VARFERIA NE SHQIPERI,BEN QE POPULLI TE VRASE VETEN!

[alvi]

Ornament, shpresa ka 500 vjet qe ka vdek ne ate vend, tashi thjesht u ka mush kupa.
Pati nje fare lulezimi te shpreses ne fillim te Diktatures se proletariatit, po Enveri ishte shume efikas ne zhdukjen e saj, pastaj kur u prishem me Ruset, kur u prishem me Kinezet, kur vdiq Enveri, kur erdhi demokracia, dhe pastaj pesuan njerezit zhgenjimin me te madh me 97 kur Sala u doli ne TV dhe u tha qe i kishin paret e sigurta.
Pra nuk eshte humbja e shpreses, thjesht nje shume zhgenjimesh qe i ka bere njerezit ta humbin shpresen, se dhe murit me koke nuk i bihet se filon e te zgjon dhembja.
Shprese nuk ka, pasi nuk ka pse te kete shprese.
Cfare u ngeli te shpresojne me?
Shpresuan liri, u zhgenjyen.
Shpresuan mireqenie, u zhgenjyen.
Moren nje vize, ua grisi Greku.
I hypen anije, i ktheu ITalioni.
Futen paret te VEFA, ua futi Sala e Vehbiu.
I dhane voten Nanos, u kthey nje hic te madh.
I kthyen syte nga Europa, u lane ne balte.
Tashi i ka ngel dhe Amerika, te shohim si do shkoje kjo, nderkohe, gjendaj sa vjen e keqesohet.
Flas me shoket ne Tirane, ma bejne parajse, parja vuuu thojn, qefi qef, pubi pub, kafja kafe, masnej te tjere vrasin veten.
Hajde gjeje ti se si osh puna atje.

[ALBA]

Alvi ,aty me rri vlla s ke shum te drejt.

[ALBA]

A mund të bëhet Shqipëria?

Dr.Luan Malltezi

Në vitet '90, shqiptarët besonin në të ardhmen e vendit të tyre. Ky besim vuri në lëvizje mbarë shoqërinë me fillimin e proceseve demokratike. Parulla e asaj kohe ishte ishte ''E duam Shqipërinë si gjithë Europa'' .

Pas dhjetë vjetëve të një tranzicioni rraskapitës, janë të paktë ato që besojnë se vendi ka të ardhme, se Shqipëria mund të bëhet. Është një deziluzion që ka përfshirë të gjithë, të majtë dhe të djathtë, socialistë dhe demokratë. ''Këtë vend, thonë midis tyre me dëshpërim, e ka marë dreqi! Mjerë kë zuri keq, mjerë kë zuri me fëmijë!"

Dëshpërimi vjen për shumë arsye, për shkak të krizës së thellë dhe të gjithanshme që ka kapur vendin, për shkak të papunësisë masive dhe mjerimit që ka pushtuar tashmë qytete dhe krahina të tëra të vendit. Kjo krizë sa vjen e rendohet. Njerëzit jetojnë me veresie, me lista që shtohen pa fund në dyqanet e ushqimit. Gjithçka është rrenuar, fabrikat, uzinat, minierat. Një pamje e zymtë mbulon edhe qytetet e mbushura tashmë në çdo hap me kafene, bilardo, disko, klube nate, lojra fati, bingo. Me bingo, me lojra fati merren tashmë edhe disa televizione. Asgjë nuk prodhohet, ose prodhohet shumë pak. Këtë pamje të zymtë nuk mund ta mbulojë shkëlqimi i butikëve të shumtë moderne me veshje luksoze apo ''firmato'', që vijnë nga e gjithë bota, as hotelet, pub‑et dhe restorantet e shtrenjtë që frekuentohen nga një pjesë e vogël, shumë e vogël e popullsisë së pasuruar nga bizneset e suksesshme. Këtë shkëlqim të rreme e trondisin njoftimet në vijimësi të shtypit, që sinjalizojnë dramat që kalojnë njerëzit, vetëvrasjet për shkaqe ekonomike të kryefamiljarëve të pashpresë për të ushqyer fëmijët, prostitucioni i vajzave për mbijetesë, përfshirja e të rinjve në trafikun e drogës, etj. Shpresat e venitura, dhe lufta për mbijetese detyron rininë të braktisë masivisht vendin. Kjo situatë shtyn edhe intelektualët të largohen për një jetesë më të mirë, për një ta ardhme më të sigurtë për fëmijët.

