Problematika e Futbollit Shqiptar

[goldian]

pse burr mbajtja ne kategori e skenderbeut merite tu duk?

apo leshimet qe ju jane ba gjate titullit kampion

vloren mire qe nuk e pushkatuan ne ballsh me ato faulla nga me te tmerrshmet
te flasim hapur

[EXODUS]

gold,
pak a shume dicka e tille:






Ironia, e cfaredo lloj shkalle, eshte ne te shumten e rasteve, menyra e vetme per te perçuar nje mendim...e cfare pengesash gjuhesore!!??

p.s Gazetat, Rubio fluturon.......shnderrohet ne investim te keq! Ligji i tregut te lire: "nese nuk jep rezultat, fiton shkelmim!" Fajin si gjithmone, e ka...Skenderbeu, Zeqo, Bode, Duka, i ati Nastradinit! etj,etj.

[Qyfyre]

pse burr mbajtja ne kategori e skenderbeut merite tu duk?

apo leshimet qe ju jane ba gjate titullit kampion

vloren mire qe nuk e pushkatuan ne ballsh me ato faulla nga me te tmerrshmet
te flasim hapur

Nete njejtin sezon qe u mbajt Skenderbeu ne Superlige u mbajt dhe Flamurtari me pislliqe ku beri namin ne pjesen e dyte te sezonit dhe bente Memelli nga 2 gola ne ndeshje

[MaDaBeR]

Berisha: Të krijojmë një Ligë Mbarëkombëtare të Futbollit

Kryeministri i Shqipërisë, Sali Berisha, gjatë mbledhjes së qeverisë së ditës së premte, e para e këtij lloji për vitin 2013, riktheu në skenë idenë e krijimit të një Lige Mbarëkombëtare të Futbollit. Dicka e propozuar dhe hedhur për diskutim më herët edhe nga klube apo faktorë të ndryshëm të këtij sporti, por që mori në fakt përgjigje negative nga FIFA. Megjithatë, kreu i ekzekutivit shqiptar i kërkoi Ministrit të Kulturës, Rinisë dhe Sporteve, Aldo Bumci, që të ulet e të punojë me homologun e tij kosovar për shkrirjen në një të ligës së futbollit për të dyja vendet. “Zoti Ministër i Kulturës, këtë vit duhet të fillojë veprimtarinë Liga Mbarëkombëtare e Futbollit. Uluni dhe bëjeni projektin bashkë me ministrin kosovar. Tifozi i Mitrovicës të vijë të shohë ndeshjen Flamurtari-Mitrovica. Nëse rregullat përkatëse e lejojnë, të përfshihen të gjitha skuadrat në një kampionat mbarëkombëtar. Kjo është rruga për të shpalosur të gjithë potencialet dhe talentet në futboll. Ta nisim me futbollin dhe të fuqizojmë tregun e futbollit, për të nxjerrë një numër sa më të madh yjesh”, – tha kryeministri.
Ideja e kahershme E kanë quajtur në mënyra të ndryshme: “Liga Kombëtare”, “Superliga mbarëkombëtare”, “Liga e përbashkët”. Në vitin 2005 e nisën “Tifozat Kuq e Zi”, me një paraqitje në qendër të Prishtinës, me një tabelë të improvizuar ku ishin të renditura disa nga ekipet më me emër në Shqipëri e Kosovë. Vitin e kaluar ishin një numër mediash që e risollën në vëmendje këtë projekt, duke vjelur mendimet pro dhe kundër. Shumë u fol, por askush nuk e mori mundimin të konkretizojë ndonjë plan në letër, se si mund të arrihet ky objektiv. I vetmi hap u mor me zhvillimin e Kupës “Pavarësia”, mes skuadrave të Shqipërisë zyrtare, të shqiptarëve të Malit të Zi, të Maqedonisë dhe Kosovës, por liga e parbashkët në futboll mbeti vetëm ëndërr. Futbolli i Kosovës ka shumë kualitete, cka duket edhe në numrin e lojtarëve të përtej kufirit zyrtar me kombëtaren kuqezi, mirëpo kampionati i tyre luhet sa për të thënë, pasi skuadrat fituese nuk mund të marrin pjesë në garat evropiane. Këtë izolim ndërkombëtar do ta zhbënte në njëfarë mënyre Liga Mbarëkombëtare. Sa i përket futbollistëve, tregu i tyre do të ishte më konkurues, evidentimi do të ishte i sigurtë dhe kësisoji elementët e spikatur do të bëheshin pjesë e kombëtareve të moshave të ndryshme. Edhe rivaliteti mes tifozërive, të tilla si Plisat (Prishtina), Tirona Fanatics (Tirana), Flota Kuqezi (Flamurtari), Ujqërit e Dëborës (Skenderbeu), Kuqezinjtë e Jakovës (Vëllaznimi) etj., do të përkujdeseshin për t’i mbushur shkallët e stadiumeve, sikurse ndodh kur luan kombëtarja. Të drejtat televizive do të kishin çmime të konsiderueshme, për pasojë edhe të ardhurat në arkat e klubeve do të rriteshin.
Nuk lejon FIFA Dëshira është e madhe për të pasur një Ligë Mbarëkombëtare në Futboll, por kësaj ideje ia ka prerë hovin FIFA. Qeveria e futbollit botëror i ka dhënë fund fund projekt-idese së bashkimit të Superligës shqiptare me atë të Kosovës, apo edhe kalimit të disa skuadrave kosovare ne ligën shqiptare. FSHF-ja, u tha vitin e kaluar, ka dërguar në këtë intitucion kërkesën e saj për të parë mundësinë e një lige të përbashkët mbarëkombëtare. FIFA, pas kërkesës së disa skuadrave të Kosovës për të marrë pjesë në kampionatin tonë, ka kthyer këtë përgjigje negative: “FIFA rikujton edhe një herë pikën 79-të të statutit të saj, ku saktësohet se antarët e FIFA-s apo anëtarët e përkohshëm të konfederatës nuk duhet të luajnë ndeshje apo të kenë kontakte sportive me lojtarë apo klube që nuk janë anëtarë të FIFA-s apo anëtarë provizorë të konfederatës.” Kjo do të thotë që, nëse një skuadër kosovare, fjala vjen, siguronte kualifikimin për në Kupat e Europës nëpërmjet kampionatit shqiptar, ateherë FIFA dhe UEFA nuk do ta lejonte të merrte pjesë. Kjo, për shkak se e konsideron Kosovën shtet jo anëtar në kompeticionet e veta. Refuzimi më i fundit që iu bë kërkesës së palës kosovare për të luajtur minimalisht ndeshje miqësore me kombëtaren e madhe tregon për pamundësinë e bërjes realitet të idesë së proklamuar disa herë, e risjellë në vëmendje së fundi edhe nga Kryeministri Sali Berisha.
Kosova, edhe pse ka disa vite që është shtet i pavarur, akoma nuk është njohur si anëtare e FIFA-s apo UEFA-s. Të dyja institucionet futbollistike në fjalë kanë nxjerrë si kusht pranimin e Kosovës në OKB, si fillim, që të anëtarësohet edhe pranë tyre. Deri atëherë, duket i pamundur edhe krijimi i Ligës Mbarëkombëtare të Futbollit.

