Lëvizja VETËVENDOSJE!

[Llapi]

Njëjtësimi i VV-së me partitë tjera - fillimi i fundit të saj



Sali Bytyçi E shtune, 19 Korrik 2014 11:29
A mund të themi sot se VV-ja është e ndryshme nga partitë tjera? Me çfarë është e ndryshme nga ato? Në fakt, tani, Lëvizjes Vetëvendosje, nga ajo Lëvizje që ishte në fillim, vetëm agresiviteti i ka ngelur si veçori dalluese prej partive tjera, me çdo gjë tjetër është e njëjtë me to

Të gjitha partitë, duke filluar nga LDK-ja, PDK-ja, AAK-ja etj., elektorati i ka votuar se janë ashtu siç janë, ndërsa Vetëvendosjen e ka votuar se është ndryshe prej tyre! Pra, derdhja e votave në llogari të kësaj partie, duke e konsideruar këtë sinjë alternativë të re, si diçka që nuk mund të jenë partitë e sipërpërmendura, është bërë nga ai elektorat i cili kërkon ndryshime rrënjësore në shoqërinë tonë, përndryshe, ky elektorat nuk do të derdhte kot vota për një parti të njëjtë apo të ngjashme me partitë tjera.

E kam përcjell VV-në që nga koha kur ishte lëvizje, kur protestonte në rrugë. Kur më është dhënë rasti edhe i jam bashkëngjitur, duke llogaritur se edhe mund të mbetem viktimë, si ata që mbetën të vrarë nga rumunët. Më ka entuziazmuar këmbëngulësia për të dalë në skenë si një lëvizje që kërkon ndryshime. Protestat e saj më kanë kujtuar pranverën shqiptare të vitit ’81. Edhe kur hyri në Parlament, pas një kohe të gjatë në rrugë, nuk më la ky entuziazëm, por ky filloi të më zbehej më vonë - kur Lëvizja Vetëvendosje filloi të bëhej njësoj me partitë tjera.

D.m.th. gjithë ajo lëvizje, të gjitha ato protesta, gjithë ai kundërshtim nga Vetëvendosja u bënë që të bëhet edhe kjo si partitë tjera, të njëjtësohet me to? Gjithë ajo propagandë për bashkimin kombëtar, pastaj mërdhirja e njerëzve në kufi të mos kalojnë kamionët e Serbisë, u desh të derdhet edhe gjaku i të rinjve në rrugët e Prishtinës, që kjo lëvizje të vijë në një pikë të tillë?!

Gjatë kohës së rënies së entuziazmit, për të mos thënë të zhgënjimit me këtë lëvizje, fillova të mendoj për fenomenin e njëjtësimit të të kundërtave. Për të kuptuar këtë fenomen më erdhi në ndihmë një bisedë që kam pasur me liderin e kësaj lëvizjeje, Albin Kurtin, në verën e vitit 2000 në Burgun e Nishit.

Si i burgosur në fillim të majit të vitit 1998, për çfarë ndodhte jashtë, kuptoja vetëm nga fjalët e atyre që vinin pas meje në burg, prej të cilëve më kishte rënë të dëgjoja edhe atë se nga ana e disa pjesëtarëve të UÇK-së, gjatë luftës, kishte ndodhur ndonjë akt i cili i kishte tejkaluar masat e humanizmit. Se sa ishin të vërteta ato, unë nuk isha në gjendje të gjykoj, por kur i dëgjova, shpreha mospajtimin tim me to. Këtë mospajtim ia shpreha një ditë Albinit, ndërsa ai ma ktheu gjakftohtë: “Dëgjo Sali, dy ushtri, sa më gjatë që të luftojnë mesveti, shkojnë duke i ngjarë njëra-tjetrës!”. Pra, sipas tij, një gjë e tillë ishte normale.

Pikërisht në fjalët e Albinit e gjeta çelësin e njëjtësimit të VV-së me partitë tjera. Pra, lufta e gjatë që bëri kjo lëvizje kundër partive të tjera, e bëri të njëjtë me to. Shenja më e qartë e këtij njëjtësimi të kësaj partie me partitë tjera ishte akti i djeshëm i saj në Kuvendin e Kosovës dhe përpjekja e saj për t’u treguar e ndryshme nga partitë tjera kinse me abstenimin, tregonte katërçipërisht deri ku ka arritur etika e kësaj partie! Kjo shihej edhe nga pamja e nënkryetarit të Isa Mustafës, Konjufcës, nga hija e keqe që i kishte rënë fytyrës së tij. Zyrtarët e saj, edhe pse deklaronin se nuk kishin marrëveshje me koalicionin, prapë punën e tyre e bënë deri në fund në mbështetje të këtij koalicioni!!!

