Pa LarË SytË...

[Agim Doçi]

Më lindi një dëshirë e çmendur
Tek isha shtrirë mbrëmë në krevat
Sapo të vij mëngjezi i nesërm
Do ta përzë...t’i jap dajak!

Dhe pse i shtrirë në det vetmije
Në shpirt më lindi idé e mbrapshtë
Mbulova kokën me batanije
Era memece rënkonte jashtë...

A pash një endërr, a isha zgjuar
A ishte thjesht një iluzion
Në pus të thellë isha rrëxuar
Kërkoja ndihmë...askush s’dëgjon.

Nuk kisha zë...më zihej fryma
Nga lart nuk zbriste asnjë litar...
Dëgjoja zhurmë...kova dhe gjyma
Në Gryk të Pusit një kalimtar

u ul dhe pa, pastaj bërtiti:
“A ka ujë brenda ky pus i thellë!?...”
hodhi një gurë...u ngrit të iki...
në fund të pusit, unë kisha ngelë.

...dhe ja kështu u ndjeva mbrëmë
kur hapa sytë ishte mesditë
mëngjezi i bardhë më kishte lënë
shkrova kto vargje, pa i larë sytë...

[Eagle]

u ul dhe pa, pastaj bërtiti:
“A ka ujë brenda ky pus i thellë!?...”
hodhi një gurë...u ngrit të iki...
në fund të pusit, unë kisha ngelë.


Poezia jote i dashur Agim
me mbush me ndjenje
me ngarkon

Je i mrekullueshem

...ne fund te pusit,une kisha ngele

nuk dal dot nga pus i thelle
nga pus i thelle i mendjes sime

me mbetet te replace (zevendesoj) mendjen
a mundem se di .
mund te ma thote njeri?!!!

[Agim Doçi]

Njeriu kur zhytet në pusin e mëndjes
për mua kanë hyrë në enigmën njerzore.
Kjo Botë kaq e krisur që ecën drejt shëmbjes
Ka tharë të gjithë puset, oazet jetsore!

Por ti edhe unë or miku im EAGLE
Do ngjitemi lart ku retë kanë folenë
ti shkundim dhe Zotrat nga gjumi i rëndë
Që shiu i Mirësisë të njomë pakëz Atdhenë...

Faleminderit mik nga Michigani me emrin e bukur Skifter - Shqiponj

[macia_blu]

o eagle, pa ne michigan je ti?????
E po do te ze...e do te ta kepus sqepin (lol)

[Agim Doçi]

Takohen dy miq si në serialet e Hollivudit
Skifteri dhe Macja që digjet në mallë
Skifteri me sqep dhe Macja pranë bollgurit.........lol
Jetojnë në Michigan dhe shihen rrallë...fort rrallë!

Miqësisht Agim