Arrestohet vrasesi i arketares (dhe i argjendarit)

[BlueBaron]

Mesa duket nje grua ka dhene informacionin :

TIRANE- Një grua e cila ka kryer disa herë marëdhënie seksuale me të arrestuarin Viktor Gushi, ka qënë njeriu që çoi policinë e Tiranës në arrestimin e vrasësit të arkëtares Leonora Kaloci dhe argjendarit Rrapo Sinanaj. Sapo e ka parë në faqet e gazetave dhe ekranet e televizioneve, ajo ka njohur dashnorin e saj Viktor Gushi. E vënë në dijeni edhe për shumën prej prej 10 mijë euro të vënë në dispozicion nga ana e policisë për çdo person që do tregonte vendndodhjen e vrasësit, kjo shtetase rreth orrës 16:25 ka telefonuar në sallën operative të Drejtorisë së Policisë Tiranë, ku ka njoftuar se personi që policia ishte duke kërkuar, qëndron me banesë në rrugën “Don Bosko” afër hotel “Ferrarit”.

Fillimisht ky informacion i është transmetuar disa oficerëve të policisë dhe SHKB për të shkuar në zonë dhe bërë verivikimet e mundshme. Ndërkohë që nga ana tjetër një person në sallën operative, ka mbajtur kontakte të vashdueshme telefonike me gruan që dha informacionin. Siç mësohet nga burime pranë policisë së Tiranës, pasi është konfirmuar se të dhënat kanë qënë të sakta, është vendosur që gruas që telefonoi t`i jepet shuma prej 10 mijë euro e vënë në dispozicion për këdo që do tregonte vendodhjen e autorit të krimit.


(sg/shqiptarja.com)

Ja edhe anonimati qe premton policia e shtetit

Daniel, je i papare.

Polici: - Zonje, po ju nga e njihni grabitesin ???
Informatorja: - Kam kryer disa here marredhenie seksuale me te.


Per gazetaret qe kane botuar scoop-in s'kam ç'te them. Jane "yje" te gazetarise ...

[2043]

Daniel, je i papare.

Polici: - Zonje, po ju nga e njihni grabitesin ???
Informatorja: - Kam kryer disa here marredhenie seksuale me te.


Per gazetaret qe kane botuar scoop-in s'kam ç'te them. Jane "yje" te gazetarise ...

Polisi vazhdon: - Zonje sa e keni pazarin?
Informatorja: - Tani qe do marr 10000 euro do i rris cmimet .

[Brari]

shum interesant prokuroria e ine ruce rames..

sic duket seli rozja e ka pasur rekrut te vetin kte kopilin nga patozi..dhe po perpiqet ta laje pam kte m.ut me hurre..
jo me kot hengren tum gazetat pro edvin qe na i soli keto proruci dujball.. kunder policise me rastin e kapjes se gushit..

sic duket gushi do ket bere vrasje dhe per llogari te rucve..

kulmi..

shihni mo ma shini ne videot e 21 janarit kte zhapikun e patoz seli rozit..





----

panorama

-


ballafaqohet rast pas rasti çdo ngjarje kriminale e pranuar prej tij nga 2008 deri 2012

.