Por, nëse thashë në fillim të këtij opinioni se elektorati ia dha Vetëvendosjes votat sepse ishte ndryshe nga të tjerët, njëjtësimi i saj me partitë tjerë është edhe fillimi i fundit të saj!

Si përfundim, në dekadën e fundit, dy parti që dolën në skenë, sikur qëllim të vetëm kishin të ngjallin shpresën e këtij populli të pashpresë: e para, AKR-ja, lideri i së cilës ishte treguar si biznesmen i fuqishëm në botë, pra, shpresohej, me shembullin e tij do të ndikonte të rimëkëmbej ekonomia e Kosovës dhe, e dyta, Lëvizja Vetëvendosje, me kapitalin moral që posedonin themeluesit e saj, do të ndikonte në kurimin moral, pastaj edhe ekonomik të shoqërisë sonë.

AKR-ja shkoi, hapave të saj po shkon edhe Vetëvendosja, dhe me to edhe shpresat që ngjallën. Pas tyre vazhdon “normaliteti”, vazhdon rutina dhe rrëfimi “Na ishin njëherë...”.

[beni33]

edhe ky salihi esht si puna e zonnjes meri po ku duket si mej ik HOXHES PREJ TABUTI SMET KUSH PA U SHPALL ANALIST

[beni33]

Veq 37 vota i kom ku jem marr edhe do hiq spo di

[Llapi]

Isa Mustafa: Vetëvendosje do t’i pres këmbët e veta - VIDEO

18.07.2014 19:03

Isa Mustafa humbi drejtimin e Prishtinës në zgjedhjet e fundit lokale. Ai gjatë fushatës zgjedhore ishte i vetëdijshëm se nëse nuk arrin të fitoj në raundin e parë, në raundin e dytë mund të mposhtet.

Në një takim me elektoratin ai thoshte se programi i LDK-së nuk përputhet me partitë tjera, e aq më pak me Lëvizjen Vetëvendosje. Për këtë parti Mustafa thoshte se po e “lëshojnë kosën” në hapësirë të gjerë, por sipas tij, në fund do t’i “presin këmbët e veta”.

Por në Kosovë politikanët rrallëherë e bëjnë atë që e thonë. Tani kur nuk ka kaluar shumë kohë, Mustafa ka tjetër qëndrim për partinë e Albin Kurtit. Është pikërisht ajo që e shpëtoi nga shkarkimi në parti, pas humbjes së zgjedhjeve nacionale.

Bile ai nga humbës pretendon të dal fitues, pasi dje u zgjodh kryetar i Kuvendit të Kosovës, post i cili po kontestohet nga PDK, e cila rastin e ka dërguar në Gjykatën Kushtetuese. (reporteri.net)



http://www.youtube.com/watch?v=kJC3MvN5dUs#t=49
Isa "Vetëvendosjes" : Po i preni kam't me kosë!

[Llapi]

Zonja Meri: Albin Kurti është dash, idealist, tradhtar...



Albin Kurti ka ndryshuar shumë kohët e fundit, si në aspektin personal ashtu edhe në atë politik.
Lidhur me këtë Gazeta Express e ka pyetur astrologen shqiptare Meri.

Nëse Lideri i Vetëvendosjes brenda pak javësh ka bërë gjithë këto ndryshime, sa mund të ndryshojë ai në muajt e ardhshëm.



“Albin Kurti është në shenjën e Dashit, ka energji, optimizëm dhe ide dhe madje në disa raste është idealist. Kjo do të thotë që në disa raste ai i tradhton idealet e veta ose i tjetërson, duke u bërë demagog. Interesi personal mbetet në qendër të tij, megjithëse në shumë raste ai i ndan të mirat me të tjerët në formë të ndihmës apo shërbimit social. Uroj t’i besoj idealeve të larta dhe të mos i tradhtojë ato me raste”, ka thënë astologia Meri./indeksonline/

[Llapi]

Ngadalë Albin, mund ta thyesh kokën!
Kryetari i Lëvizjes Vetëvendosje, Albin Kurti, nuk ka më nevojë të fshihet në bagazhin e makinës për t’i takuar miqtë e tij serbë, por as të fshehë flamurin e Kosovës në xhepin e pasmë të pantallonave. Kjo ngase Kurti nuk është më ai i njëjti, ai i cili shtyri në protesta të dhunshme qytetarët e Kosovës për të kundërshtuar proceset në vend. Ai tani ka ndryshuar
LAJM

Koha apo ambicia për pushtet po ia ndërrojnë pikëpamjet Albin Kurtit.