Burimi: http://www.panorama-sport.com/lajmi-...#ixzz2H0lZ6tBA

[MaDaBeR]

Shqipëria “zbret” 15 kate, Superiorja në vendin e 80-të…

Superiorja renditet në vend të 80-të në botë për sa i përket kampionateve më cilësore. Pas një viti nën dominimin e Skënderbeut; pas shterimit gjithnjë e më shumë të talenteve; pas problematikës financiare të klubeve dhe për më tepër pas damkosjes nga trukimet, kampionati shqiptar humbet plot 15 pozicione në renditen e përgjithshme. Në renditjen botërore të ligave më kompetitive, Superiorja humbet 15 pozicione nga renditja e mëparshme. Për vitin 2011, kampionati ynë pozicionohej në vendin e 65-të ndër 100 ligat më të mira në botë, teksa vendin e parë e ka sërish kampionatin spanjoll. Lajmi është bërë i ditur nga Federata Internacionale e Futbollit, Histori dhe Statistika. Kjo e fundit ka përzgjedhur 100 kampionatet më të rëndësishme në botë dhe duke u bazuar në një sërë kriteresh ka bërë edhe klasifikimin e përgjithshëm. Kriteri kryesor është lufta për titull e skuadrave. Kompetiviteti në kampionatin shqiptar mes Skënderbeut, Teutës dhe Tiranës gjatë sezonit të shkuar, si dhe dominimi që ka ushtruar skuadra korçare gjatë fazës së parë të këtij sezoni ka bërë që kampionati ynë të humbë terren në këtë renditje. Pra, përveç luftës së pastër për titullin kampion, në renditjen e IFFHS-së një rol të madh luan edhe ana ekonomike dhe “fair-play” financiar. Kampionati shqiptar në këtë klasifikim ka arritur të marrë 261 pikë, duke lënë pas liga si ajo e Kuvajtit, Afrikës së Jugut, Kamerunit, Kongos, Indisë, Vietnamit, Jordanisë, Singaporit etj. Me pak fjalë, janë kryesisht kampionate problematike në shumë aspekte dhe që i përkasin kontinentit afrikan ose aziatik. Kriter tjetër është edhe numri i futbollistëve nga këto kampionate që luajnë me skuadra kombëtare, si dhe zbulimi dhe evidentimi i talenteve të së ardhmes. Pikërisht në këtë pikë, Superiorja është deficitare. Fakt është se në skuadrat kombëtare U-17, U- 19 dhe U-21, lojtarët vijnë kryesisht nga skuadra jashtë Shqipërisë, kjo natyrisht për shkak të shterpësisë së kampionatit shqiptar. Por, ajo që mund të ketë ndikuar më shumë te një ulje drastike e Superiores janë edhe dosjet për ndeshje të dyshuara si të trukuara të UEFAs si dhe raporti i “Sport Radar”- it, i cili e konsideronte Shqipërinë me kampionatin më të trukuar në Europë. Kjo gjë ul ndjeshëm besueshmërinë e garës në kampionat dhe natyrisht edhe vlerësimin për të.

