Kryeministri Berisha, vizite zyrtare ne Turqi

[Albo]

Po te budalleps Berisha ty me duket. Mos bej sikur nuk e kupton ndryshimin midis thenies qe shqiptaret kane gjak turk dhe faktit qe miliona shqiptar te hershem jetojne ne Turqi. Jane dy gjera krejt te ndryshme. Me mijera shqipetare jetojne edhe ne brigjet e kalabrise po kjo nuk do te thote qe ne kemi lidhje gjaku me italianet.

Nuk do te beje keq te lexoje edhe njehere fjalet qe dolen nga goja e Berishes:

...përmenden fjalët e z. Berisha drejtuar z. Erdogan: ` ... e them vëllazërore (për pritjen) sepse e theksuat ju që kemi lidhje gjaku. Cfare me ndodh mua të dashur miq? Cdo delegacioni turk që unë takoj pasi merr fund pritja zyrtare unë ju shtroj nje pyetje: Cili nga ju ka gjak shqiptari në deje? Nuk kam gjetur deri më sot asnjë. Juve z. Kryeministër nuk ju kam shtruar ndonjëherë këtë pyetje se jam i sigurt qe nuk bëni përjashtim..`

Ne asnje rresht Berisha nuk thote qe shqiptaret kane gjak turk, perkundrazi, ai thote qe turqit kane gjak shqiptar. Eshte Berisha qe po flet gjepura, apo eshte ju qe po flisni ne ajer pa lexuar edhe citatin e tij te plote?

I paska hapur pune Albos Berisha kesaj rradhe. Kur vjen puna te feja, zakonisht vihet ne siklet. Duhet te arsyetoje ato qe thote Berisha dhe ta mbroje, por pa nxjerre shqiptaret si vellezer te turqve, pasi vete eshte ortodoks.

Ajo qe me hap pune mua eshte injoranca e shqiptareve qe japin mendim para se te lexojne ate per te cilen ben fjale tema.

Albo

[Billy Joe]

Une flas gjuhen angleze, nuk do te thote se jam amerikan. Origjina etnike eshte lidhje gjaku, kulture, tradite te trasheguar ne nje kohe shume te gjate brenda nje fisi apo familje, nuk eshte nje karakteristike e parendesishme sic eshte ditja e gjuhes shqipe.

Une flas 4 gjuhe meqe ra fjala(perfshire anglishten) por mothertongue imja eshte shqipja, eshte elementi thelbesor(bashke me genet) e te qenit tim shqiptar, cfar kane gjuhe nene te ashtuquajturit arnaute turq!?

Mos bej gabimin e paragjykimit te historise me syzet e vitit 2012. Ato kohe ishin dhe ti duhet te krenosh me ata veziret e pashallaret me origjine shqiptare, aq shume sa krenohesh me perandoret bizantine me origjine shqiptare. Ne kohet e ndryshme qe jetuan, arriten majat e pushtetit, fale aftesive te tyre. Revizionimi i historise eshte nje tradite komuniste qe e ka origjinen e vete nga viti 1945, shkunde qe mos te te helmoje gjykimin me shume se sa ta ka helmuar.

Nuk krenohem aspak me asnje lloj perandori( te Romes apo Bizantin) ose vezire...i vetmi qe mund te beje perjashtim(por me rezerva te medha) eshte perandori Diocletian, gjithe te tjeret nuk kane bere asgje per kete vend, me te felliqurit e te felliqurve kane qene veziret arnaute qe as arsimin shqip nuk lejuan, kultura shqiptare mbijetoi fale klerikeve katolike dhe ortodokse.
Ne vitin 1912 shqiperia ishte vendi me i mjeruar dhe me analfabet i europes( dhe vazhdon te jete ne fakt).
Per keta je krenar ti Albo?

Mesazhi tjeter politik i Berishes per Erdoganin e kompani qe po i fusin hundet direkt ne politiken shqiptare me pinjollet e tyre dhe po sulmojne interesat kombetare te Shqiperise duke sulmuar mareveshjet e Shqiperise me fqinjet eshte: nese ti mbledh guxon qe te fusesh hundet ne punet e brendshme te Shqiperise nepermjet minoritetit tend osman ne vend, une mund te ta kthej me te njejten menyre, ke miliona shtetas turq me origjine shqiptare qe jetojne, punojne e drejtojne shtetin turk. Dhe momenti ishte mese i pershtatshem: Erdogani po i ben gjyqin gjeneralit te ushtrise turke me origjine shqiptare me akuza se pergatiste puc ndaj qeverise se tij!

E para, shqiperia nuk ka minoritet osman ne vend, une ne shqiperi jam lindur dhe rritur, i kam rene kryq e terthor, skam degjuar turqisht askund. Si mendon ti, nje perandori qe slejonte arsimin shqip do lejonte shqiptaret te asimilonin osmanet e supozuar te ardhur ketu
S'ka asnje fakt historik te nguljes se popullatave turke ne shqiperi, as dhe nje te vetem.
Se dyti, berishen nuk e pret asnje personalitet perendimor, i kane mbetur vetem turqit dhe hungarezet(mongole dhe keta) qe rrezikojne te dalin nga BE

Mesazhi tjeter human i Berishes, eshte mesazhi qe u dergon gjithe minoritareve shqiptare ne Turqi: kthejini syte nga vendi juaj i origjines, rizbuloni identitetin tuaj shqiptar. Vizita e Berishes mori nje vemendje te madhe ne mediat turke dhe ato fjalet fine te Berishes, i drejtohen dy audiencave: a) krereve te shtetit turk b) minoritetit shqiptar ne Turqi. Nuk ishin deklarata per konsum te brendshem ne Shqiperi, apo per ty e mua.

Suksesi i nje kryeministri ne Turqi nuk matet nga "batutat" qe ben, matet se sa ishte i zoti qe te firmoste mareveshje me qeverine turke, dhe me biznesin turk, per investime ne Shqiperi. Dhe vemendja qe biznesi turk i kushtoi vizites se Berishes, ishte e jashtezakonshme pasi keta e shohin Shqiperine me interes per te investuar. Dhe keto investime kane per te ndikuar ne mireqenien e jetes tende ne Shqiperi e jo emocionet qe nuk te japin buke.