Mjaftoi rezultati i zgjedhjeve të 8 qershorit të këtij viti që të dëshmohet se kauza e liderit të VV-së ishte vetëm një qëndrim për konsum politik, një destinacion që ai mendonte se do t’i siguronte më lehtë marrjen e pushtetit.

E mbajnë mend të gjithë Kurtin e dikurshëm, që nuk la proces pa “kthyer përmbys” në emër të parimeve që ai i quante parime të Lëvizjes VV!. Nuk la proces pa “përmbysur” në emër të një nacionalizmi që po del të ketë qenë vetëm një farsë e llojit të vetë.

Që nga 8 qershori kur ai yshti partitë politike LDK-AAK-NISMA që të krijojnë një bllok opozitarë për t’ia marrë pushtetin e legjitimuar nga populli Hashim Thaçit, ditë pas dite, Kurti vazhdoi të lëpijë krejt atë që kishte pështyrë deri më tani.

Duhet patjetër një shikim në retrospektivë për të parë ndryshimin e madh të Kurtit dhe dëshirën e tij për të ardhur në pushtet.

Në fillim ai ishte kundër dialogut, pastaj në bisedat e tij për marrëveshjen me bllokun opozitar tha se VV nuk është kundër dialogut, por kundër dialogut pa parime! Dhe krejt në fund, ai pranoi që VV të udhëheqë dialogun me Serbinë, nëse ajo do t’i bashkëngjitet bllokut opozitar.

Se Kurti, kur bëhet fjalë për pushtet, nuk i interesojnë parimet e tij dhe se qëndrimi i tij i rezervuar ndaj minoriteteve ishte vetëm për konsum politik, u pa sidomos të enjten më 17 korrik të këtij viti, kur Lëvizja Vetëvendosje votoi pro zëvendësimit të kryesueses Flora Brovina, me një përfaqësuese të minoriteteve, për ta mandatuar në mënyrë krejt të paligjshme Isa Mustafën e LDK-së për kryetar të Kuvendit.

Duket se ishte hera e parë kur Kurti nuk foli për parimet e tij, nuk foli për flamurin kombëtar e as për nacionalizmin e tij që e pati shprehur botërisht. Në këtë datë e këtë ditë Kurti shkeli krejt parimet, shkeli ligjet e rregullat e Kuvendit. Për mbrojtjen e këtyre parimeve ‘u bën copë’ rrugëve të Prishtinës. Së fundi në qershor të vitit të kaluar, në ditën kur me 80 vota pro u votua ratifikimi i marrëveshjes për normalizimin e marrëdhënieve me Serbinë, aktivistët e VV-së zunë rrugët, sulmuan institucionet, bllokuan Kuvendin. Asokohe u desh ndërhyrja e policisë për të liruar dyert që i kishin bllokuar këta aktivistë.

Ishte një kundërshtim i ashpër, me protesta brenda dhe jashtë Kuvendit. Puna kishte shkuar deri aty sa Albin Kurti deshi t’ia rrëmbejë mikrofonin Jakup Krasniqit për të mos e lejuar të vazhdonte me rendin e ditës. Policia e Kosovës asokohe arrestoi 30 persona.

Visar Ymeri nga Lëvizja Vetëvendosje pati thënë se kjo marrëveshje e amniston pushtetin kriminal të Serbisë. “Marrëveshja përfundimisht e ndanë Kosovën në baza etnike” pati thënë Ymeri.

Nuk lanë gjë pa thënë jo vetëm për Qeverinë, por edhe për partitë opozitare që votuan pro këtij projektligji. Kurti tani është shumë i gatshëm që të jetë pjesë e qeverisë, po ashtu i gatshëm edhe për vazhdimin e dialogut me Serbinë, të cilin e kishte kundërshtuar ashpër. Ky ndryshim i Kurtit nga analistë politikë është parë nga anë të ndryshme.

