Berisha: Pas 20 vitesh demokraci, synim integrimi në BE

[Deni_Boy]

TIRANË- Demokratët festuan sot 20-vjetorin e fitores së PD-së në zgjedhjet e 22 marsit të 1992-it. Një festë madhështore nisi në mesditë në sheshin 'Nënë Tereza', ku flamujtë kuq e zi dhe blu te selise demokratike valuan në duar të qindra njerëzve. Këngëtarë të shumtë të mirënjohur të skenës shqiptare kanë celur festimet ku mijëra njerëz në shesh kërcejnë nën ritmet muzikor.

Kryeministri Sali Berisha ka përshëndetur festimet në sheshin ‘Nënë Tereza’ me rastin e Ditës së Demokracisë. Në fjalën e tij drejtuar sidomos të rinjve, Berisha u bëri të ditur se në këtë 20 vjetor dëshmohet më shumë se kurrë se shqiptarët kudo ndodhen e kanë kapluar përfundimisht robërinë e diktaturën.
“Të dashur të rinj e të reja, për të gjithë shqiptarë, 22 marsi i vitit 92 është dita e krenarisë, besimit. Shqipëria sot është 20 vjet më larg dhe më larg sesa shqipëria në të cilën ne jetuam 20 vjet më parë. Shqipëria e bllokmenëve dhe hoxhistëve ishte vendi i ekzekutimeve pa gjyq, vendi i dënimeve kapitale, ndalimin, besimeve tona fetare. shqipëria, që ne ndërtuam në 2 dekada liri është atdhe i zotit i qytetarëve të lirë i besimeve të lira fetare, shembull frymëzimi për tolerancëne shkëlqyer. Neve sot sollëm tek liria, shqiptarët ia dolën, ne e kryem, rroftë liria".

“20 vjet më parë shqiptarët tanë në ish-Jugosllavi vuanin terrorin, një komb një qëndrim ishte motoja jonë. Populli sot është i lirë, krenar i sigurt në trojet e tij, besuam tek kombi, tek liria, shqiptarët ia dolën, ne e kryem”, tha Berisha.

Sipas kryeminsitrit Berisha, Shqipëria ka hedhur hapa galopantë përpara dhe arritjet kanë qenë të mëdha, duke kujtuar këtu dhe anëtarësimin në NATO.
“Shqipëria ishte vendi i 700 bunkerëve sot vendi i NATO, ne besonim tek NATO-ja, shqiptarët ia dolën, ne e kryem”

Kryeministri e vlerësoi 22 Marsin si ditën më të bekuar të historisë pasi sipas tij, atë ditë në vitin 1992 zyrtarisht me votë u përmbys regjimi totalitar dhe më barbarin në Europë.
“Ne 20 vjet më parë përmbysëm me votën tonë, regjimin e bllokmenëve hoxhistëve, jemi burra dhe gra, djem dhe vajza që jetuan në regjim totalitar. Për ne demokracia ishin thjesht vlera dhe ideale për të cilat duhet të luftonim, duhet të ndërtonim”.

Shefi i qeverisë shqiptare u shpreh se ato burra dhe gra që bashkë me tribunin e lirisë Azem Hajdari shëmbën diktaturën komuniste do realizojnë ëndrrën e shqiptarëve, anëtarësimin në Bashkimin Europian.
“Ata që të udhëhequr nga tribuni i lirisë Azem Hajdari shëmbën në Tiranë diktaturën më të egër primitive ato që i shndërruan shqiptarët në qytetarë të lirë dhe i anëtarësuan në NATO, ato që bënë që shqiptarët të lëvizin të lirë në mbarë Europën ato janë burrat dhe gratë që me forcën, vizionin, dashurinë për të zhvilluar Shqipërinë Europiane do të shdërrojnë në realitet ëndrrën më të bukur të shqipëtarëve, në Bashkimin Europian. Ne do ta kryejmë zoti e bekoftë Shqipërinë”,- përfundoi fjalën e tij kryeministri Berisha.

Është hera e parë që demokratët e festojnë në këto përmasa fitoren e tyre të 20 viteve më parë që këtë vit përkon edhe me 100-vjetorin e pavarësisë së Shqipërisë. Festimet pritet te shtrihen në të gjitha qytetet e vendit dhe do nisin që sot nga selia qendrore e PD.Demokratët përgjatë këtyre viteve kanë kaluar ngjarje të rëndësishme, ndërkohë që për herë të tretë qeverisin vendin ndërsa 8 vite të tjera i kanë kaluar në opozitë.
Përmes votës së 22 marsit të 92-it, demokratët erdhën për herë të parë në pushtet duke marrë një fitore masive në mbarë vendit, gjë që përmbysi një herë e mirë regjimin diktatorial të Ramiz Alisë.

(d.b/el.me/BalkanWeb)

[kleadoni]

Meqe po pertoj te lexoj krejt artikullin, po i referohem vetem titullit

Shpreso Sale se do hyme ne BE brenda 50 vjetorit te demokracise

[Duaje Siveten]

pas 20 Vitesh Mashtrim-demokraci, Synimi Te Integrohemi Ne Statusin E Kandidatit Per Be!

[PLAKU]

http://botasot.info/def.php?gjuha=0&...ry=6&id=159802




Berisha: Përmbysëm regjimin më barbar në Evropë
Bota Sot

Kryeministri i Shqipërisë, Sali Berisha ka përshëndetur shqiptarët në koncertin e madh festiv me rastin e 20 vjetorit të zgjedhjeve të para pluraliste në vend. Ai e cilësoi këtë ditë si ditën më të madhe pas Pavarësisë së vendit, ditën e shembjes së regjimit më barbar që Evropa ka njohur në historinë e saj, përmes votës së lirë.
Kryeministri Berisha shprehu nderimin dhe respektin më të thellë ndaj të gjithë burrave dhe grave që shembën në vitin ’90 murin e Berlinit shqiptar.

