Profesor Ilir Gjylbegu

[Brari]

Një vit pa Profesor Ilir Gjylbegun

Opinione Dielë, Mars 25th, 2012

ORION GLIOZHENI

Sot mbushet një vit prej ndarjes nga jeta të prof. Ilir Gjylbegut. Dëshiroj që me ketë rast të shkruaj disa rreshta në kujtim të figurës së tij të ndritur dhe në respekt të profesorit tim të dashur. E gjej të udhës që për mësuesit e mi të kem gjithmonë mirënjohjen dhe respektin e merituar. Prof. Ilir Gjylbegu ishte një mjek i shquar, pjesë e plejadës së mjekëve që me vetëmohim, ndërgjegje, humanizëm e sakrifica bënë të mundur ruajtjen e shëndetit të grave e fëmijëve shqiptarë në ato vite të vështira. Ai ishte një njeri i thjeshtë dhe pedagog i shkëlqyer, që përveç profesionit, na edukoi edhe me ndjenjën e respektit për njerëzit dhe për vendin tonë.
Unë kam pasur fatin ta njoh dr. Ilirin (kështu e thërrisnin të gjithë) që kur isha fëmijë, për hir edhe të lidhjeve që unë kisha me maternitetin nëpërmjet tim ati. Në kujtimet e mia të fëmijërisë e kujtoj si një njeri punëtor të palodhur, me një mendje të mprehtë, me një humor të hollë dhe një shpirt të madh. Më pas, gjatë viteve që pata fatin të punoj me të, e vlerësova si një profesionist të talentuar, të sinqertë, gojëmbël, tepër të dashur e të afërt me pacientët, studentët, kolegët dhe mjekët e rinj, njeri me një zemër të madhe dhe me energji të pasosur.
Është e vështirë të jesh një mjek i vërtetë, me shpirt humanist për t’i shërbyer me ndërgjegje të plotë popullit tënd, pa menduar për përfitim personal; por pikërisht kjo e bëri prof. Ilirin një figurë të nderuar e të respektuar nga të gjithë. Për botën ai ishte vetëm një person, por për shumë gra ai ishte gjithë bota.
Ai ishte një njeri i thjeshtë dhe zotëronte një mënyrë të veçantë komunikimi me njerëzit, studentët e kolegët. Shpirti i tij i thjeshtë e ka bërë kurdoherë të përshtatet në mënyrë perfekte me çdo ambient, me çdo njeri, me çdo situatë, duke u bërë i mirëpritur nga të gjithë. Nga ana tjetër, mbetet kompleks në figurën e njeriut dhe mjekut, të interesave dhe të veprimeve. Pikërisht për këto arsye unë e vlerësoj si një personazh emblematik, karizmatik, dinjitoz dhe largpamës.
Aftësia edukuese është një tjetër virtyt i çmuar i prof. Ilirit, një dhunti e lindur dhe që vlerësohet me siguri nga të gjithë ne që kemi qenë nxënësit e tij. I pajisur me një inteligjencë perfekte, operativitet të përkryer, vullnet të fortë, fantazi të pasur, ai do të mbetet simboli i mësuesit të përkushtuar, edukatorit shembullor dhe njeriut që diti të transmetojë në mënyrë perfekte dijet dhe eksperiencën e tij të çmuar te nxënësit dhe kolegët e tij.
Vitet e tij të punës nuk ishin të lehta dhe mjekët obstetër-gjinekologë në atë kohë ishin të paktë në numër. Rastet e vështira dërgoheshin gjithmonë në Maternitetin e Tiranës. Me fillimin e formimit e specialistëve të parë, orientimi i Katedrës ishte që këta mjekë të rinj të ndihmoheshin edhe në rrethet e tyre, me qëllim që të krijonin edhe ata përvojën e punës në këtë specialitet. Prof. Iliri ka qenë nga ata mjekë që kanë shëtitur në të gjitha rrethet e vendit, duke