"Aleanca Kuq e Zi" parti turke!?

[DYDRINAS]

Aleanca Kuqezi formon strukturat

11/02/2012


Një ditë pas dorëheqjes nga Këshilli i Lartë i Drejtësisë, Kreshnik Spahiu drejtoi aktivitetin për krijimin e bordit të Aleancës Kuqezi për kryeqytetin.

Në fjalën e tij, Spahiu e cilësoi qeverisjen e sotme të vendit si një “qeveri otomane” dhe aspak perëndimore, sikurse pretendon ajo.

“Nuk mund të ketë një Tiranë evropiane me një qeverisje otomane. Për herë të parë në historinë e BE-së, shqiptarët u lanë jashtë. Dy herë u refuzua statusi i kandidatit për shkak të papërgjegjshmërisë së politikës së sulltanëve shqiptarë”, deklaroi Spahiu.

Ish-nënkryetari i KLD-së theksoi se Aleanca Kuqezi ofron alternativën më të mirë për ta futur Shqipërinë në rrugën e integrimeve evropiane.

“Aleanca Kuqezi nuk është rrezik për Shqipërinë, por është alternativa më e mirë për stabilitetin në rajon. A janë të rrezikshëm këta intelektualë e këta qytetarë? Jo, sepse kjo është alternativa më e mirë kundër sulltanëve të politikës”, u shpreh Spahiu.

Kreshnik Spahiu lajmëroi dorëheqjen e tij të parevokueshme nga detyra zyrtare në një konferencë për shtyp mëngjesin e së premtes.

Ai e argumentoi vendimin e tij me pamundësinë e një gjykimi të paanshëm nga Gjykata Kushtetuese për padinë që ai ka ngritur kundër mazhorancës.

Presidenti i Republikës, Bamir Topi e cilësoi dorëheqjen e parevokueshme të Spahiut si nënkryetar dhe anëtar i KLD-së si një veprim personal.

“Ai ka respektuar të drejtën e tij dhe nuk dëshiroj të bëj asnjë lloj interpretimi. Unë respektoj aktin e tij”, deklaroi Topi, i cili njoftoi se zëvendësimi i ish-vartësit të tij do të bëhet së shpejti.

top-channel

http://www.youtube.com/watch?feature=player_embedded&v=Fxh9XwO13YE

[Ermedin]

Qeverisje otomane!?

Ok, burokratët, po dijetarë s'ka rreth burokratëve "sulltanë" sa di unë!?
Në qeverisjen osmane (otomane) ka pasur strukturë ilmijje (dijetarët)
në sulltanat, ndërkaq mes (rrotull) politikanëve shqiptarë s'shoh asnjë dijetar,
veç ca "këshilltarë" që s'u hahet llafi.

[Shkelqesia_E_Tij]

Cdo dite qe kalon kjo Aleanca kuq e zi po zhgarravitet sa vjen e me shume....babezi absurde qe lyp vobektesine e shqiptareve !!!

[Kermilli]

Cdo dite qe kalon kjo Aleanca kuq e zi po zhgarravitet sa vjen e me shume....babezi absurde qe lyp vobektesine e shqiptareve !!!

Po ti mo vella ku jeton ne MARS apo ne HENE, se sic duket je i vetmi qe nuk e ka kuptuar se cfare sistemi sundon ne Shqiperi
Mire qe eshte edhe kjo ALEANCE dhe eshte ngjallur pak shpresa e Shqiptareve per ndonje ndryshim

[Shkelqesia_E_Tij]

Po ti mo vella ku jeton ne MARS apo ne HENE, se sic duket je i vetmi qe nuk e ka kuptuar se cfare sistemi sundon ne Shqiperi

He re tokesor, ai Spahi qe sot valvit flamuj lart e poshte eshte sekser dhe matrapaz gjykatesish dhe prokuroresh .... dhe nuk i dhimbset hic ore hic se Shqiperia mjerron !

Dhe te jesh i bindur se sorrollop si ai e kane zhytur Shqiperine ne llum..

Ik tani shite gjekundi tjeter ate patriotizmin e Spahinjeve me shoke !

