Problematika e Futbollit Shqiptar

[{A_N_G_E_L_69}]

pse u nxehe kaq shume mor? se te shava arbitrat? qysh kur je tifoz me ta?

Ore sa per tu nxefur nuk kam arsye pse ta bej,dhe sjam tifoz as me albitrat,as me nje ekip qe luan ne super lige.Une them te verteten mbi futbollin shqiptar.

Ti kur te gjykosh apo te besh citime,beji ne menyre reale,ose mos shkruaj fare.

[puroshkodran]

Ore sa per tu nxefur nuk kam arsye pse ta bej,dhe sjam tifoz as me albitrat,as me nje ekip qe luan ne super lige.Une them te verteten mbi futbollin shqiptar.

Ti kur te gjykosh apo te besh citime,beji ne menyre reale,ose mos shkruaj fare.

un thash mendimin tem. ti e kalove ne personale. jo ndrro nick jo kshtu jo ashtu

[Qyfyre]

Dhe Rudi Vata eshte njesoj si te tjeret. Kur fitonte mburrej e kur humbte akuzonte arbitrat e thoshte qe kampionati shqiptar eshte i trukuar i gjithi. Pastaj kur u be e qarte qe do e hiqnin filloi te sulmonte atra te bashkise. Pse nuk la punen qe ne fillim ai kur eshte kaq i ndershem dhe nuk pranon pislliqe?

[MaDaBeR]

Domethene duke shfrytezuar postet ne federate, tifozet e partizanit dhe dinamos po i cojne keto skuadra ne kategori te dyte?

Sot eshte shume e thjeshte. Bashkite e medha kane zakonisht skuadra konstante qe jane afer kreut. Te tjerat do kene disa vite sukses kur u vjen ndonjeri me lek e do zhduken kur te iki ai qe ka leket.

O Qyfyre, kto njerzit qe them une, po them qe jane njerez pa integritet dhe siç jane "kapur" ne ate kohe po "kapen" dhe sot. Dmth ideali i tyre eshte korrupsioni dhe ndergjegjia e piste, pazaret e ndyra. Atyre nuk u rruhet as per Partizan, as per dinamo e as per ndonje tjeter me keq akoma.

[Boy]

Problematika e futbollit shqiptar eshte se te gjithe futbollistet e mire luajne per kombetare te tjera.

[{A_N_G_E_L_69}]