Po a mund të bëhet Shqipëria ?

Ekonomistët thonë se mund te behet, sepse vendi është i pasur, ka resurse të medha, në një kohë që numri i popullsisë ështe i paktë, sa i një qyteti të zakonshëm europian. Analistët thonë se periudha të vështira dhe kriza të renda ka pasur çdo vend, por ato i kanë kapërcyer dhe me kohë, kanë prosperuar. Ata përmendin Gjermaninë e pasluftës, Italinë, Francën .

Po pse nuk bëhet atëhere Shqipëria? Çfarë i mungon vendit për të dalë nga kjo krizë që po e përpin të gjallë. Vendit i mungon qeverisja, burrat e shtetit, ata që duhet t'i vënë shpatullat vendit, politikanët, ato që kudo quhen etërit e kombit. Vendit i mungojnë ata burra shteti që bënë Gjermaninë, Italinë, Francën: Adenaueri, De Gasperi, De Goli. Burra të tillë dalin në periudha të veshtira si kjo që po kalon edhe vendi. Shqipëria përkundrazi, nuk nxjerr të tillë. Shqipëria fatkeqësisht, ka në tërësi si burra shteti, njerëz mëse të zakonshëm që abuzojnë me pushtetin për t'u pasuruar pafundësisht, në mënyrën më kriminale për fatet e kombit. Shqipërinë e ka mbuluar korrupsioni dhe ky fillon nga lart, nga qeveritarët, ministrat, deputetët. Puna është më zi akoma, se flitet se korrupsioni fillon nga kreu i ekzekutivit. Dhe këtë nuk e thotë vetem opozita dhe kreu i saj, por edhe edhe vetë njerëzit e pozitës, siç është zëvendëskryeministri dhe ministri i Jashtëm, i cili përdori edhe një epitet të jashtëzakonshëm, të njohur tashmë nga të gjithë shqiptarët ''Padrino''.Me respekt Alba

[ornament]

Alvi nuk ka MUNDESI te ket vdek SHPRESA, sepse ta thashe ajo lidhet me JETEN. Po vdiq njera vdes dhe tjetra.

Po te mos ekzistonte kjo, per 500 vjet ne do ishim zhduk (asimiluar) me kohe nga turku (superfuqi e kohes), e kjo S'NDODHI.
Keshtuqe mendohu pak me fort kur flet mos fol me pasion e emocion si me qene Alba 7 vjeçarja.

Po ashtu ky doktori, s'na ka thene gjo. Nuk jane qeveritaret e as SHTETI, ata qe do te na nxjerrin nga balta e sotme, po pikerisht korrupsioni dhe mungesa e TIJ (ajo qe na ka nxjerr gjithmone). Po te mos kishte korrupsion shqiptaret do kishin vdek me kohe per buke, ose do kishin ik te gjithe si babi Albes me shoke.

[Toro]

Postuar më parë nga Honezmi
Ne nje kompozim te VanGogut ;-Nje njeri i mjere dhe i varfer, me arna neper roba,mbane mbi kuriz nje pikez GOMAR ,dhe i mjeri i varfer mezi mere fryme nga pesha e GOMARIT-.
Poshte ketij kompozimit eshte shkruarI QE I ZOTI S'JE, MBAME NE KURIZE SE MIR E KE-
Keshtu dhe kjo puna e shqiptarve me qeveritaret e tyre !!!!

Nje korrigjim te vogel jashte teme: Kompozimi eshte i Francisko Gojes , jo i VanGogut!

[Toro]

Postuar më parë nga ornament
Ateher sipas teje , si shpjegohet rritja e numrit te te çmendurve ne Shqiperi, tere kohes ne kemi qene te varfer, pse VETEM ne ket kohe ka rritje te vetvrasjeve.