Albo

Shqiperia eshte perendim,dhe ka nevoje per biznes perendimor.
mireqenien e jetes time ma ka dhene perendimi, as berisha as turku, por ketu nuk behet fjale vetem per mua.

[Albo]

Konferencë e përbashkët për shtyp e Kryeministrit Berisha dhe Kryeministrit turk Recep Tayip Erdogan

Kryeministri Berisha, i cili ndodhet sot për një vizitë zyrtare në Turqi zhvilloi një takim kokë më kokë me kryeministrin turk, zotin Recep Tayip Erdogan, i cili u pasua nga takimi mes dy delegacioneve qeveritare, turk dhe atij shqiptar.

Në këto takime u vlerësuan marrëdhëniet e shkëlqyera mes dy vendeve dhe qeverive të cilat bazohen në miqësinë tradicionale mes dy popujve. Gjithashtu në takime u theksua vullneti dhe angazhimi i përbashkët për të forcuar edhe me tej këto marrëdhënie, si edhe për të zgjeruar dhe thelluar bashkëpunimin e ngushtë në gjitha fushat, në veçanti në fushën e ekonomisë dhe shkëmbimeve tregtare, në dobi të interesit më të mirë të qytetarëve të të dy vendeve.

Në takime u vlerësuan rezultatet e shkëlqyera ne bashkëpunimin midis te dy vendeve dhe investitorëve private ne fushën e energjisë, mineraleve, ndërtimit te infrastrukturave, telekomunikacionit etj, si dhe u dëshmua vullneti i përbashkët për nxitjen dhe shtimin e mëtejshëm të investimeve turke në Shqipëri.

Kryeministri Erdogan i shprehu kryeministrit Berisha urimet e tij dhe të popullit turk me rastin e 100 vjetorit të pavarësisë së Shqipërisë.

Me pas, axhenda vijoi me nënshkrimin e dy marrëveshjeve: “Memorandumi i Mirëkuptimit për Bashkëpunimin midis Akademisë së Diplomacisë të Ministrisë së Punëve të Jashtme të Republikës së Turqisë dhe Akademisë Diplomatike të Ministrisë së Punëve të Jashtme të Republikës së Shqipërisë” dhe “Marrëveshja e Bashkëpunimit në Fushën e Arkivave midis Ministrisë së Punëve të Jashtme të Republikës së Turqisë dhe Ministrisë së Punëve të Jashtme të Republikës së Shqipërisë”.

Në përfundim të dy personalitetet, Kryeministri Berisha dhe Kryeministri turk Recep Tayip Erdogan dhanë një konferencë të përbashkët për shtyp:

Kryeministri Erdogan: Të nderuar përfaqësues të shtypit, të nderuar pjesëmarrës,

Së pari, dëshiroj të falënderoj Kryeministrin e Shqipërisë, mikun e shtrenjtë zotin Sali Berisha. Shqipëria është aleat strategjik i Turqisë në Ballkan. Sigurisht që vizitat e ndërsjella kanë ndikuar në rritjen e bashkëpunimit mes dy vendeve tona. Unë, kur kam vizituar Shqipërinë kam ndjerë emocione të veçanta. Zoti Sali Berisha e vizitoi vendin tonë në 2006 dhe gjatë kësaj vizite në të gjitha takimet që ne kemi bërë kemi marrë në shqyrtim tema, të cilat i përkasin bashkëpunimit mes dy vendeve tona.

Sot, në kuadër të vizitës së kryeministrit shqiptar në Turqi ne nënshkruam memorandumin e mirëkuptimit mes Akademisë Diplomatike të Ministrisë së Punëve të Jashtme të Republikës së Turqisë dhe Akademisë Diplomatike të Ministrisë së Punëve të Jashtme të Republikës së Shqipërisë.

Ndërsa marrëveshja tjetër është marrëveshja mes arkivave të Ministrisë së Punëve të Jashtme të Republikës së Turqisë dhe Ministrisë së Punëve të Jashtme të Republikës së Shqipërisë. Mbi bazën e këtyre marrëveshjeve ne synojmë që të thellojmë edhe më shumë bashkëpunimin tonë në këto fusha. Bisedat tona ishin fund e krye mjaft të sinqerta. Në këto biseda ne morëm në shqyrtim tema të karakterit ekonomik, të bashkëpunimit ushtarak dhe nga fusha të tjera. Aktualisht, vlera e tregtisë mes dy vendeve është 400 milion dollarë dhe sigurisht që kjo nuk tregon kapacitetin e vërtetë për marrëdhëniet tregtare mes dy vendeve. Shumë investitorë turq po vijojnë investimet e tyre ne shtetin shqiptar. Ne kemi vullnet të përbashkët për të shtuar edhe më tepër investimet turke në Shqipëri dhe synojmë që investimet turke në Shqipëri ta kalojnë masën e 1 miliard dollarëve qe jane aktualisht. Në këtë kuadër shpresojmë të zhvillojmë akoma dhe më shumë bashkëpunimin në fushën e turizmit. Shumë turistë nga Shqipëria kanë vizituar Turqinë. Marrëdhëniet e Turqisë me Shqipërinë janë marrëdhënie vëllazërore. Vendi i Shqipërisë në Ballkan është shumë i veçantë. Shqiptarët sigurisht që janë një faktor, jo vetëm në Shqipëri, por edhe Kosovë dhe në Maqedoni. Ne bëmë një përpjekje shumë të sinqertë për pranimin e Shqipërisë, si anëtare me të drejta të plota në Aleancën e Atlantikut të Veriut, NATO. Sigurisht që duam të vijojmë mbështetjen e sinqertë edhe për Maqedoninë.

Gjatë bisedimeve me kryeministrin Berisha ne folëm edhe për zhvillimet më të fundit në Siri, për zhvillimet në Afganistan, për ngjarjet e fundit në Afganistan, si dhe për sulmin e ndodhur ndaj komandove shqiptare atje, ku humbi jetën njëri prej tyre. Unë e falënderoj Kryeministrin Berisha për kontributin e Shqipërisë në Afganistan.

Në kuadër të bashkëpunimit ekonomik të Detit të Zi ne mendojmë të realizojmë në Stamboll një Samit në të cilin do të marrin pjesë kryetarët e shteteve të përfshira në Rajonin e Detit të Zi.

