Tiranë: Pranga shefit te krimeve Fatos Goxhaj, favorizonte autoret kundrejt parave

[Albo]

Pranga shefit te krimeve, favorizonte autoret kundrejt parave

Klodiana Kotorri

Priste emerimin zyrtare per t'u transferuar ne policine e Permetit, por i komunikohet masa e arrestit per akuzen e korrupsionit. Shefi i Krimeve te Komisariatit numer nje ne Tirane, Fatos Goxhaj, eshte arrestuar diten e djeshme nga Sherbimi i Kontrollit te Brendshem, pasi akuzohet per korrupsion. Burime nga policia thane per gazeten se Goxhaj dyshohet se ne kembim te shumave te medha parash u ka premtuar qytetareve te ndryshem mbylljen e ceshtjeve kriminale ku ata ishin implikuar. Te njejtat burime shtuan se per te njejten vepren penale dyshohen edhe te tjere efektive policie, te cilet kane bashkepunuar me Goxhaj dhe priten te tjera arrestime.

Akuza

Ne rruge operative, punonjesit e Sherbimit te Kontrollit te Brendshem kishin siguruar informacione se shefi i krimeve te Komisariatit te policise nr. 1, ne Tirane kerkonte para nga persona te ndryshem ne kembim te mbylljes se ceshtjeve kriminale, ne te cilen ata ishin implikuar. "Dyshohet se Fatos Goxhaj ka marre shuma te konsiderueshme parash, me qellim qe te ndikonte ne mbylljen e disa ngjarjeve kriminale ne favor te autoreve. Rasti me flagrant eshte nje tentative vrasje, ngjarje per te cilen ka nderhyre Goxhaj per ta mbyllur ne favor te autorit", - thane per gazeten burime nga SHKB. Dyshohet se shefi i krimeve i ka premtuar autorit te ngjarjes, i cili procedohej penalisht nga prokuroria, se do ta mbyllte ceshtjen dhe ai nuk do te denohej. Sipas SHKB-se, per te mbyllur hetimet dyshohet se Goxhaj ka marre 5 mije euro. "Por pavaresisht se ka marre shumen e parave, shefi i Krimeve nuk ka mundur te ndihmoje autorin e tentatives se vrasjes duke hedhur dyshimet se ai e kishte mashtruar", - thane burimet policore.

Hetimi

Sherbimi i Kontrollit te Brendshem kishte siguruar informacione per kete ngjarje dhe nisi menjehere hetimet. Sipas SHKB-se, Fatos Goxhaj ka marre shuma te konsiderueshme parash ne kembim te mbylljes se shume ngjarjeve kriminale. Dyshohet se ai eshte ndihmuar nga efektive te tjere te policise, te cilet po hetohen dhe, sipas SHKB-se, priten te tjera arrestime ne radhet e policise per vepren penale te "korrupsionit". Nderkohe qe diten e premte, kur Fatos Goxhaj u emerua ne Policine e Permetit paralelisht Gjykata vendosi ndaj tij masen e sigurise "arrest me burg", pas kerkeses se Task-Forces se Prokurorise per antikorrupsionin. Ne keto kushte, Goxhaj u shkarkua nga detyra, ndersa koleget e tij ekzekutuan masen e sigurise duke i vene atij prangat.

KJ

[Albo]

Korrupsioni: Mbyllte dosjet me para, pranga shefit të policisë

Arrestohet shefi i Krimeve të Komisariatit nr.1 në Tiranë, mori 3500 euro për të mbyllur dosjen e armëmbajtjes pa leje.

Task-Force dhe SHKB: Dyshojmë se ka kryer edhe episode të tjera korrupsioni në Komisariatin Nr. 1

Fatos Goxhaj mori 3500 euro për mbylljen e dosjes për armëmbajtje.

