Inteligjenca e NATO-s: Mbështesim shërbimin informativ shqiptar

[PLAKU]

Inteligjenca e NATO-s: Mbështesim shërbimin informativ shqiptar

Kryeministri Berisha priti delegacionin e Inteligjencës së NATO-s

Kryeministri Berisha priti dje pasdite në një takim, një delegacion të drejtuesve të shërbimeve ushtarake të Inteligjencës së NATO-s, përkatësisht zotërinjtë Fhlip L. Ritcheson, Drejtor i Divizionit të Inteligjencës në NATO HQ, Bruksel dhe njëkohësisht Kryetar i Komitetit Ushtarak të Inteligjencës së NATO-s, Admiralin Norman. R Hyes, Drejtor i Zbulimit Ushtarak të Komandës Amerikane për Evropën, si dhe Admiralin në pension David Ellison, President i Universitetit Kombëtar të Inteligjencës, SHBA, të cilët ndodhen për një vizitë të shkurtër në Shqipëri. Në takim merrte pjesë edhe drejtori i SHIU-t, zoti kolonel Ylli Zyla.

Berisha e falënderoi delegacionin për bashkëpunimin dhe për mbështetjen që institucionet që ata përfaqësojnë i kanë dhënë Shqipërisë dhe shërbimeve informative të saj, në veçanti për sa i përket bashkëpunimit të shërbimeve të inteligjencës në kuadër të pjesëmarrjes së trupave shqiptare në misionet e NATO-s dhe ISAF në Afganistan.

Nga ana e tyre përfaqësuesit e NATO-s e falënderuan kryeministrin Berisha për pritjen e ngrohtë dhe miqësore dhe e siguruan atë se institucionet që ata përfaqësojnë, do të vijojë të bashkëpunojnë ngushtësisht dhe do të mbështesin Shqipërinë dhe shërbimet e saj informative, në veçanti SHIU-n në të gjitha aspektet e marrëdhënieve të shkëlqyera të bashkëpunimit që ka ndërtuar me këto agjenci gjatë kësaj periudhe, si për sa i përket shërbimit të informacionit, ashtu edhe në fusha të tjera që kanë të bëjnë me trajnimin.

Delegacioni i NaATO-s vlerësoi kontributin real dhe të rëndësishëm të Shqipërisë, në luftën kundër terrorizmit si dhe për forcimin e paqes dhe stabilitetit në Afganistan dhe i shprehën mirënjohjen më të thellë të agjencive që ata përfaqësojnë dhe të SHBA-ve për këtë kontribut, por njëkohësisht edhe vlerësimin më të lartë për sakrificën e një prej efektivave të shkëlqyer të forcave speciale shqiptare, kapiten Feti Voglit.

Ata vlerësuan punën e shkëlqyer që njësitë e FA-ve shqiptare po bëjnë në Afganistan dhe e siguruan Kryeministrin se agjencitë që ata përfaqësojnë janë plotësisht të angazhuara dhe do të vijojnë bashkëpunimin frytdhënës me SHIU-n shqiptar për tu ofruar udhëheqësve politike dhe vendimmarrësve ushtarakë, informacionin më të saktë dhe në kohën më të përshtatshme të mundshme për ti ndihmuar ata në detyrën dhe vendimmarrjet e tyre të rëndësishme, në mënyrë që misioni në ndihmë të Afganistanit dhe popullit mik të shumëvuajtur të këtij vendi të kurorëzohet me sukses. BS

[PLAKU]

Topalli pritje në Pallatin e Brigadave
Bota Sot 24-4-2012


Kryetarja e Kuvendit, Jozefina Topalli organizoi mbrëmjen e ditës së hënë një pritje në Pallatin e Brigadave në nderim të delegacioneve të Asamblesë Parlamentare të NATO-s, i cili ndodhet në Tiranë me rastin e mbajtjes së konferencës: “Mbrojtja e Zgjuar” – e vendeve të Evropës Juglindore.

Kryetarja e Kuvendit, Jozefina Topalli pasi uroj mirëseardhjen vlerësoi misionin dhe rolin shumë të rëndësishëm të NATO-s si një histori unike suksesi.

