VARFERIA NE SHQIPERI,BEN QE POPULLI TE VRASE VETEN!

[ALBA]

Vetëvaret në kasolle nëna e tre fëmijëve
RRËSHEN- Një 33-vjeçare, nënë e tre fëmijëve, i ka dhënë fund jetës. Gjelina Dosi nga fshati Trojëz i Perlatit i ka dhënë fund jetës në orët e vona të dy ditëve më parë. Burime të policisë që shkuan në vendngjarje thanë se nëna e tre fëmijëve është vetëvarur në kasollen e bagëtive. Po sipas këtyre burimeve i pari që ka konstatur tragjedinë ka qenë djali 9- vjeçar i viktimës, i cili në moment ka thirrur për ndihmë të motrën e tij 11- vjeçare. Të dy fëmijët janë munduar të zgjidhin litarin, por pa mundur. Më pas ata kanë kërkuar ndihmën e një banori të fshatit që kalonte aty pranë shtëpisë së tyre. Ky i fundit ka zgjidhur litarin, ndërsa 33-vjeçarja ka qenë e pajetë. Burime të grupit të ekspertëve thanë për gazetën se kemi të bëjmë me një vetëvrasje, ndërkohë që viktima nuk kishte lënë ndonjë shënim. Mjekë të spitalit të Rrëshënit pohojnë për gazetën se 33-vjeçarja Gjelina Dosi disa herë ishte mjekuar për depresion. Madje sipas tyre ajo, disa herë kishte tentuar t’i jepte fund jetës duke pirë helme të forta, por kishte shpëtuar nga vdekje falë ndërhyrjes së mjekëve. Të afërm dhe komshinj të saj, kanë thënë për uniformat blu që shkuan në vendngjarje se Gjelina vuante shpirtërisht për gjendjen ekonomike që përjetonte familja e saj. Gjendja ekonomike, sipas të njëjtave burimeve, ishte rënduar që pas lirimit të bashkëshortit të saj nga radhët e policisë. Mësohet se familja Dosi prej disa vitesh kishte jetuar në rrethinat e qytetit të Rrëshenit, në një banesë të papërshtatshme dhe ishte larguar në fshatin Trojëz, ku dhe kishin shtëpinë vetëm pak kohë më parë. Për të ushqyer fëmijët nëna e tre fëmijëve detyrohej të dilte në rrugë dhe të shiste fara luledielli dhe banane. Një prej ish-komshijeve të saj në Rrëshen thotë se “nuk i doli gjë jeta këtu në qytet ku jetoi për disa vjet. Mori ato pak plaçka, për t’u kthyer sërish në fshat, ku dhe i dha fund jetës”. Ndërsa një prej mësuesve të fëmijës së saj thotë se vetëvrasja e Gjelinës ishte e paralajmëruar .“Më dhimbsen këta 3 fëmijë të mitur se do t’i kisha dhënë fund jetës“,- citon mësuesja fjalinë që nëna e 3 fëmijëve e përsëriste shpesh.
Gj. Marku

[ALBA]

Faik Stafa, 43 vjeç, i dha fund jetës për shkak të gjëndjes së vështirë ekonomike dhe problemeve mendore
Babai i katër fëmijëve vetëvaret në dhomë me rripin e pantallonave

