Lëvizja VETËVENDOSJE!

[Llapi]

LDK: FINSIK ISMAJLI E VETËVENDOSJE E MONTUAN VIDEON KUNDËR DJALIT TË ISA MUSTAFËS


Për një video që ishte lëshuar në kohë fushate në zgjedhjet e fundit lokale e ku dukej që djali i Isa Mustafës po jepte mito për vota për babanë e tij, Lidhja Demokratike e Kosovës (LDK) mendon që e di se kush e ka bërë. Ata po thonë se është montazh.

Arben Gashi, deputet i LDK’së ka thënë në RrokumTV se kjo video është bërë në zyrën e Fisnik Ismajlit. Ismajli në këtë debat e ka mohuar këtë gjë.

Arben Gashi në një prononcim për Express thotë se me sa di në hetimet që Prokuroria e Shtetit po i bënë në këtë rast, askush ende nuk e ka përmendur këtë gjë që ai e ka thënë në debat.

[ARIANI_TB]

[Llapi]

hahahaaaaaaaaaaa
po kush i ka ftue atje more zoteri
po ata qe e kan thierr ne ate tryez nuk kan lidhje me shtetin e institucionet e amerikes

[Antiproanti]

Kurti: FAK-u dhe vendet e rezervuara nuk duhen ndërlidhur

Lideri i Lëvizjes Vetëvendosje, Albin Kurti, i cili ka qëndruar në SHBA ditëve të fundit, gjatë një interviste dhënë Zërit të Amerikës, duke folur për mos-kalimin e ligjit për formimin e Forcave të Armatosura të Kosovës, ka thënë se kronologjia e zhvillimeve dhe ngjarjeve përkatësisht më këtë çështje e tregon kuptimin e asaj se çfarë ka ndodhur.

Ai tha se fillimisht ekziston marrëveshja e prillit të vitit 2011, që Kosova të jetë me shumë zona zgjedhore. Por, sipas tij, meqenëse kjo nuk u realizua, atëherë Serbia e pa që duhet të kërkojë edhe mandate shtesë për vendet e rezervuara, pasi që nuk do të mund ta ketë zonën serbe brenda Kosovës në zgjedhjet e ardhshme.

“Ata synonin që të ishin gjashtë, apo shtatë zona shqiptare dhe një zonë virtuale serbe, e përbërë prej veriut dhe enklavave. Kjo dështoi, dhe tash duan një apo dy mandate shtesë që është në kundërshtim me kushtetutën e Republikës së Kosovës, dhe një dëshmi më shumë që përparësitë që i kanë marrë nga plani Ahtisaari po i përdorin kundër planit Ahtisaari. Dhe duket që në bisedimet e Brukselit, kryeministri Thaçi i ka premtuar ish-kryeministrit të Serbisë Daçiq që do të vazhdojë ulëset e rezervuara për një ose dy mandate, para Baroneshës Ashton atje”, ka thënë Kurti mes tjerash.

Dhe tash, duke pas parasysh se e ka dhënë këtë premtim atje, Kurti thotë se kryeministri po përpiqet që edhe Kosova të përfitojë diçka, konkretisht Forcat e Armatosura të Kosovës.

Ai thotë se FAK-u edhe ulëset e rezervuara nuk duhet të lidhen me njëra-tjetrën, dhe as me premtimet që i ka bërë kryeministri në Bruksel.

“Ne kemi nevojë për ushtri, dhe ushtria e Kosovës, e quajtur Forcat e Armatosura të Kosovës nuk është kundër serbëve, nuk është kundër asnjë minoriteti në Kosovë, ajo mund të jetë vetëm kundër pretendimeve të Serbisë për Kosovën. Prandaj, të gjithë ato që kundërshtojnë Forcat e Armatosura të Kosovës, në fakt nuk përfaqësojnë as qëndrim minoritetesh, por përfaqësojnë qëndrimin e Beogradit i cili e kundërshton këtë gjë”, ka thënë Kurti.

Ai është shprehur kundër vazhdimit të vendeve të rezervuara për pakica pasi që, sipas tij, ato na e minojnë shtetësinë neve, duke e bërë Kosovën një vend jofunksional.

Në lidhje me zgjedhjet e ardhshme parlamentare, të cilat me gjasë do të mbahen më 8 qershor, Kurti ka thënë se Kosova ka nevojë për zgjedhje të parakohshme sepse, siç tha ai, “sa më shkurt të jetë në krye të shtetit kjo qeveri, aq më mirë do të jetë për Kosovën si republikë, dhe për popullin e Kosovës”.

