Shteti turbofolk i Thaçit dhe i 40 hajdutëve

[Antiproanti]

Konfirmohet pjesërisht aktakuza kundër Sami Lushtakut dhe...

Prishtinë 3 maj - Konfirmohet pjesërisht aktakuza kundër Sami Lushtakut, Rexhep Hotit, Arizona Dibrës, Avni Azemit, Rizah Hajdarit dhe Qani Mehmedit, të cilët akuzohen për veprat penale Shkelje e statusit të barabartë të qytetarëve të Kosovës, Kërcënim dhe Shpifje.
EULEX-i njofton se pika e akuzës për veprën penale të Kërcënimit është konfirmuar për Sami Lushtakun, Rizah Hajdarin, Qani Mehmedin dhe Avni Azemin, kurse është hedhur poshtë për Rexhep Hotin dhe Arizona Dibrën, njofton KTV . Pika e akuzës për veprën penale të Shpifjes është hedhur poshtë nga aktakuza kurse procedura është ndërprerë ashtu që pala e dëmtuar ta ndjekë rastin me padi civile. Pika e akuzës për veprën penale të Shkeljes së statusit të barabartë të qytetarëve të Kosovës është hedhur poshtë për të gjithë të akuzuarit. Rasti ka të bëjë me një fushatë të pretenduar të kërcënimeve kundër gazetares Jeta Xharra dhe një pjesëtari të personelit të saj në BIRN nga ana e gazetës Infopress në qershor 2009 pas transmetimit të një programi televiziv, gjatë të cilit thuhet se ishte raportuar në mënyrë kritike për kryetarin e Komunës së Skenderajt dhe për rajonin e Drenicës.
http://www.kohaditore.com/?page=1,13,98063

[hot_prinz]

‘Qeveria Thaçi’ njeh kushtetutën e Serbisë!


“Qeveria e Kosovës ka bërë koncesionin e radhës. Pas deklaratave të shpeshta muajve të fundit se nuk do të lejojë organizimin e zgjedhjeve të Serbisë në Republikën e Kosovës, Qeveria përmes një komunikate për shtyp ka mirëpritur marrëveshjen e arritur në mes të OSBE-së dhe qeverisë së Serbisë për organizimin e zgjedhjeve të Serbisë në territorin e Kosovës”, thuhet në një reagim të Lëvizjes Vetëvendosje.
“Qeveria e Kosovës po tenton të shfajësohet duke thënë se OSBE-ja do të organizoje zgjedhjet e jo Republika e Serbisë, mirëpo sipas deklaratave edhe të OSBE-së e edhe të qeverisë së Serbisë, OSBE vetëm do të monitorojë dhe do të lehtësojë zgjedhjet e Serbisë në Kosovë me një ekip prej 35 monitoruesish”.

“Qeveria, në komunikatën për këto zgjedhje, thirret në parimet dhe vlerat evropiane duke mundësuar qytetarëve me shtetësi të dyfishtë pjesëmarrjen në zgjedhje. Mirëpo, Serbia nuk e njeh Kosovën si shtet, dhe në kushtetutën e saj Serbia Kosovën e paraqet si pjesë të pandashme të saj”.

“Edhe këto zgjedhje Serbia i organizon në bazë të kushtetutës së saj ku qytetarët e Serbisë në gjithë territorin e saj do të votojnë për president dhe për parlamentin e ardhshëm të Serbisë. Pra, qeveria e Kosovës, po ja mundëson Serbisë respektimin e Kushtetutës së vet në territorin e Kosovës. Si edhe disa herë më parë, gjatë dialogut të qeverisë Thaçi me Serbinë, kjo qeveri po ja njeh Serbisë kushtetutën e saj, dhe automatikisht po e mohon shtetësinë e Republikës së Kosovës”.