ndihmuar kështu jo vetëm pacientët, por edhe mjekët përkatës të këtyre rretheve (të cilët sot e falënderojnë nga zemra). Ai mbante mbi shpatulla edhe peshën e përgjegjësisë morale e ligjore, jo fort të lehtë në ato kohëra. Ishin të paktë ata mjekë që mund të mbanin mbi supet e tyre ngarkesa të këtij lloji dhe vetëm mjekët e vjetër që kanë jetuar atë kohë mund ta kuptojnë rëndësinë e një fjale, konkluzioni apo raporti mbi një rast të caktuar që mbante poshtë firmën e prof. Gjylbegut. Pak mjekë në atë kohë kishin “Voce in capitulum” për të mbyllur një problem teknik, që fare lehtë mund të transformohej në një problem politik dhe dr. Iliri ishte një nga ata që bëhej mburojë për nxënësit e tij. Ai reflektonte gjithmonë mirësi në shpirt e dashuri në dhënien e profesionit. Kështu e kujtoj unë dr. Ilirin, njeri të ndershëm, të aftë, punëtor të palodhur, njeri që nuk mërzitej dhe që vazhdimisht i ka vënë njohuritë e tij të pasura profesionale në shërbim të njerëzve dhe të kolegëve.
Ai ka qenë autor i disa librave, i dhjetëra referateve e punimeve shkencore dhe novator në futjen e teknikave të reja kirurgjikale në gjinekologji. Ai vazhdoi të ishte pranë nesh edhe për shumë vite pas daljes në pension, deri në ditët e fundit të jetës së tij dhe jo vetëm në spital, por edhe në të gjitha aktivitetet shkencore e shoqërore që ne organizonim. E konsideronim të gjithë si një ikonë të Maternitetit dhe mungesën e tij e ndiejmë sot, por dhe në vitet që do të vijnë.
Prof. Ilir Gjylbegu është dekoruar nga Presidiumi i Kuvendit me Urdhrin “Naim Frashëri I” dhe nga Presidenti i Republikës me Urdhrin “Mjeshtër i madh i punës”.
Të gjitha këto janë shumë pak për të përmbledhur figurën komplekse të dr. Ilirit. Ndoshta do të duhet të mblidhen kujtimet e mijëra grave, të qindra mjekëve dhe të familjarëve të tij për të shkruar më pas një libër për jetën dhe veprën e këtij njeriu të madh.
Mendoj se është shumë e rëndësishme për të gjithë ne të njohim historinë e kombit tonë, sepse pa njohur atë, nuk mund të njohim as veten; ai që nuk respekton të kaluarën, nuk është i vlefshëm as për të tashmen. Duke qenë në profesionin e mjekut është e domosdoshme të njohim dhe respektojmë historinë e paraardhësve dhe mësuesve tanë, të armatës se mjekësisë shqiptare që ka lënë gjurmët e saj në brezin e sotëm dhe brezat që do të vijnë pas nesh. Vepra e tyre në dobi të njerëzve është krenari për kombin dhe unë përpara veprës së prof. Gjylbegut përulem me respekt, dashuri e mirënjohje. Ajo që lëmë pas nga jeta jonë, në pastë vlerë e rëndësi, kjo është e të tjerëve që vijnë pas nesh.
Mësuesit janë si qiriri, ata konsumojnë vetveten për t’i dhënë dritë jetës së të tjerëve. Kontributi i mësuesve dhe mjekëve jeton shumë gjatë, edhe pasi ata ndahen nga jeta. Frytet e punës së tyre vazhdojnë të jetojnë në studentët dhe pacientët e tyre. Ajo çka kemi bërë për vetveten vdes bashkë me ne; ajo çka kemi bërë për të tjerët mbetet dhe është e pavdekshme. Në këtë kontekst, fjalët nuk mjaftojnë për të shprehur mirënjohjen ndaj punës dhe veprës së prof. Ilir Gjylbegut.

