"Kathimerini": Rama, me rrënjë vllehe
"Edi Rama është vlleh". Kështu shkruan e përditshmja më.ni, e cila në faqen e saj në internet ka publikuar shkrimin e Presidentit të Shoqatës të Studimeve Maqedonase në Greqi, Nicholas J. Mertzos. Në këtë shkrim Mertzos ka bërë një analizë të fakteve, që sipas tij vllehët pretendojnë se janë pakicë në të gjitha vendet e Ballkanit, me qëllim që të përfitojnë nga ky fakt. Por ajo që bie më shumë në sy në këtë shkrim është fakti se tre personazhe të njohur të politikës ballkanike, janë vllehë. "Për shembull, vllehë modernë në Ballkan ishin ministri i Jashtëm i Jugosllavisë, Kochi Popovic dhe kryeministri Hari Kostov në Shkup. Rrënjët vllehe në Serbi janë edhe tek Presidenti aktual Boris Tadiç, tek kreu i opozitës në Shqipëri, Edi Rama dhe në Greqi, tek kryetari i "Nea Demokratia", Antonis Samaras",- shkruan Nicholas J. Mertzos. Sipas autorit të shkrimit, kohët e fundit Rumania ka detyruar Beogradin të njohë "minoritetet vllehe" në Serbi, kurse propaganda rumune vazhdon dhe në Greqi, ku prej shumë vitesh kërkohet që vllehët grekëfolës të deklarohen se janë rumunë, por që sipas tij, kanë dështuar. "Që nga viti 1960-të vazhdojnë përpjekje me mënyra të buta, duke ofruar bursa dhe privilegje të tjera për çdo ballkanas të ri që rrjedh nga familja vllahe. Kjo përpjekje dështoi në Greqi, por pati sukses në Shkup dhe në Shqipëri.", - thuhet në artikullin e botuar në Kathimerini.
Më tej, Presidenti i Shoqatës të Studimeve Maqedonase në Greqi bën një analizë të fakteve historike për vllehët dhe henelizmin, si dhe të ardhmen e rëndësishme të Ballkanit, i cili sipas tij shumë shpejt do të shndërrohet në një zonë shumë të rëndësishme gjeopolitike, sepse është korridori strategjik për depozitat e Kaspikut dhe kontrollon sigurinë e energjisë së Bashkimit Evropian.
Partia e vllehëve
Vetëm pak ditë më parë komuniteti arumuno-vlleh në Shqipëri shpall krijimin e partisë së re, "Aleanca për barazi dhe drejtësi evropiane". Themeluesit e saj, duke prezantuar platformën politike thonë se do të jetë një parti e qendrës dhe në koalicion me çdo subjekt që fiton zgjedhjet parlamentare. Një ndër shqetësimet kryesore që mbeten ende pa zgjidhur për arumunët, sipas kësaj force politike, është çështja e arsimimit. Në Shqipëri ka vetëm një shkollë për këtë komunitet dhe ajo nuk është financuar nga shteti.
Thimi Samarxhiu - GSh
Përgjigju Duke Cituar
Postuar më parë nga safinator
Krijoni Kontakt