NR. SHTETI PIKË
1. SPANJA 1283
2. BRAZILI 1057
3. GJERMANIA 1037
4. ITALIA 1034
5. ANGLIA 1007
6. ARGJENTINA 919
7. FRANCA 880
8. HOLANDA 738
9. PARAGUAI 712
10. KILI 711
………………..
27. JAPONIA 481
28. A.SAUDITE 475
29. QIPRO 470
30. NORVEGJIA 456
31. PERUJA 445
32. KROACIA 414
33. SUEDIA 404
34. MOLDAVIA 403
35. SUDANI 401
……………………………………
50. KUVAJTI 352
51. POLONIA 352
52. LETONIA 342
53. LETONIA 342
54. UZBEKISTANI 339
55. SLLOVAKIA 339
56. MAROKU 338
57. FINLANDA 336
58. EBA 336
59. ESTONIA 330
60. NIGERIA 329
…………………………….
64. MAQEDONIA 311
65. GANA 303
66. ANGOLA 301
67. ZIMBABVE 300
68. BULLGARIA 296
………………………………….
80. SHQIPËRIA 261
81. KATARI 260
82. AFRIKA J. 260
83. KAMERUNI 256
84. AZERBAJXHAN 250
85. KONGO 246
……………………………………
92. PANAMA 223
93. ISLANDA 218
94. NIKARAGUA 217
95. IRAKU 213
96. JEMENI 206
97. LUKSEMBURG 200
98. HONG KONG 197
99. INDONEZIA 192
100. BAHREIN 184

Burimi: http://www.panorama-sport.com/katego...#ixzz2HTdhJ47R

[MaDaBeR]

Sa per turp jemi bere. Te humbasesh 1,2,3 apo 4 vende ne renditje dhe nisin shqetesimet. Ndersa te ne humben plot 15 vende ne klasifikim dhe askush nuk mban qendrim e as pergjegjesi. Vetem shkrim ne gazete, biseda mes njerezish, ndersa institucionet per mbarevajtjen e ketij sporti, duke filluar qe nga ministria perkatese, FSFH, Shoqata e klubeve te ndryshme, presidentet e klubeve etj, nuk flasin asnje fjale, nuk e vrasin mendjen qe me veprimet apo mosveprimet e tyre po shkaterrojne kete sport kaq popullor dhe po prishin i mazhin e nje vendi te tere. Turp...

[Qyfyre]

Studim interesant qe flet shume per trukimet ne futbollin shqiptar, problemet, lidhja bashkite dhe politiken etj etj

http://www.sportaccord.com/multimedia/docs/2012/02/2012_-_IRIS_-_Etude_Paris_sportifs_et_corruption_-_ENG.pdf

[MaDaBeR]

Ndeshja Besa-Tirana, kryebashkiaku Kavajës kërcënon lojtarët e Tiranës: Humbni ndeshjen se nuk dilni të gjallë që këtu, arrestohet

Gjatë pushimit të ndeshjes së sotme midis Besës dhe Tiranës është shënuar një skandal i radhës në futbollin shqiptarë.

Burimet thanë për alb-observer.com se kryebashkiaku i Kavajës, Elvis Roshi në përfundim të pjesës së parë të ndeshjesh ka hyrë në dhomat e zhveshjes së ekipit të Tiranës dhe ju ka bërë presion futbollistëve.
Fjalët e Roshit drejtuar ekipit bardh e blu ishin këto: “Ju nuk do ta fitoni ndeshjen, se nuk dilni të gjallë nga fusha”.
Elvis Roshi ndër të tjera ka qëlluar edhe trajnerin e ekipit të Tiranës, Nevil Deden si dhe e ka kërcënuar atë me jetë.
Nisur nga kjo ngjarje, futbollistët e skuadrës së kryeqyeqytetit nuk kanë pranuar të dalin në fushë pjesën e dytë, por ka qënë një insistim i trajnerit Nevil Dede që ata të luanin.

Pas incidentit traineri Tiranës ka bërë kallzim në polici ku menjherë aty kanë ardhur forcat e polcisë por kryebashkiaku ishe larguar nga stadiumi për tu vetëdorëzuar më pas vetë në polici.

Roshi ka thënë në polici që ngjarja në fjalë s’është aspak e vërtetë./alb-observer/

PS: Shembulli me i mire i Rilindjes Kombetare, ne kete rast, Rilindja e Sportit. Do na vije nga kta fytyra....

[qeveriablu]

Ja edhe nje tjeter ,si ky Roshi !!


Revoltohet me arbitrimin, kryebashkiaku i Gramshit futet me makinë në fushë

Kryetari i Bashkisë së Gramshit, Dritan Bici, nuk është përmbajtur ndaj arbitrit të ndeshjes Gramshi- Mamurrasi dhe ka hyrë me makinën e tij në fushën e futbollit.
Një reagim i tillë ka ardhur pasi kryebashkiaku mendonte se arbitri po favorizonte Mamurrasin.
Policia e ka larguar Bicin, ndërsa ai do procedohet për shkatërrim prone.
Ai ka shkatërruar portat edhe pse FSHF ia ka pasë ndaluar hyrjen në fushë për shkak të precedentëve të mëparshëm.