Sepse deri dje shqiptaret nuk e kishin idene sa te varfer ishin...Kishin gelltitur mese miri pallavrat komuniste se ishim shteti me i mire ne bote, pa taksa, pa shfrytezim, se kishim shtetin qe na bente nder qe na i jepte televizorat me tollon, gjellen me tollon , gjithcka me tollon , pra na "siguronte" ai tolloni. Se u besonim genjeshtrave qe ne Perendim ka vetem dhune, varferi , skamje, droge dhe cowboys-a qe neper filma te vrisnin pse i shikoje shtrember. Eh pra shqiptari ishte i siguruar nga kjo ane, askush nuk e vriste se shifte shtrember cowboysat e Komiteteve te Partise, vetem sa i fusnin 7 vjet per agjitacion e propagande , por nuk i "vriste" njeri.
Pas 1991 , shqiptaret dolen dhe pane boten me sy... Dhe gjeja e pare qe bene ishte te nderronin cowboyssat, duke shpresuar se keta te rinjte do sillnin bashke me demokracine dhe luget per te ngrene kosin ne detin kapitalist. Por ja qe luget humben dhe deti nuk ishte bere kos akoma. Njerezit u dezilizionuan nga demokracia, ashtu si me pare ishin dezilizionuar nga komunizmi. Nuk u bene te pasur pse erdhi demokracia, perkundrazi, ish cowboysajt e vjeter qe e dinin shume mire se si funksionon kapitalizmi dhe si nxirret parja shpejt e pa djerse, ata u pasuruan, u majmen.
Dhe njerezit filluan te cmenden me permasa epidemike. Se u premtuan parasjen (Shqiperine si Evropa, ku Evropa = me filmat me makina llukzose, Katanin, Kantonisimot e se djeles tek RAI UNO ku fitoheshin miliona lireta pse gjete emrin e nje personaliteti). Dhe njerezit kujtuan se me ardhjen e demokracise do te behen te pasur, do kete secili vilen e tij, makinen e tij, pushimet e tij, lluksin e tij duke marre asistence sociale nga shteti.
Disa e kuptuan se Evropa nuk vjen vete. U treguan me te zgjuar se te tjeret. Ose iken ne Evrope e Amerike ose filluan matrapazlliqet e drogave, vjedhjeve dhe prostitucioneve. Te tjereve u ngeli alternativa e ngritjes se duarve nga qielli duke pritur tanime nga Perendia te sjelli Evropen , ujin , dritat etj ose te vrasin veten.
Dhe njerezit filluan te cmenden........

[Orku]

Si ishte kjo puna ???...korrupsioni ndihmoka njerezit qe te mos vdesin per buke....me siguri ashtu eshte prandaj vendet me te zhvilluara kane shkallen e korrupsionit me te larte....hahaha

Shqiptaret po varferohen pertej cdo limiti..dhe nuk ka qene perhere kjo gjendja...sipas Bankes Boterore sot ne shqiperi jetojne nen minimumin jetik rreth 50% e popullsise dhe eshte pikerisht varferia e tejskajshme qe i ben te vrasin veten.

Shkaku nr 1 i varferise eshte korrupsioni.....kete nuk e dine vetem veteranet e enverit.

Nese ka njeri qe i vret persedyti viktimat jane ata qe fshehin fajtoret e gjendjes reale per aresye te ulta..... njerez qe vdesin urie nuk kane shume shanse per te filozofuar mbi shpresen.

Ata qe vrasin veten deri me sot ne 99.99% te rasteve e kane bere per aresye ekonomike....nuk diskutohet se mjerimi eshte ai qe u ka vrare shpresen. Nuk kane pune, nuk kane veshje, nuk kane ushqim...nuk eshte cudi qe t'i japin fund jetes per te mos perjetuar vdekjen natyrale prej urise.

Ti ke te drejte qe nuk kane shprese dhe a e di perse.....sepse ne nje vend ku njerezit po ngrijne apo vdesin urie..kryeministri apo ministrat bejne pushime ne sharm ek sheikh, kane jo nje por disa shtepi, kane aksione ne media, kane llogari bankare jashte vendit, kane magazina, vjedhin tendera, bejne kotrabande, trafiqe............... por e keqja nuk mbaron ketu....e keqja me e madhe eshte se jane disa lloj vemjesh qe per shkak te copes se tortes qe marrin fillojne dhe i paraqesin hajdutet si punetore, mashtruesit si te ndershem, trafikantet si te suksesshem, te korruptuarit si moderne....madje shkojne edhe me tutje mohojne me patetizem cdo lloj kontrolli qe mund te nxjerre dicka ne shesh.

