A lejohen demonstratat, protestat, dhe grevat në Islam?

[il dandi]

A kanë qenë të parashikuara më parë mitingjet, manifestimet dhe protestat në Fenë Islame?


Shkëputur nga libri “Tenbihat ‘ala Risaletejn lish-Shejkh Ebij Bekr el-Xhezairi” (fq. 36-39)
i Shejkh Hamud et-Tuvejxhirit, Allahu pastë mëshirë për të.

Refuzimi i pretendimit të Shejkh Ebu Bekr el-Xhezairi nga Shejkh Hamud et-Tuvejxhiri se mitingjet, manifestimet dhe protestat kanë qenë të parashikuara më parë në mënyrë specifike nga i Dërguari i Allahut (sal-lAllahu aljehi ue sel-lem)



“Në faqen 14 të kopjes (së librit rreth shenjave të Kijametit) që është me shkrimin e autorit dhe në faqen 54 të kopjes së botuar ka thënë El-Xhezairi: “Demonstratat do të zënë vendin e betejave dhe xhihadit…” [el-Lukatat fij Ba’d Ma Dhahera lis-Sa’ati min ‘Alamat (fq. 54)]

Pastaj tha në faqen 55-56 të kopjes së botuar: “Vërtet Pejgamberi (sal-lAllahu alejhi ue sel-lem) e ka përmendur atë me fjalë të qarta dhe e ka vendosur mes shenjave të Kijametit… Ja ku është Taberani, në librin e tij el-Kebir transmeton me zinxhirin e tij thënien e Pejgamberit (sal-lAllahu alejhi ue sel-lem): “Kur t’i shikoni tri gjëra, atëherë do të vijë Ora.” Pastaj e sqaroi atë duke thënë: “Se ndërtesat do të rrënohen e do të rindërtohen pa qenë e nevojshme, se betejat do të kthehen në thirrje (Nida`) dhe se njeriu do ta mbajë amanetin që i është besuar ashtu si deveja (e uritur) që kafshon pemën pak e nga pak.”

Dhe ai (Ebu Bekr el-Xheza`iri) përmendi në një fusnotë se hadithi është transmetuar nga el-Begauij në librin e tij “Muëxhem es-Sahabeh” dhe nga Ibn Asakir në librin e tij “et-Tarikh”.

Pastaj ai (Ebu Bekr el-Xhezairi) tha: “Argumenti tek ky hadith është tek thënia e tij (sal-lAllahu ‘alejhi ue sel-lem): “Se betejat do të kthehen në thirrje (nida`).” Kuptimi i fjalës Nida` këtu është ngritja e zërit nga demonstruesit duke thënë “Rroftë filani!” ose “Poshtë filani!” apo gjëra të ngjshme. Ata i konsiderojnë këto thirrje me zërin më të lart që të jetë e mundur nëpër demonstartat e tyre si betejë dhe xhihad apo si diçka akoma më e madhe se beteja dhe xhihadi.” [el-Lukatat fij Ba’d Ma Dhahera lis-Sa’ati min ‘Alamat (fq. 55-56)]

Unë (Hamud et-Tuvejxhiri) them: “Sa i përket hadithit që ka përmendur el-Xhezai`ri, atë e ka transmetuar Taberani me një zinxhir të dobët nga transmetimi i Urveh Ibn Muhamed Ibn ‘Attijeh es-Sea’dij, nga babai i tij në formë merfuë (që arrin deri tek Pejgamberi sal-lAllahu alejhi ue sel-lem) se ai ka thënë: “Kur t’i shikoni tri gjëra, atëherë ajo (Dita e Fundit) është afër, është afër! Se ndërtesat do të shkatërrohen e do të rindërtohen pa qenë e nevojshme, se betejat do të kthehen në thirrje (Nida`), dhe se njeriu do ta mbajë amanetin që i është besuar ashtu si deveja (e uritur) që kafshon pemën pak e nga pak.” [el-Mu’xhemul-Kebir (19/243).]