Ky është dhe viti i 100 vjetorit të shpalljes së pavarësisë së Shqipërisë. Unë me këtë rast ju uroj përzemërsisht për këtë festë. Marrëdhëniet mes vendeve tona do të thellohen edhe më tej.

Tani unë ia jap fjalën mikut tim të shtrenjtë, kryeministrit të Shqipërisë.

Kryeministri Berisha: Të nderuar përfaqësues të mediave,I dashur zoti Kryeministër, Të nderuar zonja dhe zotërinj të pranishëm në këtë konference shtypi,

Kam ardhur këtu me ftese te kryeministrit Erdogan, në një vizitë që përkon me 100 vjetorin e pavarësisë së Shqipërisë dhe ky është një rast i shkëlqyer për mua të shpreh mirënjohjen më të thellë ndaj kombit turk dhe Republikës së Turqisë për mbështetjen 100 vjeçare që i ka dhëne Shqipërisë dhe shqiptarëve në përpjekjet e tyre për liri dhe dinjitet kombëtar. Unë shfrytëzova rastin të ftoj mikun tim kryeministrin Erdogan në një vizitë në Shqipëri në kuadrin e këtij 100 vjetori. Dua të shpreh shumë mirënjohje ndaj kryeministrit Erdogan, qeverisë së tij, popullit mik turk për mbështetjen e madhe që i kanë dhënë Shqipërisë gjatë këtyre 20 viteve, pas daljes së saj nga një diktaturë infernale, përpjekje e kurorëzuar me sukses.

Sot, ne takohemi si dy miq në Aleancën e Atlantikut të Veriut. Turqia dha një ndihmë shumë të çmuar, Forcat e saj të Armatosura dhanë një ndihmë të veçantë në përpjekjet tona për anëtarësimin e plotë në NATO. Kryeministri përmendi vizitat, por takimet kanë qenë shumë më të shpeshta, nuk ka patur Samit ndërkombëtar apo konference ndërkombëtare që nuk jemi takuar, që nuk kemi shqyrtuar marrëdhëniet tona, që nuk kemi diskutuar se si ti nxisim ato më tej dhe dua të theksoj se nga 2005 deri më sot investimet turke në Shqipëri janë rritur 9 here. Ato mund të rriteshin edhe 19 herë, por këto janë objektiva për ti realizuar në të ardhmen.

Sot u firmosën dy marrëveshje të rëndësishme, por janë me dhjetëra e dhjetëra marrëveshje të tjera, të cilat përbëjnë kuadrin e shkëlqyer ligjor të bashkëpunimit mes dy vendeve tona në të gjitha fushat. Në këto marrëveshje bilaterale ka një bashkëpunim të shkëlqyer në fushën e arsimit, në fushën e shëndetësisë, në fushën e sigurisë dhe të rendit publik , të investimeve, të drejtësisë, në çdo fushë.

Turqia ka luajtur një rol shumë të rëndësishëm për paqen dhe stabilitetin në Ballkanin e dekadave të fundit. Pikëpamjet tona janë identike. Respektimi i kufijve aktual është interesi më i mirë i kombeve te Gadishullit të Ballkanit. Kryeministri Erdogan, personalisht, qeveria e tij, Presidenti Gyl, Parlamenti kanë qenë mbështetës kryesor të njohjeve ndërkombëtare të Kosovës dhe të rolit të saj, duke kontribuar kështu në paqen dhe stabilitetin në Ballkan. Kosova, çdo ditë e më shumë behet një faktor i rëndësishëm paqeje në rajonin tonë.

Unë shpreh admirimin tim për qëndrimin e kryeministrit Erdogan në çështjen e Sirisë. Ne që kemi përjetuar diktaturat më të egra kemi edhe mirëkuptimin më të madh për përpjekjet e popujve për tu çliruar prej tyre. Urojmë dhe shpresojmë që Samiti i Stambollit të jetë një shtytje e re për fundin e një kalvari që kombi sirian përjeton në mënyrën më të pamerituar.

Ne kemi patur mbështetjen e fuqishme të qeverisë suaj në pjesëmarrjen tonë në Afganistan. Jemi dhe do të qëndrojmë atje për sa kohë NATO do të qëndrojë, në interesin më të mirë të këtij kombi që përjetoi tronditje të thella.

Shqipëria mbështet plotësisht kandidaturën e Turqisë për anëtarësimin në Këshillin e Sigurimit, e bindur se Turqia do të luajë një rol shumë të rëndësishëm në Forumin më të lartë ndërkombëtar.

Edhe njëherë, zoti kryeministër dua tu falënderoj shumë përzemërsisht për pritjen vëllazërore. E them vëllazërore sepse e theksuat ju që kemi lidhje gjaku. Çfarë më ndodh mua, të dashur miq? Çdo delegacioni turk që unë takoj, pasi merr fund pjesa zyrtare, ju shtroj një pyetje. Cili nga ju ka gjak shqiptar në deje? Nuk kam gjetur deri më sot asnjë. Ju zoti kryeministër nuk ja u kam shtruar ndonjëherë këtë pyetje se jam i sigurtë që nuk bëni përjashtim.

Kryeministri Erdogan: E falënderoj shumë mikun tim të shtrenjtë dhe ja lë rradhën mediave të të dy vendeve për të na drejtuar pyetjet, duke nisur fillimisht me gazetarët e ardhur nga Shqipëria.

Pyetje: Si i vlerësoni reformat ekonomike të qeverisë shqiptare, të cilat bënë të mundur që Shqipëria të mos preket nga kriza globale ekonomike? Mendoni se Shqipëria ofron potenciale dhe është një vend i besueshëm për investime të huaja?

Kryeministri Erdogan: Mund të them se Shqipëria është një ndër vendet e pakta në Evrope dhe në Ballkan që nuk u prek nga kriza ekonomike. Shqipëria e kaloi këtë pa vështirësi, si Turqia. Sigurisht nuk mund të themi pa vështirësi fare, pasi edhe ne kemi pak vështirësi. Shqipëria me drejtimin e vet të suksesshëm financiar dhe ekonomik e kapërceu këtë periudhë. Sigurisht duhet që duke u mbështetur fort në potencialet tona të vijojmë zhvillimin dhe mendoj se për sa kohë që Shqipëria do të jete e sigurt dhe e stabilizuar do të ketë mundësi te fuqizimit të ekonomisë së saj.

