Zgjedhjet presidenciale ne France

[DYDRINAS]

Francë, kërcënohet kandidatja për presidente

01/02/2012 16:55


Një plumb dhe një letër me një mesazh kërcënues iu dërguan kandidates presidenciale në Francë, Eva Joly, lajmëroi drejtori i fushatës së saj zgjedhore të mërkurën.

Joly është kandidatja e Partisë së Gjelbërt dhe ajo është vendosur vazhdimisht nën sulmin e mbështetësve të ekstremit të djathtë. “Na kanë mbërritur letra shumë kërcënuese dhe me përmbajtje të fortë nacionaliste”, u shpreh bashkëpunëtori i kandidates, Stephane Sitbon-Gomez.

68-vjeçarja, e cila mbrohet nga dy truproja, është një kandidate e bllokut europian të të gjelbërve. Në profesion një ish-gjykatëse, kandidatura e Joly ka ngjallur debate të shumta për shkak të prejardhjes së saj norvegjeze.

Në sondazhin e fundit mbi garën presidenciale, Joly renditet në vendin e gjashtë midis kandidatëve, e zgjedhur nga 3% e votuesve. Në qendër të fushatës së saj, është vendosur programi për të reduktuar varësinë e Francë nga energjia bërthamore.

Zgjedhjet presidenciale do të mbahen në datën 22 prill dhe socialisti Hollande kryeson në sondazhe me 31% të preferencave. Presidenti në detyrë, Nicolas Sarkozy, jepet me 23,5%, ndjekur nga kandidatja e Frontit Kombëtar, Marine le Pen, me 20%.

Franca përdor një sistem votimi me dy raunde, me raundin e parë që shërben për të përzgjedhur dy kandidatët më të votuar, përpara se ata të ballafaqohen në zgjedhje kokë më kokë një javë më pas.

Francë, sulm me miell kandidatit për president

Kandidati socialist për president në Francë, Francois Hollande nisi si mos më keq fushatën e tij elektorale në Paris.

Në një video të shfaqur nga BBC, një ndër të pranishmit në takimin e Hollande me mbështetësit e tij, i shpëtoi sigurimit dhe sulmoi kandidatin socialist me miell në fytyrë.

Truprojat e sigurimit ndërhynë menjëherë duke neutralizuar agresorin, ndërsa Hollande ndërpreu takimin e tij.

top-channel

[shigjeta]

Francë, sot dita e fundit e fushatës presidenciale

Kandidatët kanë bërë premtimet e fundit para votimit të së dielës

E premtja është dita e fundit e fushatës në Francë, e cila i prin raundit të parë të zgjedhjeve presidenciale, që do të zhvillohet të dielën.
Kandidatët për zgjedhjet presidenciale kanë bërë premtimet e fundit para se francezët të votojnë ditën e diel. Kandidati socialist Fransua Hollande ka mbajtur një tubim të fundit në Bordo, ndërsa presidenti Nikolas Sarkozi pritet ta mbajë në Nice. Sondazhet e fundit tregojnë se të dy kandidatët janë shumë pranë njëri-tjetrit me pikë, ndërsa Hollande është ai që kryeson dhe sipas të dhënave të fundit pritet të fitoje raundin e parë të votimeve . Kandidati i djathtë Marine Le Pen pritet të marrë rreth 17 % të votave , ndërsa Jean –Luc i krahut të majtë sipas sondazheve do të marrë rreth 15 % të votave .
Vetëm dy ditë para zgjedhjeve sondazhet tregojnë se ka ende mjaft votues, që nuk janë të vendosur për kandidatin, në një kohë që fushata elektorale është fokusuar së tepërmi tek ekonomia e vendit.
Presidenti aktual Nikolas Sarkozi ka premtuar rritje ekonomike duke luftuar papunësinë. Raundi i parë i zgjedhjeve do të mbahet të dielën dhe nëse asnjë kandidat nuk merr shumicën absolute , do të mbahet një balotazh midis dy kandidatëve kryesorë më 6 maj.
Në garë janë dhjetë kandidatë, por vetëm dy nga ata do të shkojnë në balotazhin e 6 majit.
Analistët thonë se apatia e votuesve francezë është shumë e lartë. Sipas tyre, një në tre qytetarë me të drejtë vote ka thënë se nuk do të votojë në zgjedhjet e së dielës.

ABC

Zgjedhjet po ndodhin ne nje kohe delikate per politikat ekonomike ne eurozone. Do kete ndikim ne ekonomi largimi i Sarkozis, nese nuk i fiton zgjedhjet?