Islami është fe e mëshirës dhe se ai që nuk mëshiron, nuk mëshirohet.

[Linë]

Mëshiruesit i përfshin mëshira e përkryer e Allahut.

Në këtë kontekst kanë ardhur argumente të shumta nga hadithet e Muhamedit sal-lAllahu alejhi ve sel-em. Transmeton Ebi Hurejra, Allahu qoftë i kënaqur me të, se Pejgamberi sal-lAllahu alejhi ve sel-lem ka thënë: ”Nuk ngrihet, nuk largohet mëshira pos nga zemërkeqi.”1


Madje Islami i mbulon me mëshiren e vet edhe kafshët. Transmeton Ebi Umamete, Allahu qoftë i kënaqur me të, se Muhamedi sal-lAllahu alejhi ve sel-lem ka thënë: "Kush mëshiron, qoftë ajo mëshirë edhe ndaj kafshës që theret, Allahu do ta mëshirojë atë në Ditën e Gjykimit."2

Transmeton Kurrete dhe thotë se një njeri ka thënë: "O i Dërguar i Allahut, unë ther dashin e të jem i mëshirshëm?" Muhamedi sallAllahu alejhi ve sel-lem tha: ”Dashin, nëse e mëshiron, Allahu të mëshiron ty.”3 Dy herë është falur personi për mëshirën e tij ndaj qenit. Ai kishte parë një qen të etur para ngordhjes e me këpucën e tij kishte nxjerrë ujë nga pusi duke e shpëtuar nga ngordhja, Allahu e falënderoi atë, ia fali mëkatet atij ."4


Abdullah ibën Mesudi, Allahu qoftë i kënaqur me të, thotë: "Ishim në udhëtim me Muhamedin sal-lAllahu alejhi ve sel-lem derisa ai u largua për nevoja të veta. Ne vërejtëm një deve me të voglin e saj, ia morëm të voglin dhe kur erdhi nëna e saj, bënte sikur kërkonte të voglin e saj. Erdhi Muhamedi sal-lAllahu alejhi ve sel-lem dhe tha: ”Kush e ka shqetësuar për të voglin e saj? Kthejani të voglin asaj.” 5

Shiko këtë mëshirë madhore për të cilën bën thirrje Islami, pastaj medito vepruesit e këtyre veprave: fëmijët mbeten jetimë, gratë mbeten të veja, shpirtrat pikëllohen, zemrat frikësohen, pasuria shkatërrohet. E, ku është mëshira e Allahut, sikur të logjikonin?

[1] Trans Ebi Davud 4942, Tirmidhiu 1923, e ka bërë të mirë Albani Allahu e mëshiroftë në “Sahih el Xhamii”, 7467
[2] Trans Buhariu në “ Edebul Mufred” 381, e ka bërë të mirë Albani Allahu e mëshiroftë në “ Sahih Edebul Mufred” 294.
[3] Trans Buhariu në “ Edebul Mufred” 373, e ka bërë të mirë Albani Allahu e mëshiroftë në “ Sahih Edebul Mufred” 287
[4] Trans Buhariu 2466, Muslimi 2244 hadithin që e transmeton Ebi Hurejra
[5] Trans Ebu Davudi 2675, e saktësoi Albani në “Sahih Suneni Ebi Davud” 2329


Burimi: Revista Delirje dhe Edukim/nr, 6

[[Perla]]

Shiko këtë mëshirë madhore për të cilën bën thirrje Islami, pastaj medito vepruesit e këtyre veprave: fëmijët mbeten jetimë, gratë mbeten të veja, shpirtrat pikëllohen, zemrat frikësohen, pasuria shkatërrohet. E, ku është mëshira e Allahut, sikur të logjikonin?

Me pelqeu mesazhi humanist (mbi te gjitha) i kesaj teme,sesa ai fetar. Sikur te logjikonin kush? Cila eshte pergjigjia e pyetjes qe eshte drejtuar?

[Linë]

Me pelqeu mesazhi humanist (mbi te gjitha) i kesaj teme,sesa ai fetar. Sikur te logjikonin kush? Cila eshte pergjigjia e pyetjes qe eshte drejtuar?

Gjithsesi u drejtohet njerezve, qe ju mjafton te logjikojne per veprimet qe u permenden si argumentim, dmth gjendejn e jetimit, zemrat e pikelluara, te frikesuara e te tjera gjendje te ndryshme, e qe te cilat te gjitha kane bazament meshiren e Zotit, te gjitha keto, duhet vene ne logjike pa menduar dicka tjeter, sesa madheshtore eshte ceshtja e meshires se Zotit ndaj Reobeve te Tij, dhe kjo do u mjaftonte, por gjithsesi nese kane logjike.


Mund te jene shume te mencur shume njerez por te kene logjike, nuk i ke te tille shume, perkundrazi te paket jane.

Dhe se askush nuk eshte me i meshireshme ndaj dikujt tjeter sesa Zoti ndaj Robit te Tij. Askund nuk gjendet mbeshtetja sesa te Zoti, pavaresisht qe shume mendojn ndryshe.