Rrjetet sociale!

**peyoni** · 23-04-2012, 11:11

pershendetje e kom nje tem per rrjetet sociale a kish mujt dikush nga ju mem gjet tekst per to flm...

**Busy Girl** · 23-04-2012, 11:17

rrjetet sociale jane website te cilat jane te krijuara per ti mundesuar njerezve te krijojne miqesi te reja biseda shkembime informacioni e shume gjera te tjera
po ta them si e di vete ne menyre me te pergjithshme shpresoj te te ndihmoj dikush tjeter

**ermela sweet** · 23-04-2012, 13:25

Rrjetet sociale funksionojnë në parim shumë ngjashëm: bëhet fjalë, e shprehur thjesht, për një kartotekë anëtarësie, me mundësi të ndryshme për të vendosur kontakt me njëri-tjetrin. Ai që dëshiron të bëhet anëtar i kartotekës, duhet të krijojë një profil.

Kjo vërtet që është falas, por prej teje kërkohet të shënosh informacione private si emri, adresa e emailit dhe datëlindja. Një fotografi vërtet që nuk është e domosdoshme, por atë profilit të tyre ia shton shumica e njerëzve. Vec kësaj, në profilin tënd mund të memorizosh edhe gjëra të tjera: pasionet e kohës së lirë, libra që të pëlqejnë dhe fotogaleri private. Sasia dhe lloji i elementëve që mund të memorizosh është e ndryshme nga rrjeti në rrjet: në portalin e kontaktit të biznesit Xing, për shembull, mund të ngarkosh në faqe të gjitha dokumentat e aplikimit për vend pune. Parimisht mund të përcaktosh se cilat nga të dhënat duhet t'i shohin të gjithë dhe cilat vetëm miqtë e tu.

Mundësitë për vendosjen e kontakteve janë të shumëllojshme

Pas kësaj nis vendosja e kontaktit në rrjet: përmes funksionit të kërkimit, në kartotekë mund të kërkosh shokë, miq, të afërm e të njohur dhe t'u dërgosh atyre një ftesë për t'u miqësuar. Vec kësaj, pasi ke regjistruar në listën tënde mikun e parë, rrjetet sociale të dërgojnë propozime për miqësi të reja - në këtë rast bëhet fjalë për shokët e shokëve. Dhe veç kësaj, ekzistojnë edhe faqe të ndryshme në Facebook, në të cilat anëtarë vecanërisht të zellshëm për kontakte ftojnë njeri-tjetrin për të lidhur miqësi. Në këtë mënyrë, rrjeti i kontakteve private mund të rritet shpejt.

Më i frekuentuari nga të gjitha këto rrjete sociale është Facebooku: në qershor të këtij viti, portali e kaloi shifrën e 500 milionë anëtarëve. Themeluesi i Facebookut, Marc Zuckerberg e nisi këtë projekt në shkurt 2004, si një rrjet i brendshëm studentësh në Universitetin e Harvardit. Shpejt faqen e internetit e vunë në dispozicion të shumë njerëzve në SHBA dhe më vonë në të gjithë botën. Të ardhurat vitin e kaluar kapën shumën 700 milionë dollarë, këtë vit pritet të arrihet kuota e 1 miliardshit.

MySpace ka rënë pas Facebookut, megjithë konkurencën fillestare: ai konsiderohet si komunitet i preferuar i muzikantëve dhe artistëve. Ndërsa Xing është një portal i themeluar në Gjermani për kontakte biznesi.