Fshati shqiptar ne kontrast te thelle. Çfare reformash duhen ndermarre?

[DYDRINAS]

Rama: Fshati dhe fermeret, ne qender te programit te PS

Qamil Xhani

Kryetari i Partise Socialiste, Edi Rama, deklaroi dje gjate takimit me fermeret ne zonen e Luzhnjes se problematika e fshatit eshte ne qender te programit te Partise Socialiste. Pasi ka njohur shqetesimet e fermereve, Rama ka theksuar se do te behen investime ne zonat rurale, me qellim qe te rrisin perdorimin e tokes nga fermeret. “Jane tri shtylla; e para, ujitja dhe kullimi dhe ketu ne do te bejme nje investim masiv qe ta rimekembim gjithe sistemin, ne baze te nje inventari qe e kemi detajuar. E dyta, kostoja qe eshte e pamundur sot. Nje sere me nje investim kaq te rendesishem ku vetem toka ka kushtuar 210 milione leke qe mbillet me lakra se nuk perballohet kostoja e naftes eshte shembelltyra e falimentimit jo per fajin tuaj qe punoni ketu, por per faj te shtetit qe e ka braktisur fshatin. Pra, ulja e kostos se prodhimit, duke ju mbeshtetur per naften, per inputet dhe per makinerite bujqesore”, - tha Rama. Kreu i PS-se ka renditur si ceshtje te trete garantimin e nxjerrjes se produkteve ne treg. Rama ka theksuar se do te krijohen mundesite per te mos pasur probleme ne tregtimin e produkteve. “E, vijme tek ajo qe ndodh, qe ju nuk i shisni dot, qyteti i blen shume me shtrenjte se i merr nga importi. Ne jemi te ekspozuar krejtesisht ne pasiguri ushqimore. Ky eshte fakt dhe keto tre elemente ne do t’i trajtojme krejtesisht ndryshe”, - tha dje kreu i PS-se. Lidhur me tregtimin e produkteve, Rama ka theksuar se fermeret nuk e kane ne krahe shtetin qe t’i ndihmoje per te gjetur treg per prodhimet qe bejne me mundim. Ai ka theksuar se ata qe eksportojne ne Shqiperi e kane shtetin ne krah. “Une besoj qe edhe vete kjo fjala subvencion, ne fakt tregon dicka tjeter. Qe ata qe i eksportojne drejt Shqiperise produktet e tyre, e kane shtetin ne krah. Shqiptaret qe punojne ne tokat e tyre nuk e kane shtetin ne krah. Shteti e ka braktisur fshatin dhe ju perpeliteni per mbijetese. Nderkohe qe ketu duhet te kishim burimin kryesor dhe te garantuar te sigurise ushqimore te vendit dhe ketu duhet te kishim mireqenie qe te gjeneronte mireqenie ne qytet, duke lehtesuar barren e cmimeve per ushqim dhe duke krijuar mundesi qe familjet mos te perdorin gjithe buxhetin e muajit vetem per te ngrene”, - u shpreh Rama ne fjalen e tij. Kryetari i PS, Edi Rama, se bashku me sekretarin per Programin, Ilir Beqaj, kane akuzat disa prej fermereve ne Divjake dhe i kane njohur me programin e PS-se per t’u ardhur ne ndihme. Rama ka theksuar se impubet bujqesore dhe subvencionet per te ndihmuar fermeret jane vetem nje pjese e planit. Ndersa, sipas tij, ne Programin e PS ka strategji edhe per sistemet e ujitjes.


zp

[Ziti]

Çfare duhet ???!!!??? PUNE, PUNE DHE VETEM PUNE ...

Fshatari duhet te ule koken e te punoje nga mengjesi deri ne mbremje, ashtu siç bejne koleget e tij ne Europe.

Jane mjetet e punes te shtrenjta ??? Po s'besoj se ka mjet me te lire se krahu personal i punes per pronen tende. Ne fillim le te bleje nje kazme, nje lopate e nje bel. Pastaj te kaloje tek qerrja, me vone tek dum-dumi dhe ne fund fare tek traktori.
Po s'punove vete i pari, nuk te vjen ne ndihme askush.