[shigjeta]

Jam dakort me Shkelqesia e Tij. Deklaratat e Spahiut jane hipokrizi, jo se politika nuk eshte e mbushur me hipokrit, por ne rastin e Spahiut po shkaterron edhe ate ndjenje qe duhet te na bashkoj te gjitheve, ndjenjen kombetare.

[derjansi]

Po terbohen militantat

Cilen ndjenj po te shkatrro ty oj shigjet? Po ku keni ndjenja kombtare ju more qe per salen e edin i veni flaken familjes tuj e jo ma kombit.


Perpara kreshnik jemi me ty

[Bel ami]

Derjansi, une personalisht besoj se Shqiperine mund ta nxjerin nga bataku vetem njerez me ndjenja te theksuara kombetare,por Kreshnik Spahiu nuk eshte dalluar si i tille.
Ai kishte ne dore te pastronte sistemin gjyqesor nga korupsioni dhe NUK e beri.Thirrjet patologjike "per flamur" apo "kuq e zi" jane te kohes Ismail Qemalit. Nuk behet perpara me parulla,por me ide dhe deri tani Kreshniku nuk ka dhene ndonje strategji sesi do ta coje ai perpara prosparitetin e Shqiperise.Une nuk e quaj ate "faqezi", sepse nuk e paragjykoj dot,por konkretisht nuk po shikoj gje.Vetem demagogji!

[rustico]

pershendetje te gjitheve, para disa koheve me ka rastisur te lexoj se aleanca kuq e zi nuk do inkuadrohen ne politike, por do i mbesin besnik "misionit" te tyre te proklamuar me aq pompozitet. e sot thojne se do kyqen ne politike, si pasoje pikerisht e deshtimit qe z.spahija nuk ishte ne gjendje te tregoj veten derisa ishte i involvuar ne njeren nga shtyllat kryesore te shtetit (gjyqesine).
eshte interesante te terhiqet nje paralele me levizjen vetevendosja, te njejtin "mision", paten thene ne fillim se nuk do inkuadrohen ne politike, ndodhi e kunderta, u inkuadruan, hyne ne parlament,nuk ju mjaftoi, prap ne rruge, perqarje, skandale, na armiqesojne me krejt boten thuase vetem ata jan ne vijen e drejte?
do ishte mire nga aleanca te behej nje analize para se ti hyjne kesaj pune, sepse une qe tani po mendoj se edhe keta do luftojne vetem per rriskun e vet si gjithe te tjeret.
mirembeteshi shqiptari

[EDLIN]

Ambasadat në Tiranë duket se s’janë në një mendje me Berishën rreth Aleancës Kuqezi
shkurt 11, 2012 10:38 MD

Një ditë pasi Kreshnik Spahiu dha dorëheqjen nga KLD-ja, Aleanca Kuqezi, e drejtuar de facto prej tij, zhvilloi Aktivin e Qarkut të Tiranës në Teatrin e Operës dhe Baletit. Ky aktivitet, ndryshe nga aktivitetet e mëparshme të Aleancës Kuqezi, kishte të gjitha tiparet e një aktivi themelues të degës së një partie të re politike. Dhe ra në sy se në këtë aktivitet merrnin pjesë përfaqsues nga amabasadat më të rëndësishme në Tiranë, si ajo e SHBA-së, e Bashkimit Europian, e Britanisë së Madhe, e Gjermanisë, e Italisë, e Danimarkës, etj.

Berisha është munduar ta skicojë Aleancën Kuqezi si një lëvizje anarkiste që mund të shkaktojë destabilitet në rajonin rreth Shqipërisë. Ai, së bashku me Hashim Thaçin, janë munduar të heqin paralele mes Aleancës Kuqezi dhe Vetvendosjes, duke ditur se kjo e fundit ka patur përplasje të forta me diplomatët perëndimorë. Së fundi, edhe Jozefina Topalli, në një intervistë nga Gjermania, u mundua ta pikturonte Aleancën Kuqezi në këtë dritë.

Por pjesmarrja e ambasadave më të rëndësishme perëndimore në Aktivin e Aleancës Kuqezi duket se tregon që ato nuk janë në një mendje me Berishën…

E.Zaloshnja


.............

Personalisht mendoj se me shume ben demagogji sesa sesa hedh ide konkrete kaq te nevojshme dhe kaq te shumepritura.