Drejtori teknik i Teutës, Sulejman Starova, rrezikon të dënohet nga Komisioni i Disiplinës. Shkas janë bërë deklaratat e ish-trajnerit gjatë një emisioni në “Supersport”. Në FSHF tregojnë se gjithçka do të shqyrtohet në mbledhjen e radhës së Disiplinës. Vetë sekretari i Përgjithshëm i institucionit të futbollit, Eduard Prodani, konfirmoi dje lajmin për “Panorama Sport”. I pyetur në lidhje me një reagim të federatës për atë ka thënë të enjten Starova, Prodani u shpreh: “Është detyrë e këtij komisioni që t’i marrë në shqyrtim ato deklarata, të cilat përbëjnë shkelje, e aq më tepër akuzat e pabaza. Mund t’ju them se në mbledhjen e radhës do të merret në shqyrtim edhe rasti i Starovës”. Gjithsesi, vlen për t’u theksuar se ish-trajneri ka qenë i kujdesshëm në deklaratën e tij, duke mos bërë akuza direkte, por thjesht ka kërkuar që gjyqtari Ervis Peza të hetohet nga prokuroria. Ai dyshon se arbitri i kolegjiumit të Tiranës, i cili gjykoi të mërkurën ndeshjen Laçi-Teuta, ka marrë ryshfet. Megjithatë, ka mjaftuar kjo deklaratë që FSHF-ja t’i bëjë “gjyqin” Starovës, i cili njihet edhe si një zë kritik ndaj institucionit të futbollit ndër vite. Nuk është hera e parë që ish-trajneri i Tiranës, Partizanit dhe Teutës, shigjeton gjyqtarët dhe federatën. Në këtë rast ai kërkon një hetim të plotë për kryesorin Peza. Starova i ka bërë thirrje edhe prokurorisë që të vihet në lëvizje, ndërkohë që nga ana tjetër i kërkon presidentit të FSHF-së, Armand Duka, të distancohet publikisht nga gjykimi i Pezës. “Nuk mund të them tani se e kam parë arbitrin të marrë lekë poshtë tavolinës, por pikërisht për shkak se unë dyshoj, kërkoj një hetim të plotë. Ai arbitër e kishte të shkruar në ballë se si do ta bënte ndeshjen. Duhet të zbardhet ky rast, që të mos shkojmë akoma më tutje dhe të mendojmë se presidenti i Skënderbeut, i cili është aksioner me Dukën tek ‘Ama kafe’, po thurin gjëra që nuk kanë të bëjnë me futbollin”, – është shprehur “Bobi”. Ndërkohë, pasi Disiplina të shqyrtojë deklaratën e Starovës, gjasat janë që të bëhet edhe një ballafaqim.
Reagimi - I kontaktuar dje nga gazeta, pas sinjalit të ardhur nga FSHF-ja se, deklarata e tij do të kalojë për shqyrtim në Disiplinë, Starova reagoi menjëherë. Ai u shpreh se pret hetimin e gjyqtarit, përpara se të dënohet për ato që ka thënë. “Nëse në FSHF thonë se unë do të shkoj në Komisionin e Disiplinës për ato që kam deklaruar, me siguri që do të vazhdojnë ritualin duke më dënuar pse kam folur. Do të bëjnë mirë që, përpara se të më dënojnë mua, gjithnjë nëse nuk përkojnë fjalët e mia, të hetojnë këtë gjyqtar. Unë pres që të hetohet arbitri. Së pari, komisioni teknikogjykues në FSHF duhet të shikojë kasetën e ndeshjes, për t’i vërtetuar fjalët e mia, që gjyqtari e ka pasur të shkruar në ballë se ishte kundër Teutës. Penalltinë që na mohoi e ka parë gjithë Shqipëria dhe në këto kushte ky komision duhet të reagojë, duke bërë një analizë të detajuar. Gjithashtu, kjo çështje duhet të shqyrtohet edhe nga Komisioni i Etikës, që ka një status më të veçantë, pasi është zgjedhur nga Asambleja. Ata pesë burra që e drejtojnë këtë komision duhet të nisin hetimet. Nëse këto komisione hedhin poshtë akuzat e mia, atëherë Disiplina lë të mblidhet dhe të merret me mua. Nëse kanë bërë këto veprime indirekt dhe më dënojnë, atëherë është punë e tyre”, – është shprehur dje Starova.

Duka nuk pranon të reagojë
Presidenti i FSHF-së, Armand Duka, i kontaktuar dje nga “Panorama Sport” nuk ka pranuar të reagojë pas deklaratës së Sulejman Starovës, i cili është një ish-sekretar i përgjithshëm i institucionit të futbollit. Në lidhje me kreun e FSHF-së, ndër të tjera, Starova ka thënë: “Duhet një hetim që të zbardhet ky rast, në mënyrë që të mos shkojmë akoma më tutje dhe të mendojmë se presidenti i Skënderbeut, i cili është aksioner me Armand Dukën, tek ‘Ama Kafe’, po thurin gjëra që nuk kanë të bëjnë me futbollin. I bëj thirrje Dukës në emër të të gjithë qytetit të Durrësit që të distancohet nga situata e krijuar së fundmi. Duka duhet të distancohet publikisht nga ai gjykim skandaloz që arbitri Ervis Peza bëri në ndeshjen Laçi-Teuta”.

Kur Shaba akuzoi gjyqtarët
Në tetorin e vitit të kaluar, administratori i klubit të Vllaznisë, Kujtim Shaba, akuzoi për korrupsion gjyqtarët Albano Janku dhe Arben Pregja. Megjithatë, nuk u vërtetua asgjë, edhe pse çështja kaloi për shqyrtim në Komisionin e Disiplinës. “Kemi prova të pakundërshtueshme se këta arbitra janë të korruptuar. Ne si klub i kërkojmë institucionit të futbollit që t’i përjashtojë përgjithmonë ata”, – pat thënë Shaba. Menjëherë pas kësaj deklarate, Disiplina mori në shqyrtim çështjen dhe pasi e shtyu disa herë, nuk arriti të nxirrte një konkluzion të qartë. Nga ana tjetër, Shaba u paralajmëruar indirekt se do të dënohej për akuzat që kishte bërë. Kryesori Janku dhe anësori Pregja kanë gjykuar ndeshjen e fazës së parë Kastrioti-Vllaznia, e cila përfundoi 2-1.