Por, ai ka thënë se duhet të aprovohet edhe ligji i zgjedhjeve, dhe se kemi nevojë që këto zgjedhje të jenë të përgatitura mirë.

“Po bëhen disa pazare politike jashtë-institucionale dhe jashtë-ligjore dhe kjo po ndodh midis krerëve politikë të partive në Kosovë ku ne nuk marrim pjesë. Ne mendojmë që ka nevojë për diskutime parlamentare në kuvendin e Republikës dhe mendoj që tash që Kosova do të ketë një zonë zgjedhore, tash që listat do të jenë të hapura, praktikisht nuk do të ketë reformë zgjedhore. Dhe është mirë që në zgjedhjet e ardhshme të kujdesemi që të mos përsëritet çka do qoftë që i përngjan asaj vjedhjes industriale të dhjetorit të vitit 2010. Pra, kemi nevojë për zgjedhje të lira e demokratike, e jo vetëm për zgjedhje të qeta, siç u quajtën atëherë”, ka thënë Kurti.

Kryetari i Lëvizjes Vetëvendosje, Albin Kurti, ka folur edhe për Gjykatën e Posaçme të Kosovës, që do të gjykonte ish-luftëtarët e Kosovës, vendim për të cilin, ky subjekt politik është shprehur kundër.

“Ne kemi një kryeministër të cilit shumë më tepër i frikësohen qytetarët e vendit se sa Serbia. Dhe kemi një kryeministër i cili është i dobët karshi të tjerëve dhe i fuqishëm karshi qytetarëve të Republikës, prandaj na erdh edhe ky tribunal, kjo gjykatë e veçantë që në fakt vjen pas kapitullimit të dialogut me Daçiqin në Bruksel, ku u morën vesh për asociacionin e komunave me shumicë serbe, në të cilin praktikisht gjithandej e fitoi pushtetin partia e Beogradit. Natyrisht, pas kapitullimit vjen tribunali, dhe për bindjen time kjo gjykatë speciale e dorëzon luftën çlirimtare jashtë vendit. Ne e kemi kundërshtuar këtë gjë; pas tribunalit të Hagës, për paqe, stabilitet dhe pajtim në Ballkan, ka nevojë për një tribunal ndaj Serbisë. Ajo shkaktoi katër luftëra, dhe vrau 150,000 jo-serbë: sllovenë, kroatë, boshnjakë dhe shqiptarë. E jo tash, UÇK-ja të kriminalizohet dhe mediat botërore të mbushen me shpifjet e ndryshme që e kanë burimin në Beograd e fatkeqësisht e gjetën edhe vulën e senatorit Marty në Këshillin e Evropës”, u shpreh Kurti.

Ndërkaq, në lidhje me çështjen e luftëtarëve të Kosovës që shkojnë në luftën e Sirisë, lideri i VV-së ka thënë se kur në vitin 2012 opozita siriane pat ardhur në Kosovë, pati gjetur mbështetjen e pa rezervë të Ministrisë së Punëve të Jashtme të Kosovës, e cila, sipas tij, bëri gabim kur e krahasoi opozitën siriane me UÇK-në dhe Assadin me Millosheviqin.

“Mbase Assadi mund të krahasohet dhe me diktatorë të tjerë, mirëpo jo edhe opozita siriane. Dhe në këtë mënyrë, Ministria jonë e Punëve të Jashtme kontribuoi që dhjetëra të rinj të shkojnë në këtë luftë ku nuk dihet qartë as qëllimi, as përbërja, as betejat, etj. Mendoj që shkuarja e tillë në luftë është e gabueshme, dhe mendoj që këtë e bëjnë shumë njerëz të cilët janë në gjendje të dëshpëruar në Kosovë. Pra, Kosova po shndërrohet në një tokë pjellore për gjithfarë ekstremizmash, për shkak të papunësisë së madhe, varfërisë së madhe, dhe qytetit të ndarë të Mitrovicës ku i kemi tre maune me dhe midis urës mbi Ibër, ndonëse janë pesë mijë pjesëtarë të KFOR-it, një mijë e dyqind të EULEX-it, tetë mijë policë të Kosovës, dhe dy mijë e pesëqind pjesëtarë të FSK-së. Pra, ndarja e brendshme, dhe mungesa e perspektivës për punësim, po bën që shumë të rinj të ndërmarrin edhe këto lloj veprimesh ekstreme që natyrisht nuk janë të dëshirueshme për askënd”, ka thënë Kurti.

http://koha.net/?id=27&l=8919

[Llapi]

Ilir Deda zyrtarizon kalimin në Vetëvendosje!
Publikuar: 08.05.2014 - 16:28


Edhe drejtori i KIPRED-it, Ilir Deda i është bashkuar sot Lëvizjes Vetëvendosjes. Këtë e ka bërë publike lideri i VV, Albin Kurti në një takim ku kjo lëvizje ka paraqitur alternativen e saj qeverisëse.