Forca e korrupsionit ne Shqiperi sot shtrihet jovetem ne parlament, qeveri dhe gjykata por deri dhe tek media...perfundimi:
Nje shoqeri pa nje busull apo pol shprese.

A e kuptoni se cfare mund ta shtyje nje nene te vrasi veten dhe te lere jetim 4 femije.....???? une nuk besoj te kete teme sociale qe ia vlen te diskutohet me shume se kjo....eshte e turpshme qe perballe ketij fenomeni qe po kthehet ne tragjedi ka njerez qe preferojne heshtjen perballe ngritjes se zerit....por ate moral kane.

[ALBA]

Postuar më parë nga ornament
Alvi nuk ka MUNDESI te ket vdek SHPRESA, sepse ta thashe ajo lidhet me JETEN. Po vdiq njera vdes dhe tjetra.

Po te mos ekzistonte kjo, per 500 vjet ne do ishim zhduk (asimiluar) me kohe nga turku (superfuqi e kohes), e kjo S'NDODHI.
Keshtuqe mendohu pak me fort kur flet mos fol me pasion e emocion si me qene Alba 7 vjeçarja.

Po ashtu ky doktori, s'na ka thene gjo. Nuk jane qeveritaret e as SHTETI, ata qe do te na nxjerrin nga balta e sotme, po pikerisht korrupsioni dhe mungesa e TIJ (ajo qe na ka nxjerr gjithmone). Po te mos kishte korrupsion shqiptaret do kishin vdek me kohe per buke, ose do kishin ik te gjithe si babi Albes me shoke.

Orgament!Po me vjen shum keq qe flet ne kete gjuhe!Kisha pershtypjen se ishe vertet njeri i zgjuar,por tani kam ndruar komplet opinjon,jo sepse me ul mua po sepse flet ca gjera qe ska njeri qe ti besoj.Une vertet jam e re por trurin e kam ne koke dhe jo ne vite,kete ta thash dhe njeher.Babai im mori rrugen e mergimin kur u cua i gjith populli dhe kerkonte demokraci,sepse e perjetoj dhe vuajti sistemin komunist, sa qe vendosi qe te pakten femijet mos ti vuanin.Dhe sot ai esht gati te kthehet ne Shqiperi,por jo me ket gjendje qe eshte,ku njerzit vdesin nga uria,cdo njeri kerkon te mbijetoj.Babai im vertet esht patriot dhe e do atdheun,por para Atdheut do jeten e tij dhe te familjes,dhe jeten e do cdo Shqipetar.Askush nuk e do Atdhen sa do jeten,keshtu qe nuk mund te themi si dikur "rrofte partia"dhe te vdesim per te,se ato kan qen prralla per te bindur popullin se partia dhe atdheu jan me e shtrenjte se jeta.Cdo Shqiptari po ti thuash qe a ka deshir te jetoj ne diaspor? esht i gatshem se?Ja pra sepse vuan ne Shqiperi,sheh karshi shpis se tij gradacela,kur ai jeton ne mjerim.E si mund te ri ai ,ne Shqiperi.?Ketu ne mergim,nuk fitohet paraja pa djerse,dhe nuk mund te behesh miljoner me pune,por vetem me korrupsjon,keshtu qe te gjithe ata qe kan lukse ne Shqiperi,i kan ber me pislliqe ato para,dhe kjo dihet.Dhe ate fjal qe" korrupsoni e nxerr popullin nga balta" jam habit se kisha degju ndonjeher,pyeta dhe njerez me eksperienc per kete gje,por jan habit per ket teori te re nga ty.Me respekt Alba

[ALBA]

Shqiptarët nuk po vetëvriten. Ata po i vret qeveria

Shoqëri në depreson të thellë



Një tmerr i ri u është shtuar qytetarëve shqiptarë: kronikat e zeza për vetëvrasjet. Dje u njoftua për një tipograf pesëdhjetedyvjeçar që u vetëhelmua. U vetëhelmua sepse më përpara e kish helmuar buka e fëmijëve: ishte i papunë e s'kishte me se t'i ushqente ata.