Pyetje: A do ta mbështesni projektin e gazsjellësit të TransAdriatikut që kalon përmes Shqipërisë?

Kryeministri Erdogan:Ne i qëndrojmë fjalës tone. Këtu kemi përpjekjet e Azerbajxhanit në këtë drejtim. Ne kemi shansin që të japim këtu mbështetjen me potencialin tone. Pasi gazi të dalë nga Turqia, kemi çështjen e kalimit te tij në Shqipëri, pra të projektit të gazsjellësit. Këtu ju e dini qe ne i kemi dhënë Greqisë gaz natyror. Tani në rend të ditës është Italia. Ne duam që Italia me Shqipërinë të ndihmohen së bashku. Pra, ashtu sic do ti jepet Italisë, në të njëjtën mënyrë ti jepet edhe Shqipërisë. Keshtu do zgjidhet problemi i gazit natyror. Ne nuk kemi ndonjë pikpamje negative në këtë drejtim. Ne jemi te vendosur të mbështesim Shqipërinë ne projektin e gazsjellesit Transadriatik.

Kryeministria
05/04/2012

[Albo]

Kryeministri Berisha zhvilloi një takim me Kryetarin e Asamblesë se Madhe Kombëtare të Turqisë Cemil Çiçek.

Zoti Çiçek, pasi i shprehu Kryeministrit Berisha kënaqësinë për këtë vizitë, pohoi marrëdhëniet e ngushta miqësore e vëllazërore midis të dy vendeve e popujve dhe angazhimin e palëkundur për t’i zgjeruar e thelluar ato në të ardhmen. Në këtë kontekst, zoti Çiçek i shprehu Kryeministrit Berisha, mirënjohjen për kontributin e tij të jashtëzakonshëm në konsolidimin e këtyre marrëdhënieve dhe zgjerimin e bashkëpunimit të suksesshëm midis të dy vendeve e qeverive.

Kryeministri Berisha i shprehu zotit Çiçek mirënjohjen për kontributin e madh të parlamentit turk, me qindra e qindra dokumente që ai ka miratuar gjatë kësaj periudhe, në mbështetje të Shqipërisë dhe të konsolidimit të marrëdhënieve mes të dy vendeve e kombeve.

Në takim i rikonfirmua vullneti i palëkundur i të dy vendeve për t’i promovuar edhe më tej lidhjet e pafundme mes të dy popujve e vendeve dhe për ta çuar në një stad të ri edhe me intensiv bashkëpunimin në të gjitha fushat. Në këtë kontekst, u vlerësua rritja madhe e investimeve turke në Shqipëri, gjatë 5 viteve të fundit dhe u rikonfirmua vullneti për t’i nxitur edhe më tej ato, çka do t’i shërbejë jo vetëm suksesit të biznesit turk në Shqipëri, por, para se gjithash e mbi të gjitha, interesit të qytetarëve shqiptare, si dhe zhvillimit të mëtejshëm të ekonomisë shqiptare, e cila gjatë kësaj periudhe ka shënuar një ecuri shumë pozitive, në dallim nga trendi europian e më gjerë.

Kryeministri Berisha i shprehu zoti Çiçek dhe parlamentareve turq mirënjohjen më të thellë për mbështetjen e pakursyer që ata, parlamenti, qeveria turke dhe Turqia mike i ka dhënë dhe po i jep Kosovës, gjatë gjithë kësaj periudhe.

Në takim u diskutua edhe për zhvillimet në rajon. Zoti Çiçek vlerësoi se Shqipëria, me politikat e saj të drejta e te moderuara, është shndërruar në një faktor i rëndësishëm promovues i stabilitetit, bashkëpunimit e miqësisë në rajon.


Kryeministria
05/04/2012

[Albo]

Kryeministri Berisha zhvillon një mëngjes pune me Ministrin e Punëve të Jashtme të Turqisë Ahmet Davutoğl

Në ditën e dytë të vizitës në Turqi, Kryeministri Berisha zhvilloi sot, një mëngjes pune me Ministrin e Punëve të Jashtme të Turqisë Ahmet Davutoğlu.

Pasi i uroi përzemërsisht mirëseardhjen, Ministri Davutoğlu theksoi se Kryeministri Berisha ndodhet në një vend mik të vërtetë dhe të gjithë kanë kënaqësinë ta mikpresin në Turqi. Në këtë kontekst, ministri Davutoğlu e uroi Kryeministrin Berisha për 100 vjetorin e pavarësisë së Shqipërisë.

Më tej, ministri Davutoğlu vlerësoi arritjet e rëndësishme të Shqipërisë, në veçanti performancën e ekonomisë shqiptare, duke theksuar se ekonomia shqiptare, falë politikave dhe reformave të suksesshme të qeverisë, i ka qëndruar kësaj kohe të vështira për ekonominë globale.

Kryeministri Berisha e falenderoi ministrin Davutoğlu për pritjen e ngrohtë dhe i shprehu mirënjohjen më të thelle për mbështetjen që Turqia i ka dhënë në vijimësi Shqipërisë gjatë gjithë kësaj periudhe.

Në takim u vlerësuan marrëdhëniet e shkëlqyera midis të dy vendeve, bazuar në miqësinë e gjatë tradicionale midis të dy popujve. Në veçanti, u vlerësua kontributi i jashtëzakonshëm i Kryeministrit Berisha dhe Kryeministrit Erdogan, në konsolidimin e mëtejshëm të kësaj tradite të shkëlqyer dhe në zgjerimin e bashkëpunimit të frytshëm midis të dy vendeve.

Ne takim u vlerësua rritja e madhe e shkëmbimeve ekonomike e tregtare midis të dy vendeve, gjatë këtyre 5 viteve, e cila ka kapërcyer vlerën e 400 milionë dollarëve dhe e investimeve turke në Shqipëri, të cilat i kanë kapërcyer një miliardë dollarë, çka dëshmon për besimin që investitorët dhe biznesi turk kanë në ekonominë shqiptare dhe politikat e qeverisë, të cilat kanë krijuar klimën më të favorshme për biznes e investime.

Ministri Davutoğlu i shprehu Kryeministrit Berisha gatishmërinë e ministrisë dhe shërbimit diplomatik të Turqisë për të zhvilluar modelet më të shkëlqyera të bashkëpunimit me shërbimin diplomatik shqiptar, përfshi edhe ofrimin e shërbimeve konsullore apo të tjera për qytetarët shqiptare në përfaqësitë turke nëpër botë, në ato vende ku nuk ndodhen përfaqësi diplomatike shqiptare.