Prokuroria do të rimarrë në pyetje nga e para Viktor Gushin, personin e akuzuar për vrasjen e arkëtares Leonora Kaloçi dhe argjendarit Rrapo Sinanaj. Pak ditë pas arrestimit dhe vendimit të Gjykatës për ta lënë në masën e arrestit me burg, 44-vjeçari nga Patosi i Fierit është në pritje për t’u marrë në pyetje nga Prokuroria. Organi i akuzës tha dje se ka administruar në dosje procesverbalin e marrjes në pyetje të të pandehurit në polici, por ka vendosur që ta marrë në pyetje për herë të dytë 44-vjeçarin. Sipas burimeve të Prokurorisë, deklarimet e Viktor Gushit për pranimin e 16 akuzave për grabitje në fazën dhe formën e tanishme janë të pavlefshme proceduralisht. Kjo për faktin se në fazat e mëvonshme të çështjes, nëse 44-vjeçari tërhiqet nga pohimet e tij, ato nuk mund të përdoren për ta akuzuar. Për këtë arsye, Prokuroria ka vendosur që të rihapë dosjet e të gjitha ngjarjeve që i faturohen Viktor Gushit që nga qershori 2008 deri në vitin 2012. “Dëshmitë e të pandehurit do të ballafaqohen me provat që ndodhen në secilën nga këto dosje, pamje filmike, dëshmi apo gjurmë qofshin këto prova”, thanë burimet nga Prokuroria. Sipas tyre, akuza mund të mbështetet te dëshmitë e Viktor Gushit vetëm në rast se thëniet e tij kombinohen dhe dalin në harmoni me provat e tjera. Aktualisht Prokuroria tha se ka ngritur akuzë ndaj Viktor Gushit vetëm për vrasjen e arkëtares së bankës te Xhamlliku dhe ekzekutimin e argjendarit Rrapo Sinanaj, ngjarje këto që kanë dalë se janë kryer me armën që iu bllokua Viktor Gushit në banesën te rruga “Don Bosko”. Ndaj të arrestuarit janë ngritur edhe akuza për plagosjen e policit privat Skënder Elmazi dhe për armëmbajtje pa leje. Gjithë veprat e tjera penale do të hetohen nga e para nga Prokuroria e Tiranës.
Hetimi
Prokuroria e Tiranës ka pohuar se është në fazën e pritjes së analizave biologjike për gjakun dhe urinën e 44-vjeçarit, i cili do të verifikohet nëse ka përdorur lëndë narkotike apo ka qenë nën efektin e këtyre lëndëve kur i ka kryer krimet. Po kështu, grupi i hetimit ka nisur mbledhjen e dosjeve të ngjarjeve “pa autor” për të cilat akuzohet Viktor Gushi. Prokuroria, nga ana tjetër, u është drejtuar me letër-porosi autoriteteve greke për të mësuar prej tyre detaje të akuzës së ngritur vite më parë në Athinë ndaj Viktor Gushit për mbajtje dhe shpërndarje lëndësh narkotike. Veç armës së krimit “TT”, e cila përputhet me vrasjen e Leonora Kaloçit dhe Rrapo Sinanajt, Prokuroria ka si prova edhe rrobat e të arrestuarit që janë përdorur në grabitjet për të cilat ai akuzohet. tr.so


Kamerat e sigurisë së bankave
Në shumicën e rasteve të grabitjeve apo tentativave të grabitjeve të bankave të nivelit të dytë, grupi hetimor që kryen këqyrjen e vendit të ngjarjes nuk ka arritur të sigurojë imazhe të qarta të autorëve të ngjarjeve. Kjo, herë për shkak të cilësisë së dobët të kamerave, herë për shkak se shumica prej tyre nuk regjistrojnë, por thjesht monitorojnë ambientet e brendshme dhe të jashtme. Edhe në rastin më të fundit, ku u vra arkëtarja Leonora Kaloçi dhe u plagos roja i sigurisë Skënder Elmazi, sigurimi i imazhit të autorit që ndihmoi edhe në arrestimin e tij ishte një kamerë e vendosur privatisht nga një qytetar, dhe jo ato të bankës. Për këtë arsye, një nga kërkesat kryesore të diskutuara nga grupi i punës, kanë qenë cilësia e kamerave të sigurisë.

Xhamat antiplumb në banka
Gjatë analizimit të ngjarjes tragjike të 27 marsit në ambientet e bankës së nivelit të dytë në Tiranë, grupi i punës i ngritur për masat e sigurisë shtroi si nevojë mjaft të rëndësishme, ndërtimin e vetratave të bankave me xhama antiplumb. Përfundimi tragjik i tentativës për të grabitur bankën në ngjarjen më të fundit në Tiranë, nisi që nga dera e jashtme e saj dhe përbërja e xhamit. Roja i sigurisë që ndodhej brenda bankës u qëllua nga jashtë me armë zjarri nga autori tashmë i arrestuar dhe për pasojë ngjarja mori rrjedhë tjetër, duke sjellë edhe pasoja të rënda. Në rast se plumbi nuk do të arrinte të depërtonte në xham, atëherë edhe punonjësi i sigurisë do të arrinte të mbrohej. Po ashtu edhe dera e jashtme e bankës duhet të jetë e telekomanduar.