Fshataret nqs nuk kane takat te bejne bujkun, le te nderrojne zanat ...

si te punoj fshatari shqiptar kur ju qytetaret e tirones i blini domatet ne serbi per 20 cent me pak edhe pse ato jane me pesticide. po rakin qe e blini ne maqedoni, po birren ne greqi

[medaur]

Edi Rama: Fshati në falimentim, do të ndërrojmë 100% politikë

29 Tetor, 2012 | Postuar në: Kryesore | Shkruar nga: TemA


Sot produkte blegtorale Shqipëria importon 10 herë më shume se ç’eksporton! Ky raport do përmbysur. Ky ka qenë mesazhi që kryetari i Partisë Socialiste, Edi Rama ka dhënë gjatë takimeve të tij me fermerë të zonës së Lezhës.

Rama është ndalur fillimisht në një fermë lopësh në Balldre të Lezhës. Me lekët e fëmijëve emigrantë pronari i kësaj ferme investoi për stallën dhe 70 viça. Por sot ai ka mbetur vetëm me 5 lope.

“Kena falimentu me qumështin. Nafta na ka gri krejt. Kostoja e mishit është shumë e lartë. E kena dhënë më lirë se e kena prodhu. Tokat i kemi të përmbytme nga Torovica. Tash 20 vjet nuk është bërë punë me kanalet e kullimit. Jena në gjendje shumë të keqe. Nuk mund të rrimë me këtë gjendje. Tokat na janë përmbytur. Kena mbjellë dhe s’kena korrur. Ça me bo, nuk ja vlen me vazhdu me këtë punë. Të gjitha kanë falimentu si unë. Kena dash me punu, kena pas vullnet të madh, me këtë gjendje na ka ik vullneti të gjithëve”, është shprehur shumë i zhgënjyer pronari i fermës.

Sipas Ramës pa hequr akcizën, TVSH-në dhe taksen e qarkullimit të naftës si dhe TVSH e inputeve bujqësore nuk mund të ketë rilindje të fshatit!

Më pas takimet e kreut të PS-së janë zhvendosur në një fermë gjelash deti në Mape të Lezhës, ku situata është pak a shumë e ngjashme. “Te gjelat e detit, nai ndihmë nga shteti nuk kena pas tash 20 vjet. Nëse do kisha ndihmën e shtetit nga 500 krerë do ti çoja 2000, por s’kena pas. Me këto çmime që kanë shku, punimi i tokës, farërat, plehrat kimike, keq e më keq po bëhet. Fitimi është pothuajse zero. Tregu shumë i dobët. E rrit me tepër sakrificë, por s’ka treg. Detyrohemi të dalim në rrugë. Çmimi për aq sa shpenzohet është shumë i dobët”, i ka thënë kryesocialistiti fermeri.

Edhe fshatarët e tjerë të zonës janë ankuar për mungesën e kanaleve të kullimit, ndërhyrjen zero nga shteti në hidrovorin. “Në 22 vjet demokraci nuk është pastruar asnjë kanal, nuk është bërë asnjë vaditje dhe uji është qelbur. Ca të bëjmë jemi në mëshirë të fatit. 22 vjet demokraci dhe është turp”, është shprehur një prej fshatarëve.

Ndërsa një bashkëfshatar i tij shton: “90 mijë lekë një kuintal farë gruri. Unë punoj në bujqësi qysh 15 vjeç, tash 3 vjet asnjë fitimi s’kam. Asnjë kanal nuk punon në kënetën e Kakarriqit, tash 15 vjet. Na dhanë 200 kile naftë për të pastruar hidrovorin vjet dhe ato na i vodhi prapë. Është 14 mijë lekë një dynym toke me e ba plug e 14 mijë lekë me e ba frezë dhe 7 me e mbjellë. I thonë një dynym tokë, vetëm 1 dynym. Vetëm kashta na mbetet falë. Hidrofori i Balldrenit mbahet vetëm me gjuajt peshk, absolutisht për asnjë punë tjetër, për peshk e për ngjala, për asnjë punë tjetër”.

