Vitet e parat të jetës në këtë botë janë shumë të mira.
Të gjithë të duan, të përqafojnë, të mbajnë në duar, të shëtisin, etj.
Pastaj fillon shkolla dhe aty fillojnë telashet, aty nuk të duan të gjithë si në shtëpi dhe shpesh edhe të ngacmojnë e nganjëherë edhe të sulmojnë.
Shkolla fillore dhe e mesmja kanë shumë ngjashmëri pasi shumica e nxënësve janë akoma të papjekur.
Nëse je më i mirë se të tjerët shfaqet xhelozia dhe ata bëjnë çmos që ta ulin autoritetin dhe si të rinj e të papjekur që jemi në atë kohë shpesh biem pre e provokimeve.
Në kohën e adoleshencës jetojmë në ëndrra e fantazi dhe për një kohë nuk ju kushtojmë shumë rëndësi problemeve të jetës.
Muzika luan një rol mjaft të madh në këtë kohë.
Pas kësaj kohe vjen punësimi i parë që është një përvojë shumë interesante.
Në fillim ndihemi mirë sepse më në fund jemi të pavarur financiarisht dhe kemi më shumë mundësi ti realizojmë disa nga ëndrrat tona.
Pastaj edhe në punë fillojnë provokimet e sulmet nga kolegët xhelozë apo të djallëzuar dhe nëse biem në provokimet e tyre shkaktojmë ndonjë skandal dhe e humbim pozitën apo edhe vendin e punës.
Por nëse jemi të kujdesshëm, punëtorë dhe të disiplinuar këto probleme mënjanohen lehtë sepse kemi simpatinë dhe mbështetjen e udhëheqësve.
Vlen të ceket edhe një aspekt tjetër i jetës: marrëdhënia me femrat.
Në kohën sa je adoleshent shumë femra të afrohen dhe të ofrojnë dashuri sidomos nëse je i aftë në ndonjë drejtim ku ato kanë nevojë për ndihmën tënde.
Një numër i madh i femrave kanë qëllime të krijojnë lidhje serioze me ty e kjo vjen si pasojë e mentalitetit tonë ku femrat që kanë më shumë se një lidhje kritikohen ashpër.
Është interesant kur fejohesh apo martohesh të gjitha femrat të braktisin përfshirë edhe shoqet që i ke pasur më herët.
Në këtë periudhë vetëm nëse ke krijuar pasuri do të vazhdojnë ofertat nga femrat materialiste dhe lajkatare që të lejnë përshtypjen se po çmenden pas teje.
Edhe në familje shtohet më shumë respekti kur je i punësuar dhe ke një rrogë të mirë kurse kritikohesh ashpër nëse kjo situatë ndryshon.
Në fund e kupton që të gjithë njerëzit janë materialistë dhe aktorë të fortë, shumica të pandërgjegjshëm dhe të pamëshirshëm.
Në këtë kohë ka mundësi që kyçesh edhe në ndonjë fe apo besim ku edhe gjen përkohësisht ngushëllim dhe të kthehet shpresa për jetë.
Vitet kalojnë dhe në fund e kupton që fatkeqësisht kjo botë dominohet nga djalli dhe pasuesit e tij dhe nuk ke mundësi ta ndryshosh këtë por vetëm duhet të pajtohesh me realitetin dhe ta ruash energjinë dhe shëndetin tënd.
Përgjigju Duke Cituar
Postuar më parë nga Izadora
Krijoni Kontakt