Tri ditë pas transferimit në një detyrë tjetër larg kryeqytetit, ish-shefi i Krimeve në Komisariatin Nr. 1 të Policisë në Tiranë u arrestua dje nga SHKB-ja me urdhër të Njësisë Task-Force në Prokurori.
Oficeri Fatos Goxhaj ra në pranga mesditën e djeshme, pas një hetimi njëmujor të zhvilluar ndaj tij. Tri ditë më parë, zyrtarët e Policisë kishin firmosur disa ndryshime në Policinë e Tiranës, ku përfshihej edhe transferimi i Goxhajt në Dibër. Ai ka shërbyer si oficer policie prej 5 vitesh në Tiranë, ndërsa dje është vënë në pranga me akuzën e korrupsionit. Zyrtari i Policisë dyshohet të ketë përfituar 3500 euro për mbylljen e një procedimi penal në ngarkim të një 65-vjeçari që akuzohej për armëmbajtje pa leje. Oficeri Fatos Goxhaj u arrestua nga Shërbimi i Kontrollit të Brendshëm në Ministrinë e Brendshme, pas një hetimi të përbashkët me Task-Forcën e Prokurorisë së Tiranës. Ky hetim ishte finalizuar dje me një vendin gjykate që urdhëronte arrestimin e ish-shefit të Krimeve. Burime nga Ministria e Brendshme dhe Prokuroria thanë se Goxhaj akuzohet të ketë marrë një sasi prej 3500 eurosh nga djali i personit që kishte ndaluar katër muaj më parë për armëmbajtje pa leje, duke i premtuar mbylljen e një procedimi penal në prokurori. Për shkak të mosmbylljes së procedimit, ashtu siç ishte premtuar nga ana e Goxhajt, pala e akuzuar ka bërë një kallëzim në prokurori, duke e akuzuar shefin e Krimeve për korrupsion. Të njëjtat burime konfirmuan se ka prova të forta kundër Goxhajt, që bindën edhe gjykatën, e cila mesditën e djeshme vendosi masën e sigurisë “arrest me burg”, e cila u ekzekutua vetëm dy orë më vonë nga oficerët e SHKB-së. Kjo ngjarje është bërë shkak edhe për hetime të tjera rreth dyshimeve se Goxhaj mund të jetë përfshirë në raste të tjera shoqërimesh për të cilat nuk kanë vijuar procedimet penale, hipoteza që mbeten ende në nivelin e dyshimeve.
DENONCIMI
Fatos Goxhaj, një ndër katër shefat e Krimeve të komisariateve të Policisë së Tiranës, që të premten u transferuan në lëvizje paralele në funksionet policore, u vu dje në pranga me akuzën e korrupsionit. Në Prokurorinë e Tiranës ishte depozituar një kallëzim ndaj tij nga shtetasi Ermal A., nga Selita, i cili e akuzonte Goxhajn se kishte marrë 3500 euro për të mbyllur një procedim penal të nisur për babanë e tij, Ramazan A. Ngjarja për të cilën policia kishte nisur procedim penal në gjendje të lirë, me akuzën e “armëmbajtjes pa leje”, në ngarkim të Ramazan A., ka ndodhur në fund të vitit të kaluar, në mes zonës ku ndahet Komisariati Nr. 1 dhe ai Nr. 2, pranë Selitës. Pas këtij incidenti, sipas denoncimit të Ermal A., Fatos Goxhaj i ka kërkuar atij 3000 euro, të cilat i ka marrë dhe do të merrte edhe 500 euro të tjera për mbylljen e hetimeve. Ai i kishte premtuar se do të bashkëpunonte edhe me prokurorin, në mënyrë që të pushohej procedimi penal dhe çështja të mos shkonte në gjykatë. Por, kur është vënë re që Goxhaj nuk po e mbante premtimin, atëherë Ermal A. ka vendosur ta denoncojë. Për këtë arsye, Task-Forca dhe SHKB-ja kanë kryer hetime intensive, pjesë e të cilave janë edhe disa biseda telefonike mes Fatos Goxhajt dhe Ermal A. Biseda të tilla si: “A po vjen? Ku do shihemi…?” etj., pyetje që Goxhaj i drejtonte Ermalit nëpërmjet telefonit. Një nga takimet e fundit mes tyre dyshohet se është kryer në Selitë.