panorama

,




--------


...nje kuriozitet..

Ilir Gjylbegu eshte ILIRI i pare nder Shqiptaret..

Pra te parit djal shqiptar qe i eshte vene emri i bukur ILIR.

[petrol]

Petro Luarasi

Perjete mirenjohje Prof. Ilir Gjylbegut

Kaloi edhe një vit i trazuar me vorbulla dhe ja erdhi dita te perkujtojme ndarjen nga jeta te mjekut gjinekolog brilant, Prof.Ilir Gjylbegu, njeriut te ndershem dhe atdhetarit te perkushtuar, intelektualit shkencetar dhe bamirësit që sakrifikoi tërë jetën për tu dhënë jetë mijra fëmijëve anekënd Shqipërisë. Por për mua mbetet i paharruar jo vetem se ndihmoi te lind, por me vuri edhe emrin Petro
Ndaj kam nderin ta kujtoj me adhurim ne emer te tre brezave te familjes sime…
Në jetën dhe veprën e Doktor Ilir Gjylbegut gjejmë tërë atë gen të shquar, me rrenjë të thella e degë të shtrira jo vetëm në historinë , kulturën e arsimin shkodran, por edhe atij mbarëkombëtar. Paraardhësit e tij (si Gjylbegaj apo Gramshej) kanë kontribuar në luftërat kundër pushtuesit të huaj ( turk, malazes, serb ) e kurorezuan me ngritjen e flamurit të pavarësisë në Shkodër dhe më pas e vulosen me gjak kundër okupatorit fashist italo-gjerman.
Gjylbeget i dhanë historise se Shkodrës dhe Shqipërisë një sërë personalitetesh të shquara: komandantë ushtarakë, politikane, studjues e mesues, mbi tegjitha atdhetare qe nuk kursyen as jeten per Shqiperine e çështjen kombetare.
Humanizmi genetik i familjes Gjylbegu deshmohet qe heret kur u vendosën në Shkodër rreth fundit të shekullit të XVIII-të dhe ndërtuan në lagjen Qaf Hardhi disa vepra bamirësie që janë njohur deri vonë si,"Pusi i Gjylbegajve" dhe "Ura e Gjylbegajve". Më pas u shpërngulën dhe blenë një shtëpi tek Çinari i Hoxhë Dheut, ku jetojnë dhe sot pasardhës të tyre. Në vitet e formimit të shtetit shqiptar mbahet mend Beqir Gjylbegaj, drejtues në xhandarmarinë e Kongresit të Lushnjes, nën komandën e tij kontrolli i qeverisë u shtri deri në Pogradec. Beqir Gjylbegu ishte përkah Fan Nolit dhe u internua nga Ahmet Zogu, në Krajë. Gjatë Luftës së Dytë Botërore, u bashkua me lëvizjen nacional çlirimtare. Gjatë Luftës së Dytë Botërore kjo familje pati dy dëshmorë, Eljaz Gjylbegun, i vrarë në Prishtinë, vëllai i Beqir Gjylbegut dhe Naim Gjylbegun, Hero i Popullit, një prej 5 herojve të Vigut, nip i Beqir Gjylbegut. Një tjeter figurë e nderuar e kësaj familjeje ne kete periudhe është dhe Mësuesi i Merituar Ragip Gjylbegaj, qe shoqerohej me Migjenin, Skender Luarasin e dhjetra intelektuale te tjere perparimtare. (Per te u fol edhe në vitin 1995, kur biblioteka e tij e pasur u bë pronë e universitetit të Kozencës në Itali, dhe është baza e sektorit të albanologjisë së këtij universiteti.)
Doktor Ilir Gjylbegu ka qenë mik i familjes Luarasi, në duart e tij kanë lindur disa anëtarë të familjes dhe fisit tonë, mes tyre edhe unë.
Qe ora 23, 30 e datës 10 shtator 1963 kur doktor Iliri i gëzuar, edhe me shumë që lindi nje djalë, pas tri motrave, (si i i vetmi trashegimtar i emrit te fisit ) lajmeroi tim ate: Të rilindi babai, Petro Nini.
Im atë akoma më i lumtur u pergjegj: “I shtrenjti Ilir, tani mu bere edhe kumbaro!”
Ndaj e kujtoj dhe nderoj përjetë Prof. Ilir Gjylbegun, edhe si kumbaro
Mbaj mend që im ate me Doktor Ilirin shpesh takoheshin “sa per nje pershendetje” dhe harroheshin në bisedat mes tyre per ne maternitet apo shtepi. Doktori i nderuar shquhej si njeri babaxhan, i qeshur dhe me humor.Këtë cilesi e ka vënë në pah bukur mjeshtri Bujar Kapexhiu i cili i ka bërë një karikaturë, në procesin e lindjes me një fëmijë në dorë, duke qeshur. Diçitura” Fëmijët vijnë në jetë duke qarë, me doktor Ilir Gjylbegun vijnë duke qeshur”.
Ne këtë ditë të përmallshme u shpreh dhimbjen familjarëve të tij për njeriun e shtrenjtë me besimin se jeta dhe vepra e Prof. Ilir Gjylbegu, e NJERIUT që shkriu një jetë për mijra jetë, do të rrënjoset në mendjen dhe zemrën e popullit . Ndërkohë është botuar libri ”Një jetë për jetën : Ilir Gjylbegu (përmblodhi e përshtatur nga: Astrit Bimbashi) që shpejt besojmë se do të vijojë me një monografi dinjitoze.