Burimi /Gazeta TEMA,Mars,2013

[MaDaBeR]

Ç’parashikon Disiplina, nenet që mund të dënojnë Besën

Dhori Prifti, ish-gjyqtari i shquar shqiptar, ka ndërhyrë dhe më pas ka larguar kryebashkiakun e Kavajës, Elvis Rroshi, në momentin që ky i fundit goditi Nevil Deden. 63- vjeçari ka qenë vëzhguesi i FSHF-së, i dërguar për ndeshjen e luajtur në Kavajë të dielën. Atij ndoshta nuk i lejohet që të japë argumente për ecurinë e një ndeshjeje në media, por duke qenë se rasti në fjalë i kaloi përmasat sportive dhe kemi të bëjmë me një kryebashkiak të arrestuar, Prifti pranoi që të prononcohej për “Panorama Sport”, duke sqaruar në rolin e dëshmitarit të ngjarjes atë që ka ndodhur. Ai pohon se Rroshi e ka gjuajtur trajnerin e Tiranës me shuplakë në gjaknxehtësi e sipër, por ndërkohë është edhe i sinqertë kur thotë: “Gjithçka e kam pasqyruar në raportin që kam bërë. Ngjarjen e pashë të gjithën dhe e kam raportuar me përpikëri”.

Z.Prifti, ku ishit ju kur ndodhi incidenti?

Isha në korridor. Isha unë ai që ndërhyra mes të dyve dhe u përpoqa të ulja tensionin.

Çfarë ndodhi aty?

Pati tension. Tension i madh dhe i panevojshëm. U ndjeva keq, sepse deri në atë moment po shijonim një ndeshje futbolli relativisht të mirë.

Si hyri kryebashkiaku Rroshi në ambientet e brendshme?

Këtë nuk e kuptova. U interesova pas ndeshjes, por nuk e mora vesh.


Na sqaroni pak çfarë ndodhi saktësisht aty?

Me të përfunduar pjesa e parë, lojtarët dhe arbitrat kishin hyrë në dhomat e tyre, ndërkohë që trajnerët hynë pak më vonë. Në momentin që Dede po u drejtohej dhomave të zhveshjes hynë disa persona, mes të cilëve edhe Rroshi, por që unë me sinqeritet ju them se nuk e njihja. Isha disa metra larg dhe i pashë që u drejtuan vrullshëm drejt Nevil Dedes. Nuk e di nëse e shanë apo e kërcënuan. Thjesht u nisa me vrap për t’i ndarë dhe për t’i qetësuar.

Deden e goditën, apo jo?

Po, e goditën me shuplakë. Këtë e pashë vetë.

Ju e keni pasqyruar këtë në raportin tuaj?

Po, sigurisht që e kam pasqyruar. Të jeni të bindur se gjithçka pashë aty, e kam pasqyruar.

Të rikthehemi te ngjarja. Si reagoi Dede kur e gjuajti Rroshi me shuplakë?

Nuk reagoi fare. Të them të drejtën, tani që e kam risjellë disa herë në mend atë skenë, mua më la përshtypjen e një njeriu shumë fisnik.

Në ç’kuptim?

Nuk reagoi fare, por nuk ishte as i trembur. Qëndroi serioz, pa folur, pa reaguar fare. Nuk tha asnjë fjalë.

Po më pas çfarë ndodhi?

U grumbulluan shumë njerëz si zakonisht dhe u përpoqëm të largonim ata që kishin hyrë pa leje.

Po policia çfarë bënte?

Ndërhynë edhe ata. Ata bënë të mundur nxjerrjen jashtë të personave që kishin hyrë pa leje.

Sa persona kishin hyrë pa leje?

Mendoj shtatë ose tetë, por nuk e kam edhe aq të qartë. Thjesht u hap dera edhe ata vërshuan menjëherë drejt trajnerit të Tiranës.

Njihnit ndonjë nga ata?

Jo, jo, nuk njihja asnjërin. Madje as kryetarin e bashkisë nuk e njoha, më vonë e mora vesh se kishte qenë ai.

Pala kavajase pretendon se Nevil Dede ka qenë provokues gjatë pjesës së parë. E vërtetë është kjo?

Jo, unë nuk mendoj kështu. Po e përsëris edhe njëherë, Dede u tregua burrë nga fillimi deri në fund. Madje ishte ai që ngulmoi që Tirana të dilte në fushë në pjesën e dytë, pasi shefi i klubit (Tagani) nuk donte.

A mund të jeni pak më i qartë?

Pas incidentit, shefi i klubit të Tiranës (Tagani) nuk dëshironte që skuadra të dilte në fushën e lojës. Ai pretendonte se ishte cenuar rëndë Tirana dhe nuk donte që ekipi të dilte në fushë. Mirëpo, Dede i tha disa herë se nuk ishte mirë që të mos luanin dhe i kërkoi që të mos braktisej ndeshja. Mendoj se nëse u luajt, kjo erdhi edhe prej Dedes.

Gjatë përplasjes së Rroshit me Deden, ju pësuat ndonjë gjë, patët ndonjë konfrontim me ndonjë person?

Jo, jo, me asnjë. Thjesht ndërhyra për të qetësuar situatën.