LIBRAZHD- Vështirësitë për përballimin e jetesën, dramat sociale familjare dhe problemet shëndetësore regjistrojnë një tjetër viktimë që kryen aktin e vetëvarjes. Viktima e radhës, është 43- vjeçari Faik Stafa, lindur dhe banues në fshatin Vulcan të komunës së Hotolishtit, 16 km larg nga qyteti i Librazhdit. Babai i 4 fëmijëve të ardhur nga një martesë e bërë në vitin 1987, e ka kryer këtë akt pak para mesditës në një nga dhomat e banesës së tij në fshatin e largët. Megjithëse ai ka patur vitet e fundit disa probleme shëndetësore, probleme të përballimit të nevojave për jetesë, duke i thënë bashkëshortes se "kot jetoj, ha bukën e fëmijëve", nuk pritej që ai të kryente aktin e një vetëflijimi të tillë - shton për gazetën një prej të afërmëve të 43- vjeçarit. Por 43- vjeçari duket se nuk i ka përballuar më vështirësitë e shumta të jetës duke marrë një vendim tragjik të pa kthyeshëm, vetëvrasjen. Ngjarja ka ndodhur rreth orës 10.00-10.30, të paradites së djeshme. Pasi ka gjetur momentin, kur ka mbetur i vetëm në shtëpi, ndërsa gruaja po lante rrobat dhe fëmijët nuk kanë qenë aty, viktima është futur në dhomën e tij për t’i dhënë fund jetës. Si mjet për vetëvarje, ka shërbyer një litar (ndoshta rrip pantallonash) i varur në një pikë fikse mbi 2 metra në dhomën e familjes Stafa. Më pas 43- vjeçari ka futur kokën në lak dhe është vetëvarur. E para që është futur në dhomën e tragjedisë ka qenë bashkëshortja që po lante rrobat. Kur ka parë para syve skenën e llahtarshme, bashkëshortin e varur, ajo ka dalë në derë duke dhënë alarmin. Komshinjtë e familjes Stafa kanë rendur menjëherë dhe kanë nxituar ta shkëpusin 43 -vjeçarin nga laku që e shtërngonte në grykë me shpresën se mund të rikthehej në jetë. Por ishte tepër vonë. Faiku i kishte dhënë fund jetës me mënyrën që vetë kishte zgjedhur në kushtet e një depresioni të rëndë dhe disekuilibri mendor. Burimet kofidenciale shtojne se si pasoje e problemeve shëndetësore të viteve të fundit dhe vështirësive për jetesë, 43- vjeçari Stafa ishte shtruar për kurim disa kohë dhe në spitalin psikiatrik të Elbasanit. Duke ditur problemet familjarët dhe të afërmit nuk e kanë parë të arsyeshme të lajmërojnë policinë, por mes dhimbjes që u ka sjellë fati kanë përcjellë për në banesën e fundit 43- vjeçarin. Ndërsa zyrtarë pranë drejtuesve të policisë vendore, e konfirmojnë faktin e vetëvarjes së 43- vjeçarit duke shtuar se gjithçka ka ndodhur në kushtet e depresionit të thellë dhe problemeve shëndetësore të njohura.
Kujtim Boriçi

[drini_në_TR]

Është e vërtetë Alba!
Na duhet drejtësi, VEÇSE DREJTËSI, që tokat shqiptare të hecin përpara ashtu siç duhet. Dhe ata gjakpirsa të kondrabandave dhe të trafiqeve të hiqen mënjanë nëpër burgje dhe të strehoen fortë dhe mirë aty.

Përshëndetje Alba!
drini.

[Brari]

Shekulli
-------------

Ela Biraku mbijetoi pas rënies nga kati i 6 i apartamentit të saj në “Allias”, mjekët shpresojnë edhe pse është në gjendje kome

Studendja e anglishtes bie nga kati i gjashtë

E ëma: E pashë me sytë e mi vajzën që i rrëshkiti këmba teksa ishte duke pastruar xhamat e shtëpisë

Elda Spaho
TIRANË - Ela Beraku ka mbërritur paraditen e djeshme në spitalin ushtarak të Tiranës e gjakosur dhe me shumë kocka të thyera. U fut në oborrin e tij brenda një autombulance, që e pati sjellë me urgjencë nga Alliasi, një lagje periferike e Tiranës. E shoqëruar nga një grup i madh familjarësh, vajza e re është futur menjëherë në repartin e kirurgjisë së reanimacionit, në një gjendje që luhatej mes jetës e vdekjes. Mjekët pohuan dje se ishte një mrekulli e vërtetë fakti që ajo ishte ende gjallë. Pas rënies ose rrëzimit nga kati i gjashtë i një pallati, (mjekëve pak u interesonte se cili nga dy versionet ishte i vërtetë), Ela Beraku ia kishte dalë të mbijetonte.
Familjarët
E ëma e Elës, Nushi, siç e thërrisnin të afërmit, kishte patur kohë vetëm sa për të hedhur një xhup krahëve. Mbërriti në spitalin ushtarak me lot në sy e me pantofla llastiku në këmbë. S’kishte patur kohë të vishte as këpucët. Ajo e kaloi gjithë ditën në korridor bashkë me të afërmit e shumtë, por vetëm pas orës 16.00 ka mundur të shohë me sytë e saj të bijën në shtrat. Kur doli, fytyra i kishte ikur dhe i kishte humbur të gjitha shpresat që i jepnin familjarët. “Ç’më thoshit! Vajza nuk është mirë. Ela ime është keq”,- pëshpëriste ajo, teksa të tjerët i thoshnin se e bija nuk ishte në rrezik jete. “Nuk përmendet sepse është nën efektin e qetësuesve”,- përpiqej ta qetësonte njëri prej tyre. Të afërmit kanë pohuar dje në spital se plagosja e Elës, kishte qenë thjesht aksidentale dhe këtij versioni i ka qëndruar besnike edhe nëna e saj. “Unë e pashë me sytë e mi kur më ra vajza. Isha në banjo, kurse Ela po fshinte xhamat dhe brenda një çasti shkau poshtë”,- tha ajo. Nëna e studentes së fakultetit të Vlorës pohoi se vajza nuk kishte asnjë problem dhe nuk kishte dhënë ndonjë shenjë shqetësimi ditët e fundit. Ajo mohoi prerë që Ela të kishte patur ndonjë histori dashurie dhe tha që ajo nuk ishte e fejuar. Familja e saj është me origjinë nga rrethi i Skraparit dhe ka mbërritur në Tiranë dhjetë vjet më parë.
Mjekët
Ela Beraku ka mbërritur në spitalin ushtarak në një gjendje me të vërtetë të rëndë dhe gjatë gjithë kohës mjekët kanë qenë në mëdyshje për jetën e saj. “Ka thyerje të një numri të madh kockash, sidomos në pjesën e legenit dhe të këmbëve”,- tha për “Shekullin”, nëndrejtori i spitalit ushtarak, Bajram Bega. Ai shtoi se vajza kishte hemorragji (gjakderdhje) të brendshme sepse kishte rënë nga një lartësi tepër e madhe. Shqetësues ka qenë për mjekët sidomos tensioni i saj i ulët . “Hemorragjia e brendshme ka bërë që ai t’i zbresë deri në 6, kur dihet që tensioni normal duhet të jetë 12-14”,- tha Bega duke shtuar se vajza ka mbërritur në spital në gjendje shoku. Gjithsesi, mjekët nuk i kanë humbur shpresat se Ela mund t’ia hedhë dhe kanë vazhduar ta trajtojnë gjatë gjithë kohës me qetësues. Por mjekët janë ende në dilemë të deklarojnë se cila do të jetë gjëndja e Elës nëse arrin të mbijetojë. A do të mbetet ajo me pasoja fizike pas kësaj ngjarjeje apo mund të riaftësohet në të njëjtën gjendje që ka qenë dhe më parë.