[Brari]

z Petrol, flmn per shkrimin qe solle.

Do deshem te dime me shum per Doktorin.
Psh per Shkollimin e tij etj.

Une e kam degjuar nji here ne Radio Doktorin e tha ca gjana te bukura qe do ti shkruaj me vone.

Sa vjec do ishte Sot Doktori?

[petrol]

Ilir Gjylbegu (1929-2011)

Mjeku i shquar gjinekolog Ilir Gjylbegu u lind në Dishnicë të rrethit të Korcës.
Ai kreu gjimnazin e Shkodrës dhe më pas ndoqi studimet e larta në Institutin e Mjekësisë “A.Secnov” ne Moskë ( 1950-1956) ku u specializua për obsetrikë- gjinekologji. Nder shoket e viteve studentore qe jane ende gjalle jane akademiku Alfred Uçi dhe doktor Pëllumb Karagjozi
Në Shqipëri punoi në spitalin Obsetrik-gjinekologjik të Tiranës ku për shumë vjet qe edhe drejtor. Ndërkohë ai qe edhe një pedagog i shquar i Fakultetit të Mjekësisë në Universitetin e Tiranës.
Ka botuar disa libra: Operacionet gjinekologjike, fjalor i termave të obsetrikës dhe gjinekologjisë etj, dhe dhjetra studime e artikuj shkencore.
Në vitin 199 është dekoruar me urdhërin “Mjeshtër i Madh i Punës” .

[Brari]

Flmn per shpjegimet z Petrol..

Po pse ne Dishnice ka lindur Doktorri e jo ne Shkoder??

Meqe doli emri..

Po dr Pellumbi Karagjozi mir eshte?

Cmoshe mund te kete?
A mund te quhet Shkodran a Gjirokastrit doktor Karagjozi`?

[petrol]

Flmn per shpjegimet z Petrol..

Po pse ne Dishnice ka lindur Doktorri e jo ne Shkoder??

Meqe doli emri..

Po dr Pellumbi Karagjozi mir eshte?

Cmoshe mund te kete?
A mund te quhet Shkodran a Gjirokastrit doktor Karagjozi`?

I nderuar Brari,
Pyetjet e tua me detyrojne qe te bashkengjis nje artikull me te plote qe do te publikohet tek Kosova press.com
1. Babai i Dr. Ilirit ne ate kohe ka qene me sherbim ne disa rrethe si Korce, Gjirokaster, Kavaje, Shkoder ku shkonte me familjen dhe doktori bente shkollen fillore
2. Prof. Mynyr Karagjozi, nga Gjirokastra, babai i ish-volejbollistes Zana Karagjozi qe drejton kliniken e syve Uzllova, e kam pare disa muaj me pare ne nje takim dhe qe mire me shendet. Pellumb Karagjozin e kam shkruajtur gabim, e kam degjuar por nuk e njoh.
3. Mesa di kane qene moshatare me Dr. Ilirin


Petro S.Luarasi

Përkujtojmë Dr.Ilir Gjylbegun (1929-2011)