Ka thënë Hejthemiu në “Mexhme’u ez-Zeua`id”: “Atë e ka transmetuar Taberani dhe në zinxhirin e tij është Jahja Ibn ‘Abdilah el-Babaletij, i cili është i dobët (da’ijf).” [Mbaroi fjala e Hejthemiut]

Ata e ka transmetuar edhe el-Begauij dhe Ibn Asakir me tekstin: “Vërtet, prej shenjave të Orës janë: Që ndërtesat do të rrënohen dhe do të rindërtohen pa qenë e nevojshme, betejat do të bëhen me fida` (pagesë, shpërblim), dhe se njeriu do ta mbajë amanetin që i është besuar ashtu si deveja (e uritur) që kafshon pemën pak e nga pak.” [Siç gjendet në Kenzul-‘Umal (17/186).]

E ka përmendur këtë transmetim autori i librin “Kenz el-Ea’mal” fq.186, vëll.17. Dhe tek ky transmetim ka ndodhur një ngatërrim në thënien e tij: “...dhe do të bëhen betejat me fida` (pagesë, shpërblim), me “f” në fillim të fjalës (fida`). El-Xheza`iri e ka ngatërruar me me fjalën e tij “nida`” me “n” në fillim të fjalës. Dhe këtë ngatërrim nuk e kam parë tek të tjerët. Dhe e sakta është (rifdan), gërma “r” ka zanoren “i” ndërsa gërma “f” nuk ka zanore, siç gjendet në transmetimin e Taberanit që e përmendi Hejthemiu në “Mexhme’u ez-Zeua`id”. Dhe ai gjendet në faqen n.243, vëll.19 tek Muëxhem el-Kebir, botimi i Shtëpisë Botuese “el-Ummeh” në Bagdad. Dhe domethënia e fjalës “rifd” në beteja është përkrahja e tyre me mercenarë dhe pagesë.

Dhe kjo është përmendur në mënyrë të qartë në hadithin e transmetuar nga Ibn Mendeh, të cilin e ka transmetuar nga ‘Abdur-Rrazaku, 9 nga Ma’mer, nga Kethir Ibn ‘Ataa` el-Xhundij: na ka treguar Abdullah Ibn Zubejb el-Xhundij i cili ka thënë: Ka thënë i Dërguari i Allahut (sal-lAllahu ‘alejhi ue sel-lem): “O ‘Ubadeh Ibnus-Samit! O Ebal-Uelijd! Kur ta shikosh lëmoshën se po fshihet, se po merren merecenarë për të luftuar, dhe kur ta shikosh njeriun që e mban amanetin ashtu si deveja (e uritur) që kafshon pak e nga pak pemën, dhe kur të rrënohen shtëpitë dhe të rindërtohen pa qenë e nevojshme, atëherë ti dhe Ora e Fundit do të jeni si këta të dy.” Pastaj ai bëri bashk gishtin e tij tregues me gishtin e mesit. Këtë hadith e ka përmendur el-Hafidh Ibn Haxher në librin e tij el-Isabeh, në biografinë e ‘Abdullah Ibn Zubejb el-Xhundij.

Kurse sa i përket thirrjes së injorantëve në demonstratat e tyre dhe britmave të tyre “Rroftë Filani” apo “Poshtë Filani”, kjo nuk është nga veprat e njerëzve me logjikë, lëre më pastaj që të jetë prej Xhihadit. Por, në të vërtetë ajo është shfaqje e injorancës, budallallëkut dhe kaosit.
Sikur el-Xheza`iri ta përmendte praninë e demonstratave në Fundin e Kohës si diçka për të cilën ka lajmëruar i Dërguari i Allahut (sal-lAllahu alejhi ue sel-lem) kur foli për shfaqjen e injorancës, kjo do të kishte qenë më e përshtatshme."