MOTIVI

Dyshime për aksident ose depresion mendor

TIRANË – Bie nga kati i gjashtë një studente 20-vjeçare. Asgjë më shumë sesa fati nuk e ka ndihmuar dje Ela Birakun që të mbijetojë pas një fluturimi mbi 15 metra lartësi që ka bërë nga dritarja e banjos së banesës të saj në zonën e Alliasit, pranë shkollës “Ramazan Jarani”. Akoma duket e mistershme e gjithë ngjarja e djeshme dhe për policinë ka qënë e vështirë që të përcaktohet nëse rasti i fundit është një tentativë për vetëvrasje, apo një rënie aksidentale. Paraditen e djeshme pak pas orës 10, Ela 20-vjeçare është parë nga komshinjtë e saj sesi është përplasur përdhe pasi kishte rënë nga kati i 6 i apartamentit ku jetonte. Dita e djeshme ishte dita e parë e pushimit pas një jave mësimi në degën e anglishtes në fakultetin e gjuhëve të huaja dhe pas një sezoni të mbushur me provime simestrale. Ela ka qenë në shtëpi me nënën e saj, kur rreth orës 10.20 ka ndodhur dhe fatkeqësia. Ajo “ka fluturuar” nga banjoja e shtëpisë së saj dhe ka rënë në tokë më shumë e vdekur sesa e gjallë. Pas kësaj, kalimtarë të rastit dhe fqinj janë mundur që t’i japin ndihmën e parë të plagosurës rëndë dhe ta dërgojnë në spital. Me një makinë të rastit, studenten e kanë dërguar në grahmat e fundit të jetës në spitalin ushtarak për të marrë ndihmën e duhur nga bluzat e bardha. Nuk është akoma plotësisht e qartë nëse studentja 20-vjeçare ka tentuar që t’i japë fund jetës së saj, apo ka rënë aksidentalisht duke larë xhamat e dritares së tualetit. Sipas burimeve policore, deri tani të dyja pistat janë nën hetim. Edhe vetë familjarët nuk e kanë shumë të qartë arsyen e hedhjes së vajzës së tyre. Të afërmit kanë deklaruar në polici se vajza e tyre mund të jetë hedhur pasi nuk kishte marrë një provim, por kanë qenë vetë ata më pas që kanë deklaruar se kjo mund të mos ketë qenë arsyeja e hedhjes së 20-vjeçares, por se mund të flitej për një aksident të rëndë që ajo ka pësuar duke bërë punët e shtëpisë. Ndërkohë nuk është përjashtuar pista e një depresioni mendor pas një dështimi në dashuri për studenten, por ende nuk ka ndonjë detaj për këtë të fundit.