Prejardhja familjare
Dr.Ilir Gjylbegu u lind në Dishnicë të rrethit të Korçës në një familje me kontribute të shquara, të gjithanshme: atdhetare, demokratike, antifashiste, arsimore e kulturore, shkencore e humane, me rrënjë të thella e degë të shtrira në memorjen shkodrane e mbarëkombëtare, vijues i një geni sojllinjsh që e naltoi më tej me jetën dhe veprën e tij. Paraardhësit e tij me origjine nga Peja u vendosën në Shkodër rreth fundit të shekullit të XVIII-të dhe ndërtuan në lagjen Qaf Hardhi vepra bamirësie që janë njohur deri vonë si "Pusi i Gjylbegajve" dhe "Ura e Gjylbegajve". Të tjerë më pas u shpërngulën dhe blenë shtëpi tek Çinari i Hoxhë Dheut, ë ku jetojnë dhe sot.
Gjylbegët kanë kontribuar në luftërat kundër pushtuesit të huaj ( turk, malazes e serb ) që e kurorezuan me ngritjen e flamurit të pavarësisë në Shkodër. Më pas me sakrifica e me gjak luftuan e fituan edhe kundër okupatorit fashist italo-gjerman.
Ata i dhanë historisë së Shkodrës dhe të Shqipërisë një sërë personalitetesh të shquara: komandantë ushtarakë, politikanë, studjues e mesues, doktore e shkencëtarë, mbi te gjitha atdhetarë qe nuk kursyen as pasuri, as jeten, per Shqiperinë e çështjen kombetare.
Në vitet e formimit të shtetit shqiptar babai i tij, Beqir Gjylbegu, përmendet si ushtarak përkahës i Kongresit të Lushnjës, i qeverisë demokratike të Fan Nolit dhe si luftëtar antifashist. Gjatë Luftës së Dytë Botërore familja e tij dha dy dëshmorë, të vëllanë Eljaz Gjylbegun, i vrarë në Prishtinë, dhe nipin Naim Gjylbegun, Hero i Popullit, një prej 5 herojve të Vigut. Në fushën e arsimit dallohet “Mësuesi i Merituar” Ragip Gjylbegu, i lidhur në shoqëri me intelektualë perparimtarë si: Skender Luarasi, Salo Halili, Selim Shpuza, Millosh Gjergj Nikolla, Gani Dizdari, Teufik Gjyli, Malo Beci, Rrefik Shpuza, Ahmet Çaku e dhjetra te tjere. Ai do te mbahet mend edhe për bibliotekën e tij të pasur (në vitin 1995, fondi libror u bë pronë e universitetit të Kozencës në Itali, dhe është baza e sektorit të albanologjisë së këtij universiteti.)
E ëma e Ilirit, zonja Hiqmete, qe mbesa e Alo bej Dishnicës një nga më të pasurit e të fuqishmit ofiqarë të Kolonjës, i cili drejtonte kryesine e Shoqërisë “Mësimi Shqip” në Korçë, në bashkëpunim të ngushtë me Orhan bej Pojanin, Thimi Markon, Petro Nini Luarasin, Pandeli Sotirin etj. Ajo qe mbesa e Aqif Pashë Elbasanit, motër e Esat Dishnicës dhe teze për intelektualin Sherif Delvina, i mirënjohur në ditët tona.
Arsimimi dhe veprimtaria
Ilir Gjylbegu e kreu shkollën fillore në Shkodër, Elbasan e Shijak, ndërsa përfundoi maturën në gjimnazin “Puna” të Shkodrës, më 1950. Në sajë të rezultateve të shkëlqyera dhe influensës së madhe të familjes, së bashku me djalin e xhaxhait, Xhavit Gjylbegun, u dërguan me bursë në Moskë ku ndoqi studimet e larta në Institutin e Parë të Mjekësisë “A.Seçnov” ( 1950-1956) i specializua për obsetrikë- gjinekologji.
Shokë të kësaj periudhe qenë te mirenjohurit Anesti Boçka, Sokrat Vreto, Telha Harxhi, Ylvi Vehbiu, por edhe Bardhyl Haxhihyseni, Taqi Skëndin, Emil Qirkon, Alfred Uçi, Hamit Beqja e Bedri Dedja.
Me tu kthyer në Shqipëri, punoi në spitalin Obsetrik-gjinekologjik të Tiranës ku për disa vjet qe edhe drejtor. Ai njihet edhe si pedagog i shquar i Fakultetit të Mjekësisë në Universitetin e Tiranës.
Në hierarkinë historike të profilit të tij, në specialitetin Obstetrik, e cila kryesohet nga veteranët e mirënjohur Dr.Osman Jonuzi (kirurgu dhe drejtori i pare i spitalit në Tiranë, sektor i Kryqit t ë Kuq Amerikan në Shqipëri) dhe Dr.Jani Basho, Dr.Koço Gliozheni dhe Dr.Ilir Gjylbegu janë dy nismetaret nga lindi obstetrika dhe gjinekologjia moderne, me vijues kolegët Maliq Bekteshi, Muzhak Kosturi, pa harruar ne ndihmesen perkatese doktoreshat “Konçita”(spanjolle), M.I.Nedzjedskaja (ukrainase) dhe Dr.Xhanfize Basha- Frashëri.
Dr.Ilir Gjylbegu ndër vite ka botuar rreth njezet libra e dispensa, edhe me bashkautorësi, p.sh. : Operacionet gjinekologjike, fjalor i termave të obsetrikës dhe gjinekologjisë, gjinekologjia, Obstetrika : për shkollën e mesme mjekësore : projekt etj, dhe me dhjetra studime e artikuj shkencore.
Për punën eti shembullore është dekoruar me urdhërin “Naim Frasheri,” klasi I, (1980) dhe me urdhërin “Mjeshtër i Madh i Punës” (1999)