“Ju ftoj ju dhe mbarë qytetarët shqiptarë të shprehin nderimin më të madh dhe të përulemi me respekt të thellë para djemve dhe vajzave, burrave dhe grave, që së bashku me guximin dhe trimërinë e tyre në dhjetorin e vitit ‘90 shembën murin e Berlinit në uraganin e fuqishëm të lirisë e shpresës, që buroi nga zemra dhe shpirti i tyre dhe në 22 mars me votën e tyre të lirë shembën regjimin më barbar që Evropa kishte njohur në historinë e saj”, u shpreh kryeministri Berisha, ndërsa uroi shqiptarët: “Gëzuar ditën e lirisë suaj!”.

Më tej ai shtoi se 20 vjet më parë liria dhe demokracia ishin vlera për të cilat duhej luftuar, 20 vjet më parë u përmbys me votë regjimi i bllokmenëve hoxhistë, nga ta burra dhe gra që kishin lindur në sistemin totalitar, ndërsa përgëzoi 20 vjeçarët e sotëm që nuk kanë as edhe një orë të vetme në diktaturë, që nuk kanë njohur shtypjen dhe mjerimin ekstrem, urrejtjen klasore dhe barbarinë e sistemit, që i shndërroi shqiptarët në skllevër të shtetit më barbar.

“Sot për të gjithë ne shqiptarët është dita e krenarisë, e frymëzimit dhe shpresës së madhe. Shqipëria sot është 20 vjet dritë më larg nga Shqipëria në të cilën jetuam 20 vjet më parë. Shqipëria e diktaturës së bllokmenevë hoxhistë ishte e burgjeve, ekekutimeve pa gjyq, e dënimit kapital të lirive dhe të drejtave njerëzore, ndalimit të Zotit dhe besimeve tona fetare. Pas 20 viteve është vendi i garantimit të lirive”, deklaroi kryeministri Berisha.


http://botasot.info/reklama/2March-22-17-11-2713.jpg



Ndërkaq kryeministri Berisha u ndal edhe në liritë dhe të drejtat që gëzojnë shqiptarët në të gjitha trojet ku ata jetojnë dhe në këtë 100 vjetor shqiptarët vijnë të lirë, të pavarur dhe krenarë.

“Kosova është e lirë, të lirë janë shqiptarët kudo që jetojnë. Kombi që 100 vjet më parë kishin parashikuar ta fshinin nga faqja e dheut vjen në 100 vjetorin pavarësisë i lirë, krenar dhe i sigurt në trojet e tij”, tha kryeministri Berisha.

Gjithashtu, kryeministri Berisha renditi disa nga rritjet e këtij 20 vjeçari, ai anëtarësimi në NATO, lëvizja e lirë e shqiptarëve, rritja ekonomike, e cila kryeson në Evropë duke shpallur Shqipërinë të bukurën e dheut, të cilat shefi i qeverisë i bazoi në vizionin dhe dashurinë për të ndërtuar Shqipërinë evropiane, ndërsa theksoi se do të shndërrojmë në realitet ëndrrën më të madhe të shqiptarëve anëtarësimin në Bashkimin Evropian.

[PLAKU]

Aktualitet
Kryeministri në koncertin për 20 vjetorin e demokracisë në Shqipëri
Berisha: Përmbysëm regjimin më barbar në Europë
22 mars 2012 22:25 ABC news


Kryeministri Sali Berisha ka përshëndetur shqiptarët në koncertin e madh festiv me rastin e 20 vjetorit të zgjedhjeve të para pluraliste në vend. Ai e cilësoi këtë ditë si ditën më të madhe pas Pavarësisë së vendit, ditën e shembjes së regjimit më barbar që Europa ka njohur në historinë e saj, përmes votës së lirë. Kryeministri shprehu nderimin dhe respektin më të thellë ndaj të gjithë burrave dhe grave që shembën në vitin ’90 murin e Berlinit shqiptar.
“Ju ftoj ju dhe mbarë qytetarët shqiptarë të shprehin nderimin më të madh dhe të përulemi me respekt të thellë para djemve dhe vajzave, burrave dhe grave, që së bashku me guximin dhe trimërinë e tyre në dhjetorin e vitit ‘90 shembën murin e Berlinit në uraganin e fuqishëm të lirisë e shpresës, që buroi nga zemra dhe shpirti i tyre dhe në 22 mars me votën e tyre të lirë shembën regjimin më barbar që Evropa kishte njohur në historinë e saj”- u shpreh kryeministri, ndërsa uroi shqiptarët: “Gëzuar ditën e lirisë suaj!”.
Më tej ai shtoi se 20 vjet më parë liria dhe demokracia ishin vlera për të cilat duhej luftuar, 20 vjet më parë u përmbys me votë regjimi i bllokmenëve hoxhistë, nga ta burra dhe gra që kishin lindur në sistemin totalitar, ndërsa përgëzoi 20 vjeçarët e sotëm që nuk kanë as edhe një orë të vetme në diktaturë, që nuk kanë njohur shtypjen dhe mjerimin ekstrem, urrejtjen klasore dhe barbarinë e sistemit, që i shndërroi shqiptarët në skllevër të të shtetit më barbar.
“Sot për të gjithë ne shqiptarët është dita e krenarisë, e frymëzimit dhe shpresës së madhe. Shqipëria sot është 20 vjet dritë më larg nga Shqipëria në të cilën jetuam 20 vjet më parë. Shqipëria e diktaturës së bllokmenevë hoxhistë ishte e burgjeve, ekekutimeve pa gjyq, e dënimit kapital të lirive dhe të drejtave njerëzore, ndalimit të Zotit dhe besimeve tona fetare. Pas 20 viteve është vendi i garantimit të lirive” deklaroi Berisha.
Ndërkaq kryeministri u ndal edhe në liritë dhe të drejtat që gëzojnë shqiptarët në të gjitha trojet ku ata jetojnë dhe në këtë 100 vjetor shqiptarët vijnë të lirë, të pavarur dhe krenarë.
“Kosova është e lirë, të lirë janë shqiptarët kudo që jetojnë. Kombi që 100 vjet më parë kishin parashikuar ta fshinin nga faqja e dheut vjen në 100 vjetorin pavarësisë i lirë, krenar dhe i sigurt në trojet e tij”-tha kryeministri
Gjithashtu Berisha renditi disa nga rritjet e këtij 20 vjeçari, ai anëtarësimi në NATO, lëvizja e lirë e shqiptarëve, rritja ekonomike, e cila kryeson në Europë duke shpallur Shqipërinë të bukurën e dheut, të cilat shefi i qeverisë i bazoi në vizionin dhe dashurinë për të ndërtuar Shqipërinë evropiane, ndërsa theksoi se do të shndërrojmë në realitet ëndrrën më të madhe të shqiptarëve anëtarësimin në Bashkimin Evropian.