Deklarata e Starovës
“Të hetohet gjyqtari Peza për korrupsion”
Sulejman Starova ka akuzuar të enjten arbitrin Evis Peza për korrupsion. Gjatë emisionit “Zoom” të Ylli Agës në “Supersport”, ndër të tjera, drejtori teknik i Teutës ka deklaruar: “I bëj thirrje presidentit të FSHF-së, Armand Duka, që të distancohet publikisht nga ai gjykim skandaloz që arbitri Evis Peza bëri në ndeshjen Laçi-Teuta. U bëj thirrje gjithashtu edhe organeve kompetente në FSHF, përfshirë këtu edhe Dukën, që të kërkojnë hetim të plotë për Pezën. Duhet t’i kërkojnë ndihmë edhe prokurorisë për të zbardhur se çfarë ka bërë Peza në atë ndeshje. Përndryshe, nuk mund të flasim më për futboll të pastër. Duhen marrë masa urgjente që futbolli të pastrohet dhe, të paktën vitin tjetër të mos ketë më kësi gjërash, sepse edhe për këtë vit gjërat janë të qarta dhe dihet se si do të shkojnë verdiktet. Kërkoj një hetim dhe këtë e them në emër të të gjithë popullit durrsak dhe gjithë qytetit të Durrësit, sepse ky arbitër e kishte të shkruar në ballë se si do ta bënte ndeshjen. Këtu nuk e kam fjalën vetëm për dy rastet e prekjeve me dorë të topit, një prej të cilave ishte penallti e pastër, por e kam fjalën për të gjitha ato raste e faulle ku ai nuk nxori asnjë karton të verdhë. I bëj thirrje edhe njëherë Dukës në emër të të gjithë qytetit të Durrësit që të distancohet nga situata e krijuar së fundmi”.

[Qyfyre]

Dhuna, tifozët gurë ndaj arbitrit anësor në Cërrik

Pas Shkumbini-Flamurtari, tensioni ka zbritur sot edhe në Kategorinë e Dytë, ku ndeshja mes Turbinës dhe Partizanit është shoqëruar me incidente të shumta. Takimi ishte 2-1 për të kuqtë, kur tifozët vendas kanë nisur të qëllojnë me gurë, duke goditur në kokë arbitrin anësor Potomi. Një situatë e tillë bëri që ndeshja të ndërpritej për 10 minuta, ndërsa policia ka ndërhyrë për të mbajtur nën kontroll situatën.

Gjyqtari ka pësuar dëmtime në kokë, megjithatë takimi rinisi sërish, pasi gjendja u qetësua. Në fund, Partizani arriti të fitonte 2-1, duke bërë një hap të sigurt drejt ngjitjes në Kategorinë e Parë. Kjo ishte ngjarja e dytë e rëndë radhazi në futbollin shqiptar, pas asaj të ndeshjes Shkumbini-Flamurtari, ku deputeti i Peqinit Dashnor Sula qëlloi me armë në stadium.

[shoku_tanku]

le ti pajisin arbitrat me skafandra mer vlla..pse e bojn kaq tragjike se mor vesh

[MaDaBeR]