“Nuk mund të shtiremi se marrëdhënia e Kosovës me Serbinë është marrëdhënie normale, dhe se organizimi i zgjedhjeve të Serbisë në Kosovë është një problem teknik i monitorimit të OSBE-së. Vendimi për mbajtjen e zgjedhjeve në territorin e Kosovës është vendim thellësisht politik, dhe është shkelje e rëndë e integritetit territorial e institucional të Republikës së Kosovës. Këtë e ka thënë edhe qeveria e Kosovës javëve të fundit edhe me veprimet e saj sporadike të konfiskimit të materialit zgjedhor”.

“Në qoftë se e gjitha paska qenë vetëm problem i monitorimit nga OSBE-ja atëherë, pse Policia e Kosovës paska konfiskuar material zgjedhor dhe paska arrestuar njerëz që kanë shpërndarë këtë material, kur dihet se në ndërkohë nuk ka ndryshuar as materiali zgjedhor e as ndonjë ligj apo rregullore për këto zgjedhje as në Kosovë e as në Serbi?!”.

Lëvizja VETËVENDOSJE edhe njëherë rikonfirmon kundërshtimin e mbajtjes së çfarëdo zgjedhjeve të Republikës së Serbisë në territorin e Kosovës. Një Qeveri legjitime dhe demokratike, çfarë nuk është kjo Qeveri aktuale, do t’i pengonte këto zgjedhje e nuk do t’i mirëpriste ato”, thuhet ndër të tjera në reagimin e Vetëvendosjes. BS.

O Albin Kurti,duhet me shpejt me i ra hekurit sa eshte i nxeht ,se shkoj mitrrovica,e po shkon ajo pjes e kosoves qysh e ke pas dhan harten gjat decentralizimit te famshem

Cfare t'i bejsh jaran, nuk mbahet shteti me qebapxhi, mafioze dhe analfabeta.

Me akceptimin e fusnotes dhe me akuza ne qarqet dhe diplomacite nderkombetare, qe lideret e shtetit Kosovar jane mafioze dhe harambasha.
Kosova ka avansuar nga nje shtet i njohur nga shtetet me te forta ushtarake dhe ekonomike ne nje autonomi te Serbise.

Tani do te mbahen edhe zgjedhjet e lira te Serbise ne Kosove dhe nese sipas Serbise, keto zgjidhje nese ndalohen nga "nacionalistet" dhe "irredentistet" kosovare aka vetvendosja dhe populli, do te luftohen nga forcat e pushtetit te Thaqit e nese keto nuk mjaftojne, atehere sipas fusnotes, ka te drejte Serbia te sjelle ushtri dhe police nga Serbia per te mbrojtur qytetaret e Serbise qe dalin te votojne ne zgjedhjet e lira, atehere do te rrezikohet qe te humbet edhe fusnota (autonomia) e Kosoves, i njejti skenar mu si ne kohen e Rrahmon Morines.

Diplomacia e Serbise eshte diplomaci, qe behet nga njerz intelektuale, sepse Serbia zgjedh qe neper qarqe diplomatike te perfaqesohet nga diplomate dhe intelektuale qe kane vizione ne te miren e shtetit, e jo si nje Kosove qe zgjedh te drejtohet nga qebapxhite dhe analfabetet pa asnje vizion per te miren e vendit.

Eshte i mjerueshem fakti per deshmoret qe derdhen gjakun per liri te ketij vendi dhe per kete popull te mjere se nga kush drejtohet!

[Sharri-Liburna]

Zgjedhjet serbe, një hap drejt ndarjes së Kosovës

Andrea Stefani Andrea Stefani

Publikuar: 05.05.2012 - 21:22

Qeveritarët më të lartë të Kosovës dështuan të mbajnë premtimin publik se nuk do të toleronin mbajtjen e zgjedhjeve serbe në territorin e Kosovës