Disa e kanë vlerësuar për ‘kthesën’ që Kurti po bën në skenën politike e disa kanë vlerësuar se ai po shkel mbi parimet e tij. ‘Pas zgjedhjeve të 8 qershorit në Lëvizjen VV-së ka pasur një reflektim serioz rreth rezultatit zgjedhor, por edhe për hapat që duhet të marrë VV për të qenë faktor në opozitën e vendit dhe që të vijë në pushtet. Ka pasur, gjithashtu një qëndrim se ‘pa u hapur pak’ karshi proceseve në vend nuk do ta mundin kurrë Hashim Thaçin dhe se koha më e favorshme ka qenë situata pas zgjedhjeve. Natyrisht ka pasur edhe të atillë që nuk janë pajtuar fort me disa çështje, sidomos sa i takon lëshimit pe për bisedimet me Serbinë’, ka thënë një burim i gazetës “Lajmi” brenda Lëvizjes Vetëvendosje. Ky burim ka shtuar se nuk ka mjaftuar koha që Kurti të ndryshojë gradualisht, prandaj kjo ka ra në sy nga të gjithë.

“Nuk e dimë ende se si do të reflektohet kjo në elektoratin e Lëvizjes Vetëvendosje, por hyrja në qeveri e VV-së në këtë periudhë konsiderohet e domosdoshme”, ka shtuar ky burim.

Në një intervistë për një medium televiziv të para disa ditëve analisti Shpend Kursani është shprehur se ndryshimi i Kurtit dhe i Lëvizjes VV po bëhet për t’u bërë pjesë e qeverisë. ‘VV dhe zoti Kurti i ndërruan shumë shpesh mendimet, është normale me ardh në këtë pozicion pas 4 vjetëve. Është si me ra prej katit të dhjetë. Këta e treguan se po duan të hyjnë në qeveri gjë të cilën e kanë kundërshtuar vazhdimisht’, qe shprehur Kursani.

Edhe më ironik në lidhje me ndryshimin kaq të shpejtë të Albin Kurtit është shprehur edhe zëvendëskryetari i Partisë Demokratike të Kosovës, Kadri Veseli në një intervistë po për një medium kosovar. ‘Vetëvendosje më ka befasuar për të mirë. Ka arritur ta bëjë një ndryshim. Vetëvendosje nuk jeton në mars, por jeton në tokën e Kosovës, po e pranon edhe dialogun besa për pushtet. Kjo është situatë shumë e mirë”, është shprehur Veseli një ditë para mbajtjes së seancës së Kuvendit të Kosovës. Meqë nuk mundi t’i ndryshojë rrethanat në favor të tij dhe elektorati nuk e votoi aq sa ai mendonte, Kurti duket se u shikua edhe njëherë në pasqyrë.

Duket si i solli krejt në mendje sjelljet e tij politike, ideologjinë e tij përjashtuese dhe sjelljen e tij prej kryeneçi. Kurti duhet ta ketë parë veten e tij në protestat e dhunshme nëpër rrugët e Prishtinës pikërisht në emër të disa parimeve që nuk e sollën në pushtet.

E meqë rrena i ka këmbët e shkurtra, ai nuk mundi të gënjejë më për patriotizmin e tij sa shitet, se edhe duke u shitur i tillë siç shitej nuk do ta mund kurrë Hashim Thaçi.

Ai pa edhe njëherë se sa larg është nga Hashim Thaçi, qoftë për vendimet, qoftë për programin politik që ofron për qytetarët. Kurtit nuk i ngeli rrugë tjetër, pos ta ‘shfryjë’ krekosjen e tij, dhe ‘nga marsi’ të zbresë në tokë, për të reflektuar më mirë politikisht.

Tani Kurti më shumë ngjan me Isa Mustafën e Ramush Haradinajn sesa me veten e tij. Veç kësaj Albin Kurti i hyri një dialogu pikërisht me ata që ishte konfrontuar në vazhdimësi, me ata që i kishte kritikuar se po ia zgjasin pushtetin Hashim Thaçit, me ata që i kishte akuzuar për haraç e korrupsion. Kthesa e tij u bë edhe në një moment, kur pa dobësinë e partive opozitare se mund t’i manipulojë e në kurriz të tyre të vijë në pushtet. Kurti nga një korb mori fytyrën e një dhelpre.