Denoncimi
Denoncimi për ish-shefin e Krimeve të Komisariatit Nr. 1 të Policisë është bërë pranë Shërbimit të Kontrollit të Brendshëm dhe Prokurorisë rreth një muaj më parë. Qytetari i dëmtuar nga ngjarja kishte marrë vesh se ishte mashtruar nga zyrtari i Policisë, i cili kishte marrë 3500 euro me premtimin të mbyllte dosjen e hapur për armëmbajtje pa leje.

Hetimi
Procesi hetimor ndaj shefit të Krimeve të Komisariatit Nr.1 është zhvilluar në sekret të plotë. Mesditën e djeshme gjithçka është finalizuar me një vendim të Gjykatës së Tiranës, e cila urdhëronte arrestimin e zyrtarit të Policisë duke i konsideruar provat e mbledhura nga hetimi i Task-Forcës dhe SHKB-së si të mjaftueshme. Më pas u bë ekzekutimi i vendimit të Gjykatës.

Dëshmia
Menjëherë pas arrestimit, ish-zyrtari i Komisariatit Nr. 1 është përcjellë në Drejtorinë e Policisë së Tiranës. Në ambientet e izolimit të kësaj drejtorie mësohet se grupi i hetimit ka marrë në pyetje dje ish-shefin e Krimeve të Komisariatit Nr. 1. Ai paraprakisht ka kërkuar avokat dhe ka deklaruar se s’ka gjë për të thënë pa praninë e mbrojtësit ligjor.

Dërgimi i dosjes në gjyq zbuloi aferën
“Ta kam mbyllur këtë çështje, flije mendjen dhe rri i qetë”. Këto mësohet se kanë qenë disa nga fjalët që shefi i Krimeve të Komisariatit Nr. 1 i ka thënë djalit të një të moshuari, i cili, gjatë kontrollit në banesë, ishte gjetur me një armë pa leje. Sipas burimeve nga Prokuroria, veprimet e ish-shefit të Krimeve të Komisariatit Nr. 1 janë dokumentuar me përgjime të autorizuara sipas ligjit. Nga këto përgjime është mësuar se mund të ketë pasur një ngatërresë në gjithë këtë histori, pasi fillimisht shefi i Krimeve i kishte premtuar qytetarit të cilit i ishte gjetur arma se nuk do të arrestohej. Dhe vërtet kjo nuk kishte ndodhur, pasi i moshuari kishte qëndruar i pashqetësuar nga policia. Por, nga ana tjetër, denoncimi është bërë në momentin kur Prokuroria e Tiranës dërgoi në gjykatë dosjen penale ndaj të moshuarit dhe ai u thirr në gjyq. I gjendur në befasi, duke menduar se kishte paguar për mbylljen e çështjes, qytetari ka denoncuar faktin se shefi i Krimeve të Komisariatit Nr. 1 i kishte marrë shumën e parave kundrejt favorizimit në ndjekjen penale. Nuk është e qartë nëse i akuzuari kishte premtuar mosarrestimin e të moshuarit apo edhe mbylljen e çështjes.

Panorama

[DYDRINAS]

Cudi asnje koment!

Nuk eshte çudi qe me te shumtit te mendojne se ai s'ka bere asgje sa te botohet neper gazeta apo te diskutohet ne forume!

Ne nje shtet normal te dy palet merren ne ndjekje penale!

[medaur]

Ne burg ..bile denim 2 fish ....per kete njeri qe perfaqeson ligjin...qen i ndyre

[BlueBaron]

Tani u zgjuan keto te SHKB ???!!!???


Kam pershtypjen se edhe oficeret e SHKB jane te perfshire ne korrupsion ashtu si prokuroret e task-forcave te ndryshme qe gelojne ne Shqiperi.

Per te zbuluar nje polic te korruptuar mjafton vetem nje indicie, ndersa ne Shqiperi lihet nje mal me gjurme, pasi krimet qe mbulohen jane te shumellojshme dhe te perseritshme.


