Eurovision 2012

[e panjohura]

Me me rendesi dhe kryesore eshte qe Rona kendoi shqip.Dhe tani mund te shkarravisni cfar te doni,ajo denjesisht na perfaqsoj,por pasi u votua,,politikisht''e jo me merita.....ndodhi keshtu...
Ne nje vend lexova keshtu:
Ajo eshte pa asnje dyshim: -Whitney Houston e Europes

[MaDaBeR]

O Madaber. Mendimi ndryshe nuk eshte racizem.Une e perkrah totalisht mendimet kritikuese per kengen (kushdo te ishte Anjeza apo Rona} sepse jane me sinqerta sesa komenteve pozitive vetem nga fakti se eshte Shqiperia.

Emocioni nacionalist krijon mendime te gabuara. Ti me emocionin tend nacionalist , atdhedashesh me dashurine e perjetshme per atdheun e quan merite gjeopolike per vendin e 5 te Shqiperise sikur u be nje gare politike mes vendesh kush ngjitet me larte e kush me poshte dhe ne duhet te gezojme se arriten afer majes. Me kete llogjike nuk mund te ecim perpara.
Duhet ndryshuar se pari emocionet nacionaliste sepse pengojne te shohin ato gjera qe nuk e shohin si i tille . Duhet te arsyetojme me llogjike, te vleresojme aty ku eshte per tu vleresuar dhe te kritikojme aty ku eshte per tu kritikuar.

Noellang, jo mendimi ndryshe. Por mendimi racist. "Rona te shkoje te perfaqesoje republiken e Kosoves". C'eshte kjo? Kur ka ardhur puna per te qene konkurent, Zvicra ka konkuruar me Celine Dion. Franca konkuron me aziatike, Suedia qe u shpall fituese konkuronte me nje marokene. Ndersa ne nuk duhet te konkurojme me ate qe fundja eshte gjaku yne? Po ashtu atehere perse mburremi e krenohemi me Kosovaret e kombetares ne futboll?

Sa per kengen, une e di qe nuk eshte kenge qe u pelqen te gjitheve, madje i pelqen nje pjese te vogel te audiences dhe nje pjese shume te madhe te jurive nderkombetare te cilet kane vleresuar me nota mjaft pozitive kengen. Respektoj mendimin e gjithesecilit sido qe te jete ai, por pa paragjykuar kengetaren vetem e vetem se eshte Kosovare. Nu keshte Serbe as Greke o njerez, eshte Shqiptare. Nqs nuk e dini, posedon edhe Pasaporten Shqiptare. Pra eshte nje shtetase Shqiptare.

[MaDaBeR]

Mgjithse ti gjithmone ja fut kot kur bo cdo lloj komenti, dhe ta dish e them me plot bindje qe 80% e cdo shqiptari apo kosovari nuk e ka pelqyer ate kengen e Rones por kan votu per te vec per faktin qe ishte shqiptare dhe na perfaqesonte. edhe ku e shef Rracizmin ktu se ka fillu duke te mar truri ajer po fute n'sigures qe mos te lej ne rrug.

Qe be loqk ku e ki t'shkrume qitu.

Sa per nivelin e festivalit, dihet qe shume vleresime jane subjektive dhe jo objektive. Festivali e kam thene dhe e rithem serish, nuk ka ndonje merite te veçante artistike, por ka me shume merita gjeoplitike. Tani perse duhet te na vije keq neve qe Rona na ngjit njecike me shume ne skenen gjeopolitike te Europes?

Nqs shikon mire kam thene qe Eurosong nuk mbart ndonje vlere kush e di. Dhe nje postim siper ketij kam shkruar qe nje pjese e vogel e audicionit mund ta pelqeje. Tani normalisht, kur ORTHODHOKSET votojne ca plakaruqe me bokshe perpara, perse nuk u dashka te votojme neve Ronen apo cilendo tjeter qe te jete atje? Pse duhet te themi ne Rona Kosovare, te shkoje te Kosova te beje te ktheje?

Ah se harrova, nuk i kuptova ato ovacionet e publikut kur po kendonte Rona...