Duke ju përgjigjur interesimit të fshatarëve lidhur atë se çfarë parashikon të bëjë PS për të ndryshuar këtë situatë Kryetari i PS-së është shprehur: “Është i gjithë cikli i bllokuar, se ata që ju japin ju e prodhojnë me kosto shumë të lartë për shkak të naftës, ju e merrni me çmime shumë të larta dhe nuk zhvilloheni dot, por vetëm mbijetoni. Është e domosdoshme të ndërrojmë 100% politikë në mënyrë që të ulen kostot. Pa ulur kostot, pa hequr akcizën e naftës, TVSH e naftës, taksën e qarkullimit të naftës, pa ulur në zero TVSH e plehrave, pa e ulur TVSH e farërave të paktën 10% dhe pa i dhënë një shtytje direkte çdo blegtori sipas krerëve, por jo duke thënë që mbështesim vetëm ata që kanë shumë krerë, por duke filluar nga mbështetja e gjithsekujt që merr përsipër këtë punë, ky është falimentimi ekonomik i gjithë familjeve në fshat. Është edhe falimentimi i ekonomisë kombëtare që pa pasur mbështetjen të fortë në fshat nuk ka asnjë mundësi. Ne sot kemi 1 me 10 import eksportin e prodhimeve blegtoral. Një vend si yni që importon 10 fishin e atyre që eksporton për prodhime blegtorale ushqim direkt, është e paimagjinueshme, skandaloze”.


tema

Bllal bla blaaaaa Edi dhe Sala i rrujn B.then fshatit shqiptar qe eshte bere si te filmi "Vizitoret."..shembull i gjalle i tij eshte kryeqyteti i fshatrave te Shqiperise, Bathorja ose Berthamorja si i thote kunoti im ...

[Ziti]

bathorja nuk eshte fshat
eshte tirana metropolitane
fshati eshte atje ku punohet toka, ku ka dele, lope

[medaur]

bathorja nuk eshte fshat
eshte tirana metropolitane
fshati eshte atje ku punohet toka, ku ka dele, lope

hahaaaaaaaaaaaaaaaaaaaaaaaaaaaaaaaa i modh je zito....si the Eshte Tirana metropolitane.....

[DYDRINAS]

A eshte gjendja e sotme e fshatit shqiptar pengese zhvillimi per te gjithe shoqerine shqiptare?

[Guri i Kuq]