JETMIR HALILAJ

Prokuroria merr në pyetje kryebashkiakun e Kavajës

Një prokuror i Kavajës ka marrë në pyetje mbrëmë në Tiranë kryebashkiakun Elvis Rroshi. Dhimitër Ylli, prokurori i çështjes, në prani edhe të avokatit Plarent Ndreca, ka marrë deklarimet e para të kreut të Bashkisë së Kavajës në lidhje me ngjarjen e ndodhur të dielën në stadiumin e këtij qyteti. “Ishte një seancë pyetjesh me prokurorin, ku ne dhamë qëndrimin tonë për arrestimin dhe për faktin që ka ndodhur. Arrestimi pohojmë se ka qenë i paligjshëm ndërsa për faktin, në stadium ka pasur një provokim nga ana e trajnerit të Tiranës, Nevil Dede, që u është adresuar me grusht tifozëve të Kavajës. Për shkak të acarimit të tifozëve, kryetari i bashkisë ka zbritur nga tribuna për të qetësuar situatën”, – tha avokati i kryebashkiakut Rroshi, Plarent Ndreca. Ky i fundit, i pyetur në lidhje me gjendjen e klientit të tij në paraburgim, avokati tha se “Elvis Rroshi është i qetë, ai nuk ka shfaqur asnjë pretendim për dhunë apo për keqtrajtim, gjithçka ka qenë sipas rregullave”, – deklaroi avokati.
Kërkoi gazetat - Mëngjesin e djeshëm, kryetari i Bashkisë së Kavajës, Elvis Rroshi, e ka pritur në një nga qelitë e reja të paraburgimit të policisë së Tiranës. Ai është mbajtur në një qeli me vete pa praninë e personave të tjerë, ndërsa në korridor qëndronte gjatë gjithë natës një efektiv policie. Një oficer i dytë qëndronte në shërbim roje në pjesën e jashtme të dhomës së izolimit, e cila ndahej nga korridori i qelisë së Rroshit prej një porte hekuri. Dje në mëngjes, kërkesa e parë e kryebashkiakut të Kavajës për policin e turnit që bënte shërbim aty ka qenë marrja e gazetave. Rroshi ka kërkuar të njihej me çfarë kishin shkruar mediat në lidhje me ngjarjen e ndodhur të dielën në stadiumin e Kavajës. Më pas, rreth orës 08.30, atij i është servirur ushqimi i mëngjesit, një turli me mish dhe bukë.

Çela: Policia, përgjegjëse për sigurinë

Pas ngjarjeve të përsëritura të dhunës në futboll, shefi i Sektorit të Garave në Federatën Shqiptare të Futbollit, Besnik Çela, ka listuar personat që mund të qëndrojnë në fushë gjatë ndeshjes. “Në një ndeshje futbolli, sipas rregullores së veprimtarisë, në ambientet pranë stadiumit dhe në momentet kur nis loja kanë të drejtë të qëndrojnë vetëm gjashtë zyrtarë, shtatë lojtarë, të cilët mund të qëndrojnë në pankinë. Zyrtarë të klubit kanë të drejtë të futen te dhoma e ekipeve të tyre para ndeshjes, në pushim të ndeshjes dhe në përfundim të saj, por gjithnjë pasi ekipet janë sistemuar brenda në pushim të lojës, kanë hyrë në dhomat e zhveshjes, arbitrat kanë hyrë në dhomat e zhveshjes dhe pasi korridoret të jenë bosh. Sakaq, referuar rastit të Kavajës, është detyrim i policisë që të sigurojë rendin dhe qetësinë në stadium”, – ka pohuar dje Çela.

Disiplina, nenet që mund të dënojnë Besën

Humbje në tavolinë, por jo vetëm. Besa rrezikon të marrë një dënim ekstrem nga Komisioni i Disiplinës, edhe pse kodi lë gjithçka të hapur për vendimin, gjithnjë nëse i referohesh asaj që ndodhi të dielën në Kavajë. Përtej interpretimeve që anëtarët e Komisionit të Disiplinës mund t’u bëjnë neneve që prekin incidentin në Kavajë, ekzistojnë disa variante, në të cilat klubi pritës mund ta pësojë keqazi. Sipas të gjitha gjasave, Disiplina do të bazohet te neni 65, që parashikon dënimet në rast dështimi të përgjegjësive të takimeve. Më konkretisht, pika 2 dhe 4, edhe pse nuk specifikojnë gjithçka, i japin mundësinë Disiplinës të marrë një dënim të rëndë për klubin e Besës, i cili e ka të përsëritur shkeljen. Kështu, në pikën 2, ndër të tjera thuhet se parashikohet dënimi me zhvillimin e ndeshjeve pa spektatorë, në fushë asnjanëse dhe ndalimin e zhvillimit në stadiumin përkatës. Nga ana tjetër, gjithashtu parashikohet anulimi i rezultatit të ndeshjes ku kanë ndodhur incidentet, si dhe humbja në tavolinë. Në mbledhjen që do të zhvillohet nesër në ambientet e FSHF-së, Disiplina pritet të ndalet në një nga këto mundësi për të dhënë vendimin përfundimtar. Në kod është parashikuar edhe një pikë, ku thuhet se organi gjykues ka të drejtë të vendosë dënime edhe nëse nuk është verifikuar shkelje e përcaktimeve. Në rastin konkret, ku dhe nuk specifikohet dënimi për atë që ka ndodhur, atëherë gjithçka është e hapur dhe Disiplina do të bazohet te çështja e mospërmbushjes së standardeve të sigurisë. Ndërkohë, edhe në nenin 58, që bën fjalë për kërcënimet, Disiplina mund të ndalet për të marrë masa ndaj asaj që ka ndodhur. Megjithatë, në këtë nen nuk thuhet qartë dënimi në rastet kur kërcënohet trajneri apo lojtarët, por vetëm për zyrtarët e ndeshjes. Te këta të fundit futen gjyqtarët, delegatët dhe vëzhguesit. Nga ana tjetër, për sa u përket zyrtarëve të klubeve, parashikohen 9 ndeshje pezullim dhe një gjobë që varion 1 milion lekë të vjetër deri në 3 milionë lekë të vjetër. Gjithsesi, mbetet për t’u parë se si do t’i interpretojë nenet Disiplina për rastin në Kavajë.