[il dandi]

Ka thënë Shejkhul-Albani rahimehullah: “Dhe ndoshta ai ka qenë shkaku apo një prej shkaqeve të argumentimit të disa vëllezërve tanë davtçinj për ligjshmërinë e demonstratave që janë të njohura në kohën e sotme, se ato kanë qenë prej metodave të Pejgamberit (sal-lAllahu ‘alejhi ue sel-lem) në Davet! Dhe nuk kanë rreshtur disa xhemate Islamike së dali nëpër demonstrata, duke qenë të shkujdesur nga fakti që ato janë prej traditave të qafirave dhe prej metodave të tyre të cilat u shkojnë për shtat pretendimit të tyre se pushteti i takon popullit, dhe se ato (demonstrata) bien ndesh me fjalën e Pejgamberit (sal-lAllahu ‘alejhi ue sel-lem): “Dhe udhëzimi më i mirë është udhëzimi i Muhamedit” – lavdërimi dhe bekimi i Allahut qoftë mbi të.”

Silsiletu ed-Da’ijfeh, 14/74-75.

[il dandi]

Shejkh Muhamed Ibn Salih el-‘Uthejmin është pyetur: “A konsiderohen demonstratat mjete të ligjshme të Da’uetit?”

Dhe ai u përgjigj: “E gjithë lavdia i takon Allahut, Zotit të Gjithësisë; lavdërimet dhe bekimet e Tij qofshin mbi prijësin tonë Muhamed, mbi Familjen e tij, mbi Shokët e tij dhe mbi të gjithë ata që i ndjekin në mirësi deri në Ditën e Fundit.

Më tej:

Me të vërtetë, ideja e demonstrative është një çështje e re, moderrne. Ajo nuk është njohur në kohën e Pejgamberit (sal-lAllahu ‘alejhi ue sel-lem), as në kohën e Prijësave të Udhëzuar e as në kohën e ndonjërit prej Sahabëve (radij-Allahu ‘anhum).

Përveç kësaj, kaosi dhe rrëmuja që ato përmbajnë i bën të ndaluara, aq sa ato degjenerojnë në thyerje xhamash, dyersh etj. Si rrjedhojë e tyre ndodh përzierja e burrave me gratë, të rinjtë me të moshuarit dhe gjëra të tjera të prishura e të neveritshme.

E sa i përket të bërit presion qeverisë, nëse ajo është qeveri Muslimane, atëherë mjafton si këshillë Libri i Allahut dhe Suneti i të Dërguarit të Allahut (sal-lAllahu ‘alejhi ue sel-lem). Kjo është gjëja më e mirë që mund t’i paraqesësh çdo Muslimani. E nëse ajo (qeveria) është mosbesimtare, atëherë ajo nuk do t’ia dijë fare për këta “demonstrues” dhe ndoshta do tregohet e sjellëshme me ta nga ana e jashtme, ndërsa në vetvete ajo mbetet me ligësitë e saj. Prandaj, ne mendojmë se demonstratat janë vepra të neveritshme.

Kurse sa i përket thënieve të tyre që këto demonstrate janë paqësore, atëherë ndoshta ato mund të jenë paqësore në fillim apo herën e parë, por pastaj ato bëhen dëmprurëse. Prandaj unë i këshilloj të rinjtë që të ndjekin rrugën e pararendësve, ngase me të vërtetë Allahu i ka lavdëruar Muhaxhirët dhe Ensarët dhe i ka lavdëruar ata që i pasuan në mirësi.”

el-Xheuabul-Ebhar li Fu’ad Siraxh, fq. 75

[il dandi]

Ka thënë Shejkh Mukbili rahimehullah:
“Unë lavdi Allahut kam paralajmëruar kundër atyre demonstratave në hytbet e Bajramit dhe në hytbet e ditës së Xhuma.”

Shkëputur nga libri i tij “el-Ilhad el-Khumejni fij Erdil-Haramejni”, Sahab.net.



Ka thënë gjithashtu: “E vërteta është se aktrimet, demonstratat dhe shumë prej gjërave aktuale na kanë ardhur nga armiqtë e Islamit.”

Shkëputur nga libri i tij “Kam’ul-Mu’anid”, fq, 394.