Vend normal

nga Edison Ypi më 2012-10-29 në orën 7:18.PD ·

Korabi, Tomorri, Gramozi, Dajti; pirgje pilafi të ngrohtë prej nga dalin rrathë të bardhë avujsh që ngjiten drejt qiellit. Gjithandej keca dhe viça të therur shkuar në heje druri me prush nën të, që rrotullohen ngadalë nga shqiptarë të ngeshëm e të qeshur. Bregdeti shqiptar i gjithi i lagur nga dete kosi, dallgët e bardha të shkumbëzuara të të cilit kos rrahin pa rreshtur brigjet e pamposhtura të tokës arbnore. Lumenjtë, Drini, Erzeni, Shkumbini, Osumi, Vjosa, sjellin nga malet lëngje frutash dhe lloj-lloj sherbetrash. Përrenjtë bartin drejt ultësirave, birrë, raki, verë, uthull, ujë të gazuar, pije freskuese, vaj ulliri. Liqenet plot me mjalt dhe gjalp të freskët. Ujëmbledhësat plot me gjellë të ngrohta gati për tu servirur nëpër sofra që janë koriet e blerta rrëzë kodrave. Gjithandej pemë me fruta ekzotike që kujt t'i teket mund të zgjasi dorën t'i këpusi t'i hajë. Një erë e lehtë sjell nga qielli si gjethe vjeshte që bien mbi tokë miliona banknota valutash të huaja, kryesisht Euro dhe Dollarë. Banknotat qindëshe, ngaqë mes këtij bollëku paraja nuk njihet, si prek njeri me dorë, i marin me fshesë i grumbullojnë në kapica të mëdha dhe, ose i djegin, ose i dërgojnë nëpër banja si letra higjenike. Një diell i ndritshëm dhe një hënë e zbehtë, që as lindin as perëndojnë kurrë, rrinë gjithë kohën varur përballë njëri-tjetrit gjatë një ditë të pafundme nën një qiell të kaltër. Ca duke ecur, ca në këmbë, ca shtrirë, ca brinjas, gjithandej shqiptarë të veshur e të mbathur, faqekuq e të shëndetshëm që hanë e pinë e llafosen qetë e qetë ulur nëpër stola ose mbi lëndina të blerta. Në këtë Shqipëri nuk ka, jo vetëm pare, por as shtet, ligje, rend, polici. Nuk ka sepse nuk lysen. Që dikush të vrasi një tjetër apo veten, as që bëhet fjalë. Asnjë fabrikë, asnjë punishte, asnjë punë. Të gjithë bëjnë vetëm qef.
Kjo lloj Shqipërie ekziston vetëm nëpër ëndërra dhe përralla, dhe, si e tillë nuk mund të jetë veçse Shqipëri e ëndërrtarëve dhe budallenjve. Skeptikët e sotëm, ata zagarët e gazetave dhe të televizioneve të cilët i bien ditë e natë legenit tek thonë papushim se Shqipëria nuk është vend normal, pra pisat që bëjnë këtë pohim kaq revoltues, kaq të padenjë, kaq të turpshëm, nuk janë aq budallenj sa të mos e dinë se Shqipëria e mësipërme duke qënë vend prrallor nuk mund të jetë vend normal.Që të na kënaqen dhe të bien rehat skeptikët e shitur si dhe ne të tjerët nga lehjet e tyre, duhet gjetur një model i ndryshëm.Në kërkim të atij modeli, t'i hedhim një sy një Shqipërie tjetër.Korabi, Tomorri, Gramozi, Dajti, etj., male të zymtë, të egër, ku kullosin ca dele zgjebarake dhe ca cjepër ngordhalaqë kooperative. Rrëzë këtyre maleve në ca fshatra të mjerë me ca shtëpiza si kotece dhe pa rrugë mbijetojnë fshatarë të sterrosur nga të ftohtët dhe të pangrënët që flasin me vete tek ikin. Drejt vendbanimeve bregdetare, shtigje plot gropa që as Dreqi s'mund t'i quaj rrugë. Të tilla vende, me Italinë jo më pak se 100 kilometra larg, quhen "Zona Kufitare". Banorët e pakët të këtyre "Zonave Kufitare", sa ngaqë s'kanë çtë bëjnë, po aq dhe nga tmerri i çizmes së kufitarit mbi zhavorrin e bregut, j'a kërrcasin gjumit që në pes' e gjysëm pasdite. Po ky muhabet, madje edhe më i egër, në fshatrat e kufirit tokësor. Për lumenjtë dhe përrenjtë që rrjedhin të qetë drejt detit, s'i vete mendja kurrkujt për t'i parë si rrjedhin e si shushurisin. As poetëve, të cilët kompromentojnë talentin duke shkruar vargje për të vetmen parti që sundon me zjarr e hekur me në krye kurvin. Bujqësia prodhon pak fruta të vogla, të shtremta, të krimbura. Nëpër