Kuriozitete Nga Shkenca Dhe Jeta

[bindi]

A e përdorim vërtetë vetëm 10 për qind trurin?

Londër, 13 janar - Truri është një gjë e mrekullueshme. Truri na ndihmon të mësojmë, të krijojmë, të imagjinojmë, dhe shpesh duket që nuk ka gati asgjë që nuk mund të bëjnë neuronet tona magjike. Por shumë njerëz mendojnë që ne e përdorim vetëm 10 për qind të trurit tonë. Në fakt, disa pretendojnë që njerëzit me perceptim ekstrasensorik (extrasensory percepton – ESP) janë thjesht më të aftë ta përdorin më shumë trurin e tyre sesa njerëzit e tjerë. Imagjinoni se çka mund të bëjmë duke përdorur 90-përqindëshin tjetër që nuk jemi duke e përdorur!
Fatkeqësisht për ata të cilët e besojnë këtë ide, shifra 10 për qind është mit. E vërteta është që njerëzit e përdorin tërë trurin e tyre. Për mirë apo më keq, shumica e trurit të njerëzve operon me tërë kapacitetin e tij. Origjina e këtij miti është e paqartë, por e hulumtimeve jo: hulumtuesit duke përdorur teknikat e hulumtimit të imazheve të trurit, siç janë skenimet “tomografia me pozitrone” dhe “rezonanca magnetike funksionale” (fMRI), kanë zbuluar që skanimet e trurit në mënyrë të qartë tregojnë që i gjithë truri përdoret, sipas Barry Beyerstein, profesor i psikologjisë në Simon Fraser University, i cili ka studiuar mitin me vite.
Është e vërtetë që njerëzit nuk i përdorin të gjithë pjesët e trurit të tyre në të njëjtën kohë, ashtu siç njerëzit nuk i përdorin të gjithë muskujt e trupit të tyre në të njëjtën kohë. Por gjatë aktiviteteve të ndryshme të një dite mesatare, ashtu siç përdoren të gjithë muskujt, përdoren edhe të gjitha zonat e trurit.
Pohimi po ashtu nuk ka kuptim edhe nga perspektiva evolucionare: Ne nuk i përdorim vetëm 10 për qind të organeve të tjera (siç është zemra, mëlçia apo mushkëritë), prandaj pse do të ishte ndryshe truri? Ndoshta të vetmit që e përdorin 10 për qind të trurit të tyre janë ata të cilët munden më mirë, por prapë e përsëritin mitin.
“Miti i 10-përqindëshit” po ashtu sugjeron që pjesa më e madhe e trurit vetëm rri duke pritur për t’u përdorur. Por nëse pjesë të trurit kanë qenë të papërdorura, efektet e dëmtimit të atyre pjesëve duhen të jenë më të vogla. E megjithatë, njerëzit të cilët kanë pësuar trauma të kokës, sulme apo lëndime të tjera, kanë pësuar edhe lëndime të mëdha dhe gjithëpërfshirëse të trurit. Prandaj përdoreni trurin dhe mos i besoni këtij miti!

[bindi]

Zbulohet një njollë e gjelbër në Gjithësi

Siettle, 12 janar – Teleskopi Hubble për herë të parë ia ka dalë të incizojë një njollë të madhe të gjelbër misterioze në Gjithësinë e largët, e cila është jashtëzakonisht e gjallë.
Njolla llamburitëse prodhon yje të reja, disa nga të cilat janë të vjetra disa milionë vite, në pjesë të largëta të gjithësisë, ku zakonisht nuk formohen yje.
Njollën e gaztë për herë të parë e zbuloi mësuesja holandeze në vitin 2007 dhe e pagëzoi me “Hanny’s Voorwerp”.
NASA zbuloi një fotografi të re të Hubblet të hënën në mbledhjen e Shoqatës së Astronomëve amerikane në Siettle.
Pjesë të njollës së gjelbër shemben, që është pasojë e presionit gjatë krijimit të yjeve. Këto yje udhëtojnë jashtë galaksive normale, atje ku zakonisht nuk “jetojnë” yjet.
“Për këtë arsye, këto janë yje shumë të vetmuara, të porsalindura, të vendosura në mjedis të asgjësë”, është shprehur Bill Kill, astronom nga Universiteti në Alabama, i cili ka analizuar njollën e gjelbër, transmeton AP.
Kësula e gjelbër në madhësi të galaksisë “Rruga e qumështit” është larg 650 milionë vite drite nga ne.
Këtë dukuri të pazakontë qiellore e zbuloi mësuesja Hani van Arke, e cila atëherë kishte 24 vjet, në kuadër të projektit “Galaksia Zoo”, në të cilën njerëzit e zakonshëm shikojnë fotografitë e arkivuara në kërkim të objekteve të reja.
Ajo tha se në vitin 2007 objekti dukej më i vogël dhe i kaltër, kurse fotografia e re nga Hubble tregon një pamje të qartë dhe më mirë shpjeguese të asaj se çka po ndodh në gjithësinë e largët.