Deda tha se vetëm me VV dhe Albin Kurtin kryeministër, qytetarët mund të ndihen krenar që janë qytetarë të shtetit të Kosovës.

Po na sulmojnë sepse ne jemi të rëndësishëm, e fitorja është shumë afër. Me VV problemet e qytetarëve dhe shtetit nuk janë të padukshme, siç kanë qenë deri tani, tha Deda.

[ARIANI_TB]

Ilir Deda zyrtarizon kalimin në Vetëvendosje!
Publikuar: 08.05.2014 - 16:28


Edhe drejtori i KIPRED-it, Ilir Deda i është bashkuar sot Lëvizjes Vetëvendosjes. Këtë e ka bërë publike lideri i VV, Albin Kurti në një takim ku kjo lëvizje ka paraqitur alternativen e saj qeverisëse.

Deda tha se vetëm me VV dhe Albin Kurtin kryeministër, qytetarët mund të ndihen krenar që janë qytetarë të shtetit të Kosovës.

Po na sulmojnë sepse ne jemi të rëndësishëm, e fitorja është shumë afër. Me VV problemet e qytetarëve dhe shtetit nuk janë të padukshme, siç kanë qenë deri tani, tha Deda.

Mendoj se aderimet kudo çofshin ato janë të mirë se ardhura dhe të nevojshme për vendin dhe shoqërinë.

Tani sa i përket aderimit të Ilir Dedës në Lëvizjen VetëVendonjse, mendoj se nga kjo më së shumti në aspketin afatmesëm dhe afatgjatë do pësoj vetëm VV, sepse Iliri nuk është në Lëvije pse përkrah konceptin e VV, por ai (Iliri) në VV është vetëm e vetëm për karierën e tijë politike.

Mos të harrojme se Ilir Deda botërisht ka përkrah Pakon e Ahtisarit, Flamurin e Ahtisari, ishte këshilltar i Atifete Jahjagës, e ku botërisht dihet se ajo (Atifetja) në këtë post është në mënyrë JO-Ligjore dhe se po ashtu Atifetja ishte përkrahëse e bisedimeve pa kushte me serbinë - Ndërsa VV në vazhdimësi ishte kundër të gjitha këtyre. Po ashtu Ilir Deda deri para ca vjete ishte kundër Bashkimit Kombëtar - Ndërsa VV PRO Bashkimit Kombëtar.

Tani shtrohet pyetja logjike si është e mundur që LVV ta pranojë ILIR Dedën, kur në të gjitha rastet ishin kundër njëri - tjetrit. Dhe, se Iliri para se të aderonte në VV, publikisht nuk tha se i ka rra pishmanit për të gjitha që i ka përkrahë. Kjo i bie se Iliri në VV, nuk është për konceptin e VV, por është për Interesin e tijë vetiak.

Sa i përket zgjedhjeve naciobane të 8 Qershorit, mendoj se nëse VV nuk do fitoj më shumë se 15 Deputet, në të ardhmën do ketë rramje dragstike.

Me Ilirin Dedën - VV në periudhë afatmesme e afatgjatë do pëson...!!!!

[Llapi]

Vetëvendosje: Ilir Deda kishte nevojë të sëmurë të tregonte se VV është kriminale


GazetaExpress E premte, 09 Maj 2014 10:38
Dje Ilir Deda në fjalimin aderues në Vetëvendosje tha se me këtë parti, Kosova dhe ai do të ndihen krenarë. Por, çka kishte thënë Deda dhe Vetëvendosje për njëra-tjetrën në vitin 2007-2009...

Lëvizja e Albin Kurtit dikur konstatonte se KIPRED’i i Ilir Dedës është më i keq se UNMIK’u, kurse Ilir Deda ka urrejtje patologjike për Vetëvendosjen.

Ilir Deda dje aderoi në këtë parti dhe tha se qytetarit do ti kthehet dinjiteti vetëm me Vetëvendosjen dhe Albin Kurtin Kryeministër.

Por, çka mendonin këto dy palë vite më parë për njëra-tjetrën?