20 vjet nga triumfi mbi mbetjet e nomenklaturës komuniste
22-03-2012 / Gazeta 55

Sot Tirana në festë, përkujton përvjetorin e fitores së zgjedhjeve të para demokratike nga PD dhe koalicioni i saj antikomunist. Nga Bulevardi “Dëshmorët e Kombit” tek Sheshi “Nënë Tereza”, pjesë e kremtimeve do të bëhen jo vetëm PD dhe dëshmitarë të fitores historike, por edhe Shoqata “Tirana”, Ansambli i Këngëve dhe Valleve Popullore si dhe artistë të dansit sportiv

Kryeqyteti do të festojë sot 22 marsin, ditën e parë të demokracisë në Shqipëri, ndërsa qytetarë të Tiranës do të marrin pjesë në këto aktivitete festive në kremtim të ditës së triumfit të demokracisë.
Dita e 22 marsit, përkon sot me 20 vjetorin e fitores së PD-së, në zgjedhjet e para demokratike. Pas një sistemi diktatorial, mbi katër dekada, më 22 mars 1992, PD erdhi në pushtet, duke korrur një fitore bindëse në zgjedhjet e përgjithshme të kësaj date.
Në përkujtim të kësaj dite, programi i festimeve të këtij përvjetori parashikon një seri aktivitetesh që do të fillojnë nga paraditja deri në mesditën e se enjtes.
Duke nisur nga ora 10.00 artistë të Ansamblit të Këngëve dhe Valleve Popullore do të performojnë për qytetarët në rrugën “Murat Toptani”.
Përpara “Hotel Dajtit”, artistë të Cirkut të Tiranës do të japin një shfaqe të veçantë, ndërsa artistët e Dansit Sportiv do të performojnë në bulevard orën 10.30.
Kulmi i festimeve do të shënohet në mesditë, kur në sheshin “Nënë Tereza”, PD-ja, prej ditësh ka ftuar gjithë qytetarët, në një koncert festiv madhështor, në përkujtim të kësaj dite.
Në nderim të kësaj dite, edhe Shoqata “Tirana” në bashkëpunim me institucionet vendore, do të organizojë një sërë aktivitetesh në bulevardin “Dëshmorët e Kombit”, në segmentin mes Ministrisë së Brendshme dhe sheshit “Nënë Tereza”.

[PLAKU]

22 marsi/ Berisha: Kjo është dita e krenarisë, përmbysëm bllokmenët dhe hoxhistët, ndërtuam Shqipërinë e lirë
MAPO

Partia Demokratike festoi sot 20-vjetorin e fitores së PD-së në zgjedhjet e 22 marsit të vitit 1992, ndërsa mijëra vetë janë mbledhur në sheshin Nënë Tereza në një miting dhe koncert që zgjati disa orë. Mitingu u përshëndet nga kryeministri Berisha dhe krerë të tjerë të mazhorancës, ndërsa ata e kanë pagëzuar këtë ditë si “Ditën e Demokracisë”. Festa nisi rreth orës 12.00 në sheshin ‘Nënë Tereza’. Këngëtarë të shumtë të skenës shqiptare kanë çelur mitingun e organizuar nga PD. Në fjalën e tij drejtuar pjesëmarrësve, Berisha tha se në këtë 20 vjetor dëshmohet më shumë se kurrë se shqiptarët kudo ndodhen e kanë kaluar përfundimisht robërinë e diktaturën. “Të dashur të rinj e të reja, për të gjithë shqiptarët, 22 marsi i vitit ‘92 është dita e krenarisë, besimit. Shqipëria sot është 20 vjet më larg dhe më larg sesa Shqipëria në të cilën ne jetuam 20 vjet më parë. Shqipëria e bllokmenëve dhe hoxhistëve ishte vendi i ekzekutimeve pa gjyq, vendi i dënimeve kapitale, ndalimin, besimeve tona fetare. Shqipëria, që ne ndërtuam në 2 dekada liri, është atdhe i Zotit i qytetarëve të lirë i besimeve të lira fetare, shembull frymëzimi për tolerancën e shkëlqyer. Shqiptarët ia dolën, ne e kryem, rroftë liria”, tha kryeminsitri.

“20 vjet më parë shqiptarët tanë në ish-Jugosllavi vuanin terrorin, një komb një qëndrim ishte motoja jonë. Populli sot është i lirë, krenar i sigurt në trojet e tij, besuam tek kombi, tek liria, shqiptarët ia dolën, ne e kryem”, tha Berisha. Sipas tij Shqipëria ka hedhur hapa galopant përpara dhe arritjet kanë qenë të mëdha, duke kujtuar këtu dhe anëtarësimin në NATO. “Shqipëria ishte vendi i 700 mijë bunkerëve sot vendi i NATO, ne besonim tek NATO-ja, shqiptarët ia dolën, ne e kryem”, theksoi ai më tej. Ndërkohë ai e cilësoi këtë ditë si ditën më të bekuar të historisë pasi sipas tij, atë ditë në vitin 1992 zyrtarisht me votë u përmbys regjimi totalitar dhe më barbari në Evropë. “Ne 20 vjet më parë përmbysëm me votën tonë, regjimin e bllokmenëve hoxhistëve, jemi burra dhe gra, djem dhe vajza që jetuan në regjim totalitar. Për ne demokracia ishin thjesht vlera dhe ideale për të cilat duhet të luftonim, duhet të ndërtonim”, tha Berisha, ndërsa ka vlerësuar rolin e Azem Hajdarit dhe studentëve që me protestat e tyre sollën rrëzimin e diktaturës. E ndërkohë që demokratët festonin në shesh, kreu i partisë socialiste e ka ironizuar festën duke shkruar se ajo i kujtonte pikërisht diktaturën. “Miting festiv për një mandat të shkuar qeverisës!!! Vazhdon e shkuara komuniste e parakalimeve, veç se këto janë parakalime në vendnumëro”, shkroi Rama. Të tjerë përfaqësues të PS kanë akuzuar qeverinë se ka detyruar punonjës të administratës dhe mësues nga të gjithë rrethet që të vijnë në Tiranë dhe të marrin pjesë me detyrim në miting. Pjerin Ndreu denoncoi këtë në Facebook, ndërsa akuza janë bërë edhe nga përfaqësues të tjerë të PS. “Nuk ndodh kund që të festohet dita e ardhjes në pushtet! Po askund ama! Meqë pas pak militantët e regjimit, por me shumë të dhunuarit e regjimit do të dynden për herë të dytë në një javë në Bulevardin e Tiranës, dua të kujtoj: Sot është dita e instalimit në Shqipëri të “Sulltanatit të Berishës së Parë”!, shkruan në rrjetin social Facebook, Erjon Brace.