Ardita Bala

---------


Ne fakt shume femra ne Shqiperi rrezikojne jeten kur lajne xhamat. Ato hypin te parmaku e trupin e nxjerrin jasht dhe i besojne dores qe mbahet tek druri i dritares dhe fshijne si te shkalluara dritaret qe dynjaja te mos i shaje..

Ne te semes Bota ..a lihet vajza ne dritare me la xhamat dhe nena shkon te bej Ujet ne banjo..

Ah moj nën tarallake.... Katundare...

Ne nje tavolin ne mes te dhomes dhe ka merak nje nen e mire po te hipi e bija e jo ne penxhere te katit te 6...

[Brari]

Ja dhe nji katnar tjeter qe nxjerr gocen e vogel ne rrug te madhe per ca para te qelbura.

-----------

gsh
--------

"Për eurot që na mori kunata"

"Përse e nxora gruan nga shtëpia"


--------------------------------------------------------------------------------

LAÇ

"Nuk dua të dënohet njeri, por vetëm të më kthehen 27 mijë eurot dhe të marr në shtëpi gruan e vajzën time". Kështu ka thënë dje për Gazetën Shqiptare, Urim Qemalli nga fshati Shpërdhet i Mamurrasit, i cili para pak ditësh ka nxjerrë nga shtëpia bashkëshotjen e tij, Lauretën, së bashku me vajzën 1,5 vjeçe, pasi motra e saj, Milja i grabiti në shtëpi 27 mijë euro. Urim Qemalli ka treguar arsyet që e ka nxjerrë bashkëshorten nga shtëpia. Kunata e Urimit, Milja, e ka pranuar në polici grabitjen e eurove, "të cilat ia ka dhënë Arstrit Tafës, efektiv i FNSH-së së Laçit", edhe ky i arrestuar.

Ku ishit kur iu humbën eurot?
Unë isha në Laç për punët e shtëpisë. Vjedhjen e eurove e morëm vesh pas një jave. Për këtë, Laureta denoncoi të motrën, e cila u arrestua bashkë me Astritin.

Pse e nxorët gruan nga shtëpia, bashkë me vajzën?
Kjo gjë mua më tmerron dhe më thellon plagët. Më dhimbsen vajza dhe gruaja, edhe për faktin se janë të pafajshëm, por nuk kisha rrugë tjetër. Eurot ishin të dhëndrit. Nuk kam si t'i them. Unë nuk kam as shtëpi që ta shes dhe t'ja jap lekët atij. Prandaj, nxjerrja e gruas nga shtëpia ishte si kusht për të m'i kthyer paratë motra e saj, ose i dashuri.

Nëse iu kthehen eurot, do ta merrni sërish në shtëpi?
Këtë dua edhe unë, që të më kthehen paratë e humbura, të marrë në shtëpi vajzën e gruan dhe t'i kthehem normalitetit.

---


shih katnari ka msu dhe fjalen " normalitet"..ec e thuj katnar kti mamurrsit..ose mamurr sianit..

lol.

[Brari]

Ecejaket e Birakëve nga Skrapari në kryeqytet

Familja e Elës u transferua në Tiranë


--------------------------------------------------------------------------------

Deri në fillim të viteve '90 familja Biraku ka jetuar në qytetin e Skraparit. Por me ndyshimin e sistemeve dhe shtimin e papunësisë i ati i Anduelës e ka pasur të vështirë të gjente punë si murator në qytetin e tij. Kështu që kanë vendosur të zhvendosen familjarisht në Vlorë. Atje vërtetë kanë patur një jetëse më të lehtë deri në vitin '97. Por pas këtij viti janë detyruar të marrin sërish plaçkat e të largoheshin në drejtim të kryeqytetit. Arsyeja e largimit të fundit nuk ka qenë thjeshtë ekonomike, por më tepër psikologjike. Dy ndër viktimat e tragjedisë Otrantos kanë qenë edhe tezja e Anduelës me bashkëshortin e saj. Kjo tragjedi i ka lënduar shumë në shpirt ata si familje, dhe qendrimi i mëtejshem në Vlorë u krijonte shumë tension. Kështu fillimisht e prenotuan një shtëpi në Tiranë, por vazhdonin të banonin në Vlorë, derisa para dy vitesh u shkëputën krejtësisht dhe blenë shtëpinë e tyre në kryeqytet.