“Asgjë nuk është UNMIK-u, çka është KIPRED-i”, është një koment i Vetëvendosjes i botuar më 9 shkurt të viti 2009 në traktin e tyre politik, trakt që rëndom ia botonte edhe gazeta Express.

“Në raportin e saj për vitin 2008, sa i përket Kosovës Freedom House është mbështetur mbi raportin e OJQ'së kosovare KIPRED, raportin e OJQ-së kosovare KIPRED, gjegjësisht punëtorit të kësaj organizate, Ilir Deda. Kur vjen puna te trajtimi i demonstratës dhe ngjarjeve të 10 shkurtit, raporti është përplot urrejtje patologjike për VETËVENDOSJE!-n dhe i ngarkuar me paragjykime të poshtra, akuza të paqëndrueshme dhe shpifje të padurueshme, të cilat shkojnë shumë më larg se po t'i marrim së bashku akuzat e UNMIK-ut, Tina Kaidanow-it dhe qeverisë së Ulpiana Lamës”, thuhet në këtë koment të lëvizjes.

“Ky farë Ilir Deda ka shkruar sikur të kishte një nevojë të sëmurë për t'iu treguar atyre që dëshiron t'u dëshmohet, se VETËVENDOSJE!-a është shumë më kriminale se që mendon UNMIK-u dhe pushteti”, konstatonte Vetëvendosje.

Vetëvendosje në këtë koment sjell fragmente nga raporti i Ilir Dedës dhe thotë se ai është edhe më i keq se Maurico Salustron, gjykatësin e rastit kundër Albin Kurtit, që më vonë u bë edhe më i famshëm me hetimet e tij penale në rastet e krimeve të luftës.

“Kësi shpifje tendencioze, në funksion të krijimit të klimës së përshtatshme për arsyetimin e krimit të UNMIK-ut, nuk ka bërë madje as gjykatësi i procesit të montuar, të turpshëm e të dështuar politiko-gjyqësor kundër Albin Kurtit, Mauricio Salustro. Mbase me të mund të matet vetëm poshtërsia e deklaratave të Fazli Balajt, të cilin më vonë UNMIK-u e caktoi si avokat mbrojtës të Albinit!!!”, thotë Vetëvendosja.

Krejt në fund të këtij komenti, Vetëvendosje mendon që e di se pse Ilir Deda e ka bërë një raport në të cilin e sulmon Vetëvendosjen.

“Sepse KIPRED-it i intereson vetëm dhe vetëm një gjë e ndyrë dhe shumë e ndryshme nga të drejtat civile e politike: sahanlëpirja që sjell donacione”, thuhet në komentin e Vetëvendosej që të plotë mund ta lexoni më poshtë.

[Llapi]

Qytetarët akuzojnë Komunën e Prishtinës se po ua shtron rrugët zyrtarëve të VV’së (Video)
​

GazetaExpress E shtune, 24 Maj 2014 20:49
Banorët e Zllatarit të Prishtinës e kanë bllokuar rrugën në mënyrë demonstrative dhe arsye për këtë po thonë të jenë veprimet e fundit të komunës ku po shtrohen vetëm rrugët që shpien që shtëpitë e aktivistëve të Vetëvendosjes.

“Nuk janë edhe pa politike këto sepse ka edhe anëtarë të subjekteve të ndryshme politike të tyne prandaj ne nuk mund t’i dimë qëllimet e tyre se çfarë janë”, tha Driton Haziri, banor i fshatit.

“Kom ardhë në pushim për momentin, vetura është e jemja. Javën e kalume mu ka dashte edhe goma me ble të reja për shkak të asaj rrugës”, tha banori Sinan Haziri .

Por situata u insistua kur aty u pa asambleisti Sadri Ramabaja që vjen nga Vetëvendosje.

Ai thotë se këta qytetarë janë të manipuluar.

Në rrugicat ku po punohet në rregullimin e rrugëve jetojnë Sadri Ramabaja dhe familja e Visar Ymeri./Klan Kosova/

[Llapi]

Kryetari Ahmeti qytetarëve: Jepini para Vetëvendosjes (Video)



GazetaExpress E diel, 25 Maj 2014 08:59
Kryetari i Prishtinës, Shpend Ahmeti, përmes një video në postuar në YouTube dhe të shpërndarë në Facebook, ka kërkuar donacione për fushatën e Lëvizjes Vetëvendosje.


http://www.youtube.com/watch?v=qsozwpjoxgE#t=85

http://www.youtube.com/watch?v=qsozwpjoxgE#t=85

[ARIANI_TB]