[PLAKU]

PD triumfoi përballë segmenteve më fanatike të nomenklaturës
23-03-2012 / Gazeta 55




Zgjedhjet e 22 marsit 1992

Në zgjedhjet parlamentare të 22 marsit ’92, Partia Demokratike do korrekte një fitore të thellë, duke zënë 92 vende në Kuvend, ndërsa Partia Socialiste (pasi kishte ndërruar emrin nga Partia e Punës), mori vetëm 7 mandate parlamentare, të cilëve iu shtoheshin 31 mandatet e siguruara nga lista proporcionale. Fitorja e Partisë Demokratike ishte spektakolare, absolute dhe njëherazi shënonte fitoren e parë të një partie opozitare pas 45 viteve regjimi diktatorial. Ky ndryshim epokal në kontekstin politik, s’ishte lehtë i arritshëm pasi mbetjet e fundit të nomenklaturës komuniste ishin “gjallë” me aksionet dhe propagandën e regjimit, për të penguar lirinë e kombit dhe ardhjen e demokracisë edhe pas shembjes së Murit të Berlinit dhe rrëzimit të diktaturave kriminale në të gjitha vendet e Evropës Lindore. Vota e lirë e shqiptarëve më 22 mars të 1992-shit tregoi pjekurinë e një kombi evropian i cili edhe pse i shtypur gjatë 45 viteve të luftës së klasave, propagandës dhe agjitacionit, burgosjeve, përndjekjeve dhe ekzekutimeve, ruante fort të memorizuar kultin e lirisë, të drejtave njerëzore dhe demokracinë që gëzonin vendet perëndimore. Prandaj, vota për Partinë Demokratike ishte votë për lirinë e kombit, votë për ndërtimin e demokracisë në një vend ku kishte sunduar lufta e egër e klasave dhe vrasjet masive ndaj ideve liberale dhe demokratike. Ishte votë për lirinë e shqiptarëve, Shqipërinë e lëvizjes së lirë dhe Shqipërinë e tregut të lirë. Sot, 20 vjet më pas Shqipëria është anëtare e NATO-s, ka përfituar lëvizjen e lirë në Bashkimin Evropian për shtetasit e saj si dhe është pranë vendimeve të mëdha, për anëtarësimin në Bashkimin Evropian.

[PLAKU]

Mbi 100 mijë qytetarë në Sheshin "Nënë Tereza", spektakël fishekzjarrësh e atmosferë festive deri në orët e vona