[MaDaBeR]

Rona Nishliu, mbi 200 mijë klikime për "Suus"

TIRANE-Performanca e Shqipërisë ishte shpërthyese. Rona Nishliu duhet të ketë disa mushkëri. Ishte e pabesueshme që ajo mundi t'i mbajë ato nota për aq kohë të gjatë". Kështu shkruan për Ronën një gazetare irlandeze që ka ndjekur Festivalin Europian të këngës. Ajo vijon më tej vlerësimin e saj me këto fjalë: "Reagimi i publikut kur ajo arriti në notat më të larta, i tha të gjitha. Unë nuk isha shumë e sigurt për veshjen e saj, po ajo vajzë ka talent. Nëse nuk do të jetë në treshen e parë do të shokohesha". Përveç vlerësimit profesional që e kemi përcjellë deri më tani, komentet pozitive nuk kanë munguar as nga publiku i thjeshtë. "Rona, je më e mira. "BBC", "Die Press Austria", "Corriere della Sera" të kanë klasifikuar si këngëtaren më të mirë e me këngën më të mirë. Je krahasuar me Aretha Franklin, Chaka Khan, Bjork. Këndimi yt është kaq kuptimplotë dhe plot emocione, sa nuk mund të krahasohet me muzikën komerciale që ata sjellin. Do votoj për ty", -shkruhet në uebsajtin e esctoday.com.
Por, në disa raste janë harruar dhe etnitë e inatet mes tyre. Veçojmë një djalosh serb, i cili pasi shpreh ngushëllime për tragjedinë e Himarës, shkruan se Rona ka qenë shumë e fortë që mundi të këndojë pas kësaj. "Më vjen keq që nuk mund të votoj për të, sepse Serbia nuk është në këtë gjysmë finale, e ky është një rregull idiot". Mendimet se ajo duhet të jetë në treshen e parë i gjejmë të shprehura në disa vende.
Mbyllet ueb-faqja ku ajo ishte favorite
Ueb-faqja në të cilën këngëtarja Rona Nishliu qe favorite në votimet online është mbyllur. Deri në një moment Rona udhëhiqte me 37.6 për qind të votave, ku kishte marrë më shumë se 500 vota. Nuk dihen arsyet e mbylljes së faqes dhe kush e ka hapur anketën. Votimi ishte lançuar parmbrëmë në faqen "eurovisionstar.com", e ku ndiqej nga Suedia, një këngë që konsiderohet favorit sivjet, me 10.5 për qind të votave. Vendet e tjera pas Shqipërisë dhe Suedisë janë: Greqia, Bosnja dhe Hercegovina, Serbia dhe Turqia. Rona përfaqëson Shqipërinë me këngën "Suus" në edicionin e sivjetshëm të Eurovizion 2012. Votimi mund të bëhej në këtë adresë: http://www.eurovisionstar.com/5-whic...2-esc-vote-now.
Vlerësime
Rona Nishliu me zërin e saj ka tërhequr vëmendjen e të pranishmëve, me këngën "Suus". Pas paraqitjes fenomenale të saj, të nesërmen shumë media ndërkombëtare kanë vërshuar me komente të ndryshme për Ronën. Ata e kanë mbështetur këngëtaren kosovare që përfaqëson Shqipërinë, duke dhënë kritika të mira për paraqitjen e saj. Gazeta italiane "Corriere della Sera", në edicionin online të saj e krahason këngëtaren shqiptare nga Kosova për potencialin e saj vokal me mbretëreshën e muzikës "soul" Aretha Franklin apo mbretëreshën e muzikës "funk", Chaka Khan. "Rona, mbretëresha e Shqipërisë", shkruan kjo gazetë, duke shtuar më pas disa detaje nga ky festival, që çuditërisht në këto kohë krize financiare globale është më i kushtueshmi në historinë e festivaleve europiane të muzikës. Ndërsa televizioni spanjoll TVE ndalet edhe më gjerësisht, duke dhënë një biografi të këngëtares kosovare Rona Nishliu. "Rona Nishliu është këngëtarja e parë nga Kosova që përfaqëson Shqipërinë në Eurovizion. Ajo paraqitet me këngën "Suus", një baladë me vështirësi të mëdha vokale.
E lindur më 1986 në Mitrovicë, Rona, kur ishte vetëm 18 vjeç ishte një super yll në vendin e saj, duke marrë pjesë në programin për talentet e reja "Ethet e së premtes mbrëma", një nga programet më të popullarizuara televizive, ku me zërin e saj befasoi jo vetëm publikun, por edhe jurinë", shkruan TVE, duke përmendur gjithashtu krahasimin që po i bëhet asaj me këngëtaret shumë të njohura, Aretha Franklin dhe Chaka Khan. TVE në këtë shkrim paraqiti edhe tekstin komplet të kësaj kënge.
Klikimet në youtube
Nga ana tjetër, klikime të shumta ka pasur kënga menjëherë pas performimit në festival. Që paraqitja e saj ka pasur një ndikim të madh e tregojnë edhe klikimet, që deri në orët e vona të natës kishin tejkaluar më shumë se 70 000 të tilla, ndërsa edhe me "pëlqimet" në Facebook kënga e Ronës tashmë i ka kaluar 1 milion. Duhet shtuar se, në fillim shumë skeptikë kishin thënë se kënga nuk do të shkojë tutje për shkak se në Eurovizion nuk ka këngë të nivelit të lartë artistik.
Kinezja
Që "Suus" ka lënë mbresa jo vetëm te shqiptarët por edhe te publiku ndërkombëtar, e tregon edhe një vajzë kineze me banim në Finlandë, e cila ka postuar veten duke kënduar në youtube. Interpretimi i saj po ashtu po bën bujë nëpër Evropë, për shkak se kinezja me nënshtetësi finlandeze këndon në gjuhën shqipe.

