Telegrafi/

http://www.youtube.com/watch?v=dFYP_...layer_embedded

Rusia cdo dite me te reja te mistershme, nuk e di a jan te verteta apo montazhe

[bindi]

Ja cilat ishin shpikjet e 2010-ës

Viti që lamë pas, bum shpikjesh dhe inovacionesh!
Teknologjia gjithnjë bën hapa përparpara e madje në disa edhe gjigantë që ndoshta as nuk i kemi imagjinuar më parë. Secili vit dhe secili shekull i historisë së njerëzimit mbahet mend për shpikjet e tij. Kjo do të thotë se edhe viti 2010 ka për çfarë të mbahet mend sa i përket shpikjeve dhe inovacioneve.

Nga një të rejat e vitit 2010 ishin pikërisht ndryshimet në rrjetet shoqërore – FB, Twitter dhe rrjetet e tjera të mëdha shoqërore në internet bënë ndryshime të mëdha gjatë 2010-s, për të garantuar një privaci sa më të madhe. Sistemet e reja të ruajtjes së identitetit janë më të sofistikuara se kurrë që kur kompiuterat dhe software janë shpikur. Ndërkohë, FB kaloi edhe Google si faqja më e klikuar në botë dhe rrezikon të zhdukë shumë shpejt edhe email si teknologji.

Po ashtu gjatë vitit 2010 interneti arriti të behët pjesë edhe e televizioneve normalë. Lundrimi në internet nuk i takon më vetëm kompiutrave apo celularëve, por edhe televiziorëve të zakonshëm që kemi në shtëpitë tona. Një brez i ri televizorësh, përdorin sistemin wireless për të ofruar faqet e internetit në ekranin e tyre.

Një shpikje tjetër e vitit që sapo kaloi videoloja pa oystick – Mënyra se si luajmë lojra kompiuterike mund të ndryshojë radikalisht pas gjatë 2011, ndërsa për herë të parë lojra që nuk kanë nevojë për një dorezë apo tastierë komanduese iu ofruan publikut në vitin 2010. Xbox 360 nxorri në treg teknologjinë e re të quajtur Kinect, e cila mjaftohet me një mikrokamera inteligjente, që është në gjendje të lexojë veprimet e personave dhe t’i integrojë ato në lojë.

Kompania e njohur amerikanë Apple sundoi tregun e elektronikës me dy shpikjet e saj gjatë vitit 2010. Njëra nga shpikjet ishte iPad. Deri në fundin e 2009-s, pothuajse askush në botë nuk e dinte se çfarë ishte një iPad. Hallka hibride që mugonte në lidhjen mes smartphone dhe laptop-it është shitur në 13 milion kopie që prej hedhjes në treg në janar prej Apple dhe kërkesa botërore është në rritje astronomike. iPad nuk ka hapësirën e një laptopi apo madhësinë e një smartphone, por janë të pakonkurrueshëm në luajtjen e lojrave, lundrimin në internet dhe lidhjet mjetet e tjera të komunikimit.

Dhe shpikja më e fundit në botën e telefonisë celulare i takon sërish kompanisë Apple. bëhet fjalë pikërisht për iPhone 4 – Kurrë më parë një smartphone nuk kishte ngjallur kaq shumë interes sa shpikja e fundit e Apple. Ekrani më i realizuar se kurrë më parë në një pajisje portabël, sistemi i zërit, ai i kartës grafike dhe shumë mundësi të tjera që të ofron një smartphone i takon fjalës së fundit të teknologjisë.

[{A_N_G_E_L_69}]

Misteri i fshatit me 440 binjake

Një ekip mjekësh indianë janë duke u përpjekur për të zgjidhur misterin e fshatit Kodinhi, në Kerala të Indisë, ku ka 440 binjakë të lindur nga dy mijë familje.

Ekspertët e udhëhequr nga dr.Krishnan Sribiju kanë udhëtuar për në fshatin e largët tropikal, por pa gjetur për momentin shpjegimin e bumit të binjakëve, të paktën gjashtë herë më shumë se mesatarja kombëtare.

Vetëm në 2008, në këtë fshat janë lindur 15 çifte binjakësh.
Gjatë pesë viteve të fundit, janë lindur 60 çifte binjakësh, një shifër që rritet nga viti në vit.

Për më tepër, konsiderohet se ka njëmospërputhje në mes të regjistrimit të lindjeve dhe numrit aktual,gje qe con ne idene se numri i binjakeve mund te jete ende me i larte nga ai i raportuari.

[fegi]

Luftanija legjendare mund të bëhet disko

Dikur krenaria e flotës ushtarake britanike, luftanija “HMS Invincible” mund të shndërrohet në një disko gjigante kineze, raportoi “Daily Mail” në numrin e sotëm.

Anija mbajti në bord shumë aeroplanë harrier e mirazh, ndërsa u angazhua në luftime me forcat argjentinase gjatë betejës për ishujt e Falklandit, në vitin 1982.

Ushtria vendosi ta nxirrte nga shërbimi në vitin 2005 pas më shumë se 30 vitesh në aktivitet, për ta zëvendësuar me modele më të reja të luftanijeve. Tani mësohet se një ofertë prej 5 milion stërlinash ka mbërritur nga një rrjet kinez restorantesh për blerjen e saj.