“Kisha nderin të mirëpres Sekretarin e Përgjithshëm të Asamblesë Parlamentare të NATO-s, kolegë të dashur nga parlamente të ndryshme të Evropës Juglindore.

Ndihem shumë e kënaqur që sonte ne jemi këtu të gjithë së bashku.. Ishte një diskutim dhe konference e mirë dhe interesante.

Për mua është shumë themelore dhe shumë e rëndësishme të organizoj një Asamble të tillë me deputetë nga parlamente të ndryshme këtu në Shqipëri, në Tiranë, një muaj përpara organizimit të samitit në Çikago, axhendë e rëndësishme e të cilit do të jetë “Smart defense”.

Unë dua t’ju falënderoj të gjithëve dhe mendoj se është shumë e rëndësishme të jesh pjesë e delegacioneve të vendeve anëtare të NATO-s. Secili prej jush ka dhënë kontributin e tij për këtë Asamble të NATO-s.” tha Kryetarja e Kuvendit.

Nga ana e tij, David Hobbs, Sekretari i Përgjithshëm i Asamblesë Parlamentare të NATO-s falënderoi Kryetaren e Kuvendit për mikpritjen e ngrohtë dhe vlerësoi organizimin e këtij takimi shumë të rëndësishëm në Shqipëri.

“ Është një ditë e shkëlqyer. Do t’ju përgëzoj për realizimin e kësaj konference “Smart Defence”, pra një konference” Smart” shumë e zgjuar.

Kjo falë mbështetjes së Kryetares së Kuvendit. Kaluam sëbashku një ditë shumë interesante, shumë të dobishme, në kohën e duhur, një muaj para Samitit. Na kujton se ”Smart Defence” do të funksionojë sepse kemi bashkëpunuar të gjithë bashkë. Është shumë e rëndësishme, dimensioni rajonal dhe sidomos dimensioni parlamentar.” u shpreh zoti Hobbs .



Topalli me drejtuesit e NATO-s: Reformat, fryt i bashkëpunimit


Në fund të këtij muaji pritet të përfundojnë tre reforma të rëndësishme në parlamentin e Shqipërisë, në kuadër të bashkëpunimit mazhorancë-opozitë. Kështu është shprehur kryeparlamentarja Jozefina Topalli gjatë një takimi me Presidentin e Asamblesë Parlamentare të NATO-s, Dr. Karl Lamers.

Në përgjigje të interesit të Presidentit të Asamblesë Parlamentare të NATO-s, Kryetarja e Kuvendit bëri një rezyme të zhvillimeve politike në vend.

Znj. Topalli vlerësoi se tashmë ka një bashkëpunim midis opozitës dhe mazhorancës për të çuar përpara reformat e integrimit, ku në fund të këtij muaji pritet të mbyllen tre reforma të rëndësishme, ajo zgjedhore, parlamentare si dhe ligji për gjykatat Administrative.

Dy personalitetet diskutuan lidhur me pritshmëritë e Samitit të Chicagos, ku zoti Lamers theksoi se nisma "Smart Defense" do të jetë një pikë kyçe në punimet e këtij samiti. Ndërkaq në nderim të delegacioneve të Asamblesë Parlamentare të NATO-s, që ndodhet në Tiranë në kuadër të konferencës: "Mbrojtja e Zgjuar”, e vendeve të Evropës Juglindore kryetarja e Kuvendit, Jozefina Topalli organizoi një pritje në Pallatin e Brigadave.

Gjatë fjalës së saj zonja Topalli ka vlerësuar rolin që luajnë strukturat e paktit të Atlantikut të Veriut në sigurinë globale, duke e cilësuar një histori unike suksesi.
Nga ana e tij, David Hobbs, Sekretari i Përgjithshëm i Asamblesë Parlamentare të NATO-s falënderoi Kryetaren e Kuvendit dhe vlerësoi organizimin e këtij takimi shumë të rëndësishëm në Shqipëri.

Një ditë më parë u mbajt në Tiranë Konferenca “Mbrojtja e Zgjuar”, bashkëpunimi dhe koordinimi rajonal mes vendeve të Evropës Juglindore.