Kryeministri Berisha e falenderoi ministrin Davutoğlu për këtë gatishmëri bashkëpunimi edhe më të ngushtë dhe shfrytëzoi rastin për t’i përsëritur mirënjohjen e të gjithë shqiptareve për mbështetjen që Turqia i ka dhënë në vijimësi Kosovës dhe njohjes ndërkombëtare të saj.

Në takim u vlerësua bashkëpunimi i shkëlqyer që të dy vendet kanë ndërtuar në fushën e sigurisë dhe në kuadër të NATO-s, si edhe u theksua roli i rëndësishëm, strategjik e i moderuar që Shqipëria ka luajtur në vijimësi në dobi të forcimit të paqes e stabilitetit në rajon e më gjerë.

Kryeministria
06/04/2012

[Albo]

Kryeministri Berisha takohet në Ankara, me Presidentin Abdullah Gül

Kryeministri Berisha, i cili nisi sot një vizitë zyrtare në Republikën e Turqisë, zhvilloi në Ankara një takim me Presidentin Abdullah Gül.

Kryeministri Berisha dhe Presidenti Gül, duke shprehur kënaqësinë e këtij takimi, pohuan se të dy vendet e kombet janë dhe mbeten miq të vërtetë.

Kryeministri Berisha i shprehu Presidentit Gül mirënjohjen më të thellë për mbështetjen dhe ndihmën e gjithanshme ndaj Shqipërisë, për mbështetjen për anëtarësimin në NATO, si dhe për mbështetjen që Turqia i ka dhënë dhe i jep Kosovës dhe njohjes ndërkombëtare të saj.

Kryeministri shprehu gjithashtu falënderimet për bashkëpunimin e shkëlqyer dhe ndihmën e çmuar në sektorin e mbrojtjes, në shkëmbimet ekonomike dhe investimet turke në Shqipëri, të cilat në këto 5 vitet e fundit janë rritur të paktën 6 herë në sektorë të rëndësishëm të jetës së vendit. Duke i vlerësuar këto investime si shumë të rëndësishme për Shqipërinë, Kryeministri Berisha ripohoi mirënjohjen ndaj Presidentit Gül, Kryeministrit Erdogan, qeverisë turke dhe popullit mik turk. Më tej, Kryeministri Berisha i bëri me dije Presidentit Gül reformat e thella e të gjithanshme që qeveria shqiptare ka realizuar dhe po vijon të punojë me përparësi kryesore ecjen përpara me shpejtësi drejt projektit më madhor të shqiptarëve për këtë shekull, anëtarësimin në Bashkimin Europian.

Në takim u rikonfirmuan marrëdhëniet vëllazërore mes të dy vendeve e kombeve dhe vullneti i palëkundur i të dy palëve për t’i thelluar lidhjet e panumërta të miqësisë mes dy popujve, si dhe për të zgjeruar bashkëpunimin në të gjitha fushat, në dobi të interesit më të mirë të qytetarëve të të dy vendeve.

Presidenti Gül e siguroi Kryeministrin Berisha se Turqia do vijojë ta mbështesë Shqipërinë në të gjitha fushat.

Presidenti Gül i shprehu Kryeministrit Berisha vlerësimin më të lartë për reformat e suksesshme të realizuara gjatë kësaj periudhe në Shqipëri, duke theksuar se janë këto arritje që kanë nxitur dhe motivojnë çdo ditë e më shumë investitorët turq dhe të tjerë të huaj për të ardhur për biznes e investime në Shqipëri. Në këtë kontekst, Presidenti Gül e siguroi Kryeministrin Berisha se si president i vendit mik do të vijojë të nxisë investitorët turq për të investuar në Shqipëri. Në veçanti, sektori i turizmit u vlerësua si një ndër sektorët, ku investimet turke mund të shënojnë histori të vërtetë suksesi për ta dhe për Shqipërinë.

Në takim u vlerësua edhe bashkëpunimi i shkëlqyer që të dy vendet ruajnë si vende aleate në NATO.

Në takim u diskutuan edhe zhvillimet e fundit në rajon dhe ripohua mbështetja për integrimin euroatlantik të vendeve të rajonit, si një faktor thelbësor për konsolidimin e mëtejshëm të paqes, stabilitetit e të ardhmes më të mirë të popujve të tij.

Kryeministria
05/04/2012

[Albo]

Kryeministri Berisha fton investitorët turq: Shqipëria është diamanti i vërtetë i Evropës Juglindore, e cila ju fton ju që së bashku ta shkëlqejmë

Kryeministri Berisha, i cili mori pjesë në Forumin e parë turko-shqiptar të biznesit e ekonomisë, i organizuar nga Unioni i Dhomave të Tregtisë e Bursave të Turqisë (TOBB) në bashkëpunim me atë shqiptar, mbajti në këtë Forum një fjalë, në të cilën u shpreh:

“Të dashur miq, është një kënaqësi e veçante për mua të mbyll këtë vizitë të shkëlqyer në këtë vend mik, me takimin me ju, përfaqësuesit më të shquar të biznesit, të jetës vibrante, ekonomike të Turqisë. Këtë takim të përbashkët me biznesmenë shqiptarë. Unë kam ardhur me ftesë të mikut tim të shquar dhe mikut të madh të kombit shqiptar, kryeministrit Erdogan. Dje kam patur takimet më vëllazërore, më të shkëlqyera, me kryeministrin, me presidentin, me kryetarin e parlamentit. Sot pata takime edhe me dy miq të tjerë, ministrin e jashtëm Ahmet Davutoğlu dhe mikun tonë Ali Babaxhan. Kjo vizitë përkon me një përvjetor shumë të rëndësishëm për vendin tim, përkon me 100 vjetorin e pavarësisë në Shqipëri dhe natyrisht gjëja e parë që më takonte të bëja ishte të shprehja mirënjohjen time më të thellë dhe të shqiptarëve për historinë 100 vjeçare të miqësisë dhe bashkëpunimit midis dy vendeve dhe kombeve tona. Në 100 vite, ky vend mik me qindra dhe mijëra vendime, akte ka mbështetur kombin dhe vendin tim. Ndaj ky ishte një rast të shprehja mirënjohjen më të thellë. E vërteta është që lidhjet tona shkojnë në shekuj. Perandoria otomane nuk ishte “de juro” një perandori duale, por “de fakto” ishte pothuaj e tillë. Shqiptarët luajtën në perandori një rol ndër më kryesor, çuan zhvillimin e saj në 4 skajet e Azisë, si elitë ushtarake e shkëlqyer e perandorisë në Afrikë dhe në zona të tjera. Perandoria është arkiva, por ajo që është madhështore është historia e miqësisë dhe bashkëpunimit të ngushtë mes dy kombeve dhe vendeve tona të lidhura me qindra dhe mijëra fije, por të lidhura pa diskutim edhe me lidhje të fuqishme, pasi në këtë tokë, në këtë vend jetojnë më shumë shqiptarë se në çdo rajon tjetër të planetit. Këto lidhje, kjo histori është frymëzuese për horizonte të reja bashkëpunimi, për potenciale të tjera të mëdha të bashkëpunimit në të gjitha fushat.

