Elita Shqiptare e Kosoves ne Ish-Jugosllavi

[Akuamarini]

Ilaz Kurteshi
Ilaz Kurteshi (1927-2016), aktivist dhe luftëtar i Luftës së Dytë Botërore, shqiptar nga Kosova.

Kurteshi, më 7 maj 1969 u emërua në postin e Kryetarit të Kuvendit të Krahinës Socialiste Autonome të Kosovës, pas shkarkimit të Fadil Hoxhës. Në këtë post, si më i larti i deri më atëhershëm në Kosovë, qëndroi për katër vite, deri në mars të vitit 1974, kur u krijua Kryesia e Krahinës Socialiste Autonome të Kosovës, e në krye të së cilës u emërua Xhavid Nimani.[1]

Pas një sëmundjeje të rëndë dhe të gjatë, ndërroi jetë në datë 13 shkurt të vitit 2016.[2]
Ndërron jetë Ilaz Kurteshi, një nga hartuesit e Kushtetutës së vitit 1974

Pas një sëmundjeje të rëndë dhe të gjatë sot (e shtunë, 13 shkurt 2016) në Prishtinë ka ndërruar jetë Ilaz Kurteshi, ka njoftuar familja e tij.

Ilaz Kurteshi ka lindur në vitin 1927. Ka qenë një nga personalitetet më të njohura në kohën kur Kosova ishte autonomi në përbërje të ish-federatës Jugosllave. Ishte një nga hartuesit e Kushtetutës së vitit 1974, me të cilën Kosova për të parën herë në historinë e saj është njohur si territor dhe entitet i veçantë politik me elemente të theksuara të sovranitetit. Sidomos mbahet në mend kontributi i tij vendimtar në themelimin e Radio-Televizionit të Prishtinës, Bibliotekës Universitare, Akademisë së Shkencave të Kosovës dhe Institutit Albanologjik.

Ka qenë bartës i shumë posteve më të larta në Kosovë dhe në federatën Jugosllave. Ishte kryetari i parë dhe i vetëm i Kuvendit të Jugosllavisë nga radhët e shqiptarëve.

Me vendimin e presidentit të ndjerë Ibrahim Rugova, ka qenë anëtar i delegacionit të Kosovës, e cila në prag të bombardimeve të NATO-së ka nënshkruar në Paris Marrëveshjen e Rrambujes.

Varrimi i të ndjerit do të mbahet të dielën, në 14 shkurt 2016, në fshatin e tij të lindjes Lubinje e Poshtme (Prizren), në ora 14.30.

[Akuamarini]

Rexhai Surroi


REXHAI SURROI
Rexhai Surroi ishte politikan dhe zyrtar i lartë i diplomacisë së ish-RSF Jugosllavisë, gjithashtu ishte ambasador i Jugosllavisë në Spanjë dhe një numër të vendeve Latino Amerikane.

Rexhai Surroi është autor i disa librave dhe i ati i publicistit të njohur kosovar, Veton Surroi, dhe aktivistes Flaka Surroi.

Rexhai Surroi vdiq në një incident që përshkruhej si aksident trafiku derisa ishte ambasador në Spanjë, por dyshohet se mund të ketë qenë vrasje me motive politike.

Shpërblimi vjetor Rexhai Surroi për gazetari dhe letërsi është themeluar nga Grupi Koha duke filluar nga viti 2008.