Policia: Bankat të rrisin sigurinë, të përdorin xhama të blinduar

Vrasja e arkëtares së bankës Leonora Kaloçi dhe plagosja e rojës së sigurisë gjatë tentativës së grabitjes në zonën e Xhamllikut, ka mbledhur në një takim të posaçëm përfaqësues nga Policia e Shtetit dhe nga administrata e bankave. Ngjarja e rëndë e datës 27 mars, sipas Policisë, ka sjellë si domosdoshmëri krijimin e një grupi pune për të marrë masa urgjente, në mënyrë që të parandalohen grabitjet e bankave, por çka është më e rëndësishme, sigurinë e jetës së personelit në vendin e punës. Burime nga Drejtoria e Përgjithshme e Policisë së Shtetit thanë dje nga një mbledhje që kishte si qëllim analizimin e situatës aktuale dhe ngjarjes më të fundit, se janë bërë edhe disa propozime konkrete që duhet të vihen në zbatim. Përveç disa ndryshime në ligjin nr. 8770 “Për Shërbimin e Ruajtjes dhe Sigurisë Fizike”, duhet vënë në zbatim edhe një plan konkret masash. Masat duhet të nisin që nga kamerat e sigurisë së bankave, në mënyrë që të jenë me rezolucion të lartë, por edhe regjistruese. Nisur nga rasti më i fundit, rezultoi që kamerat e bankave të nivelit të dytë, në shumicën e rasteve janë vetëm monitoruese, por nuk regjistrojnë. Një tjetër domosdoshmëri për sigurinë e personelit të bankave janë edhe xhamat antiplumb, që pavarësisht kostos së lartë financiare, është e pakrahasueshme me koston që solli ngjarja e fundit në NBG Bank te Xhamlliku në Tiranë. Gjatë diskutimeve rreth problemeve të sigurisë, u ra dakord që bankat të vazhdojnë të ruhen nga punonjës të policisë private, por zona përreth filialit të bankës të patrullohet më shpesh nga Policia e Rendit. Madje, meqenëse ende nuk ka përfunduar projekti i Policisë së Shtetit për vendosjen e kamerave të sigurisë që transmetojnë pamje online në sallën e posaçme operative, të vlerësohet si variant vendosja e tyre edhe pranë zonave ku ndodhen bankat.

-

[Brari]

Mbjellësit e vdekjes

Artur Zheji

Vrasjet dhe grabitjet që lënë pas kufoma, pra vdekje, po arrijnë padyshim apogjeun e vet. Mjafton të listosh kronikat dhe të ndërtosh kalendarin e tyre. Ky trend dhe këta mbjellës të vdekjes nuk janë raste sporadike, nuk janë tashmë vetëm ca devijime, apo ca përjashtime çmendurore individësh, të cilët janë dukuri e kahershme dhe banale e shoqërive njerëzore të zhvilluara ose jo. Mjerisht jemi kapur sërish në befasi përkundrejt një realiteti paralel. Jeton pra, paralel me ne, një grupim i madh njerëzish të cilët si instrument të jetës së tyre kanë zgjedhur vdekjen e tjetrit. Kjo simbiozë e përshkruar si: ‘vdekje Tjetrit në këmbim të jetës Sime’, i ka shndërruar këta individë apo këto skuadrone të vdekjes, në një shtresë sociale ‘bujqish’ që mbjellin vdekje në këmbim të parave dhe ‘lirisë së tyre’.

Këtë shtresë e pjell mjerimi shoqëror shqiptar, i lënë në vetmi, në mungesë shprese dhe në hutimin e një mjerimi shpirtëror.

Pengesat e Arsyes janë mure të rrëzuara nga padrejtësia globale që i rrethon. Pengesat e të Mosbërit Keq konsiderohen si ca mite hipokrite, të lëna edhe këto në një vetmi të thellë.

Pengesa e Frikës vritet nga Frika e Dëshpërimit apo nga Dëshpërimi i Frikshëm.

E pra, Ne, si shoqëri, jetojmë sot në kornizën e një varfërie cinike, nën ritmin e një trysnie agresive të cave që pasurohen duke vjedhur me doreza të bardha dhe me doreza pushteti dhe ca të tjerëve të cilëve shoqëria u ka programuar rolin dhe shtresën e skllavit të pashpresë.

Dhe ky është një kontrast radikal i papërligjshëm.

Gjithashtu edhe në planetin gjith’ e më të madh të basifondeve shqiptare, në këtë tunel pra pa rrugëdalje, mungojnë të dërguarit e Shpresës apo të dërguarit e Zotit, të cilët rrinë gjithnjë e më shumë në Tempujt kështjellë, të ‘Zotit’ dhe të ‘Hallit’ njerëzor, larg, gjith’ e më larg njeriut të shtypur dhe të harruar të shoqërisë shqiptare.