Kete Goxhajn, per mendimin tim, e ka kapur lapsi ...

[smokkie]

Patjeter ka shkelur ne derrase te kalbur, nuk ka paguar % shefit !!

Policia..fatkeqesisht une kam pasur te bej ne nje rast me ta dhe sic e dini tashme...jane qe te gjithe te korruptuar/korruptueshem deri ne gryke !! As nuk e kane problem te te kerkojne lek.
Nuk ka gje qe mos te korruptohet ketu ne skiperi, parja te can ballin, te nxjerr nga burgu, te kthen nga perdhunues ne viktime !
Kak shteti *** polici !

[Ingenuous]

"

FATOS GOXHAJ: Ta shpjegova edhe herën tjetër, kur të thash në fillim ta mbyllim muhabetin që të mos ta arrestojmë... si ça të ndihmova që s’u arrestu atë ditë.

E.A.: Ça është gjoba, ça gjobe, këtë gjobën, këtë gjobë që do ta jepsha unë ty do ta kisha mbajt unë dhe jepsha unë sot gjobën atij.

FATOS GOXHAJ: Nuk mi ke dhënë mua

E.A.: Po kujt mor vëlla ja kam dhënë unë?

FATOS GOXHAJ: Iksit, kanë shku gjetkë mor vëlla, tjetër vend, s’di çfarë të them

E.A.: Po unë t'i kam dhënë ty mor vëlla, çfarë tjetër vendi. Dëgjo, dëgjo këtu, gjyqi vazhdon, vazhdon i lirë, i bi me pagu lekë.

FATOS GOXHAJ: Do vinte në gjendje arresti, në gjendje burgu

E.A.: Kush do të vinte, plaku im?

FATOS GOXHAJ: Po, do të paguaje dyfishin

E.A.: Po mirë dyfishin, e kishim mbyll tani, ore lekët pse m'i more, veç mos me e arrestu?

FATOS GOXHAJ: Po. Do të kishe paguar dyfishin dhe nuk do ta kishe mbyllur.

E.A.: Ore lekët përse t’i kam dhënë, vetëm për mos me ma arrestu?

FATOS GOXHAJ: Po. Do ta paguaje dyfishin dhe nuk do e mbyllje.

E.A.: O Toso, kam hudh 3500 euro ja q... motrën, për mos me e arrestu, me vra ropt nuk kisha pagu, me plagos, mor burrë.

FATOS GOXHAJ: S’është faji jot, është faji im. E., po e marrim siç thua ti. Ndodhi ngjarja, babai yt u arrestua, do të shkonte ditën e tretë në gjyq, kur vete në gjyq, me ato prova që ka ai ti do të jepje dyfishin dhe do e nxirrje, do të vazhdonte hetimi, por në rastin konkret hetimit ndaj tij do të vazhdonte në gjendje të lirë, atëherë do të vazhdonte në gjendje arresti, por hetimi vazhdon se me çmende mor burr. Ore a ke pyetur ndonjë avokat që merr vesh nga ligji?

E.A.: Çar thua mor vëlla, si nuk shkojshin, e ke gabim mor burr

FATOS GOXHAJ: Ça thua 3500 euro, i q... motrën mor vëlla

E.A.: Ça thua mor vëlla

FATOS GOXHAJ: Nuk i kam marrë unë 3500 euro

E.A.: Po kush i ka marrë?

FATOS GOXHAJ: Shpërndahen mor vëlla

E.A.: Ça shpërndahen?

FATOS GOXHAJ: Ç’më gjeti mua, faji im është dhe s’dua dhe s;doja t’i merrja ato lekë, të bëhesha viktima e të tjerëve, vari k...

E.A.: S’është punë për viktim or vëlla...

"
Nga biseda e përgjuar e Shefit të Krimeve të Rënda në Komisariatin 1 të Tiranës që u arrestua për korrupsion.


Gazeta Shqiptare

[BlueBaron]

Si shkoi muhabeti ktij "kalecit" ???