Kim Bong Lam, president i kompanisë, sqaroi se ekzistojnë plane për të transformuar qëllimin e “HMS Invincible”-s, e cila do të shndërrohej në Kinë në një disko gjigante lëvizëse.

Sipas kinezit, marina britanike duhet të jetë e kënaqur që jeta e luftanijes së famshme do të vazhdojë e do të gjallërohet nga mijëra njerëz çdo natë, por shumë persona në vend kanë protestuar, duke e konsideruar shndërrimin e një prej legjendave të flotës në disko si një përdhosje të historisë dhe mungesë respekti ndaj marinarëve që rrezikuan jetën në bordin e saj, duke mbrojtur interesat e Mbretërisë.

[fegi]

Ndoshta (megjithatë) nuk kemi zbritur nga druri
10-01-2011
Shumica e antropologëve mendojnë në mënyrë të pakontestueshme se paraardhësi i njeriut të sotëm është një lloj i majmunëve të vdekur që moti, që edhe me pamje të jashtme i ngjasonin njeriut të sotëm.

Sipas tyre, paraardhësi i njeriut të sotëm është “dikush” nga familja e neandertalëve. (Neandertalët janë lloj i vdekur i njerëzve parahistorikë dhe këtë emër e morën sipas rrafshnaltës Neandertal në Gjermani ku më 1856 u gjetën kafka, skelete dhe eshtra të njerëzve të këtij lloji).

Mirëpo, ka disa zbulime arkeologjike që dëshmojnë se paraardhësi i njeriut të sotëm, pra homo sapiensi, ka jetuar në të njëjtën kohë me neandertalin dhe se është shumë më i vjetër seç mendohet. Këtë e vërtetojnë edhe zbulimet në disa shpella në Palestinë, ku arkeologët kohë më parë gjetën dhjetëra skelete që kishin elemente të përziera edhe të njeriut e edhe të neandertalit, që do të thotë se ishin bashkëdyzuar mes veti. Këto skelete u vlerësuan të vjetra prej 35 mijë e deri 41 mijë vjet.

E gjithë kjo periudhë u dashtë të sqarohet për t’u kuptuar zbulimi i Bernar Vandermershit, nga Laboratoriumi antropologjik në Universitetin e Bordosë, i cili hulumtoi ekzemplarët e këtyre skeleteve me një metodë krejtësisht të re nga të mëparshmet-me metodën e termoluminiscencës. Me këtë metodë mund të përcaktohet saktësisht vjetërsia e skeleteve të gjetur e pastaj matet sasia e rrezatimit që emeton skeleti a eshtrat.

Kjo sasi është e barabartë me vjetërsinë e skeletit a eshtrave. Kështu u dëshmua se homo sapiensi jetoi bashkë me neandertalin por si lloj krejtësisht i veçantë qysh para 100 mijë vjetësh, prandaj antropologët që pohojnë se megjithatë njeriu i sotëm nuk ka zbritur nga dega, me këtë zbulim kanë një atu shumë më të fortë.

Edhe sot po kërkohen dëshmi se njeriu, pra ai i llojit sapiens, ka ekzistuar edhe para 300 mijë vjetësh në tokën e Afrikës së ngrohtë. Dhe, nëse kjo vërtetohet, atëherë do të bëhet shumë e qartë se majmuni nuk është paraardhës i njeriut por se njeriu është shumë më i vjetër se majmuni.

[bindi]

Veturat e së ardhmes nuk kanë nevojë për shoferë

Publikuar: Sot, më 10 janar 2011
Berlin, 10 janar - Mercedes ka prodhuar një veturë, e cila lë pushim këmbën e gazit të shoferit. Vetura me vlerë 100 mijë dollarë, e llogarit vetë distancën nga automjetet e tjera në rrugë dhe ul ose rrit shpejtësinë në varësi të distancës.
Ideja e “General Motors”, siç transmeton TCH, është që këto vetura do të kenë një lidhje “wireless” mes tyre.
Këto vetura, të cilat janë vetëm prototipa për momentin, pritet të dalin në treg në vitin 2030 dhe do të kushtojnë rreth 100 mijë dollarë.
Në tetor, Google njoftoi se ka zhvilluar disa vetura, që përdorin sensorët dhe hartat dhe që lëvizin vetë.http://www.kohaditore.com/repository...10-veture4.jpg

[bindi]

Tre diej shndrisin Kinën dhe habisin banorët!
E hënë, më 10 janar 2011

Pekin, 10 janar - Fenomeni astronomik “tre diejt” ka habitur banorët e verilindjes së Kinës.
Nga të dy anët e Diellit janë shfaqur në mënyrë simetrike dy “diej të vegjël”. Së bashku me dritën e ndritshme, diejt e vogël kanë bërë një rreth të vogël, në të cilin kanë shkëlqyer ngjyrat e ylberit. Banorët e qytetit Changchun, në të cilin ky fenomen u pa më së miri, ishin të habitur, njoftojnë mediet kroate.
Astronomët e kanë quajtur këtë fenomen “diell fantazmë”, dhe kjo ndodh për shkak të reflektimit të Diellit në atmosferë. Reflektimi shkakton refuzimin e dritës së diellit nga kristali i akullit, që gjatë muajve të dimrit formojnë re.http://www.kohaditore.com/repository...s/10-diej4.jpg