Të ballafaquar me korrupsionin trasversal, që ngre krye pothuajse në çdo sportel të shtetit, me mashtrimin trasversal që shpaloset në çdo segment dhe kontakt të sipërmarrjeve private, në dyert e largëta, gjith’ e më të largëta të Tempujve, kjo shtresë është thellësisht e hutuar, thellësisht e pashpresë dhe thellësisht inatçore. Ashtu si dhe çdo krijesë njerëzore, lindur qoftë edhe ndër ‘familje të Mira’, në mungesë të një ëndrre të vërtetë zymtësohet dhe përçudnohet, edhe kjo ‘shtresë’ e dënuar nuk dihet sepse, me një vuajtje të thellë dhe të përligjur nga tregu ynë i egër dhe ligjësitë primitive të kapitalizmit shqiptar, ngre krye dhe rebelohet brenda një kllapie hakmarrëse.

Një kllapi hakmarrëse vrasëse. Si e ‘vetmja’ zgjidhje për të vendosur një barazi, një ekuilibër sa më normal ndërmjet atij që ka shumë dhe atij që s’ka asgjë.

Sepse kur djalin nuk ke para ta mjekosh si duhet dhe të vdes nga apendiciti, vajzën ta vrasin në rrugë në prag të martesës, si Megi Jokicin, kur në spitalet publike nuk ka ilaçe, por duhet t’i blesh shtrenjtë në farmacinë përballë, në shkollë nuk ka ngrohje dhe dije, kur edhe vendi i punës shitet dhe blihet, blihet dhe shitet drejtësia në ankand po ashtu, faturat shtrenjtohen në mënyrë absurde, ndërsa ca të tjerë ‘lahen me qumësht në vaska floriri’, atëherë padyshim logjika paralizohet, sensi i masës deformohet, urrejtja patologjike për të ‘pasurit’ dhe bankat e tyre shumëfishohet.

Në një Vend pa welfare, pa një garanci jetike dhe pa një minimum jetik për shumicën, nga kjo shumicë njerëzore përgjithësisht e urtë dhe e nënshtruar, do të dalin edhe ‘kryengritësit’, edhe ‘vrasësit’, edhe ‘grabitësit’.

Ata, ‘të këqijtë’ e shoqërisë sonë primitive kapitaliste, në brendësi të vetes së tyre nuk ndihen fajtorë, por ‘drejtësivënës’.

Ata mishërojnë në mënyrë ekspresive dhe pa vello skeletin dhe Antimoralin e thellë të shoqërisë ku jetojnë, e cila është rebele, që të vret me bisturi, me harresë apo papunësi dhe të grabit në çdo sportel dhe në çdo pore ku shkëmbehen interesa apo shërbime.

‘Vrasësi’ – ‘Kryengritës’, i këtij Rendi Publik, nuk është më thjesht një individ, por një shprehje gjakatare dhe ulëritëse e një padrejtësie të thellë, ndaj së cilës ai, Ata, zgjedhin të mos përshtaten me kokën ulur, por me tytën e pistoletës lart!

Drejt parave, drejt bankave dhe kasafortave, drejt të pasurve, legjitimitetin e të cilëve ata nuk e njohin.

Dhe kjo është një Luftë!

Një luftë e re, brenda këtij modeli të vjetër social kapitalist, që ne kemi zgjedhur me kaq neps primitiv të aplikojmë.

Kjo luftë nuk fitohet me zmadhimin e burgjeve dhe trajnimin e policëve, por me ristrukturimin e fytyrës së humbur njerëzore të shoqërisë sonë.

Kjo luftë zbutet me welfare, me rreptësi dhe drejtësi fiskale. Kjo luftë zbutet me zbritjen mes njerëzve të klasës politike shqiptare, përmes ‘Artit të të dëgjuarit të të Tjerëve’ dhe jo vetëm të Vetvetes, sa më afër Njeriut.

Mbjellësit e Vdekjes do trokasin gjithmonë në dyert tona, për të na kujtuar se, pavarësisht parave dhe mirëqenies, jashtë shtëpisë sonë bën shumë ftohtë, ka shumë uri dhe shumë urrejtje.

MAPO

-