Dekada e fundit ka qenë një nga dekadat më të rëndësishme për shqiptarët. Është dekada në të cilën kombi u bë i lirë aty ku jeton dhe Turqia ka luajtur një rol nga më të rëndësishmit. Ajo ka qenë një ndër avokatët e shkëlqyer e të drejtave të shqiptarëve. Mbështeti fuqishëm Aleancën në çlirimin e Kosovës, ka dhënë një kontribut thelbësor në stabilitetin e Maqedonisë, ka dhënë një kontribut shumë të rëndësishëm në njohjen ndërkombëtare të Kosovës, ruan marrëdhënie miqësore me të gjithë vendet e Ballkanit. Kjo klimë, këto qëndrime kanë bërë, të nderuar zonja de zotërinj që marrëdhëniet ekonomike mes Shqipërisë dhe Turqisë të rriten me 9 herë nga viti 2005 deri në vitin 2011. Investimet turke të rriten me 9 herë, shkëmbimet tregtare të rriten me disa herë. Turqia sot është një vend që vrapon në rrafshin ekonomik, një vend me rritje të fuqishme ekonomike, një vend frymëzues për investitorët nga mbarë bota, një vend që kalon më lehtë se çdo vend tjetër pasojat e krizës më të rëndë financiare që nga vitet ’30 të shekullit të kaluar.

Shqipëria është një vend i vogël në hartën e Ballkanit dhe të Evropës, por ekonomia e saj pikërisht në këtë periudhë stuhish të rënda financiare ka trefishuar nga viti 2006 deri në 2001, eksportet e saj, ka dyfishuar eksportet nga 2009 deri në vitin 2011. Pikërisht në këtë periudhë Shqipëria ka patur një rritje të investime ve të huaja me 3,2 herë, ato turke me 9 herë. Shqipëria ka bërë përpjekje serioze për të krijuar një klimë sa më miqësore për biznesin dhe sot biznesi turk është fuqishëm i pranishëm në të gjithë sektorët e rëndësishëm të ekonomisë shqiptare, në arsim, shëndetësi, telekomunikacion, metalurgji dhe ne çdo fushë tjetër.

Qeveria shqiptare bën përpjekje të mëdha për një klimë sa më miqësore dhe miqësia më e madhe që mund ti dëshmojë qeveria biznesit është që të jetë dorëshkurtër ndaj tij. Kam kënaqësinë tu informoj, të dashur miq, se qeveria shqiptare renditet një ndër 10 administratat më të vogla të planetit dhe një nga 10 qeveritë që ndërhyn më pak në çështjet e biznesit. Ne besojmë tek liria juaj, si faktori më kryesor i energjizimit, zhvillimit të iniciativës tuaj dhe tregut në tërësi. Ne po bëjmë gjithçka dhe me vendosmëri të zvogëlojmë në maksimum çdo rëndesë burokratike mbi ju. Ne do të mbetemi të vendosur të marrim modelet më të mira, modelet më pak burokratike që ekzistojnë dhe ti instalojmë në vendin tonë. Shqipëria në pamje të parë , sic e përmenda, është një vend i vogël, por ata të cilët e njohin Shqipërinë dhe që ndalen dhe e studiojnë gjejnë një vend me potenciale të jashtëzakonshme. Shqipëria është një vend me potenciale shumë të mëdha në energjinë e rinovueshme. Në Ballkan është një Norvegji e vogël. Ujërat e saj nuk grupohen në lumenj të mëdhenj si Danubi, por të marrë së bashku përbëjnë Danubin. Ato zbresin nga lartësi të mëdha dhe kanë një potencial energjie të admirueshëm. Kompani nga mbarë Evropa kanë filluar ndërtimin në projekte, aktualisht ndër më të mëdhatë në Evropë. Dua tu tregoj, të dashur miq, për një bisedë që kam patur me zëvendëspresidentin e njerës prej tyre, e një kompanie austriake, e cila po ndërton një HEC në Ashtë. Në një fjalë drejtuar audiencës, ai thotë: HEC-i i fundit që kam ndërtuar në vendin tim ishte një HEC fare i vogël. Mu deshën 6 vjet burokraci për leje. Këtu në Shqipëri brenda viti fillova punën dhe po eci me një shpejtësi të paimagjinueshme. Sot takova një kompani turke në fushën e energjisë, e cila ka marrë të gjithë lejet dhe licencat për të ndërtuar një HEC të shkëlqyer. Më informoi se do të fillojë tunelin brenda dy javëve. Ka burokraci, por ka një luftë të vendosur kundër saj. Ka një vendosmëri të madhe për tu mbështetur ju. Shqipëria ka një potencial turistik të veçantë. Cilido që udhëton në këtë vend dhe janë të panumërt ata që më thonë, se para se të ulen në Rinas gjëja e parë që të shkon në mendje është se Shqipëria duket si Zvicër me det. Natyrisht kur zbret në tokë konstaton se është një Zvicër për tu ndërtuar. Por potencialet turistike të saj janë të jashtëzakonshme, ashtu si pasuritë e saj kulturore dhe historike, malet e saj janë magjepsëse, ujërat e saj janë të mrekullueshme. Shërbimet, mikëpritja e saj janë ekzemplare, ndaj dhe ftoj kompanitë më të mëdha turistike të këtij vendi që kanë krijuar një traditë të shkëlqyer, për të investuar në Shqipëri.