http://www.kohaditore.com/repository...-objekt-24.jpg

[fegi]

Komunikimi me hologramin 3D, realitet
17-01-2011
Një nga gjigantët elektronikë më të njohur në botë, IBM, ka bërë të ditur se brenda pesë vjetëve mund të përdoren pamje hologram 3 dimensionale në telefonat celularë, pamje të cilat tani për tani shihen vetëm në filmat fantastiko-shkencor.

Sipas IBM-së tashmë nuk është më ëndërr shikimi i personit nga telefononi me teknologjinë 3dimensionale.

Duke u përpjekur të parashikojë çdo vit pesë zhvillimet teknologjike të pesë viteve të ardhshme, IBM këtë vit radhiti dhe risitë e parashikuara teknologjike. E para është vendosja e kamerave të veçanta në telefonat celularë. Duke menduar se mund të prodhojnë dhe aparate në madhësinë e një telefoni në “kohë reale” në vend të projeksioneve të mëdha të pamjeve holografike 3dimensionale, IBM beson se ky fakt do të ndryshojë krejtësisht mënyrën tonë të komunikimit.

Risia e dytë është mbledhja në një rrjet të vetëm e të dhënave të përftuara nga kompjuterët dhe telefonat celularë të të gjithëve në një qytet. Shkencëtarët shpresojnë të bëjnë parashikimet kohore vendase, të krijojnë modelet e klimës, të parashikojnë një fatkeqësi natyrore në çast, dhe të përcaktojnë rrugët më të lira nga trafiku.

Studiuesit e IBM-së pohojnë se pesë vitet e ardhshme bateritë do të depozitojnë 10 herë më shumë energji se ditët e sotme. Sipas kësaj duke hyrë në kontakt me “ajrin” do të zhvillohen bateri që mund të karikohen vetë. Ndërsa një risi tjetër e parashikuar është vlerësimi i nxehtësisë që harxhohet kot. IBM mendon se energjia e harxhuar kot, e cila kalon në atmosferë mund të përdoret për të ngrohur ndërtesat apo për t’i ftohur, dhe pohon se do të ketë zhvillime në këtë fushë. Objektivi i synuar është ulja të paktën me 50 për qind e humbjes energjetike.

Një nga zhvillimet më të rëndësishme që do të lehtësojnë jetën e njeriut gjatë viteve të ardhshme janë sistemet GPS të reja që do përdoren në pakësimin e humbjes kohore dhe shpeshtësisë së trafikut. Duke mbledhur të gjitha të dhënat, IBM po punon mbi sistemet që mund të krijojnë një rrjedhë të përshtatshme për sa i përket aksidenteve në rrugë, parashikimit të motit, ndërtimit dhe orëve kur trafiku është më shumë i rënduar. /start/

[fegi]

Deti i Vdekur

Deti i Vdekur është liqen në Lindjen e Afërme, por shpeshherë e quajmë det. Cilësohet si deti më i kripur në botë. Kripësia është aq e madhe saqë në të nuk ka jetë, përveç disa mikroorganizmave-baktere.

Është det i mbyllur dhe bregun e tij e ndajnë Izraeli dhe Jordania dhe e ka një rrjedhë, lumin Jordan. Kripësia e tij është 30%, gjë që është 9 herë më e lartë se uji i zakonshëm i deteve.