qytete ca si dyqane që brenda kanë vetëm kavanoza. Qytetarë shqiptarë të detyruar të spiunojnë dhe të spiunohen me njëri-tjetrin, të murrëtyer në surrat ecin si në jerm rrugëve. Ca si fabrika s'prodhojnë dot asgjëprejgjëje, as lugë për të ngrënë, as pranga për tu lidhur. Gjithçka vjen nga Jugosllavia, Rusia, Kina. Punishte druri prodhojnë karrike dhe divane që kalben dhe u këputen këmbët gjashtë muaj pasi i ke blerë me kursimet e dhjetë viteve. Dhe ashtu mbeten përgjithmonë ato karrike e divana, kur, nga frika mos rrëzohet, gjëja e parë që mikpritësi i thotë mysafirit, nuk është "mirseerdhe", por "prit ta vendos si duhet këmbën e karrikes". Pare ka, por aq pak, sa nuk u dihet vlera. Shumë ka vetëm një gjë; Shtet. Madje në këtë Shqipëri gjithçka është shtet.Me siguri as këtë Shqipëri, që është Shqipëri diktatoriale, skeptikët e sotëm të pasuruar, nuk e quajnë vend normal, dhe nuk e duan.Po çfarë Shqipërie duan horrat skeptikë të gazetave që ta quajnë vendin e tyre vend normal ?!Të provojmë edhe një tjetër Shqipëri, që ndoshta mund ta quajnë vend normal.Tomorri, Gramozi, Dajti Dhëmbeli, etj., male si gjithë malet me kullota, pyje, stane. Rrëzë maleve, fshatra ku shqiptarë të fuqishëm sepse të lirë, me pare kurbeti, ose biznesi blegtoral, bujqësor apo industrial, kanë ngritur shtëpi të reja me oborre të mëdhenj, garazhe, basene, ngrohësa diellorë dhe plot mrekullira të tjera. Shqipëria ka hyrë në NATO. Pra është bërë e paprekëshme, dhe deliret me armiq të huaj që Shqipërinë e kanë halë në sy dhe kockë në fyt, tashmë janë paradokse. Bunkerët e fushave janë shkatërruar për të liruar tokat bujqësore nga pushtimi i turpshëm i vetvetes. Më në fund, si në çdo vend normal, nëse fanatikë partiakë të paguar, të stërvitur dhe të armatosur nga banditë që i gënjen mendja se në pushtet mund të vinë me forcë, sulmojnë institucionet, meqënëse këto institucione nuk mbrohen me infermierë por me njerëz të armatosur, jo sepse ashtu i teket njërit e tjetrit, por sepse ashtu e urdhëron Ligji, këta aventurierë kriminalë vriten. Ligji gjithashtu ta respekton edhe të drejtën për të vdekur nëse të teket të bësh, për shembull, grevë urie. Sepse Shteti demokratik, që i shërben shumicës së arësyeshme dhe jo një pakice të çmendur të papërfillëshme, është bashkësi instrumentash, dhe jo bashkësi sentimentesh, emocionesh, subjektivizmash. Të gjitha venbanimet bregdetare janë vende turistike që, si për shqiptarë dhe të huaj, mund të arrihen përmes rrugëve të asfaltuara. Restorante, hotele, supermarketa të panumurta gjithandej. Në Europë, së cilës pas pak do t'i përkasin me të gjitha efektet, shqiptarët mund të venë e të vinë lirisht pa viza. Për të ngrënë e për të pirë sa të pëllcasësh. 90 % e fshatrave kanë nga dy e nga tre sallona bukurie. Në çdo lagje qyteti ka qëndra fitnesi, masazhi, palestra, që frekuentohen nga mijëra e mijëra shqiptarë për të mbajtur të tonifikuar trupin dhe trurin. Cilitdo budalla që s'ka asnjë ide për ta komunikuar, i mundësohet të thotë se është gazetar. Secilit tutkun që s'lidh dot dy fjalë, i rezervohet e drejta të thotë se është shkrimtar. Pra një vend si gjithë vendet. Me në kufi; Greqinë, totalisht anormale që po përgatitet të shesi copa nga vetja, Maqedoninë nënën e anormalitetit, pak më tutje Italinë, dhe më tej akoma Amerikën, burgjet e të cilave e kanë kaluar normalitetin e krimit përderisa prej vitesh kanë kapërxyer dyfishin e kapacitetit.Nëse edhe kjo Shqipëri, që është Shqipëria e sotme, s'ju duket vend normal, hiç mos më falni që po ua them; S'jeni skeptikë, jeni të sëmurë të pakurueshëm, nostalgjikë të pandreqshëm, bërllogje të pa riciklueshme, klysha kurvi.