Më parë, kryeministri Hashim Thaçi ish mburrur se “…Serbia me pretendimin e vet për të organizuar zgjedhjet në Kosovë, nuk do t’ia arrijë qëllimit… edhe për zgjedhje lokale, edhe për zgjedhje të përgjithshme dhe presidenciale”. Vetëm pak javë më vonë, mediat raportuan se ishte arritur një marrëveshje për organizimin e zgjedhjeve parlamentare dhe presidenciale të Serbisë në Kosovë. Kryesuesi i OSBE-së, Imon Gilmor, deklaroi të zezë mbi të bardhë se mirëpriste marrëveshjen e arritur “për sa i përket rolit lehtësues të misionit të OSBE-së në Kosovë për organizimin e zgjedhjeve parlamentare dhe presidenciale të Serbisë në Kosovë”. Ç’ka ndodhur? Mburrja e Kryeministrit është rrudhur. Tashmë Serbia do të ndalohet të organizojë vetëm zgjedhje lokale në Kosovë, ndërsa për sa u takon zgjedhjeve të përgjithshme dhe parlamentare kjo nuk përbëka më problem! Dikur Thaçi kish deklaruar se çfarëdo lloj zgjedhjesh të Serbisë në Kosovë ishin një “pretendim agresioni” që binte në kundërshtim të plotë me Rezolutën 1244, me opinionin e Gjykatës Ndërkombëtare, me Kushtetutën dhe ligjet e Kosovës. Ne mendojmë se Kryeministri Thaçi i sotëm e ka gabim, kurse ai i pak javëve më parë e kish drejt. Pra që çdo lloj zgjedhjesh të shtetit të Serbisë në territorin e shtetit të Kosovës janë një cenim i rëndë i sovranitetit të kësaj të fundit. Madje akoma më keq. Dyshojmë se ato mund të shërbejnë për të shtruar rrugën për akoma më keq, për ndarjen e Kosovës. Pretendim që zyrtarë të lartë serbë e kanë artikuluar, kohë pas kohe, madje duke u përpjekur të fusin në valle edhe Tiranën zyrtare dhe duke shmangur Prishtinën.



***



Kryeministri Thaçi përpiqet që të qetësojë ndërgjegjen e tij dhe atë të bashkështetasve të tij, duke thënë se institucionet e Kosovës njohin standardin ndërkombëtar që i njeh të drejtën e votimit shtetasve me shtetësi të dyfishtë. Thaçi justifikohet se po respekton Konventat Ndërkombëtare. Në fakt asnjë konventë ndërkombëtare nuk e detyron një shtet të organizojë në ndonjë pjesë të territorit të vet, zgjedhje parlamentare, presidenciale apo lokale në funksion dhe si pjesë e zgjedhjeve parlamentare, presidenciale apo lokale të një shteti tjetër. Nëse kjo ndodh shteti në fjalë bëhet një shtojcë e shtetit tjetër që do të thotë, humbet sovranitet. Votimi i shtetasve serbë jashtë Serbisë për çfarëdo lloj zgjedhjesh të Serbisë duhet bërë sikundër ndodh rëndom në shtete të tjera, me anë të të ashtuquajturave votë në mungesë, votë postare, votën në internet e të tjera teknika që janë shumë të njohura. Por organizimi i qendrave të votimit në territorin e Kosovës për zgjedhje që nuk janë të Kosovës, aq më tepër nën vëzhgimin edhe të OSBE-së, është një “dallim” sa ai mes përdhunimit të një femre me prezervativ dhe përdhunimit pa prezervativ.



Ndërkaq, nëse praktika që po ndiqet në Kosovë qenka e drejtë, a nuk u lind e drejta edhe shqiptarëve në Luginën e Preshevës të kërkojnë të njëjtën gjë? Pra, të votojnë edhe ata në kuadrin e zgjedhjeve të përgjithshme apo presidenciale në Kosovë?! Për qeverinë serbe kjo kërkesë mund të tingëllojë si herezi e skajshme antisovranitet dhe integritet administrativ.