Është i gjatë 67 km dhe i gjerë deri në 18 km. Deti i Vdekur njëherësh është lartësia më e vogël e tokës, ndërsa sipërfaqja e tij është në 418 metra të lartësisë mbidetare dhe gjithnjë është duke rënë.

Thellësia e detit të vdekur është 330 m. Uji i detit të Vdekur kryesisht është i nxehtë dhe nxehja e tij nuk është e nevojshme. Për shkak se uji është shumë i kripur e ka dendësinë të madhe. Në 35 metrat e sipërme kripësia është 30-40 % dhe temperatura arrin 19-37 gradë celsius.

Në këtë gjendje nuk është e mundur futja në ujë deri në qafë, sepse trupi i njeriut ngrihet mbi ujë porsa hyn në ujë në lartësinë e gjoksit, kështu që notimi është pothuajse i pamundur për shkak se trupi qëndron në sipërfaqe.

Kujdesi duhet të jetë i lartë që ndonjë pikë uji të mos depërtojë në sy, sepse është e domosdoshme shpëlarja me ujë të zakonshëm - deti është aq i kripur saqë është e pamundur hapja e syve. Për shkak të kripësisë, uji i Detit të Vdekur është shumë i shërueshëm.

[Ermedin]

Shumë nga në pjesën më të madhe të kohës e kalojmë para kompjuterit dhe televizionit, shfrytëzojmë telefona mobil me shkronja dhe numra të madhësisë së vogël. Këto aktivitete gradualisht mund të dëmtojnë të pamurit.



Për t’iu shmangur “lodhjes së të pamurit” është e nevojshme që të bëni korrigjimin e të pamurit, mbajtja me rregull e syzave, lentave ose t’i nënshtroheni kirurgjisë refraktive për largimin e dioptrisë. Të merren disa masa për përmirësimin e vendit të punës: t’i ikim shkëlqimit të ekranit (nëse nuk kemi mundësi ta bëjmë këtë, atëherë mund të vendosen filtrat për reflektim ose të ndërrojmë këndin e ekranit).

Të bëni pushime të shkurtra dhe të ndërroni pozitën. Duhet që në çdo 45 minuta të punës, të keni një pushim prej 5 minuta ose në çdo dy orë pune, të keni pushim prej 15 minutave. Shfrytëzoni këtë pushim që të lëvizeni ose të shikoni nga dritarja ose thjesht pushoni.

Burimi: www.YllPress.com

[Ermedin]

Vetëm gjysmë ore pas zgjimit njerëzit të cilët kanë fjetur në gjumë të thellë dy herë më mirë kanë mbajtur mend aromën të cilën e kanë ndjerë, sesa ata që kanë mbetur të zgjuar apo nuk kanë fjetur mirë, zbuloi hulumtimi i zviceranëve.



Dëshironi të mbani mend ndonjë informatë të rëndësishme, më së miri është pas kësaj të flini në gjumë të thellë, sugjeron studimi nga universiteti në Basel. Gjatë kohës së gjumit, informata e mësuar së fundit riaktivizohet me çka forcohet “gjurma” e memories e cila është shumë më e mirë pas zgjimit, pohon hulumtuesi Bjorn Rasch.

Vetëm gjysmë ore pas zgjimit njerëzit të cilët kanë fjetur në gjumë të thellë dy herë më mirë kanë mbajtur mend aromën të cilën e kanë ndjerë, sesa ata që kanë mbetur të zgjuar apo nuk kanë fjetur mirë, zbuloi hulumtimi i zviceranëve.

“Ashtu siç kemi pritur, riaktivizimi gjatë zgjimit destabilizon kujtesën. Përkundrazi, riaktivizimi gjatë gjumit të thellë e stabilizon kujtesën, me çka drejtpërdrejt rritet rezistenca në pengesa”, tha hulumtuesi Bjorn Rasch.