Sic u tha këtu këtu, vite më parë Turqia priste 300 mijë turistë, sot pret 34 milion turistë dhe vitet e ardhshme do të presë dhe 60 milion turistë dhe merita më e madhe është e qytetarëve të këtij vendi të cilët me mirësjelljen më të madhe i presin dhe i përcjellin qytetarët nga mbarë bota. Edhe në vendin tim, në vitin 2004 ne kemi pritur 300 mijë turistë dhe vizitorë, në vitin 2011 Shqipëria ka pritur si turistë dhe vizitorë, 4 milion qytetarë nga mbarë bota. Prandaj dhe thirrja ime për kompanitë turistike, të industrisë turistike turke është që le të konsiderojnë investimet në malet dhe brigjet e Shqipërisë. Investimet në male do të jenë 8 vite pa asnjë taksë dhe jam i sigurtë se do të kenë një histori të vërtetë suksesi.

Shqipëria është në vend shumë i pasur në minerale, rezerva botërore të kromit, nikelit, rezerva të mëdha bakri. Studime ndër më seriozet provojnë se gjeologjia dhe gjeopozicioni i tyre i afrojnë shumë me strukturat në Turqi, çka do të thotë se sipërmarrësit turq me eksperiencën e tyre, ndonëse aktualisht po punojnë, mund të punojnë dhe të jenë më shumë të pranishëm. Investimet serioze turke janë në arsim dhe i presim që të shtohen. Kështu janë dy universitete, të cilët rekrutojnë studentët më të mirë, ka gjithashtu shkolla të mesme, spitale, të cilat ju ofrojnë qytetarëve shqiptarë shërbimet më të mira. Në këto vite ne jemi përpjekur shumë ti shërbejmë biznesit. Në një hark kohor të shkurtër, në këtë vend janë asfaltuar, ndërtuar dhe rindërtuar mbi 9 mijë km rrugë, një një projekt ky, i cili do të lejojë shqiptarët, do të lejojë biznesmenët që në një hark kohor të shkurtër të vijnë në Tiranë, duke kursyer 70 % të kohës. Kur Ahmet Calik erdhi në Shqipëri dhe mori pjesë në privatizimin e Telekomit, interneti ishte pothuaj ekzotik. Vetëm 4,8 % e shqiptarëve lundronin në internet.Sot, lundrimi i shqiptarëve në internet ka kapur mesataren e vendeve anëtare të BE dhe do të shkojë më larg. Ne po bëjmë gjithçka që ti ofrojmë biznesit dhe qytetarëve shërbimet më transparente.

Zonja dhe zotërinj,

Një shkrimtar i shquar shqiptar Faik Konica do të shkruante në fundin shekullit të 19 një libër, në të cilin do të thoshte “Shqipëria kopshti shkëmbor i Evropës Juglindore”. Unë mund ju garantoj ju, se Shqipëria është diamanti i vërtetë i Evropës Juglindore që ju fton ju që së bashku ta shkëlqejmë. Ta shkëlqejmë gjithnjë e më shumë.

Ju faleminderit!

Kryeministria
06/04/2012

[Albo]

Biznesi turk shpreh interes të lartë për Shqipërinë

Në vijim të vizitës së tij zyrtare në Turqi, Kryeministri Berisha mori pjesë në Forumin e parë turko-shqiptar të biznesit e ekonomisë, i organizuar nga Unioni i Dhomave të Tregtisë e Bursave të Turqisë (TOBB) në bashkëpunim me atë shqiptar. Në Forum ishin të pranishëm mbi 100 përfaqësues të biznesit dhe investitorëve më prestigjiozë turq, si edhe mbi 60 përfaqësues të biznesit shqiptar. Në TOBB janë të anëtarësuar mbi 1 420 000 shoqëri dhe biznese të rëndësishëm e prestigjioze turke e ndërkombëtare.

Në Forum mori pjesë edhe Zëvendëskryeministri dhe ministri i Ekonomisë së Turqisë Ali Babaxhan dhe kryetari i Unionit të Dhomave dhe Bursave të Turqisë Irfat Hisarchiklouglu.

Gjatë fjalës së tij, zoti Hisarchiklouglu vlerësoi reformat e suksesshme të qeverisë Berisha, që kanë bërë të mundur që Shqipëria të vijojë performancën pozitive, në dallim nga trendi ndërkombëtar gjatë kësaj kohe krizash globale, duke ja lartësuar imazhin Shqipërisë dhe rritur në nivelet më të larta, interesin e biznesit dhe investitorëve turq për të investuar në Shqipëri dhe për të rritur shkëmbimet ekonomike e tregtare mes dy vendeve.

“Shqipëria dhe Turqia kanë lidhje të hershme kulturore-historike dhe tashmë është momenti të rrisin bashkëpunimin ekonomik në nivele edhe më të larta” tha më tej zoti Hisarchiklouglu. Ai i rikonfirmoi Kryeministrit Berisha dhe përfaqësuesve të biznesit gatishmërinë e TOBB për të ndarë eksperiencat me homologët shqiptare, si edhe angazhimin e TOBB për të nxitur investitorët turq për të investuar në Shqipëri në fusha të rëndësishme si turizmi, ku Turqia është vend lider dhe dëshiron ta ndajë përvojën e saj me Shqipërinë, në fushën e energjisë, ku bashkëpunimi tashmë ka filluar, në përkrahjen dhe lobimin e më vone zbatimin e projektit shumë të rëndësishëm TAP, etj..

Zëvendëskryeministri Babaxhan e vlerësoi këtë vizitë si shumë të rëndësishme në konsolidimin e mëtejshëm të marrëdhënieve të shkëlqyera, si edhe në zgjerimin e thellimin e bashkëpunimit ekonomiko-tregtar e të gjithanshëm mes të dy vendeve. Zoti Babaxhan vlerësoi lidhjet e hershme e të pafundme tradicionale, miqësore e partneriteti mes dy popujve dhe ripohoi vendosmërinë e Turqisë për t’i çuar ato në nivele edhe më të larta.