KODI I DISIPLINËS SPORTIVE

NENI 48 (Sjellja e keqe ndaj kundërshtarëve dhe çdo personi tjetër)
Pika 2 Paragrafi b) të paktën 9 ndeshje pezullim për sulm ose dhunë ndaj kundërshtarëve ose çdo personi tjetër përveç zyrtarëve të ndeshjes. Një dënim me gjobë me vlerë 1 milion lekë të vjetër deri në 3 milionë lekë të vjetër

NENI 58 (Kërcënimet)
Pika 2 Nëse kërcënimi kryhet gjatë zhvillimit të një ndeshjeje, ekipi ku bën pjesë personi që kryen kërcënimin ndaj zyrtarëve të ndeshjes do të dënohet me humbjen e ndeshjes në tavolinë me rezultatin 3-0 dhe zbritjen e 3 pikëve nga klasifikimi.

NENI 65 (Dështimi në përmbushjen e përgjegjësive)
Pika 2 Në rast të shkeljeve të rënda mund të ndërmerren dënime të tjera si zhvillimi i ndeshjes pa spektatorë, zhvillimi i ndeshjes në fushë asnjanëse, ndalimi i zhvillimit të ndeshjes në stadiumin përkatës, anulimi i rezultatit të ndeshjes, përjashtimi nga një garë ose kampionat dhe humbje e ndeshjes në tavolinë.
Pika 4 Organi gjykues ka të drejtë të vendosë dënime edhe nëse nuk është verifikuar shkelje e përcaktimeve në këtë kod, por thjesht për çështje të mospërmbushjes së standardeve të sigurisë.

Tagani: Ja pse nuk kërkojmë fitore në tavolinë

Tirana nuk ka bërë ende një kërkesë zyrtare në FSHF për të kërkuar fitoren në tavolinë ndaj Besës. I pyetur lidhur me arsyet e kësaj tërheqjeje, nëse e tillë mund të quhet, administratori bardheblu, Salih Tagani ka shpjeguar se fillimisht i ka kërkuar FSHF-së relacionin e arbitrave. “Ne që sot në mëngjes (dje) i nisëm një shkresë zyrtare Federatës Shqiptare të Futbollit për të na vënë në dispozicion një kopje të relacionit që kanë bërë gjyqtarët, vëzhguesi dhe delegati i ndeshjes. Duam që të njihemi një herë me atë çka ata kanë shkruar dhe në bazë të atij relacioni do bëjmë ose jo mësymjen tonë. Nisur nga sa ndodhi në Kavajë mendoj se federata duhet të na vërë në dijeni për atë çfarë është shkruar nga arbitrat para se të jepet vendimi i Komisionit të Disiplinës. Sigurisht që të kuptohemi, se synimi ynë nuk është domosdoshmërish ndëshkimi i skuadrës së Besës. Ne nuk kemi asgjë kundër ekipit, por besojmë dhe këtë e shpreha edhe në stadium në dhomat e zhveshjes me delegatin e FSHF-së se Tirana ka luajtur një ndeshje nën presion, pra jo në kushte normale”, – pohon Tagani. Më tej administratori bardheblu rithekson faktin se nuk donte që Tirana ta vazhdonte ndeshjen në pjesën e dytë. “Unë nuk doja që ta nxirrja më ekipin në fushë. Nuk më dukej e drejtë që ndeshja të zhvillohej në ato kushte në të cilat ndodheshim. Ishte një terror i paparë psikologjik. Ia bëra të qartë Hito Hitajt (delegati i FSHF-së), por ai donte që të luhej ndeshja me çdo kusht, duke nxjerrë në pah faktin se mund të penalizoheshim rëndë nëse nuk vazhdonim ndeshjen. Edhe arbitrat donin që ndeshja të luhej. Më pas unë fola me Deden e lojtarët dhe u ra dakord që për hir të publikut të dilnim në fushë. Synimi i arbitrave ishte vazhdimi normal i ndeshjes sikur të mos kishte ndodhur asgjë, por realisht ne luajtëm për të respektuar publikun dhe mos rënduar edhe më shumë kaosin në atë takim. Por paradoksale në këtë situatë është fakti se ne u dhunuam dhe përsëri ne duhet të duronim dhe të dënoheshim nëse nuk luanim nën atë terror psikologjik. Ju mendoni se ky është futboll? Unë personalisht distancohem dhe vetëm futboll nuk mund ta konsideroj”, – tha Tagani.