...Drejt anëtarësimit në BE

Mbi 100 mijë qytetarë nga i gjithë vendit festuan dje 20-vjetorin e fitores së PD-së në zgjedhjet e 22 marsit të 1992-it. Festa madhështore nisi në mesditë në sheshin "Nënë Tereza", ku flamujtë kuq e zi dhe blu të selisë demokratike valuan në duart e mijëra njerëzve. Këngëtarë të shumtë të mirënjohur të skenës shqiptare kanë çelur festimet, ku mijëra njerëz në shesh kërcenin nën ritmet muzikore të kohës. Nën prezantimin e Anjeza Majës koncerti mori ngjyrat e një feste të madhe. E konceptuar me një stil perëndimor, skena e koncertit ishte vendosur në hyrje të Universitetit Politeknik të Tiranës për t'i dhënë mundësinë të gjithë të pranishmëve të shihnin nga afër këngëtarët. Sheshi "Nënë Tereza" shpërtheu në ovacione kur në skenë u ngjit këngëtarja Elvana Gjata. Organizatorët kishin parashikuar pas përfundimit të dy këngëve çdo këngëtar të jepte citate mbi rëndësinë e lirisë së njeriut. Të rinjtë afër skenës valvitën flamuj kombëtarë dhe evropianë, gjatë performancës në skenë të grupit Tingulli 3 dhe këngëtares nga Shkodra Rosela Gjylbegu. Në këtë mënyrë, Partia Demokratike ka përsëritur edhe një herë traditën e saj të mitingjeve të mëdha, duke organizuar një nga koncertet festive me përmasa madhështore dhe entuziaste si asnjëherë tjetër. Atmosfera u bë edhe më shpërthyese kur nën shoqërinë e këngës "The final countdown" e grupit Europe, në skenë u ngjit për të përshëndetur qytetarët vetë kryetari i Partisë Demokratike, Kryeministri Sali Berisha. Duke përshëndetur festimet në sheshin "Nënë Tereza" në përkujtim të fitores së 22 marsit, Berisha u bëri të ditur se në këtë 20-vjetor dëshmohet më shumë se kurrë se shqiptarët kudo ndodhen e kanë kapluar përfundimisht robërinë e diktaturën. "Të dashur të rinj e të reja, për të gjithë shqiptarët, 22 marsi i vitit '92 është dita e krenarisë, besimit. Shqipëria sot është 20 vjet më larg sesa Shqipëria në të cilën ne jetuam 20 vjet më parë. Shqipëria e bllokmenëve dhe hoxhistëve ishte vendi i ekzekutimeve pa gjyq, vendi i dënimeve kapitale, ndalimin e besimeve tona fetare. Shqipëria, që ne ndërtuam në 2 dekada liri është atdhe i qytetarëve të lirë, i besimeve të lira fetare, shembull frymëzimi për tolerancën e shkëlqyer. Shqiptarët ia dolën, ne e kryem, rroftë liria", tha Kryeministri Berisha. Duke e cilësuar 22 marsin si ditën më të bekuar të historisë së Shqipërisë, Berisha tha se atë ditë në vitin 1992 zyrtarisht me votë u përmbys regjimi totalitar më barbari në Europë. Pas fjalës së Kryeministrit, koncerti nisi me një kolazh këngësh nga këngëtari i mirënjohur Flori Mumajesi. Atmosfera e jashtëzakonshme festive përfshiu të gjithë Tiranën, ku rrugët e kryeqytetit ishin pothuajse të pakalueshme, duke nxjerrë në shesh të gjithë qytetarët për të festuar këtë ditë historike për demokratët. Si asnjëherë tjetër, dita e djeshme e gjeti Shqipërinë si anëtare të suksesshme në Aleancën e Atlantikut dhe së shpejti edhe anëtare e Bashkimit Evropian. Shqiptarët gjithashtu u bashkuan në këtë koncert, për të festuar një hap tjetër madhështor që vendi ka hedhur në rrugën drejt anëtarësimit evropian. Është hera e parë që demokratët e festojnë në këto përmasa fitoren e tyre të 20 viteve më parë që këtë vit përkon edhe me 100-vjetorin e Pavarësisë së Shqipërisë. Demokratët përgjatë këtyre viteve kanë kaluar ngjarje të rëndësishme, ndërkohë që për herë të tretë qeverisin vendin. Falë votës së lirë të 22 marsit të '92-it, demokratët erdhën për herë të parë në pushtet, duke marrë një fitore masive në mbarë vendin, gjë që përmbysi njëherë e mirë regjimin diktatorial të Ramiz Alisë. 20 vite më parë në zgjedhjet e dyta elektorale pluraliste PD e drejtuar nga lideri i saj, Sali Berisha fitoi zgjedhjet e 22 marsit 1992, që shënuan të parat zgjedhje demokratike në vend, ku populli vendosi për ndarjen nga e shkuara për të vijuar rrugën drejt demokratizimit të vendit, e cila do të ishte e vështirë nën një tranzicion të tejzgjatur politik dhe me përçarje të shpeshta e ndasi politike për shkak edhe të së shkuarës 50-vjeçare nën sistemin më të mbyllur totalitar të Evropës. Kjo ishte përballja e dytë elektorale, për opozitën shqiptare, e cila arriti në shumë pak kohë të kthejë drejt vetes pjesën më të madhe të elektoratit shqiptar, duke rrëzuar për herë të parë pas 45-vitesh pushtetin e PPSH-së. Partia Demokratike fitoi edhe pjesën dërrmuese të vendeve në Parlamentin shqiptar. Demokratët në koalicionin e mazhorancës aspirojnë edhe fitoren në zgjedhjet e ardhshme parlamentare të vitit 2013, për të shënuar tre mandate në pushtet, një betejë politike që pritet të jetë e vështirë.

Spektakël me fishekzjarre

Kulmi i festimeve me rastin e fitores së parë të Partisë Demokratike që përkon me rrëzimin përfundimtar të diktaturës, ishte organizimi i një spektakli fishekzjarresh shumëngjyrëshe në Sheshin "Skënderbej. Njerëz të shumtë ndaluan për të vëzhguar shpërthimet shumëngjyrëshe. Rreth orës 20:00 qielli i kryeqytetit u mbush me fishekzjarre, të cilat ngjallën kureshtjen e shumë banorëve rreth qendrës. Ato ishin vendosur në katër pika të ndryshme të Sheshit "Skënderbej" në pjesën përballë Teatrit të Operas dhe Baletit. Vendi ky u hodhën fishekzjarret ishte i rrethuar për të shmangur çdolloj incidenti.

Aktivitete kulturore të tjera

Përveç koncertit madhështor në sheshin "Nënë Tereza", kryeqytetasit u argëtuan në një sërë aktivitetesh të përgatitura nga Shoqata "Tirana". Në nderim të kësaj dite, Shoqata "Tirana" në bashkëpunim me institucionet vendore, organizoi një sërë aktivitetesh në bulevardin "Dëshmorët e Kombit", në segmentin mes Ministrisë së Brendshme dhe sheshit "Nënë Tereza". "Sot pas 20 vitesh mund të themi se Tirana, kryeqendra e shqiptarëve, është një metropol i zhvilluar, sot të gjitha rrugët të çojnë në Tiranë. Askush nuk mund ta imagjinonte këtë para 20-vjetësh. Një realitet për krijimin e të cilit kanë kontribuar në vite, pa dallim, të gjithë qytetarët, intelektualë, sipërmarrësit, institucionet vendore, politikanë, artistë, etj. Dhe ky realitet e ka zanafillën pikërisht në 22 marsin e vitit 1992", u shpreh kryetari i Shoqatës "Tirana", Arben Tafaj. Programi i festimeve filloi paraditen e djeshme deri në orën e vona të natës. Në orën 10.00 artistë të Ansamblit të Këngëve dhe Valleve Popullore performuan për qytetarët në rrugën "Murat Toptani". Në hapësirën para Hotel "Dajtit" artistë të Cirkut të Tiranës dhanë një shfaqe të veçantë, ndërsa artistët e Dansit Sportiv performuan në bulevard.