***



Vështirë se ndonjë qeveritar i ndonjë shteti tjetër do të bënte koncesionin që Kryeministri Thaçi ka bërë në Kosovë. Shumëkush do të preferonte dorëheqjen sesa të nënshkruante cenimin e sovranitetit shtetëror. Por shihet qartë se për Thaçin pushteti është më i rëndësishëm se sovraniteti. Shitja e pjesëve të shtetit për të rregulluar pazaret e pushtetit është tipar i kahershëm i pushtetarëve shqiptarë. Pa hyrë në histori të vjetra, mund të themi se edhe në Tiranë Kryeministri Berisha tentoi të falte “atdhetarisht” ujëra detare të shqiptarëve me një nëntokë të pasur gazi dhe nafte. Diplomacia serbe, me lidhje shumë më tradicionale e më të forta në Europë se ajo shqiptare, duket se po shfrytëzon me efektivitet këtë prirje të politikës mbarëshqiptare për të shitur shtet për pushtet. Mobilizimi thuajse paneuropian për të zbatuar zgjedhjet në Kosovë, qartazi në interes të pretendimeve serbe, e provon këtë. E provon gjithashtu edhe zbythja e diplomacisë së BE-së nga pozitat e mëparshme. Sepse jo shumë larg, Stefan Fyle, komisioneri për zgjerimin, kish deklaruar se “nuk ka vend për zhvillimin e zgjedhjeve të Serbisë në territorin e Kosovës”. Kemi të bëjmë qartazi me një devijim thelbësor të diplomacisë së BE-së, që fatkeqësisht, ndryshe nga sa shpresohet, shtyn nga kënaqja e epsheve nacionaliste serbe dhe jo drejt një projekti të një shteti të Kosovës ku do bashkëjetojnë shqiptarët dhe pakica serbe me të drejta dhe liri të garantuara. Sepse organizimi i zgjedhjeve të Serbisë në veriun e Kosovës, është një tjetër përforcim i idesë se ajo pjesë e Kosovës në fakt, nuk është dhe nuk i përket Kosovës. Po në të njëjtën ditë, kur serbët do të përdhunojnë sovranitetin e Kosovës duke organizuar zgjedhje të Serbisë në territorin e saj, Kryeministri Berisha dhe Kryeministri Thaçi do të takohen në Prizren për të përuruar abetaren e përbashkët të shqiptarëve. Duket kinse si një lëvizje për ta maskuar me festën e këtij investimi për unifikim gjuhësor që përkëdhel aspiratën e bashkimit të të gjithë shqiptarëve, skandalin e zgjedhjeve serbe në veri, pas të cilave nxjerr kokën opsioni i ndarjes së Kosovës. Dhe është e vështirë që këta politikanë që po faktojnë se shesin edhe shtetin për pushtetin, të mos fanepsen befas si zbatues të vullnetit të serbit me emrin Tadiç, që pak kohë më parë thuajse e tha troç: Na jepni Mitrovicën pa pastaj bashkohuni po deshët! Projekti i fshehtë i ndarjes së Kosovës po përparon?



(Ky vështrim është botuar në gazetën Shqip) Bota sot

[Sharri-Liburna]

Shkon edhe Xhabiri


Xhabir Zharku duhet të vuajë tri vjet burg dhe të paguajë 1 mijë e 500 euro gjobë. Gjykata Supreme vërtetoi aktgjykimin e shkallës së parë. Ai u gjet fajtor për veprat penale të “detyrimit” dhe “armëmbajtjes pa leje”. Tash kryetari i Kaçanikut pritet të japë dorëheqje, e ky qytet të mbajë zgjedhje të parakohshme.

Kaçaniku mbeti pa kryetar. Xhabir Zharku, i zgjedhur në këtë post para dy vjetësh, duhet të mbajë tri vjet burg.

Rrjedhimisht, sikurse në Ferizajt, edhe në këtë qytezë, duhet të mbahen zgjedhje të parakohshme komunale.

Gjykata Supreme e Kosovës, të martën vërtetoi vendimin e 21 prillit të vitit të kaluar, të marrë nga paneli i gjyqtarëve të Gjykatës së Qarkut në Prishtinë.

Në këtë aktgjykim, Zharku u gjet fajtor për veprat penale të “detyrimit dhe armëmbajtjes pa leje”.

