Sokol Genica, i njohur me pseudonimin “Druge"

[PLAKU]

http://www.mapo.al/wp-content/upload...le-300x261.jpg




Dosja e përgjimeve, atentati i urdhëruar nga Milano: Vriteni si qen në mes të fshatit


Prokuroria italiane ka përgjuar Sokol Genicën teksa urdhëronte vrasjen për hakmarrje të një personi në Fier. Si u planifikua atentati dhe frika e bashkëpunëtorëve të Genicës, se pas tij mund të përballeshin me një sulm nga rivalët.

Tiranë Sokol Genica, i njohur me pseudonimin “Druge”, nuk ishte implikuar vetëm në trafikun e lëndëve narkotike. I dënuar nga Gjykata e Veronës edhe për shfrytëzimin e një rrjeti prostitucioni, Genica është përgjuar nga prokuroria italiane teksa urdhëronte vrasjen e një personi në qendër të fshatit Dermenas. Telefonatat mbajnë datën 4 shtator 1998, kur Genica u informua në Itali nga një miku i tij se kishte rënë në gjurmët e personit që kishte vrarë Ismetin. Ky i fundit kishte qenë anëtar i grupit të Sokol Genicës, i cili që nga Italia organizonte planin e atentatit të hakmarrjes. Telefonatat tregojnë Genicën teksa kërkonte një vrasje publike, pranë shkollës së fshatit Dermenas, pasi “armikut” t’i bëhej e qartë se nga kush i vinte plumbi. Prokuroria e Milanos nuk qartëson nëse ky atentat është realizuar ndonjëherë apo jo, por bisedat e mëposhtme, të zbardhura nga MAPO tregojnë brutalitetin e këtyre organizatave dhe mënyrën sesi urdhëroheshin atentatet, edhe pa qenë i pranishëm në Shqipëri. “Sokol Genica ishte informuar nga të tjerë persona, të cilët kishin rënë në gjurmët e vrasësit të një anëtari të grupit të tij në të shkuarën. Viktima quhej Ismet. Genica shprehte zemërimin e tij, duke i kërkuar ndërmjetësit që të vriste personin e gjurmuar në shenjë hakmarrjeje, ndërsa urdhëronte që vrasja të bëhej në qendër të fshatit, me qëllim frikësimin e armiqve të tij. Bisedat telefonike mes tij dhe një personi të paidentifikuar, që rezulton të jetë ndërmjetësi, zbardhin detajet e planifikimit të vrasjes që urdhërohej nga Milano”,-thuhet në dosjen e Gjykatës së Milanos.

4 shtator 1998, ora 9:33, Burri ( i paidentifikuar) për Sokol Genicën

Burri: Më ka telefonuar T. dhe më pyeti nëse më interesonte të dija gjëra rreth personit që ka vrarë Ismetin.

Sokoli: Po.

Burri: Unë i thashë që më interesonte dhe ai më tha që do të më jepte emrin. I thashë të më telefononte më vonë. Si thua?

Sokoli: Nëse mundesh, është më e mira ta vrasësh te shkolla në Dermenas.

Burri: Është më mirë ta dërgojmë në plazh dhe ta vrasim atje.

Sokoli: Po çfarë plazhi thua? Është më mirë ta vrasësh atje.

Burri: Jo, është më mirë në plazh. Askush nuk mund ta marrë vesh.

Sokoli: E pse? Gjatë natës atje, mund ta vrasësh si një qen.

Burri: Si thua ti?

Sokoli: Bëj si të duash.

Burri: Do të flas me Ismetin. ( Mesa duket, me një adash të viktimës)

Ora 09:48

Genica bisedon me një person me inicialet E…, që ndodhet në Shqipëri, për të vendosur modalitetet mbi vrasjen e personit si dhe për të diskutuar mbi masat që ai mund të merrte. Genica rekomandonte që përpara se të vrisnin personin, t’i komunikohej që ishte pikërisht ai, Sokol Genica, që e urdhëronte atë gjë. Në të vërtetë, E. i frikej vrasjes së personit, pasi kjo mund të sillte goditje nga grupi tjetër i keqbërësve.

Sokol Genica telefonon E…

Sokoli: Ku je?

E: Në Hoxharë.

Sokoli: Deri ku ta sillte ai? (I referohet personit që mund t’i ngrinte kurth vrasësit të Ismetit)

E: Nuk e di, nuk kam folur akoma.

Sokoli: Thuaji të ta nxjerrë në pritë dhe thuaji që po e vras unë, megjithatë është më mirë të flasësh me D…

E: Nuk është këtu, është në Holandë. Ai ndodhet me siguri në Tiranë dhe po e dërgoj tek A…

Sokoli: Nëse A do të donte, do ta kishte bërë vetë këtë gjë.

E: Ai tha se do nuk ishte e mundur. Gjithsesi do t’i jap numrin tënd, kështu që fol me të.

Sokoli: Me mua jo, është më mirë që të flasësh ti.

E: As unë nuk është se dua të flas me ta.

Sokoli: Mos i tako.

E: Unë nuk dua që ta sjellin këtu, pasi po ta sjellin, nuk e di më vonë.,.

Sokoli: Nuk vjen atje, nëse do ta sjellë, do ta bëjë gjatë natës. Jo ditën. Nëse vjen, qëllojeni që të dy.

Ora 10:30 , E.. telefonon Genicën dhe i thotë që ia mban besën Ismetit, por vrasja duhej të ndodhte në Tiranë. Nga ana tjetër, ishte i nevojshëm një autorizim nga personi me inicialet A…

E: Fola për Ismetin, edhe ai mendon se është më mirë në Tiranë. Tha se duhet të flasësh me A…, duke i kërkuar edhe atij ndihmë, duke i thënë se do t’ia dërgosh atje ku i pëlqen atij.

Sokoli: Jo, me ata nuk flas. Është më mirë të flasësh ti. Nëse jo, s’ka gjë.

E: Lëre për më vonë.

Sokoli: Më vonë është e kotë. Më jep numrin e telefonit të atij atje.

MAPO