Elis KUÇI

[Duaje Siveten]

Agjensia e Lajmeve SOT 23 Mars 2012

Në 20 vitet e demokracisë, bilanc lufte me viktimat e pafajësisë

Ilir Bushi

Rami z Alia, njeriu që gjatë sundimit të tij, urdhëroi vrasjen e dhjetra djemve të rinj në kufi, iku nga politika pa vrarë askënd në shesh, gjatë protestave të kundërshtarëve politikë të vitit 1990. Ndërsa Berisha, mjeku humanist që shpëtoi dhjetra të sëmurë në pavijonin e kardiologjisë, po ikën duke marrë mbi vete një faturë të gjatë ekzekutimesh dhe vrasjesh. Duke nisur nga viti 1997 e deri në 21 janar të vitit të kaluar. Ndërkaq, bilanci familjar i njerëzve të thjeshtë është zhytur në borxhe tek fletoret e dyqaneve të bukës, ndërsa bilanci familjar i Berishës ka kapur kuota astronomikë. Mijëra njerëz janë të papunë, ndërkohë që studentët që mbarojnë universitetet nuk kanë asnjë shpresë punësimi. Ndërsa, familjarët e zyrtarëve të PD-së, pasi garantojnë marrjen diplomave false punësohen në zyrat konsullore, apo në ambasadat tona jashtë shtetit, duke shpëtuar kështu nga realiteti shqiptar. Ose hapin biznese fitimprurëse siç ishte rasti i gërdecit, apo i termocentraleve private.

Berisha festoi dje 20-vjetorin e fitores së Partisë Demokratike në zgjedhjet e 22 marsit të vitit 1992, me një bilanc të trishtuar lufte, porsa i përket numrit të viktimave të pafajshme që kanë humbur jetën në këto dy dekada, si rezultat i veprimeve apo mosveprimeve të tij. Të pranishmit u mblodhën në shesh, pas firmave që hodhën në fletoren përkatëse të administratës, e cila do t’i çohet borderove të institucioneve. Dhe ku ai që ka munguar në miting, nuk përfiton ditën e punës, pa llogaritur këtu ndonjë gjobë të mundshme, apo rrezikun për largim nga puna. Në këtë mënyrë, urdhëruesit e Partisë Demokratike kanë fyer festën e madhe të demokracisë, e cila meritonte pjesëmarrjen e të gjithëve. Sepse 22 marsi, ishte dita e ndarjes zyrtare të shoqërisë shqiptare nga mesjeta komuniste. Në këtë dasmë të madhe të demokracisë, Berisha nuk ishte i zoti i shtëpisë, por një i ftuar i zakonshëm, i studentëve dhe i popullit shqiptar, ashtu siç ishin me dhjetra intelektualë të tjerë. Por ai ktheu lëvizjen antikomuniste në një bajrak personal. Në ato kohra Berisha sapo ishte ndarë përfundimisht nga ish presidenti Ramiz Alia, pa ia kryer dot porosinë e tij për shuarjen e protestave studentore. Ai u bashkua me student dhe ndjeshmëria e tij drejt bashkimit me ta, solli mjaft resurse pozitive në zhvillimet e atyre viteve të cilat më vonë do të konvertoheshin me tragjedi të mëdha e të njëpasnjëshme. Në këtë dasmë të madhe të demokracisë, ku porta ishte e hapur për të gjithë ata që e ndjenin veten pjesë të zhvillimeve të ardhshme, Sali Berisha solli me vete edhe një tufë intelektualësh, që rridhnin nga familjet e dinastisë së nomenklaturës komuniste, si ish kryeprokurorë, ish hetues, anëtarë të Komitetit Qendror dhe urdhërues vrasjesh.

Bilanci i 20 vjetëve

Një paradë fantazmash që kanë shfaqur projeksionet e hijeve të tyre në ekranet televizive e kanë çuar shoqërinë shqiptare, drejt izolimit. Njëlloj si 50 vjet më parë. Por kjo është keqja më e vogël që mund të pritej prej tyre. Mashtrimi i këtyre politikanëve ka ndodhur pasi ata kanë plotësuar nëpërmjet posteve shtetërore orekset familjare dhe personale. Lloj -lloj kllounësh të djathtë e të majtë që kanë dalë gjatë këtyre 20 vjetëve para mikrofonave duke folur për zhvillime kolosale, në fakt janë pjesa e fajtorëve që krijuan vonesën historike të vendit tonë drejt integrimit. Në këtë mënyrë treguesit e industrisë, bujqësisë, biznesit, kulturës, shëndetësisë, etj, janë vazhdimisht në rënie. Këtë e tregon edhe fakti i rritjes së moshës së pensionit, ku dihet mirë se pas gjithë këtyre vuajtjeve e streseve, një pjesë shumë e vogël njerëzish mund të rezistojnë për të shkuar para arkave të kursimit, pasi të kenë mbushur 70 vjeç. Në fakt, sot shumica e shqiptarëve qofshin 20 apo 40 vjeç janë krejtësisht të papunë dhe të pashpresë, por rritja e moshës së pensionit është një kurth shtetëror për zbutjen e krizës. Sepse në një vend ku nuk ka punë për 40-vjeçarët, nuk mund të ketë për 70- vjeçarët, por sidoqoftë, të moshuarit duhet të durojnë derisa shteti të forcohet për të hapur vende pune.

Ndërkaq, korrupsioni po gërryen ekonominë, ku lukunia e hajdutëve i është vërsulur tenderave, projekteve, hidrocentraleve, rrugëve, etj. Aq e vërtetë është kjo saqë thuhet se Berisha dhe një numër i kufizuar drejtuesish e kanë siguruar mirëqenien familjare për 4 breza. Ndërsa, rrugët e kryeqytetit mbushen me fëmijë që lypin, ose me intelektualë që sheshin misra, në këmbim të mbijetesës. Fushat kanë mbetur djerrina dhe fshatarët vazhdojnë të emigrojnë jashtë shtetit për të siguruar një rrogë që mund t’i garantojë bukën e gojës. Madje, vazhdojnë të shkojnë në vende të tilla si Greqia, etj, që aktualisht janë përfshirë në një krizë të thellë ekonomike. Në Shqipëri, biznesi po jep shpirt nga taksat e larta, por edhe nga ushtria e policëve financiarë që përveçse janë të përbindshëm, shpesh duket sikur nuk dinë të flasin as shqip. Shqiptarët janë mbytur në errësirë dhe në varfëri. Por edhe në borxhe të mëdha, e të vogla, ku fletoret e dyqaneve të bukës janë mbushur plot me emra. Por në mitingjet e Berishës shfaqet një Shqipëri tjetër, e cila nuk ekziston asgjëkundi.