Përveç dënimit me burg, Zharku duhet të paguajë edhe 1 mijë e 500 euro gjobë në lidhje me kryerjen e veprave të njëjta.

Bazuar në Ligjin për vetëqeverisje lokale, zgjedhjet e parakohshme në Kaçanik duhet patjetër të mbahen.

Në këtë rast, kjo është e sanksionuar në Kreun VII, Neni 56, pika h), ku shprehimisht shkruan se mandati i kryetarit të komunës përfundon “...në rast të dënimit për vepër penale me një urdhër për burgim për gjashtë muaj ose më tepër”.

Avokat Xhevdet Shala, mbrojtës ligjor i kryetarit Xhabir Zharku, e ka konfirmuar të martën se Gjykata Supreme ka vërtetuar dënimin e shpallur nga gjykata e shkallës së parë.

“Gjykata Supreme ka shqyrtuar kërkesën tonë dhe ka marrë vendim. Vendimi është ndryshuar për Xhabir Zharkun, ndërsa për të tjerët ka mbetur aktgjykimi që është nxjerrë vitin e kaluar. Për Zharkun, ditët të cilat i ka kaluar në paraburgim janë llogaritur dhe kanë mbetur 3 vjet që i janë shqiptuar në aktgjykimin e shkallës së parë”, ka thënë Shala.

Bashkë me Zharkun, Gjykata Supreme ka vërtetuar aktgjykimet edhe e asaj të Qarkut edhe ndaj tre personave të tjerë.

Dënim të njëjtë me Zharkun i është shqiptuar edhe Arsim Kolshit, ndërsa të akuzuarit Besnik Hasani dhe Nysret Cena janë dënuar me nga një vit e dy muaj burg, për veprën penale të detyrimit.

Edhe pse të gjithë ishin ankuar ndaj këtij aktgjykimi, Gjykata Supreme e Kosovës ka hedhur poshtë të gjitha ankesat, përveç asaj të avokatit mbrojtës të Xhabir Zharkut, i cili kishte të bënte me ditët e qëndrimit në paraburgim.

Në bisedë për Express, Zharku konfirmoi se Gjykata Supreme e Kosovës e ka vërtetuar aktgjykimin e shkallës së parë në lidhje me rastin e tij.

“Këtë do ta bëjë sapo të marrë aktgjykimin në formë të shkruar nga Gjykata Supreme. Nëpërmjet një konference të paralajmëruar për media, do ta zyrtarizojë edhe këtë akt”, tha Zharku për Express.

Seanca gjyqësore e shkallës së parë ndaj Xhabir Zharkut, ishte mbajtur më 21 prill të vitit të kaluar, kur nga një panel i gjyqtarëve të EULEX’it, ishte dënuar me tri vjet burg.

Ankesa e paraqitur në Gjykatën Supreme ka prolonguar fuqizimin e këtij aktgjykimi.

“Unë nuk kam ardhur këtu për të marrë ndonjë mirënjohje për aktivitetet dhe punën time që e kam bërë për Kosovën”, ishte shprehur në atë kohë Zharku, pasi kishte dalë nga ndërtesa e Gjykatës së Qarkut.

Këtë proces gjyqësor ai e kishte quajtur të motivuar politikisht, pasi që siç ishte shprehur, “gjithnjë UNMIK-un e kam quajtur UNMIKISTAN si dhe ata që kanë arrestuar çlirimtarët, mafiozë”.

Përveç tri vjetëve burg, Zharku është dënuar edhe me një gjobë prej 1 mijë e 500 eurosh për armëmbajtje pa leje.

Kjo pasi në shtëpinë e Xhabir Zharkut, policia gjatë bastisjes kishte gjetur tre automatikë, një sasi të madhe të municionit dhe mjete të tjera shpërthyese.

Pavarësisht dënimit, në atë kohë Zharku kishte thënë se nuk do të merrte fund edhe karriera e tij politike.