MAPO, 29 tetor 2012
www.edisonypi.com

[DYDRINAS]

Rama: "Ne do të ulim kostot e prodhimit dhe do t'ju gjejmë tregun"

•Edi Rama është shprehur: “Kudo është e njëjta dramë. Nafta në stratosferë, plehrat kimike në stratosferë, farërat në stratosferë, plus të pakontrolluara fare që s’dihet se çfarë janë. Dhe s’ka ujë për të vaditur dhe s’ka kanale për të kulluar.

Publikuar më 31.10.2012 | 17:25

Vendosja e politikës bujqësore kombëtare në një kuadër europian nën një perspektivë me terma të afatgjatë është një nga të rejat më të rëndësishme të qeverisjes së ardhshme socialiste për fshatin. Kjo duke stimuluar nxitjen e prodhimit, duke ulur kostot e prodhimit, si dhe duke krijuar kushte që prodhimi të dalë në treg. Programi i Partisë Socialiste ka analizuar zhvillimin kaotik të 22 viteve dhe ka hartuar një platformë, e cila përmban shumë elementë të nevojshëm për të lehtësuar edhe agrobiznesin ne Shqipëri.

Këto premton Edi Rama në vijim të kontakteve të tij të vazhdueshme me fermerë, blegtorë, por edhe sipërmarrës, që kanë aktivitet në fushën e agrobiznesit. Edi Rama ka qenë sot në mëngjes në një fabrikë, e cila merret me përpunimin e produkteve të agrikulturës, kryesisht speca, fruta dhe perime. Por situata si për atë që përballet me "tokën" ashtu edhe për atë që merret me agrobiznes është tejet e vështirë. Pronari i fabrikës tregon një histori të vështirë kur thotë se e gjithë lënda e tij e parë vjen nga jashtë: "Speci është deficitar. Gjithmonë marrin nga Kosova ose nga Maqedonia. Për shembull specin djegës, 150 tonë, e kam marrë të gjithin nga Maqedonia. S’ka këtu. Këtu të duash të mbledhësh 50 tonë spec djegës, nuk i mbledh sot. Duhet të jesh hero legjendar".

Takimet e kryesocialistit Rama kanë vijuar në fushat djerrë të Arbanës, Vishnjës e Vaqarit, të lëna në mëshirë të fatit. Fshatarët janë shfaqur të lodhur nga pritja dhe të rrënuar nga mospasja. “Shih e shkruaj. Nafta ka shkuar aty ku dihet, s’është nevojë të bësh komente. Dritat po ashtu, pensioni po dihet. Sa pension marr unë, 132 mijë lekë, 50 vjet punë. Fasule jo, miell misri jo, katundari këtë ka”, thotë njëri prej fshatarëve, ndërsa një tjetër në krah të tij e plotëson: “Këtu s’është vënë dorë fare. Ka 20 vjet që bujqësinë se njeh njeri, sikur s’ekziston fare”. Diskutimet vazhdojnë me të njëjtin intensitet, sikundër edhe shqetësimet e tyre të përditshme. “Këtu ka pas çdo gjë: grurë, misër, perime. I kemi pas çuar edhe në Gjermani domatet. Bujk 50 vjet dhe s’kemi domate turshi, çfarë kërkon më!!!”, shfryn i pakënaqur njëri prej fshatarëve. Një tjetër bashkëfshatar i tij shprehet: “Ka shkuar dynymi tokës 50 mijë lekë, ne punojmë. Çfarë punojmë ne?! Jam blegtor për vete, se kam blegtori. Unë po i mbaj me forca, me borxhe po i mbaj. Borxh po i marr që të mbaj blegtorinë”.

Në përgjigje të shqetësimeve të ngritura nga fermerëve, kreu i Partisë Socialiste, Edi Rama është shprehur: “Kudo është e njëjta dramë. Nafta në stratosferë, plehrat kimike në stratosferë, farërat në stratosferë, plus të pakontrolluara fare që s’dihet se çfarë janë. Dhe s’ka ujë për të vaditur dhe s’ka kanale për të kulluar. Jemi vendi i dytë në Europë për burime ujore, një pasuri e jashtëzakonshme dhe jemi i vetmi vend në Europë sot që nuk ujit dot tokën e vet dhe që s’ka ujë të pijshëm për njerëzit e vet në shumë pjesë të vendit. Kjo është një gjë e paimagjinueshme. Ne nuk mund të pretendojmë që të krijojmë kushte për një Rilindje të Fshatit pa bërë premtime të bujshme, por duke marrë një angazhim të qartë; do sistemojmë ujitjen dhe kullimin patjetër, s’ka rrugë tjetër. Do ulim naftën në nivele të pranueshme për bujqësinë e për peshkimin dhe me patjetër do stimulojmë nxitjen e prodhimit duke ulur kostot e prodhimit dhe do krijojmë kushte që prodhimi të dalë në treg. Përndryshe, edhe ata që prodhojnë i keni parë rrinë në anë të rrugëve për të mbijetuar. Turp i madh!"

Ujitja dhe kullimi sipas Programit për Rilindjen e Fshatit janë dy çështje, të cilave do t'u jepet zgjedhje përfundimtare brenda mandatit të parë qeverisës së PS.



/Shekulli Online/M.A./