------

Babai: Ela ishte studente e shkëlqyer


--------------------------------------------------------------------------------

"Nuk ka pasur asnjë shqetësim, se do të na e kishte thënë ne të parëve, si gjithmonë", tregon duke u mbështetur fort pas murit babai i Anduelës. Ai thotë se vajza e tij është rritur me halle në gjirin e një familjeje të thjeshtë punëtorësh. Dhe ndërrimi i shpeshtë i qyteteve ka ndikuar që skraparllesha të mos ketë një shoqëri fikse. Muratori i vjetër në zanat, ka shumë besim te optimizmi i së bijës. "Ela nuk ka rënë moralisht as vjet kur humbi konkursin e Shkencave Sociale, por vazhdoi shumë e qetë vitin e dytë të anglishtes", tregon ai krenar për të. Por, si shkak të vetëm të një mërzitjeje të largët ai përmend humbjen tragjike të tezes së Anduelës së bashku me viktimat e tjera të Otrantos.

----------
Fqinjët: Ela kishte tentuar dhe më parë


--------------------------------------------------------------------------------

TIRANE

Disa orë pas ngjarjes në Allias, banorët ende ndiheshin të tronditur. Një pjesë e tyre nuk arrinë ta shpjegojë motivin e hedhjes së Anduelës nga kati i gjashtë i pallatit ku ajo banonte. Njerëz të ndryshëm aty japin variante të ndryshme, në lidhje me ngjarjen. Një parukiere që punon në katin e parë të pallatit shtatëkatësh, thotë se ishte në lokal kur ndodhi ngjarja dhe po punonte. Sipas fqinjëve, Anduela kishte kërcënuar edhe më parë se do të hidhej, ndërsa e ëma kishte ndenjur afër vazhdimisht për ta parandaluar. "Ajo ra atje te ato gurët e mëdhenj, tregon me gisht parukierja, ndërsa më tej shton se "ajo u përplas në tokë, me zhurmë". Një burrë rreth të 50-ve, që pa skenën e tmerrshme tha se "ajo u përlas në tokë, sikur të përplasej ndonjë send i rëndë me forcë, duke shkaktuar një zhurmë që të jepte idenë e një trungu druri që përplasej në dysheme". Një vajzë banore e re në lagjen ku ndodhet edhe pallati thotë se e njihte pak Anduelën, porse nuk mund të thotë me saktësi se cili mund të ketë qenë shkaku ngjarjes. Më tej sqaron se dinte që Anduela të kishte pasur një lidhje dashurie me një djalë, deri disa kohë më parë. "I shikoja ndonjëherë këtej rrotull, thotë ajo, ndërsa sqaron se "kohët e fundit nuk i kam parë të rrinin më bashkë".

---------




halle halle kjo dynja..

[ALBA]

uffffffffffffffffff gjith keto ngjarje sikur te jemi ne mesjet nga varferia.Turp per qeverin, qe e le shtetin dhe popullin ne ket gjendje kritike,dhe mcifet mbas korrupsjonit.

[ornament]

Alba kam nje pyetje per ty:
Pse e ndjen te domosdoshme te postosh artikuj te tille?


ps; nuk di a e kupton pyetjen time.

[ALBA]

Orgament!A ka ndonje filozofi te madhe ti jap pergjigje pyetjes tuaj?Une aktivizohem gati cdo dit, mbi 2 ore ne internet dhe lexoj gazeta Shqipetare,sepse me intereson te di per vendin tim.Dhe ketu kam postuar ato artikuj qe me kan ber pershtypje,se si trajtohet populli im.Une eci me moton posht korupsjoni ne Shqiperi,aty ku jan interesat tona kombetare.Do te thuash,po pse pikerisht keto artikuj te ketij lloji?Po sepse jemi ne vitin 2003,dhe ne Shqiperi ka njerez qe vdesin nga uria,ne nje kohe ku korrupsjoni po ngrihet si nendetse dhe po cfrytezon postet qeveritare,dhe nuk mer pjes asnje ,ne hallet e popullit po bejn bla bla ne parlament ,ku te gjith kan gisht ne kete korrupsjon.A nuk eshte turp?Ja me thuaj ti nje dicka kundra ketij mesazhit tim ne qofte se nuk je dakort me mendimin tim.Hajt se kam qef njeher te debatojm bashke ))Me respekt Alba

[alvi]

Me ca pareesh do rregullohen hallet e popullit Alba?
Se kshu teori dime te gjithe ne, se jena mjeshtra, po realiteti qendron se ato para do vijne nga ato ndihma qe ti i kishe perbuzur ne nje shkrim tjeter, per Afganistanin dhe Shqiptaret.
He pra daje mendjen, do jemi krenare e do vdeism nga uria, apo do nenshtrohemi dhe do veme nje fare kamje?
Te dyja nuk i ben dot, se nuk ke fuqi!