Gazeta Shqiptare

[MaDaBeR]

Nuk e kuptoj se si mbi 1 milion njerez klikojne nje kenge qe e kendon njera e cila eshte Kosovare dhe nuk ben.

http://www.youtube.com/watch?v=v9zIP4FA-1Y

[MaDaBeR]

Per te gjithe ata qe vene ne diskutim vlerat artistike. Dakort, ne ketu nuk jemi profesioniste e s'dime te vleresojme. Po keta gazetaret e kultures se Corriere Della Sera, qe jane nder kritiket me te medhenj te muzikes ne Itali, mos valle jane te shkare qe japin te tilla vleresime si me poshte?

UN MEGA IMPERATORE - I giurati non si sono lasciati impressionare e il 48enne matematico campione di canottaggio con 16 album all’attivo e fama di artista scomodo dai tempi della guerra è stato eliminato. Si definisce mega imperatore del mondo, poeta, musicista, manipolatore dei media, merita 10 per autoironia. Dai Balcani anche la giovane promessa del pop Rona Nishliu, classe 1986, con «Suus», titolo in latino e testo in albanese. Rona rappresenta Tirana pur essendo la prima cantante del Kosovo (ex provincia serba a maggioranza albanese autoproclamatasi indipendente nel 2008) in gara all’Eurovision. L’hanno paragonata per potenza a Chaka Khan e Aretha Franklin, rispettivamente «regina del funk» e «regina del soul». Un mega imperatore montenegrino e una quasi regina dall’Albania.

Burimi: http://www.corriere.it/spettacoli/12...2210c662.shtml

[Prometeu2]

Nje shkrim qe hasa ne Gazeten Metropol shkruar nga Ermal Peci.

Sa hiprokizi me Suusin tuaj

Ermal Peçi

E mbaj mend si sot. Rastësia donte që dhjetorin e “Suus” të isha në Athinë. Mbase më mirë kështu, pasi gjithçka e pashë larg frymës negative që e ndoqi këtë këngë në ditët e fundit të dhjetorit.

Festivalin e këngës e kam ndjekur gjithmonë me kureshtje, mbase i vetmi mes shumë moshatarëve të mi, kolegëve e këtij brezi të rinj gazetarësh. Nuk di ta shpjegoj pse më mban pas vete ky festival, por di të them që në të 50-ën e tij, mora ndjesinë më të bukur që më ka dhënë muzika shqiptare, mora unë dhe shumë pak të tjerë suus.. ndërsa sot fatmirësisht, edhe pse në mënyrë jo korrekte e kanë marrë të gjithë.

Para ekranit, me familjarë të mi e shqiptarë të tjerë, me kershëri po ndiqnim këngët që vinin njëra pas tjetrës. Këngë të bukura, por që ecnin shpejt pa ndonjë ngacmim. E gjitha kjo pa dalë ende Rona në skenë.

Rona Nishliun deri para një muaji, kohë kur me dashuri pranoi të më jepte një intervistë ndryshe për “Planet Tv”, e kam ndjekur nga ekrani. Gjithmonë më ka mahnitur zëri i saj, stili dhe individualiteti muzikor. Pas atij dhjetori, Suusin e saj e kam ndjerë si rrallë ndonjë këngë tjetër, nuk kam lënë hapësirë mediatike pa folur e shfrytëzuar, inserte e materiale pa punuar. Për të gjitha këto ka një shpjegim, madje të fortë e emocional.

Kur Rona këndoi natën e parë në festival, mbetëm të mbërthyer pas ekranit. Nuk e di pse përfshirja emocionale ishte aq e madhe. Unë e shumë shqiptarë të tjerë, e kujtoj si tani, ngrimë. Emocionalisht morëm ndjesinë më të veçantë, një zë e këngë me të cilën nuk ishim mësuar, rrahje zemre por edhe lot. Po, lot! Në fund të këngës se kuptova se çfarë dëgjova, di që gjithçka më rrëmbeu fort. Ishte e gjitha Suus.

