Ambasadori Akan Ismaili nuk ka diplomë fakulteti
Publikuar: 24.04.2012 - 19:11
Prishtinë, 24 prill - Ambasadori i ri i Kosovës në Washington, Akan Ismaili, nuk ka diplomë fakulteti.
Kështu i kanë thënë KTV-së burime të afërta me Komisionin parlamentar për Punë të Jashtme që kanë intervistuar Ismailin para se të emërohej ambasador në Shtetet e Bashkuara të Amerikës.
Por mungesa e diplomës së fakultetit për ambasadorin Ismaili nuk shihet si problem nga kabineti i presidentes Atifete Jahjaga.
Këshilltari i presidentes, Ramush Tahiri, ka deklaruar se me ligjin aktual për shërbimin diplomatik të Kosovës nuk është obligim diploma e fakultetit për t’u emëruar ambasador.
Ndërsa, Ministria e Punëve të Jashtme ka kritikuar anëtarët e opozitës në Komisionin për Punë të Jashtme se kanë keqpërdorur procesin e emërimit të ambasadorëve të rinj.
Ministria e Jashtme që dikur udhëhiqej nga deputeti i LDK-së, Skënder Hyseni, i është kundërpërgjigjur këtij të fundit.
Kritikat e Hysenit se po shkelet Ligji për Shërbimin Diplomatik të Kosovës në Ministrinë e Jashtme i quajnë deklarata joparimore.
Opozita në vazhdimësi ka kritikuar qeverinë dhe Ministrinë e Jashtme se po bën shkelje ligjore me rastin e emërimeve të ambasadorëve.
Derisa kjo po kundërshtohet nga pushteti, nga ana tjetër deputetë të PDK-së kanë thënë se defekte ka edhe në ligjin për shërbim diplomatik që, sipas tyre, është i paqartë.
http://kohaditore.com/index.php?page=1,13,96948
Kush mundet ta komentoj ndryshe ket lajm ,te cilin e kam marr nga koha ditore ,po qe se eshte i vertet ky lakm , si mundeni e panjohura ,dijetari e etj ta arsyetoni ,lajmin qe thaci mori banes kompenzimq eta emroj nji te pa shkoll ambasador ???????
Krijoni Kontakt