Përjetë mirënjohje Prof. Ilir Gjylbegut
Kaloi edhe një vit i trazuar dhe ja ku erdhi dita te perkujtojme ndarjen nga jeta te mjekut gjinekolog brilant, Dr.Ilir Gjylbegut, njeriut te ndershem dhe atdhetarit të perkushtuar, intelektualit shkencëtar dhe bamirësit, që sakrifikoi tërë jetën për tu dhënë jetë mijra fëmijëve anekënd Shqipërisë. Por për mua mbetet i paharruar jo vetem se ndihmoi te lind, por me vuri edhe emrin e tim gjyshi, Petro. Ndaj kam nderin ta kujtoj me adhurim ne emer të tre brezave të familjes Luarasi.
Doktor Ilir Gjylbegu ka qenë mik i tim eti, në duart e tij kanë lindur disa anëtarë të familjes dhe fisit tonë, mes tyre edhe unë, më i vogli ndër tre motra. Në memorjen time Doktor Ilir Gjylbegu përmbledh tek une shumëçka:fillesën e jetës - lindjen, pagëzimin e emrit, kujtimin e brezave paraardhës dhe, mbi të gjitha, vegimin si një ndër të fundmit e breznisë së idealistëve që ndoshta nuk hasen më.
Gjithshka nis për mua më datën 10 shtator 1963, në ora 23, 30, kur doktor Iliri i gëzuar, nxitoi të lajmëronte tim atë se më në fund i lindi vijuesi mashkullor i fisit dhe se i rilindi babai, Petro Nini.
Babai i lumtur iu pergjegj: “I shtrenjti Doktor Iliri, më dhe një sihariq të dyfishtë, mu bere edhe kumbaro!” Lindja ime u festua me të madhe.
Edhe si kumbaro e nderoj dhe do ta kujtoj përjetë Prof. Ilir Gjylbegun.
Sa qe gjallë im atë, deri më 1982, mbaj mend ta kemi takuar Dr.Ilirin me dhjetra e dhjetra herë: në restorantin Donika, tek Drini, tek kafene Tirana apo më shpesh në bulevard, kur shkonte apo vinte nga puna. Ata iqeshin“sa per nje pershendetje” dhe pa kuptuar harroheshin në bisedat e tyre pa anë e fund. Tek Doktor Iliri im atë Skënder Petro Luarasi, vlerësonte jo vetëm Doktorin e nderuar, por birin e nipin e miqve të tij të hershëm, njeriun babaxhan, të qeshur dhe me humor. Këto cilesi ia ka vënë në pah mjaft bukur mjeshtri Bujar Kapexhiu në një karikaturë, ku e paraqet në procesin e lindjes me një fëmijë të qeshur në duar. Diçitura kuptimplote” Fëmijët vijnë në jetë duke qarë, me doktor Ilir Gjylbegun vijnë duke qeshur”.
Në rrugëtimin jetësor ndjesia e njeriut fikson ngjarje e personazhe të cilat në varësi të kohës nxitojnë para sysh si gurët e kilometrazhit në parakalimin, pa kthim. Në finish njeriu befas çuditet që “njësitë matëse të jetës ” i kaluan aq shpejt.
Keshtu ndodhi me mua kur për herë të fundit e takova një ditë vjeshte të vitit 2010. E hasa rastësisht përpara librarisë “Albania”, tek bisedonin me Dr.Mynyr Karagjozin. (Kisha vite pa e parë e takuar, i kisha çuar përshëndetje me anën e dhendrit, Artan Dragotit dhe ne 1992 shkova te jetoj ne Austri)
Shtanga pa i besuar syve, me ndrojtje iu afrova e iu prezantova, më përqafoi, më pyeti për familjen, u gezua qe djali im quhej Skënder, na tregoi një ngjarje per tim atë dhe u ndamë me fjalë se do të takoheshim së shpejti. Dukej mirë për moshën që kish por... o vdekje sa e pabesë je. Nuk ia fal vetes qe nuk lashë mënjanë ndrojtjen dhe hallet e ditës dhe ta kisha shqetësuar për të pirë qoftë edhe një kafe te fundit për kujtimin e të parëve tanë.
Ja, kaloi edhe një vit. Në këtë ditë të përmallshme u shpreh dhimbjen familjarëve të tij për njeriun e shtrenjtë me besimin se jeta dhe vepra e Prof. Ilir Gjylbegu, e Njeriut që shkriu një jetë për mijra jetë, do të rrënjoset në mendjen dhe zemrën e popullit hallemadh.
Ndërkohë është botuar libri ”Një jetë për jetën : Ilir Gjylbegu (përmblodhi e përshtatur nga Astrit Bimbashi) që shpejt besojmë se do të pasohet me një monografi më dinjitoze.