Berisha flet për suksese dhe fitore, duke dhënë shifra që nuk përkojnë me minimumin jetik, apo me papunësinë në vend. Në marsin e vitit 1992 Berisha tha një fjali, e cila u mbajt mend gjatë. Ai u faturoi shqiptarëve ndajshtimin, “bashkëvuajtës dhe bashkëfajtorë”, e cila përkonte disi me realitetin e kohës po të kemi parasysh këtu edhe shprehjen e Xhek Londonit se, “njeriu nuk është kurrë i pafajshëm për fatkeqësitë e veta”. Dhe faji jonë ndofta është se që nga viti 1990, e deri më sot kemi vrapuar të mbushim sheshet për të brohoritur hijet e demokracisë. Ata q pas fjalimeve të bukura nxitonin të numëronin 700 milionëshat e tenderave. Në fjalimin e djeshëm në shesh Berisha foli për ngjarjen e shënuar të 22 marsit të cilën e ka privatizuar padrejtësisht. Ai tha: “Jemi mbledhur sot këtu për të nderuar së bashku 22 marsin e vitit 1992. Këto dy dekade janë kurorë e lirisë në ballin e çdo shqiptari, janë kurora e bukur e lirisë në ballin e madhërishëm të Shqipërisë. Prandaj edhe unë sot ju ftoj ju dhe mbarë qytetarëve të shprehim nderimin tonë më të madh, të përulemi me respekt të thellë para atyre burrave dhe grave të cilët përmbysën me votën e tyre të lirë regjimin më barbar që Shqipëria dhe Europa kishte njohur në gjithë historinë e saj” ka thënë mes të tjerash Berisha. Por ai nuk tha se çfarë kanë hequr shqiptarët gjatë këtyre 20 vjetëve, një pjesë e madhe e së cilës ka kaluar gjatë qeverisjes së tij.

Sabit Brokaj: PD, një repart ushtarak

Në 22 mars të vitit 1992, nuk fitoi Berisha por populli shqiptar nëpërmjet një votimi të përgjithshëm për të ndërtuar një Shqipëri evropiane dhe bashkëkohore. Kështu që Berisha nuk ka asnjë meritë për këtë gjë. Nga ana tjetër ai ka përgjegjësi për faktin se brenda Partisë Demokratike futi shumë njerëz të dyshimtë, në të gjitha aspektet, pa llogaritur këtu numrin e njerëzve me dosje. Nga ana tjetër menaxhimi që i ka bërë ai jetës politike brenda Partisë Demokratike ka qenë i gabuar sepse e ka kthyer këtë parti në një repart ushtarak, ku askush nuk del nga rreshti pa urdhrin e tij. Kjo gjë, natyrisht përbën një diktaturë të re dhe shumë të ngjashme me periudhën e mëparshme. Por mbi të gjitha, defektet e rënda të qeverisjes së kësaj partie nga viti 1992 deri në vitin ‘97, krijuan pasoja të rënda për perspektivat e vendit tonë. Ndërsa qeverisja e tij që nisi në vitin 2005 ishte një kthim prapa në të gjitha aspektet duke filluar nga ai ekonomik, social, politik, etj.

Aleksandër Meksi: 22 Marsi, triumf i shqiptarëve

Zhvillimi i vrullshëm i Shqipërisë në vitet e para të pluralizmit tregoi se 22 marsi ishte një ditë e mbarë dhe fatlume për shqiptarët. Fill pas kësaj ngjarje historike, qeveria e Partisë Demokratike, gjatë viteve 92-96, renditi një sërë suksesesh. Këtu nuk duhet të harrojmë faktin se gjithçka e nisëm nga e para, ku krahas reformave në ekonomi, industri, bujqësi, ushtri, polici, arsim, shëndetësi, kulturë etj, na duhej të bënim një punë kolosale për plotësimin dhe përshtatjen e legjislacionit, në bazë të parametrave perëndimorë. Pra, 22 marsi i vitit 1992 ishte një ditë e shënuar për shqiptarët dhe për Shqipërinë. Pastaj, pas marsit të demokracisë në vitin 1992, erdhi marsi i rebelimit komunist, në vitin 1997 i cili i rrënoi të gjitha arritjet, nëpërmjet skenarit të firmave piramidale. Dhe gjatë kësaj periudhe ndodhi një frenim i madh i proceseve demokratike, duke krijuar pasoja edhe në të ardhmen. Por unë mund të them se nëse do të vazhdonte rruga e nisur më 22 mars, tani do të ishim integruar me kohë në familjen e madhe evropiane.

Skënder Gjinushi: Berisha, njeri konfliktual

Në 22 mars të vitit 1992 ne, si Parti Socialdemokrate ishim pjesë fitimtarëve. Megjithëse ishim një parti e re, votuesit na besuan duke na dhënë mandatin për të qeverisur, së bashku me PD-në, PR-në etj. Dhe gjatë asaj kohe përfaqësuesit tanë në qeveri kanë zbatuar me përpikmëri skemat progresive të reformave politiko-social dhe ekonomike. Pastaj, Berisha shkeli marrëveshjen dhe rrënoi Shqipërinë. Në fillim nëpërmjet skenarit të firmave piramidale, pastaj me Gërdecin dhe tani në fund me vrasjet e 21 janarit. Por sikur të mos mjaftonte viti ‘97, Berisha po përgatit një shkatërrim tjetër të Shqipërisë nëpërmjet këmbënguljes së tij, për të mos dhënë dorëheqjen. Ai është konfliktuar me të gjithë politikanët brenda vendit, duke krijuar konflikte edhe me bashkëpunëtorët e vet, ndërkohë që ndërkombëtarët nuk e presin më.