Çdo ditë mbushen ekranet e faqet e gazetave me njoftime të tilla. Dikush i jep fund jetës në litar, dikush me fotoksinë, dikush me plumb ne zëmër a në tëmth; ka madje edhe të tillë që lyhen me benzinë...

Vetëvrasja dënohet edhe në Librat e Shenjtë. Jeta jepet vetëm një herë dhe është një privilegj i madh prej Zotit. Atëherë ç'po ndodh me shqiptarët?

Shkaqet e vetëvrasjve në Shqipëri nuk mund t'i hetojë policia, sepse asgjë policore nuk ka në thelbin e tyre. Ajo që po ndodh është politike.

Thellë‑thellë vetëvrasjet që po shoqërojnë pa ndërprerë kalendarin e zi të këtyre kohëve nuk janë vetëvrasje. Ato janë vrasje. Eshtë shteti që i vret. Disa i vret me plumb, me banda, me drogë, me gomone, me thika... Disa të tjerë i vret me dorën e tyre, duke i detyruar të vetëvriten.

Vetëm një çrregullim mendor i pashpresë, një depresion i thellë të bën kriminel të vetvetes. Dhe shoqëria shqiptare është fundosur pikërisht në një depresion të thellë. E rënë moralisht atje ku nuk mban më, depresioni po merr përmasat e një epidemie masive.

Nuk ka rëndësi kush e tërheq këmbëzën e kush e tret helmin që pihet në kupë. Rëndësi ka kush i detyron ta pijnë këtë helm. Dhe ai që i detyron është shteti. Eshtë qeverisja e korruptuar dhe e inkriminuar e socialistëve.

Për shkak të kësaj qeverisjeje shkatërrimtare shqiptarët kanë nivelin më të ulët të jetesës ose nivelin më të lartë të varfërisë në Europë ndërkohë që në Shqipëri janë disa nga shumëmilonerët më të pasur në Europë, të lidhur me segmentet e shtetit.

Për shkak të kësaj qeverisjeje plot hajdutëri shqiptarët janë pa punë dhe vendin e tallonit të dikurshëm e kanë zënë listat: qytetarët blejnë bukë e vaj me lista veresie të privatët.

Për shkak të kësaj qeverisjeje grabitqare shqiptarët janë pa rrymë elektrike e pa ujë njësoj si atëherë kur vendin e pllakos thatësira si atëherë kur qytetet e fushat përmbyten prej shirave.

Për shkak të kësaj qeverisjeje që bie erë shqiptarët pijnë ujëra të bardha dhe ujëra të zeza bashkë dhe i mbushin spitalet infektive, të cilat u ngjajnë spitaleve të luftës të dy‑treqind vjetëve më parë që i përshkruan me ngjyra tronditëse Florenc Nightigale.

Aq të lodhur janë shqiptarët, aq të rënë e të dëshpëruar, saqë nuk kanë fuqi as të protestojnë: janë në fund të energjive. Por kjo nuk mund të zgjatë. Shqëiptarët duhet të dijnë t'i dalin zot vetes, me mjete demokratike.

Gjithësesi një popull nuk mund të vritet, aq më pak shqiptarët. E përderisa një popull duhet të jetojë e do të jetojë, atëherë ai që duhet të zhduket nga skena është ky shtet, kjo qeverisje që po i çon njerëzit në vetëvrasje masive. Njerëzit duhet të ndërgjegjësohen e të gjejnë energjitë për ta kryer këtë mision me mjete demokratike.

[alvi]

O Orno, ti thu, po vdiq shpresa, maro jeta.
Kto po vetevriten pra, dmth ka vdek shpresa.
Ho pra daje jepi khon(lol)
O Alba, mos sill shkrime politike, se te jete per PD fajin per anijen Challenger e ka PS, dhe po te jete per PS fajin per sulmet e Irakut ndaj Kurdeve e ka PD.
Kte ta them si keshille, si me i madhe qe jam (lol)