Mjaftuan ato minuta të këndimit të saj të parë, për të mos iu ndarë asnjë çast Suus, që nga dhjetori e deri finalen e 26 Majit, me patjetër edhe për shumë vite të tjera.

Nga Athina në Tiranë doja të ndaja ndjesinë time e të shumë shqiptarëve, krenarie dhe lumturinë për një zë unik e një këngë që svjen dy herë. Por nuk ndodhi kështu.

Reagimet ishin nga më drastiket, një pjesë, e cila deri para 22 majit ishte jo aq e madhe sa pjesa tjetër që e kritikuan për muaj me radhë fitoren e Ronës e zbehen me komentet e tyre jo pozitive, mua e shumë të tjerëve që e mbështetën na “kryqëzuan” a thua po përkrahnim diçka që s’ishte e jona.

Nga e gjitha kjo atmosferë që më trishtoi, nuk dua të gënjej, mora brenda vetes vendimin, për të cilin çdo moment kam qenë i lumtur. Ta mbështes e promovoj me shpirt Suus; t’u them të gjithëve, edhe atyre që janë mësuar me komerç, edhe atyre që bëjnë profesionistin nga facebooku pa asnjë njohuri përkatëse, se Suus është kthesa e madhe në këto vite muzike shqiptare, se muzikës shqiptare ierdhi një këngë, nga ato për të cilat shumë vende e kombe të tjera i ruajnë me fanatizëm në arkivat e tyra të arta.

Një shkrim te “Mapo”, i pedagoges e kompozitores Eriona Rushiti më bëri të kuptoj që nuk isha vetëm. Çdo rresht i shkruar prej saj, me rikonfirmonte mua që e doja Suus që në sekondin e parë, e të tjerëve, se çfarë dhurate të bukur na kishte sjellë Rona.

Por jo, gazetat e ekranet, shkrimet e insertet televizive nuk ndaleshin së foluri negativisht për këtë këngë, duke e quajtur Suus një vaj të tepruar, një këngë që nuk është për eurovizion, që do të na turpëronte në Baku e që as në finale nuk do të na dërgonte. Ju lutem, mos e mohoni, kështu ka ndodhur!

Për muaj të tërë, njerëz të medias dhe jo vetëm, në çdo hapësirë që ju jepej kanë mohuar Suus. Kanë qenë ata që edhe mua me ata të tjerë që e mbrojtëm fort në çdo sekondë Suus, na kanë quajtur të çuditshem, kanë ironizuar mbështetjen tonë për një këngë, që për pjesën më të madhe as këngë nuk ishte, jo më një përfaqësim dinjitoz për në eurovizion.

Përtej këtyre unë nuk rreshta së punuari material për Suus, finalizova gjithçka me një intervistë të Ronës dy ditë para se të nisej për në Baku. Si une, edhe ata që e ndjenë dhe e mbështetën që nga dhjetori nuk e tradhëtuan një sekondë Ronën. Sepse ishim të ndërgjegjshëm që Suus i Ronës, vetëm i asaj nuk ishte.

Më thoni njerëz të mirë, miq e të panjohur, a nuk është jeta jonë një Suus? A nuk e ndiejmë çdo ditë e më shumë ftohtësinë e të gjithëve në shpirtrat tanë, a nuk po merr kjo botë formën më anti humane të mundshme? A nuk po ikën koha aq shpejt, duke na rrëmbyer edhe ato pak ndjesi pozitive që kemi? Sepse fatkeqësisht koha për ne s’ka më afat.

Por çfarë ndodhi këtë javë, që nga 22 maji kur Baku ndezi zjarrin e Eurovizionit?

Përtej tragjedisë, që është një dhimbje e madhe, çfarë ndodhi me pjesën më dërmuese të atyre që se donin Suus, që e kritikuan aq sa mundën, çdo herë në fakt, që menduan se eurovizioni nuk është vendi për këtë këngë?

Kam ndjerë një hipokrizi masive, uroj të jem gabim, edhe pse nuk jam i vetmi që mendoj kështu. Interpretimi i Ronës, zëri e magjia e saj, kënga unikale e gjithçka Suus jo vetëm që mori vëmendjen e eurovizionit, por edhe më skeptiket ndërkombëtare të këtij eventi i bëri që të shkruajnë për “Albanian” tonë. Të mos kursehen, ashtu siç ju bëtë, duke jo vetëm e komplimentuar Ronën por duke iu përulur zërit e këngës së saj. Ajo është diva, Aretha Franklin e re, premtimi i ballkanit- shkruajtën me prestigjiozitet mediatik. Gjithë Europa, si publiku dhe profesionistët e dashuruan Suus, e votuan e përkrahën. Pavarësisht që nuk i kuptuan asnjë fjalë tekstit apo se në mendjen e tyre nuk kishin “djallëzinë” e publikut shqiptarë.