“Absolutisht jo. Karriera ime politike para 30 viteve ka filluar me burg që nga mosha 18-vjeçare, kur kam qenë i ri dhe ajo po përfundon me burgje politike. Por unë shpresoj se Kosova shumë shpejt do të marrë në duart e veta drejtësinë dhe ne jemi të gjithë që të kemi një drejtësi”, ishte shprehur ai.

Atë ditë, para gjykate, Zharku ka shprehur bindjen e tij të thellë se drejtësi ende nuk ka në Kosovë.

Aktakuza

Trupi gjykues, në arsyetimin e vendimit që kishte marrë në prill 2011, kishte deklaruar se katër të dënuarit, në vitin 2006, për përfitime personale kanë detyruar viktimat Shefket Luri, Xhelil Suma dhe Azem Suma për t’u tërhequr nga një tender që e kishin fituar nga ish-Agjencia Kosovare e Mirëbesimit (AKM), për blerjen e një ferme kafshësh në fshatin Rakaj të Ferizajt. Sipas aktakuzës, për të cilën edhe u shpallën fajtor, viktimat Shefket Luri, Xhelil Suma dhe Azem Suma, kishin fituar këtë tender dhe pas një kohë kanë qenë të detyruar të heqin dorë prej tij. Arsim Kolshi me një grup investitorësh, sipas arsyetimit të trupit gjykues, të ndihmuar edhe nga ish-komandanti i luftës, Xhabir Zharku, në mënyra të ndryshme e kishin detyruar Shefket Lurin që të heqë dorë nga ky tender dhe këtë e kishin bërë për përfitime materiale. “Zharku në vend që të respektojë ligjet e Kosovës, si njeri me ndikim që është, ai ka shkuar në së paku dy takime dhe i ka dëgjuar kërcënimet që u janë bërë fituesve të tenderit”, thuhej në arsyetimin e trupit gjykues. Më tej, në aktvendim ishte thënë se Zharku e kishte bërë këtë për t’i ndihmuar ushtarit të tij, Arsim Kolshi. Kryetari i Kaçanikut ishte arrestuar në vitin 2008 dhe pas marrjes në pyetje, ishte lënë të mbrohet në liri. Në lidhje me këtë lëndë, janë mbajtur 16 seanca gjatë vitit 2010 dhe në mars e prill 2011.

Të dënuarit e tjerë

Xhabir Zharku nuk është kryetari i vetëm i një komune që dënohet me burg. Në nëntor të vitit 2010, me 2 vjet e gjysmë burg është dënuar edhe Bajrush Xhemajli. Kryetari i Ferizajt është shpallur fajtor pasi që më 21 maj të vitit 2009, në një aksident në të cilin ishte lënduar edhe vetë, kishte vdekur i riu nga Lipjani, Labinot Rrustemi. Aktgjykimi i tij u vërtetua gjithashtu para disa javësh nga Gjykata Supreme dhe Xhemajli aktualisht ndodhet në burg. Përveç tyre, edhe kryetari i Skenderajt, Sami Lushtaku ka vuajtur tre muaj e gjysmë në burgun e Dubravës në vitin 2008. Lushtaku ishte dënuar me katër muaj burg pasi ishte shpallur fajtor për kërcënim dhe pengim të personit zyrtar në kryerje të detyrës. Edhe një kryetar tjetër i një komune të Kosovës për një muaj është mbajtur në paraburgim. Gjykata e EULEX-it më 6 prill 2011, ia kishte shqiptuar masën e paraburgimit prej 30 ditësh kryetarit të Suharekës, Blerim Kuqit, pasi kishte refuzuar të japë dëshmi për rastin “Kleçka”.
#Gazeta expres


Normal eshte qe shkojn kriminelet,shtet i krimineleve.