Burimi: www.YllPress.com

Sqarim: Gjumë të thellë (të qetë) e jo të gjatë! Kujdes, mos pastaj të mos zgjoheni gjysëm dite! :-D

[fegi]

Mona Lisa e da Vincit ishte djalë?
03-02-2011
Adhuruesit e artit për shekuj me radhë kanë debatuar për buzëqeshjen enigmatike të Mona Lisës së Leonardo da Vincit. Por tani duket se më shumë se kurrë e qartë hipoteza se Mona Lisa fsheh një sekret të madh, se ajo është Ai.

Një historian deklaron se modeli që frymëzonte piktorin e madh, një i ri i quajtur Gian Giacomo Caprotti, ka hundën dhe buzëqeshjen e njëjtë me Mona Lisën. Caprotti, që njihej ndryshe si Salai, ka punuar për dy dekada me artistin italian dhe madje pati dhe zëra se ata ishin dashnorë.

Disa ekspertë madje thonë se Leonardo tek Mona Lisa mund të ketë përdorur si bazë, portretin e vetes. Por, Silvano Vinceti, Vinceti, President i Komitetit Kombëtar të Italisë për Trashëgimi Kulturore, një kërkues e studiues arti ka analizuar e përdorur teknikat e zmadhimit, dritës mendon se ka gjetur kodin “S” në sytë e modelit, gjë që ai mendon se i përket pikërisht Salait.

Shumë punë të Leonardos, përfshi dhe atë të St John Baptist dhe një dhe pikturë të quajtur Engjëlli i Mishëruara thuhet se janë bazuar po tek portreti i Salait.

Por, një profesor arti në Universitetin Politeknik të Milan ka thënë se të gjitha subjektet e Leonardos të duken se kanë ngjashmëri me njëri-tjetrin, sepse ai ka dashur të përfaqësojë realisht një ideale abstrakt të së bukurës në veprat e tij.

Pikturat e Leonardo da Vincit kanë qënë për vite me radhë enigma për shumë artadashës. Punët e tij lënë dhe sot shume pikëpyetje, ashtu si Mona Lisa e famshme.

Leonardo prodhoi krijime deri në momentet e fundit të jetës. Ai vdiq në maj të vitit 1519 në moshën 67 vjeçare dhe sot mendohet se ka qenë një homoseksual.

[bindi]

Zbulohet një sistem diellor i ngjashëm me tonin


mërkure, më 02 shkurt 2011

Agjencia Amerikane e Hapësirës, “NASA” njoftoi gjatë ditës për zbulimin e një sistemi diellor shumë të ngjashëm me Tokën.
Sistemi ka një yll si Dielli, rreth të cilit qarkullojnë gjashtë planetë, dy më pak se në sistemin tonë diellor. Ky sistem diellor është quajtur Kepler-11 dhe ndodhet brenda galaktikës sonë.
Pesë planetët e parë kanë një orbitë shumë të afërt me diellin dhe kryejnë një rrotullim të plotë në 10-47 ditë. Planeti i gjashtë ka një orbitë shumë më të ndryshme dhe qëndron shumë më larg.
Grupi i pesë planetëve pranë diellit Kepler-11, është ndër më të vegjlit e zbuluar ndonjëherë dhe dimensionet e tyre janë të ngjashme me ato të Tokës.
Vlerësimet e masës së tyre mund të çojnë në përfundimin se planetët janë të mbështjellë nga gazra të lehtë, pra një lloj atmosfere. Ky rezultat, nëse konfirmohet, do të thotë se është bërë hapi më i mirë drejt zbulimit të një planeti të ngjashëm me tonin.
Zbulimin e madh e bëri një satelit i quajtur Kepler, të cilin NASA e ka ndërtuar pikërisht me qëllim që të zbulojë planetë të tjerë të ngjashëm me Tokën.
I lëshuar në hapësirë në vitin 2009, sateliti në fjalë ka arritur të zbulojë mbi 700 planetë që më pare nuk njiheshin, duke konfirmuar faktin se sistemet diellore janë shumë të përhapura dhe jo një rastësi sporadike, siç mendohej më parë, transmeton TCH.
Deri tani janë zbuluar në total 258 sisteme të ndryshme diellore, shumica të përbërë nga vetëm një ose dy planetë. Ishte gjetur vetëm një sistem diellor me nga katër planetë dhe një me pesë, prandaj zbulimi i Kepler-11 përbën sistemin diellor më të madh të njohur, pas Tokës.