Paskal Milo: Berisha duhet të ikë

Zoti Berisha pati një rol të përcaktuar në ngjarjet e vitit 1990-92, ndërkohë që pas marrjes së pushtetit ai nuk ishte më pjesë e zgjidhjes, por u bë pjesë e problemit. Për të përcaktuar bilancin e një politikani që ka qëndruar shumë gjatë në lidershipin e një partie mjafton të bësh krahasimet e gjendjes ekonomike të popullit gjatë periudhës së qeverisjes së tij, në raport me të tjerët. Dhe nëse do ta bënim një bilanc të tillë, do të duket qartë se sot shqiptarët përjetojnë mungesën e shpresës dhe humbjen e perspektivës, ndërkohë që Shqipëria ka humbur disa herë shansin e integrimit. Dhe kjo humbje ka ndodhur pikërisht për shkak të keqqeverisjes së kësaj periudhe, ku rritja e korrupsionit ka ecur me hapa galoponte ndërsa mirëqenia e njerëzve të thjeshtë është në rënie. Kjo duket qartë pa llogaritur këtu skandalet e mëdha publike dhe politike të Berishës, siç ishte ngjarja e Gërdecit, apo ajo e 21 janarit, ku u shkaktuan shumë viktima të pafajshme. Dhe forma më e ndershme e një politikani me një bilanc të tillë negativ, mendoj se është dorëheqja, për t’i hapur rrugë një zgjidhjeje më të mirë.

Dashamir Shehi: Ka humbur shpresa

Nuk ka asnjë dyshim se 22 marsi është triumfi i vlerave më pozitive të shqiptarëve për të larguar me vendosmëri kastën e burokratëve të diktaturës, të cilët ishin kthyer në shushunja që po i pinin gjakun popullit të vet. Dhe gjatë kësaj periudhe, Sali Berisha ka zhvilluar një aktivitet të dendur politik, duke u bërë promotor i zhvillimeve, dhe duke krijuar një vizion të ri për vendin tonë, tek ndërkombëtarët. Por trauma e rëndë e vitit 1997, ku padyshim të gjithë ishim fajtorë, shkaktoi një vonesë të madhe për vendin tonë. Dhe nëse gjatë periudhës së parë Berisha ka pjesën e vetë të autorësisë ndaj zhvillimeve pozitive, pas vitit 1997, ai ka pjesën më të madhe të përgjegjësisë. Unë mendoj se duke bërë bilancin e këtyre 20-22 viteve të pluralizmit, shoqëria shqiptare ka bërë shumë hapa përpara, por ende nuk ka dalë në bregun e ëndërruar. Sepse çdo gjë kërkon kohën e vet dhe njerëzit e duhur për të udhëhequr nxitjen me guxim të reformave. Ndonjëherë kur duam të bëjmë krahasimin me të kaluarën, shohim se gjërat kanë mbetur në vend, ose kanë shkuar prapa, në disa fusha të ndryshme, siç janë shëndetësia, kultura, sporti, ekonomia, rikthimi i pronave, dëmshpërblimet e ish të përndjekurve, etj, por në total ka nj humbje të madhe shprese.

Aleksandër Biberaj: Politikanët, të zhytur në krim

Në një prononcim të tij, nëpërmjet Facebook, Aleksandër Biberaj, u shpreh kundër kastës së sotme politike duke i quajtur ata të korruptuar dhe të zhytur në krime. Ai thotë: “Në radhë të parë dëshiroja t'i uroj Besimtarët Bektashi për festën e tyre. Gjithashtu, dëshiroj të uroj qytetarët shqiptarë, por sidomos demokratët që kontribuan 20 vjet më parë në fitoren e demokracisë, pas 45 vitesh diktature komuniste ç'njerëzore. Natyrisht, që Shqipëria ka ndryshuar shumë gjatë këtyre 20 viteve, dhe kjo në radhë të parë për meritë të shqiptarëve, por do të gjykoja se ky 22 Mars që përkon edhe me 100-vjetorin e Pavarësisë, duhet të jetë një moment meditimi, reflektimi dhe apelimi, me qëllim realizimin e ëndrrave tona të para 20 viteve për një demokraci të vërtetë sipas modeleve perëndimore, për një shtet ligjor, për një Shqipëri të zhvilluar dhe të prosperuar, të pasur dhe të begatë, krenare dhe dinjitoze, për një Shqipëri anëtare të BE-së.

Pavarësisht vështirësive që po kalon Shqipëria dhe demokracia shqiptare, pavarësisht klasës politike që po e mban peng Shqipërinë dhe demokracinë, kam shumë shpresë dhe besim, jam optimist dhe shumë i bindur se demokracia e vërtetë do të vijë shpejt dhe se Shqipëria do të bëhet ashtu siç ne e meritojmë. Natyrisht, që kjo nuk mund të realizohet nga kjo klasë politike anti-popullore dhe anti-kombëtare, e zhytur në krim dhe korrupsion, tejet e amortizuar, me një mentalitet dhe psikologji tipike komuniste, pasi koha prej 20 vitesh (afërsisht një brez) që kishte në dispozicion klasa aktuale politike (post-komuniste) tregoi se ish-komunistët të pagëzuar me emrin e ri post-komuniste, bashkë me pinjollët e tyre, nuk mundet dhe nuk kanë vullnet për t'a ndërtuar demokracinë e vërtetë dhe se ata nuk kanë ndërmend ta bëjnë Shqipërinë. Gjykoj se pas 20 vitesh, GAME OVER (Loja Mbaroi), populli nuk mund të presë më.

Do të jetë sfida jonë e përbashkët, e mbarë qytetarëve të këtij vendi, e intelektualëve, e profesorëve dhe studentëve, e të rinjve dhe të rejave, e grave dhe vajzave, e ish-të persekutuarve që mbetën ish-të persekutuar, e ish-pronarëve që mbetën ish-pronarë, e demokratëve të vërtetë me shpirt, zemër dhe mendje, e të gjithë shqiptarëve patriotë, që t'a bëjmë Shqipërinë Demokratike dhe Europiane. Sot është edhe një ditë e shënuar nga pikëpamja astereologjike, pasi dita bëhet më e gjatë se nata pasi fillon t'i marrë kohën natës, demokracia fillon t'i marrë kohë post-komunizmit. Zoti na bekoftë në misionin tonë sa fisnik, aq edhe patriotik dhe qytetar”, kështu i mbyll shërbimet e tij ish deputeti Aleksandër Biberaj.

[Endri_]

Mos ka dash me thon synimi integrimit drejt GREMINES? lol. Se per BE te paca une n'qafe po na futi kanceri.