Foto Petro Luarasi

[Brari]

Shum Flmn i nderuar PetroL per njohurite enciklopedike qe na sjell.
Kemi rast te mesojme shum gjera qe nuk mund ti mesojme diku tjeter.
Te vjetrit ikin nji nga nji e shum ngjarje e fakte mbesin ne heshtje te perhershme.
Lum si Ju qe jini perpjekur te ruani sa me shume kujtimet mbi Babane tuaj te shquar e me kte rast te ndriconi dhe shum figura e emra e ngjarje te cilat ishin te njohura e te lidhura me Jeten e Veprimtarin e Profesor Skenderit.

Bardhyl Haxhihyseni, kini shkruar aty lart.
Mos ke dashur te shkruash Fatmir Haxhihyseni ?
Meqe dr Fatmiri ishte Gjinekolog.

Gjith te mirat e mirpresim cdo Shkrim tuajin.

.

[petrol]

Përkujtojmë Dr.Ilir Gjylbegun (1929-2011)

Doktori i nderuar Ilir Gjylbegu mbahet mend si njeri babaxhan, i qeshur dhe me humor. Këto cilesi ia ka vënë në pah mjaft bukur mjeshtri Bujar Kapexhiu në një karikaturë, ku e paraqet në procesin e lindjes me një fëmijë të qeshur në duar.
Diçiturë kuptimplote
” Fëmijët vijnë në jetë duke qarë, me doktor Ilir Gjylbegun lindin te qeshur”.

[petrol]

Përjetë mirenjohje kumbarit Dr. Ilir Gjylbegut

Në datën 10 shtator 1963, në ora 23, 30, Dr.Ilir Gjylbegun i gëzuar, lajmëroi mikun e tij Skënder P. Luarasin se i rilindi babai, Petro
Skënder Luarasi i lumtur iu pergjegj: “I shtrenjti Doktor Iliri, mu bere edhe kumbaro!”

Në foto Skender P. Luarasi me të birin, Petro.

[petrol]

Ne këtë ditë të përmallshme u shpreh dhimbjen familjarëve për njeriun e shtrenjtë me besimin se jeta dhe vepra e Prof. Ilir Gjylbegu, e NJERIUT që shkriu një jetë për mijra jetë, do të rrënjoset në mendjen dhe zemrën e popullit .
Ndërkohë është botuar libri ”Një jetë për jetën : Ilir Gjylbegu" te cilin e përmblodhi dhe përshtati z.Astrit Bimbashi.