[bindi]

Inteligjenca, kryesisht, trashëgohet

Londër, 2 shkurt
- Vështirë është të definohet (jo)inteligjenca. Edhe pse kjo shpesh bëhet në kuadër të fenomeneve të cilat në thelb e kanë konceptin e inteligjencës, për shembull, përmes zgjidhjes së problemeve, procesit të mësimit, të kuptuarit etj., kjo në fakt është e gabuar. (Kjo do të ishte si kur fizikani do të kishte definuar gravitacionin me termet e mollës, e cila i bie në kokë). Më e arsyeshme është të konsiderohen disa koncepte të rëndësishme të lidhura me inteligjencën. Së pari, e ashtuquajtura inteligjencë gjenetike, respektivisht, ato aspekte të biokimisë, fiziologjisë dhe neurologjisë së trurit të cilat janë në thelb të përjetimit të vetëdijes dhe sjelljes (në çka më së shpeshti numërohet edhe mësimi, si dhe zgjidhja e problemeve). Ato janë rezultat i trashëgimit gjenetik, ndërsa hulumtimet më të reja tregojnë që treguesit e matshëm të funksionimit biologjik (për shembull, koha e reagimit, potencialet e evokuara) lidhen shumë me koeficientin e inteligjencës së matur me teste. Sipas një vlerësimi të ashpër, 70 për qind e koeficientit të inteligjencës është e përcaktuar me inteligjencë gjenetike. Pjesa tjetër 30 për qind janë faktorët kulturorë, familjarë, të rritjes, arsimorë dhe social-ekonomikë. Në fund, vjen edhe koncepti i të ashtuquajturës inteligjencë praktike, e cila tani për tani nuk ka vlerësim shkencor (ka shumë gjëra në lojë që i shpëtojnë kontrollit shkencor), por nuk ka dyshim që ekziston. Inteligjencën praktike e përcaktojnë për shembull shëndeti, motivimi, përvoja, mekanizmat e përballimit me stresin, karakteristika të personalitetit etj.
Në kohën e fundit shkruhet shumë për një segment të inteligjencës praktike - inteligjencën emocionale. Me këtë koncept përshkruhen karakteristikat siç janë: të kuptuarit e ndjenjave të veta, dhembshuria për të tjerët dhe rregullimi i emocioneve me qëllim të përmirësimi të jetesës.
Terman në kohën e vet ka studiuar rrugën jetësore të 1500 fëmijëve gjenialë (me koeficient të inteligjencës prej 140 apo më të lartë). Ka konkluduar që shumica e atyre fëmijëve (kanë qenë) shumë të suksesshëm në jetë, pra kanë pasur edhe inteligjencë të lartë praktike. Megjithatë, rreth 6 për qind të tyre ishin të pasuksesshëm; struktura e personalitetit të tyre dhe rrethanave të jashtme kanë pamundësuar përdorimin e inteligjencës në mënyrë të dëshirueshme sociale. Eysenck këtu shton se si “në anën tjetër dikush mund të jetë i suksesshëm në aspektin social, e të mos jetë edhe aq inteligjent. Ekzistojnë mjaft grupe të tilla: sportistët, argëtuesit, pjesëtarët e familjeve mbretërore, prostitutat – janë shembull i mirë për këtë”. (Politikanët nuk përmenden, duket që ky grup mund të jetë i suksesshëm edhe në aspekt social, por dhe inteligjent).
Koeficienti mesatar i inteligjencës (IQ) sillet në mes 90 dhe 110. Supozohet që 140 e kanë Madonna dhe Sharon Stone. Koeficientin më të lartë të matur e ka Marylin vos Savant: 228! As këndon, as aktron, por duket bukur. Merret me hulumtime në fushën e arsimit dhe të mjekësisë. Dhe shkruan.

[Endless]

Madonna dhe Sharon Stonne 140? Shih, shih, goca merni shembull. Si pas artikullit, sa me shume ti binke, me shume tu rritka koficienti inteligjences.

Upps, keto dyja me duket se kane luajt dhe filma porno?