Precedenti me dënimin e Shkumbinit

Më 2 maj të vitit 2012, gjatë ndeshjes Shkumbini-Flamurtari 1-0, pati incidente. Protagonist u bë deputeti i Peqinit, Dashnor Sula, i cili është njëkohësisht donator i Shkumbinit dhe njihet si një prej tifozëve më të zjarrtë të tij. Në atë periudhë, Komisioni i Disiplinës, pasi analizoi tërë dokumentacionin e ndeshjes Shkumbini-Flamurtari, vendosi t’i japë fitoren në tavolinë skuadrës vlonjate me rezultatin 3-0, por edhe t’u heqë tri pikë të tjera nga klasifikimi peqinasve. Në këto kushte ra poshtë fitorja 1-0 në favor të Shkumbinit, e fiksuar në fushën e lojës. Sipas vendimit të dhënë nga Disiplina më 9 maj të vitit të kaluar, gjithçka erdhi pas kërcënimeve të deputetit Sula në dhomat e zhveshjes. Madje u dyshua se donatori kishte përdorur edhe armën për të kërcënuar zyrtarët e takimit. Përveç vendimit për dënimin e klubit me humbjen e ndeshjes dhe zbritjen e 3 pikëve, Disiplina mori masa edhe ndaj deputetit Sula. Ky i fundit, për sjellje josportive ndaj zyrtarëve të ndeshjes dhe rasteve të përsëritura, u dënua me pezullim nga aktiviteti për 10 ndeshje dhe 500.000 lekë gjobë, bazuar në nenet 49.2/a dhe 49.3.

“Stop dhunës! FSHF-ja më radikale me VIP-t”

KF Tirana nuk është mjaftuar vetëm me denoncim në polici ndaj kryebashkiakut Elvis Rroshi dhe deklaratave për shtyp të drejtuesve. Dje edhe një pjesë e ikonave të kësaj skuadre ndër vite dhe njëkohësisht disa prej tyre edhe pjesë aktuale e klubit në bord apo në akademi kanë dalë në mbështetje të trajnerit, duke kërkuar që Federata Shqiptare e Futbollit të jetë më radikale në dhënien e vendimeve karshi personave të veshur me pushtet si në rastin e kryebashkiakut të Kavajës. Luigj Bytyçi, ish-lojtar i Tiranës në vitet ’60- ’70, aktualisht anëtar i bordit të KF Tirana sh.a, ka dënuar dhunën duke kujtuar marrëdhëniet mjaft të mira mes Tiranës dhe Kavajës ndër vite. “Jam i indinjuar për atë çka ndodhi në Kavajë. Kjo jo sepse thjesht u godit trajneri ynë, por se u ngrit dora ndaj një institucioni. Tirana është një institucion i futbollit në vend. U godit miqësia mes Tiranës dhe Kavajës. Nuk është shqiptarizëm kjo që të presësh në shtëpi dhe më pas të qëllosh me grushte. Ne kemi shkuar ndër vite shumë mirë me kavajasit, kemi dhënë e kemi marrë, por assesi një individ i vetëm nuk mundet të përfaqësojë atë popull, qoftë ky edhe kryetari i bashkisë dhe ca më pak të prishë marrëdhëniet tona. Duhet që në këtë rast federata, në bazë të rregulloreve, që të ndëshkojë rastin në fjalë jo se mund të përfitojë Tirana, por ne të bëhemi një precedent pozitiv që askush tjetër më të ngrejë dorën ndaj zyrtarëve. Futbolli është një lojë e bukur, e cila ka bashkuar prej vitesh brezat dhe në asnjë rast nuk duhet politizuar, ndaj politikanët të çdo spektri, larg duart nga futbolli”, – tha Bytyçi. Pas tij ishte Sulejman Mema, ai që dënoi dhunën duke hequr çdo paralele me politikën. “Unë kam qenë viktimë në vetë të parë e dhunës pak vite më parë dhe sot (dje) ua them me bindje të plotë se kam ardhur vetëm për të mbështetur Deden, Tiranën dhe këdo që del kundër kësaj dhune. Këtu nuk ka lidhje politika dhe më besoni nuk do të isha këtu nëse nuk do ta besoja se kjo konferencë nuk është me ngjyrim politik”, – theksoi Mema. Ndërsa Indrit Fortuzi kërkoi vendime më të ashpra nga FSHF-ja. “Në Kavajë u dhunua institucioni i trajnerit. E di fare mirë që kjo nuk është hera e parë, por ne duam që të jetë e fundit, jo thjesht për Tiranën, por edhe për futbollin në përgjithësi. Sot (dje) më së pari prisja një ndjesë publike nga klubi i Kavajës. Nga ana tjetër, ne si Tiranë, do kërkojmë dhe ndihmojmë njëkohësisht federatën që të jetë më radikale në dhënin e dënimeve karshi dhunës që vjen nga tribuna VIP ose persona të veshur me pushtet”, – theksoi Fortuzi. Në një linjë me këta kanë qenë edhe Krenar Alimehmeti dhe Agustin Kola, të cilët i mëshuan faktit se dhuna e sotme po prish brezin e ri, atë të së nesërmes.

Luigj Bytyçi
“Nuk është shqiptarizëm kjo që të presësh në shtëpi dhe më pas të qëllosh me grushte. Ne kemi shkuar ndër vite shumë mirë me kavajasit, kemi dhënë e kemi marrë, por assesi një individ i vetëm nuk mundet të përfaqësojë atë popull”.

Sulejman Mema
“Kam ardhur vetëm për të mbështetur trajnerin Nevil Dede, Tiranën dhe këdo që del kundër kësaj dhu-ne. Këtu nuk ka lidhje politika dhe më besoni që nuk do isha këtu, nëse nuk do ta besoja se kjo konferencë shtypi nuk është me ngjyrim politik”.