[Sharri-Liburna]

Studentët: E duam si UP, jo UPDK


Publikuar: 09.05.2012 - 14:06

Prishtinë, 9 maj – Aktivistë të organizatës studentore “Studim Kritikë Veprim” kanë zhvilluar sot një performansë para Universitetit të Prishtinës, me moton “E duam si UP, jo UPDK”. Në komunikatë ata theksojnë se Universiteti i Prishtinës është kapur nga pushteti. Përmes kontrollit të shtruar nga mekanizmat e vëna si Këshilli Drejtues politik, që zgjedh rektorin politik e i cili shtrinë ndikimin e interesave politike të pushtetit të cilit i takon, UP po mbushet edhe në strukturën e vet akademike me njerëz të pushtetit.

Tashmë u bë e dukshme që edhe agjentët e shërbimeve sekrete po futen si personel akademik në UP. Ish agjenti i SHIK-ut dhe aktualisht deputeti i Partisë Demokratike të Kosovës, Bekim Haxhiu – Kamishi po futet si profesor asistent në Universitet, duke mos e plotësuar asnjë kriter statutor të UP-së, por duke plotësuar kushtin kryesor të mekanizmave që e kontrollojnë UP-në, atë të të qenit njeri i pushtetit. Po shkelen Statuti dhe Ligji për Arsimin e Lartë me të dyja këmbët, vetëm që pushteti ta laramanizojë pak përbërjen e vet në UP, duke futur tash edhe ish agjentë shërbimesh.

Ne i tërheqim vërejtjen Senatit të UP-së dhe secilit institucion relevant, që të mos gabojnë duke pranuar të futen në skemat e pushtetit, jashtë skemave të akademisë. Nga këtu, ne i bëjmë thirrje Senatit, të gjithë profesorëve të UP-së që ta mbrojnë Universitetin nga pushteti i korruptuar, t’ia kthejnë Universitetit akademinë dhe metodat shkencore.

Intelektualët e këtij vendi, s’janë intelektual nëse heshtin përballë kësaj katastrofe sociale. Është detyrë e secilit qytetar, aq më shumë përgjegjësi e secilit intelektual, ta mbrojë publiken dhe publikun nga pushteti i korruptuar.

Me Këshillin Drejtues të PDK-së, me rektorin e PDK-së, me profesorë si ministra e deputetë të PDK-së, tash, me simbolin qesharak të SHIK-ut të PDK-së – Kamishin, UP është bërë UPDK.

Rruga që keni zgjedhur për në UPDK është rrugë që kalon mbi Statutin, Ligjin, dhe normat shoqërore të Republikës, prandaj ne do t’ju ndalojmë me të gjitha format e organizimit studentor. Studentët e UP-së, bashkë me shumë profesorë të vullnetshëm për universitet të mirëfilltë do ta mbrojnë UP-në.

Ne aktivistët e “Studim Kritikë Veprim”, angazhohemi që të hiqet Këshilli Drejtues i Universitetit të Prishtinës, që kompetencat e tij t’u kalojnë Senatit dhe këshillave të fakulteteve, që Universiteti ta ushtrojë autonominë e tij dhe që bartësit kryesor të Arsimit të Lartë – Universitetit të Prishtinës, t’i rritet buxheti.

Studentët e duan UP-në. Nuk e duan UPDK-në. UPDK është e paligjshme. E vetmja mënyrë për të mbërritur te UPDK është duke shkelur në Statutin e UP-së dhe ligjet e Republikës. Kjo rrugë çon në shkatërrimin e sigurtë të shoqërisë sonë. Ne, do ta ndalojmë këtë shkatërrim.
Koha ditore

[projekti21_dk]

Studentët: E duam si UP, jo UPDK


Publikuar: 09.05.2012 - 14:06

Prishtinë, 9 maj – Aktivistë të organizatës studentore “Studim Kritikë Veprim” kanë zhvilluar sot një performansë para Universitetit të Prishtinës, me moton “E duam si UP, jo UPDK”. Në komunikatë ata theksojnë se Universiteti i Prishtinës është kapur nga pushteti. Përmes kontrollit të shtruar nga mekanizmat e vëna si Këshilli Drejtues politik, që zgjedh rektorin politik e i cili shtrinë ndikimin e interesave politike të pushtetit të cilit i takon, UP po mbushet edhe në strukturën e vet akademike me njerëz të pushtetit.