Dhe ka thënë gjithashtu: “...si dhe Demonstrat Tagutije nëpër rrugët e Sana’s, pasha Allahun ata e kanë ulur poshtë Islamin!”

Shkëputur nga libri i tij “Garatul-Eshritah” (2/152).



Ka thënë gjithashtu: “Mos shkuarja mbas shoqërisë, dhe prej atyre çështjeve janë demonstratat, ngase Allahu Subhanehu ue Te’ala thotë:

“Andaj pyesni Njerëzit e Dhikrit nëse nuk dini.”

Shikon një burrë i cili e ka mjekrrën deri në gjoks ose që ia mbulon gjoksin, e lidh turbanin e tij në kokë e pastaj del të demonstrojë (duke bërtitur): “Me shpirt e me gjak mirësevjen o Sadam!”

Ah mjerë mjekrra e mjerë turbani...”

"Kam’ul-Mu’anid”, 109-110.

[il dandi]

Shejkh 'Abdul-Muhsin el-'Abbad është pyetur gjatë shpjegimit të Sunenit të Ebi Davudit: “Disa njerëz po thërrasin për të bërë demonstrata në mbrojtje të vëllezërve në Palestinë, dhe se nuk ka argument që të ndalohen këto demonstrata nëse ato janë paqësore. Atëherë, cila është fjala juaj, Allahu ju ruajt?”

Dhe u përgjigj Shejkh ‘Abbadi: “Them: demonstratat janë prej marrëzisë.”

Shkëputur nga kaseta n.280 e shpjegimit të Sunenit të Ebij Davudit.



Gjithashtu, gjatë shpjegimit të Sunenit të Ibn Maxhes, ai është pyetur: “A hyn tek ky hadith ai që bën demonstrata për të ulur çmimet apo për gjëra të tjera të kësaj natyre prej çështjeve të dynjasë, nëse bëhet zullum?

Dhe ai u përgjigj: “Këto veprime janë prej marrëzisë. Dhe këto gjëra janë të panjohura. Në të vërtetë ato janë prej çështjeve të shpikura dhe Muslimanët i kanë marrë ato nga qafirat.”

Shkëputur nga kaseta n.207 e shpjegimit të Sunenit të Ibn Maxhes.



Është pyetur Shejkhul-Alameh ‘Abdul-Muhsin el-‘Abbad (hafidhahullah), më datën 11 të muajit Rabij’ul-Euel, 1432 Hixhrij, që përkon me datën 14/2/2011 sipas kalendarit diellor:

“Shejkhu ynë, Allahu ju shpërbleftë me të mira. Unë jam nga Libia, dhe njerëzit atje kanë caktuar ditën e Mërkurë dhe ditën e Enjte për të dalë në demonstrata nëpër rrugë. Ne duam nga ju këshillë dhe sqarim rreth gjykimit të demonstratave dhe marrshimeve të cilat quhen “paqësore”. Allahu na dhëntë dobi nga kjo këshillë dhe Allahu ju shpërbleftë me të mira.

Dhe u përgjigj Shejkhu, Allahu e ruajt:

“Unë nuk di ndonjë gjë që të tregojë se këto demonstrata janë të ligjshme. Nuk dimë ndonjë bazë në Fe që të trgojë për këto gjëra. Porse në të vërtetë këto janë prej çështjeve të shpikura, të cilat janë të shpikura njerëzit, i kanë marrë ato nga armiqtë e tyre nga vendet e Lindjes dhe të Perëndimit. Pra, ato s’kanë bazë në Fe dhe as nuk dimë ndonjë gjë që të tregojë për lejueshmërinë dhe ligjshmërinë e tyre. Prandaj njerëzit le të ndjekin rrugët Sheriatike, ato të cilat janë ligjëruar për ta dhe t’i lënë ato gjëra të cilat janë të pabaza dhe shkaktojnë pasoja, dëme, vrasje, bllokim... dhe sikur të ishte dëmi i tyre veçse bllokimi i rrugëve dhe lëvizjes së njerëzve, atëherë kjo do të ishte e mjaftueshme për t’u bërë e qartë e keqja e tyre dhe se akujt nuk i takon që të ndërmarrë të tilla gjëra.”