Indrit Fortuzi
“Sot më së pari prisja një ndjesë publike nga klubi i Kavajës. Ne si Tiranë do kërkojmë dhe ndihmojmë njëkohësisht Federatën Shqiptare që të jetë më radikale në dhënin e dënimeve karshi dhunës që vjen nga tribuna VIP ose persona të veshur me pushtet”.

Krenar Alimehmeti
“Nuk mundet që mikpritja të kthehet në këtë lloj mënyre dhe për më tepër nuk i shkon përshtat një qyteti si Kavaja. Më vjen keq, pasi lojtarët në fushë ishin korrektë, për çka ne mundohemi çdo ditë për të dhënë një produkt sa më qytetar”.

Agustin Kola
“Nuk di sesi po e rrisim brezin e ri? Unë flas në emër të trajnerëve të moshave të Tiranës dhe vërej se gjithë kjo dhunë po na dëmton seriozisht. Duhet të marrë fund njëherë e mirë dhe federata të jetë më e ashpër në vendime. Nuk është problem vetëm i Tiranës, por i futbollit”.


REAGIMET NGA KAVAJA

“Grushti i ngritur, një ofendim i rëndë për ne”

Në një deklaratë për shtyp, drejtuesit e klubit të Besës i kanë përgënjeshtruar pretendimet e krerëve të Tiranës në lidhje me atë që ndodhi të dielën në stadiumin e Kavajës. Dje, ndër të tjera, në këtë deklaratë thuhet: “Duam të sqarojmë se ndeshja ka qenë tepër e luftuar në fushë dhe shumë korrekte. Ajo s’ka të bëjë aspak me ekzagjerimet që përfliten. Mjafton të shihni fotografinë provokuese të trajnerit të Tiranës, që nderon me grushtin e majtë i kthyer nga tribunat e spektatorëve, për të kuptuar se as publiku dhe as kryebashkiaku Rroshi nuk janë fajtorë për incidentet. Ai grusht i ngritur është shumë më i rëndë sesa ofendimet që i janë bërë Besës në qytetet e tjera. Dënimet e pashembullta vetëm të këtij sezoni nuk mund ta errësojnë kulturën e qytetarëve dhe futbolldashësve të Kavajës. Po në këtë stadium, po në këtë qytet, mbi dy dekada më parë u shemb regjimi i egër komunist dhe triumfoi demokracia. Kur Kavaja vrau frikën, trajneri Dede ndoshta fshihej dhe s’e dinte ç’do të thoshte përmbysja e sistemit komunist. Sqarojmë se kemi respektuar dhe do të respektojmë parimet e lojës së futbollit dhe nuk do të pajtohemi me mllefet e inatet që mbajnë erë politikë. Ngjarja në korridor nuk ka pse zmadhohet e trumbetohet me aq patos nga trajneri i Tiranës. Nëse tekniku pretendon se është goditur, atëherë fytyra e tij u pa që nuk tregon asnjë shenjë, por të kundërtën. Ne kemi një jetë që merremi me futbollin dhe kemi vuajtur ngjarje më të rënda ndaj trajnerëve e futbollistëve tanë, por nuk i kemi dramatizuar në asnjë rast situatat”.

Daiu: Ja pse bëra atë gjest ndaj Gentian Muçës

Jo pak i indinjuar është ndier dje trajneri i Besës, Përparim Daiu, kur ka parë e dëgjuar se si u interpretuan ngjarjet pas sfidës ndaj Tiranës. Në një bisedë për “Panorama Sport”, ai sqaron incidentin me futbollistin bardheblu, Gentian Muça, kur trajneri u largua nga pankina. Ai i bën thirrje FSHF-së që të mos bëjë “kokë turku” Besën, pasi klubi kavajas nuk e meriton aspak këtë situatë, të cilën ai e cilëson si të zmadhuar nga Tirana. “Unë kam një karrierë të lidhur me futbollin prej 25 vitesh, pa folur për traditën familjare. Gjithnjë kam punuar që të injektoj tek lojtarët e mi respektin për fanellën, jo vetëm atë të Besës, por edhe të kundërshtarëve. Kam nderuar e respektuar si lojtar e trajner tifozët në çdo cep të Shqipërisë. Kjo kulturë personale dhe kontributi im në futboll më bënë të ndihesha më shumë se i fyer kur një lojtar si Muça merr guximin të fyejë një popull të tërë. Unë vetëm sa kërkova ta qortoj futbollistin, shoqëruar me dorën. Besoj kushdo që të ishte në vendim tim e të kishte pak dinjitet moral, personal e familjar, do të reagonte shumë herë më keq. Megjithatë, edhe ne trajnerët jemi njerëz dhe të edukuar me frymën e një tradite e zone. Unë jam krenar që i përkas Kavajës futbollistike e të kulturuar. Raste si i imi ka kudo në botë, me trajnerë madje të famshëm si Murinjo, Ferguson apo Mançini. Kushdo që jeton dhe e ka në gjak futbollin, kështu do të reagonte”, – është shprehur dje Daiu, duke treguar qartë zhgënjimin e tij. Tashmë trajneri dhe të gjithë në klubin kavajas presin vendimet e Disiplinës, pasi janë të bindur se nuk meritojnë asnjë dënim.

Burimi: http://www.panorama-sport.com/katego...#ixzz2NKV9ldWT