Më tej, zoti Babaxhan e falenderoi Kryeministrin Berisha për faktin që gjatë kësaj periudhe shkëmbimet ekonomike e tregtare mes dy vendeve janë shumëfishuar, ndërkohë që investimet turke e kane kapërcyer shifrën e 1 miliardë dollarëve, një faktor shumë i rëndësishëm kontribues në ekonominë e Shqipërisë dhe mirëqenien e qytetarëve të saj. Ai rikonfirmoi angazhimin për t’i nxitur edhe më tej investitorët turq, për projekte të rëndësishme në Shqipëri si ato në fushën e turizmit, ndërtimit të infrastrukturave, energjisë, në shumë fusha të prodhimtarisë industriale e fason etj..

“Ky Forum duhet të realizojë bazën për forcimin e bashkëpunimit midis dy ekonomive tona, për të shfrytëzuar më mirë potencialet dhe eksperiencat tona pozitive. Kam pasur rast të shoh investimet në infrastrukturë të qeverisë shqiptare. Rruga e kombit është dëshmi e suksesit të saj dhe garanci për suksesin e ardhshëm të rritjes së shpejtë ekonomike të Shqipërisë. Klima e biznesit në Shqipëri ka qenë shumë ftuese për investimet e huaja dhe ato turke, që në këto vitet e fundit janë shumëfishuar,” u shpreh zoti Babaxhan.

Vizioni, - vijoi ai - për Ballkanin është të jenë një zone ekonomike, me liri të lëvizjes së mallrave e njerëzve e të gjitha lehtësirat e tjera. Roli i Shqipërisë këtu është kyç. Vetëm kështu mund të garantojmë zhvillim e qëndrueshëm të vendeve tone.

Në fund të takimit, në prani të Kryeministrit Berisha dhe Zëvendëskryeministrit Babaxhan, u nënshkrua Memorandumi i Bashkëpunimit midis Postes Shqiptare dhe asaj të Turqisë, i cili parashikon shkëmbimin e përvojave, si edhe bashkëpunimin mes Postës së Turqisë dhe asaj shqiptare në shumë aspekte si në implementimin e sistemeve bashkëkohore të transfertave financiare apo implementimin e teknologjive të larta dixhitale në shërbimet që ky institucion ofron etj.. Kjo marrëveshje u nënshkrua për palën shqiptare nga Drejtori i Përgjithshëm i Postes Arqile Gorea, ndërsa për palën turke nga Drejtori i saj OsmanTural.


Kryeministria
06/04/2012

[Billy Joe]

Riciklim i tezes se vjeter serbe, por nga vete kryeministri shqiptar, Shqiptaret vijne nga kaukazi, i kane sjelle osmanet.

“Po theksoj një fakt, në planetin tonë ka pasur dy Shqipëri, një “Albania e Kaukazit” dhe një Shqipëri në Ballkan. Cilat ishin lidhjet në të kaluarën është shumë e paqartë, është në duart e historianëve ta qartësojnë atë. Por çfarë do të bëjmë për të ardhmen është shumë më e rëndësishme duke punuar së bashku, dhe ju siguroj se jam shumë i përkushtuar ndaj saj,” tha Berisha.
---------------------------------------------------------------------------------------------------------------


“Historia e lidhjeve të përbashkëta mes Azerbajxhanit dhe Shqipërisë shkon prapa në shekullin e 4-t., kur shteti me emrin e Shqipëri u shfaq në territorin e Republikës së Azerbajxhanit. Ajo zë vend të veçantë në historinë tonë pasi ishte një nga rajonet e para në Kaukaz, të cilat pranuan krishterimin si fe shtetërore dhe u bë atdheu i parë i kishave të krishtera në Kaukaz. Deri tani kemi përmendur këto kisha në Azerbajxhan si në gjuhën shqipe. Dhe në qoftë se unë nuk gaboj, në gjuhem shqipe ‘kish’ do të thotë ‘kishë’,” ka deklaruar Rahman Mustafajev.

[Albo]

Riciklim i tezes se vjeter serbe, por nga vete kryeministri shqiptar, Shqiptaret vijne nga kaukazi, i kane sjelle osmanet.

“Po theksoj një fakt, në planetin tonë ka pasur dy Shqipëri, një “Albania e Kaukazit” dhe një Shqipëri në Ballkan. Cilat ishin lidhjet në të kaluarën është shumë e paqartë, është në duart e historianëve ta qartësojnë atë. Por çfarë do të bëjmë për të ardhmen është shumë më e rëndësishme duke punuar së bashku, dhe ju siguroj se jam shumë i përkushtuar ndaj saj,” tha Berisha.
---------------------------------------------------------------------------------------------------------------


“Historia e lidhjeve të përbashkëta mes Azerbajxhanit dhe Shqipërisë shkon prapa në shekullin e 4-t., kur shteti me emrin e Shqipëri u shfaq në territorin e Republikës së Azerbajxhanit. Ajo zë vend të veçantë në historinë tonë pasi ishte një nga rajonet e para në Kaukaz, të cilat pranuan krishterimin si fe shtetërore dhe u bë atdheu i parë i kishave të krishtera në Kaukaz. Deri tani kemi përmendur këto kisha në Azerbajxhan si në gjuhën shqipe. Dhe në qoftë se unë nuk gaboj, në gjuhem shqipe ‘kish’ do të thotë ‘kishë’,” ka deklaruar Rahman Mustafajev.

I kam qejf njerit qe as nuk dine, as nuk duan te mesojne, por e mbajne veten per te ditur. Jane shume argetues.

Berisha me lart kur flet per Azerbajxhanin nuk eshte duke folur per "shqiptaret e azerbajxhanit" por eshte duke folur per gazsjellesin qe ku vend do te ndertoje dhe qe do te kaloje nga Shqiperia. Berisha shkoi vete ne Azejbarxhan qe te kerkonte futjen e Shqiperise si terminal te ketij plani ne Mesdhe. Dhe ne Turqi, Berisha i kerkoi pales turke qe te ushtroje ndikimin e duhur ne Azejbarxhan qe ta fusi Shqiperine ne planet e tyre. Ato fjale jane lajka te Berishes qe kane per qellim qe Azejbarxhani te perzgjedhi Shqiperine e jo nje nga fqinjet tane.

Cfare do te perfitoje Shqiperia nga ky plan i gazsjellesit?

1 miliard euro investime. Lexo me poshte per me shume.

http://www.forumishqiptar.com/showthread.php?t=84400

Albo