Pyetje: Allahu u shpërbleftë me të mira. Një davetçi flet dhe i nxit të rinjtë, dhe thotë se të dalurit kundër prijësit është medh’hebi i Selefëve, siç ishte Ibnul-Esh’athi, Husejni, Ibni Zubejri. Kurse ata të cilët e ndaluan, siç ishte Imam Ahmedi për shembull, në të vërtetë ata e panë këtë çështje veçse nga aspekti i dëmit dhe dobisë.

Përgjigje: Njerëzit duhet të kërkojnë dobitë dhe t’i lënë dëmet. Njerëzit duhet të synojnë të arrijnë dobitë dhe t’i lënë dëmet.

Pyetje: A mund të thuhet se demonstratat dhe marrshimet (nëpër rrugë e sheshe) konsiderohen rebelim kundër prijësit?

Përgjige: S’ka dyshim! Me të vërtetë ato janë mjete të rebelimit, madje ato janë rebelim pa pikë dyshimi.

http://www.forumiselefi.net/viewtopic.php?f=51&t=786

[il dandi]

Është pyetur Shejkh Salih el-Feuzan hafidhahullah: “Ç’gjykim kanë demonstratat?

Dhe ai u përgjigj: “Demonstratat janë kaos, kurse Islami ndalon nga kaosi. Demonstratat janë kaos, Allahu na ruajt.”

Burimi: Shkëputur nga audiokaseta me titull, “el-Ixhabat el-‘Ilmijjeh uet-Teuxhijhat el-Menhexhijjeh”.



Dhe është pyetur gjithashtu Shejkh Salih el-Feuzan: Allahu ju ruajt, në pyetjen e tij të dytë: “Cili është mendimi juaj rreth asaj që sot po quhet “Pranvera Arabe”?

Përgjigje: “UAllahi s’kemi parë ndonjë pranverë, kemi parë vetëm vrasje, kemi parë vetëm fitne, kemi parë vetëm... kjo nuk është pranverë! Kjo është disfatë. Po, ata që e quajnë ashtu janë Qafirat... Muslimanët nuk e kanë quajtur këtë pranverë, porse e quajnë fitne dhe sherr. Po.

Është e vërtetë se ajo është pranverë për Qafirat sepse ata me të i dëmtojnë Muslimanët. Ata e mbulojnë atë që i dëmton Muslimanët, e mbulojnë duke u thënë se kjo është pranvera e tyre. Po.

Burimi:Sahab.net
http://www.youtube.com/user/AlbanMalaj? ... RfvnO9hF6w

http://www.forumiselefi.net/viewtopic.php?f=51&t=786

[.IQ]

il_dandi cka mendon, ne ketu ne kosove udheheqes kemi Hashim Thacin dhe ai thote se eshte musliman a duhet ti bindemi atij apo jo ?

[Elytony]

il_dandi cka mendon, ne ketu ne kosove udheheqes kemi Hashim Thacin dhe ai thote se eshte musliman a duhet ti bindemi atij apo jo ?

Përderisa ai falet me ne duhet t'i bindemi,përndryshe s'kemi pse t'i bindemi. Kjo qëndron edhe në transmetimet që kanë ardhur.


PAQE!

[.IQ]

il_dandi pres pergjigje nga ju, a duhet ti bindemi ne ketu ne kosove Hashim Thacit apo jo ?

[il dandi]

il_dandi pres pergjigje nga ju, a duhet ti bindemi ne ketu ne kosove Hashim Thacit apo jo ?

me jep nje shembull qe te pergjigjem.

nese te urdheron te mos falesh namazin ,nuk i bindesh .

nese te urdheron te pish alkol ,nuk i bindesh.

nese te urdheron te besh zina,nuk i bindesh.