Tashmë u bë e dukshme që edhe agjentët e shërbimeve sekrete po futen si personel akademik në UP. Ish agjenti i SHIK-ut dhe aktualisht deputeti i Partisë Demokratike të Kosovës, Bekim Haxhiu – Kamishi po futet si profesor asistent në Universitet, duke mos e plotësuar asnjë kriter statutor të UP-së, por duke plotësuar kushtin kryesor të mekanizmave që e kontrollojnë UP-në, atë të të qenit njeri i pushtetit. Po shkelen Statuti dhe Ligji për Arsimin e Lartë me të dyja këmbët, vetëm që pushteti ta laramanizojë pak përbërjen e vet në UP, duke futur tash edhe ish agjentë shërbimesh.

Ne i tërheqim vërejtjen Senatit të UP-së dhe secilit institucion relevant, që të mos gabojnë duke pranuar të futen në skemat e pushtetit, jashtë skemave të akademisë. Nga këtu, ne i bëjmë thirrje Senatit, të gjithë profesorëve të UP-së që ta mbrojnë Universitetin nga pushteti i korruptuar, t’ia kthejnë Universitetit akademinë dhe metodat shkencore.

Intelektualët e këtij vendi, s’janë intelektual nëse heshtin përballë kësaj katastrofe sociale. Është detyrë e secilit qytetar, aq më shumë përgjegjësi e secilit intelektual, ta mbrojë publiken dhe publikun nga pushteti i korruptuar.

Me Këshillin Drejtues të PDK-së, me rektorin e PDK-së, me profesorë si ministra e deputetë të PDK-së, tash, me simbolin qesharak të SHIK-ut të PDK-së – Kamishin, UP është bërë UPDK.

Rruga që keni zgjedhur për në UPDK është rrugë që kalon mbi Statutin, Ligjin, dhe normat shoqërore të Republikës, prandaj ne do t’ju ndalojmë me të gjitha format e organizimit studentor. Studentët e UP-së, bashkë me shumë profesorë të vullnetshëm për universitet të mirëfilltë do ta mbrojnë UP-në.

Ne aktivistët e “Studim Kritikë Veprim”, angazhohemi që të hiqet Këshilli Drejtues i Universitetit të Prishtinës, që kompetencat e tij t’u kalojnë Senatit dhe këshillave të fakulteteve, që Universiteti ta ushtrojë autonominë e tij dhe që bartësit kryesor të Arsimit të Lartë – Universitetit të Prishtinës, t’i rritet buxheti.

Studentët e duan UP-në. Nuk e duan UPDK-në. UPDK është e paligjshme. E vetmja mënyrë për të mbërritur te UPDK është duke shkelur në Statutin e UP-së dhe ligjet e Republikës. Kjo rrugë çon në shkatërrimin e sigurtë të shoqërisë sonë. Ne, do ta ndalojmë këtë shkatërrim.
Koha ditore

kjo UPDK, si shkurtesë e re, a mund të kuptohet si

Universiteti i Prishtinës Drejt Kolapsit, ...
Uzurpuar nga Partia Demonkratike e të Korruptuarve

[beni33]

qeveria e kosoves dote bisedoj edhe me struktura paralele per veriun pra me kriminel do ja lem kohes

[Sharri-Liburna]

kjo UPDK, si shkurtesë e re, a mund të kuptohet si

Universiteti i Prishtinës Drejt Kolapsit, ...
Uzurpuar nga Partia Demonkratike e të Korruptuarve

Po me siguri,qe eshte uzurpuar nga pdk-ja,kur kamishat pa shkoll hiq dojn te behen profesora ne UP.

[Genti..]

Ky ishte ushtari me lot ne sy ,shiko jeten e ti sot ne :

[Sharri-Liburna]

Ky ishte ushtari me lot ne sy ,shiko jeten e ti sot ne :



http://www.youtube.com/watch?v=qLp6vDwhh-g

Pse nuk po qilet ky link Genti.