Sipas “Sportradar”, futbolli shqiptar më i korruptuari në botë

Futbolli shqiptar më i korruptuari në botë. Ky është përfundimi i dalë pas një analize të rezervuar të shoqërisë “Sportradar”, lider botëror i monitorimit të kuotave të basteve dhe fluksit të parave të luajtura në futboll. Sipas asaj që raportohet në mediat botërore, Kategoria Superiore e Shqipërisë kryeson renditjen botërore për sinjalizim të ndeshjeve të shitura, duke kapur kuotën e 97 takimeve në total. Hetimi është shtrirë në më shumë se 400 kompani bastesh ndërkombëare dhe është zbuluar nga agjencia e specializuar e trukimit të ndeshjeve “Agipronews”. Periudha e hetimit përfshin një kohëzgjatje prej dy vjet e gjysmë, gjatë së cilës në Shqipëri dyshohen se janë trukuar plot 97 ndeshje, 27 më shumë sesa kampionati italian, që qëndron në vendin e dytë në renditjen botërore me 70 ndeshje. Në vendin e tretë qëndron kampionati moldav, ndërsa në dhjetëshen e parë bëjnë pjesë dhe liga greke, ajo ruse, maqedonase dhe bullgare. Në total “Sportradar” ka hetuar 143.472 ndeshje në 596 kampionate të ndryshme, prej të cilave 798,ose 0.56 përqind e sfidave rezultojnë të manipuluara. Ndërkohë që nga numri total i ndeshjeve të trukuara, Shqipëria zë vendin e parë me 8.22 përqind të takimeve në total në të gjithë botën. Por nëse në vende fqinje si Greqia, Italia apo Bullgaria hetimet kanë nisur prej kohësh në Shqipëri, nuk është ndërmarrë as hapi më i vogël për hetimin e sfidave të Kategorisë Superiore, pavarësisht se në jo pak raste UEFA ka sinjalizuar Federatën për ndeshje të ndryshme. Vetë FSHF ka ngritur komisionin e etikës pranë zyrave të saj, por pavarësisht vullnetit, ky organ ka rezultuar jo efikas në luftën ndaj këtij fenomeni. Ndërkohë që dhe prokuroria pavarësisht se ka marrë disa dosje nga FSHF deri në këto momente nuk ka nisur asnjë hetim zyrtar.

Sporti Shqiptar

[freeopen]

Sipas “Sportradar”, futbolli shqiptar më i korruptuari në botë

Futbolli shqiptar më i korruptuari në botë. Ky është përfundimi i dalë pas një analize të rezervuar të shoqërisë “Sportradar”, lider botëror i monitorimit të kuotave të basteve dhe fluksit të parave të luajtura në futboll. Sipas asaj që raportohet në mediat botërore, Kategoria Superiore e Shqipërisë kryeson renditjen botërore për sinjalizim të ndeshjeve të shitura, duke kapur kuotën e 97 takimeve në total. Hetimi është shtrirë në më shumë se 400 kompani bastesh ndërkombëare dhe është zbuluar nga agjencia e specializuar e trukimit të ndeshjeve “Agipronews”. Periudha e hetimit përfshin një kohëzgjatje prej dy vjet e gjysmë, gjatë së cilës në Shqipëri dyshohen se janë trukuar plot 97 ndeshje, 27 më shumë sesa kampionati italian, që qëndron në vendin e dytë në renditjen botërore me 70 ndeshje. Në vendin e tretë qëndron kampionati moldav, ndërsa në dhjetëshen e parë bëjnë pjesë dhe liga greke, ajo ruse, maqedonase dhe bullgare. Në total “Sportradar” ka hetuar 143.472 ndeshje në 596 kampionate të ndryshme, prej të cilave 798,ose 0.56 përqind e sfidave rezultojnë të manipuluara. Ndërkohë që nga numri total i ndeshjeve të trukuara, Shqipëria zë vendin e parë me 8.22 përqind të takimeve në total në të gjithë botën. Por nëse në vende fqinje si Greqia, Italia apo Bullgaria hetimet kanë nisur prej kohësh në Shqipëri, nuk është ndërmarrë as hapi më i vogël për hetimin e sfidave të Kategorisë Superiore, pavarësisht se në jo pak raste UEFA ka sinjalizuar Federatën për ndeshje të ndryshme. Vetë FSHF ka ngritur komisionin e etikës pranë zyrave të saj, por pavarësisht vullnetit, ky organ ka rezultuar jo efikas në luftën ndaj këtij fenomeni. Ndërkohë që dhe prokuroria pavarësisht se ka marrë disa dosje nga FSHF deri në këto momente nuk ka nisur asnjë hetim zyrtar.

Sporti Shqiptar

http://www.forumishqiptar.com/threads/146950-Futbolli-shqiptar-më-i-korruptuari-e-dyta-renditet-Italia