Të gjithë ju, shqiptarë të mi, njerëz të thjeshtë dhe ju mediatikë, nuk kursyet asgjë për këtë këngë në këto muaj, fatkeqësisht jo pozitivë. Por nisur nga reagimi europian, apo edhe mbase nga sjellja jonë, që gjithmonë si Kameleon ndryshojmë sjelljen e perceptimet tona, menjëhë pas kualifikimit për finale… ndërruat mendje.

A thua nuk ju mjaftuan muaj të tërë nga dhjetori për ta kuptuar që Suus është unike, personalja e të gjithëve, dhimbja e një jetese e të përditshme. Jo… juve iu duheshe vota e europës, kualifikimi i Ronës për të nxjerrë nga fjalori juaj, tani më, jo fjalët më negative, por vlerësimet më të mëdha.

Unë sigurisht që pranoj, që tani ndihem shumë më mirë që nuk jam më vetëm, që unë e disa të tjerë përkrahën me shpirt Suus çdo sekondë deri me 22 Maj dhe nuk jemi me pakicë, por jemi një komb që e duam Suus. Ashtu siç duhet të ishim që në dhjetor në fakt.

Nuk ka asgjë të keqe që tani ju e doni këtë këngë, që tani nuk keni lënë fjalë nga më të vyerat duke ia thënë këtë javë Ronës, por mënyra si e bëtë nuk është korrekte, hipokrite në fakt. Çfare do të ndodhte n.q.s., Rona nuk do ishte kualifikuar? Më thoni, mos ndryshoni sërish pozicionet tuaja, ju lutem. Më thoni sa do ishte “kryqëzuar” Suus nesër nuk do arrinte finalen, sa gati do të ishit ju, si gjithmonë fatkeqësisht, të fajësonit në kulm këngën e këngetaren nëse gjërat do kishin shkuar ndryshe. Se në fakt parashikimet tuaja kështu ishin!

Sa i lumtur që gjërat nuk shkuan kështu, se kur e mendoj frikësohem. Frikësohem jo nga ajo çfarë do thonit e shkruanit, sepse tani e keni bërë mënyrë jetese, por sesa hiprokrizi ka mes nesh, mes jush. Absurd!

– Moderator, gazetar.

[skender76]

MaDaBeR,

esht e çuditshme,

shqip flasim, por s'merremi vesh...

Nuk pash as dhe nje antar qe t'thoje se Rona nuk ka talent, perkundrazi

O shoku, un dhe ndonje tjeter mendojm qe Rona mund t'ishte paraqit me mir me nje keng tjeter.

Dhe me ket kendveshtrim, kritikat tona modeste (nese mund t'quhet e tille...) bie mbi Florent Boshnjakun sepse ishte ai qe beri muziken dhe orkestrimin.

Me fjal t'tjera esht si ti japesh Michael Schumacherit nje benz 240D per t'garu ne F1...


P.S.

Ishalla s'asht shqiptar nga Kosova ky Florenti, se u nezen krejt.....

[AlbaneZ]

Nje shkrim shume i sinqerte dhe shume i vertete.

Me pikantja per mua ishte kjo pjese:

Nuk ka asgjë të keqe që tani ju e doni këtë këngë, që tani nuk keni lënë fjalë nga më të vyerat duke ia thënë këtë javë Ronës, por mënyra si e bëtë nuk është korrekte, hipokrite në fakt. Çfare do të ndodhte n.q.s., Rona nuk do ishte kualifikuar? Më thoni, mos ndryshoni sërish pozicionet tuaja, ju lutem. Më thoni sa do ishte “kryqëzuar” Suus nesër nuk do arrinte finalen, sa gati do të ishit ju, si gjithmonë fatkeqësisht, të fajësonit në kulm këngën e këngetaren nëse gjërat do kishin shkuar ndryshe. Se në fakt parashikimet tuaja kështu ishin!

Pergezimet e mia per autorin e ketije shkrimi shume real.

[Prometeu2]

P.S.

Ishalla s'asht shqiptar nga Kosova ky Florenti, se u nezen krejt.....

Edhe Florenti eshte nga Kosova, nder kompozitoret e pakte vertete te talentuar. E shikoja mbreme ne Opinion, sa modest qe ishte, kishte krijuar nje kryeveper, te vleresuar nga gjithe ekspertet e fushes dhe fliste si i ndrojtur.