Vizita, Hilari Klinton në Tiranë brenda vitit 2012
TIRANË - Sekretarja e Shtetit e ShBA-së, Hilari Klinton, pritet që të vizitojë Shqipërinë në gjashtëmujorin e dytë të këtij viti. Lajmi është përcjellë dje përmes një njoftimi zyrtar të shpërndarë nga Ministria e Punëve të Jashtme. Në njoftimin e shkurtër thuhet se zv.kryeministri dhe ministri i Punëve të Jashtme, Edmond Haxhinasto, zhvilloi një takim me Sekretaren e Shtetit, Hilari Klinton, në Bruksel, nga e cila ka marrë premtimin se ajo do të vizitojë Tiranën në gjysmën e dytë të vitit 2012. Ministri i Punëve të Jashtme, Edmond Haxhinasto, ndodhet për një vizitë dyditore në Bruksel, ku po merr pjesë në punimet e Ministerialit të NATOs. Në këtë takim të NATO-s po diskutohen tema që kanë të bëjnë me çështje të sigurisë; si Afganistani, por edhe çështje të tjera, si paketa e mbrojtjes së Aleancës, partneritetet e Aleancës me shtete të tjera etj. Ky samit është përgatitor dhe mbahet para Samitit të Krerëve të Shteteve dhe Qeverive të Aleancës, që do të zhvillohet në Çikago, më 20-21 maj 2012. Në samitin e Çikagos krerët e shteteve dhe qeverive do të marrin vendime lidhur me të ardhmen e forcave të Aleancës deri më 2020. Ndërkohë, nga ana e saj, Shqipëria ka premtuar se do të vazhdojë të jetë në Afganistan përkrah aleatëve të saj derisa të jetë e nevojshme për misionin e NATO-s. Aktualisht, Shqipëria ka rreth 350 trupa, që janë të përfshirë në luftime dhe në detyra të tjera ushtarake, si dhe kanë filluar në misione trajnimi, apo stërvitje të trupave afgane. Pak ditë më parë, kryeministri Sali Berisha zhvilloi një vizitë dyditore në Afganistan, ku u takua me përfaqësues të Forcave të Armatosura që operojnë në kuadër të misionit të NATO-s, ISAF. Kryeministri vizitoi Bazën e Përparuar Operacionale në Spin Buldok në Kandahar, ku është vendosur edhe kontingjenti i Forcave Speciale Shqiptare “Eagle 4” si dhe pati takim edhe me efektivin e kompanisë “Eagle 4”.
Gazeta Mapo
Përgjigju Duke Cituar
Postuar më parë nga Genti..
Krijoni Kontakt