Ngadalë Albin, ky yrysh mund ta thyejë kokën!

[Llapi]

Edhe pse u bashkuan ne nji koalicion se bashku maca e kuca komunist majtist e titist prap nuk morren mbi 13% te votave “Vetëvendosje,e Albin Kurtit,Partia Socialiste e Emrush Xhemailit, “Ora” e Veton Surroit, FER-i i Shpend Ahmetit. se bashku 13%

[Llapi]

VV bën gabimin fatal, i jep fund opozitarizmit
Infokusi Infokusi — September 10, 2014

Shkelzen-Dakaj-e1401037810998

Shkëlzen Dakaj

Nuk duhet shumë hamendje për t’u cilësuar gabim fatal përfshirja e Lëvizjes Vetëvendosje në koalicionin me partitë e Bllokut, LDK-AAK-Nisma dhe nënshkrimi i marrëveshjes për bashkëqeverisje.

Që nga sot, Lëvizja Vetëvendosje nuk është ndryshe nga partitë e tjera siç e quante me qejf veten në çdo paraqitje publike, por është njëra nga to. Ka ndryshuar rrënjësisht në qëndrime e parime. I kanë mbetur vetëm fjalët akoma të njëjta, fjalë të serta, për t’ia kënaqur veshin një pjese të elektoratit. Por me gjasë shumë shpejt edhe fjalët e njerëzve të VV-së do të ndryshojnë dhe do t’i përshtaten veprimeve të tyre reale, në këto binarë sapo është futur.

Zbrapsja e parë e VV-së përballë Serbisë

Opozitarizmi i VV-së ka marrë fund, u krijuan apo s’u krijuan institucionet e reja nga kjo përbërje e Kuvendit. Më shumë se 5 vjet protesta kundër bisedimeve me Serbinë, sot u mohuan nga vet ata. Kërkesa e tyre e thënë me protesta gjithandej Kosovës se pa e njohur Serbia pavarësinë e Kosovës nuk ka bisedime me Serbinë, u mohua po sot nga vet ata. Sa e sa fushata e aksione të tjera u ndërmorën nga VV-ja kundër bisedimeve me Serbinë, sa e sa grushta e gurë e shkopinjtë gome i hëngrën aktivistët e kësaj partie, e besa jo pak edhe policia e Kosovës.

Madje edhe në sallën e Kuvendit pati aksione të shumta po kundër bisedimeve të cilat u përcollën edhe me protesta e aksione të tjera e deri të sulmet fizike.

Sot të gjitha ato kundërshtime të bisedimeve (apo dialogut siç thuhet në marrëveshjen e nënshkruar), u mohuan. Vetëvendosje sot dëshmoi lodhje nga rruga e nisur vite më parë, tregoi dorëzim nga synimi i saj për të mos biseduar me Serbinë pa e njohur ajo pavarësinë e Kosovës dhe pa i pësuar edhe dhjetëra kërkesa qe VV i kishte dikur.

Po kjo Vetëvendosje lëshon pe, bëhet udhëheqëse e dialogut me Serbinë. Serbia akoma nuk ka lëshuar pe dhe nuk e njeh pavarësinë e Kosovës. Vetëvendosje u zbraps nga kërkesa e saj drejtuar partive të tjera që bisedonin me Serbinë, kurse partitë e tjera nuk lëshuan pe në këtë pikë të vazhdimit të bisedimeve me Serbinë. Dje ishte parulla “Jo negociata, duam Vetëvendosje”, sot “Po negociata, por me të vetmen kërkesë, Duam të jemi në qeveri”.

Fundi i opozitarizmit të VV-së

Dhe në fund, për qytetarët që jetojnë me pakënaqësinë e përditshme në vend, sot, me marrëveshjen e nënshkruar me bllokun opozitar u shua edhe shpresa e fundit për ndryshime në shtetin e Kosovës. Për një pjesë të qytetarëve, sikur edhe për mua personalisht Vetëvendosja shihej si opsioni i vetëm që eventualisht mund të sjellë ndryshime në qeverisje, edhe pse dështimi në udhëheqjen e Prishtinës nga VV e zbehu dukshëm optimizmin e qytetarëve te ky subjekt.

Jo pse pajtoheshin me udhëheqjen e kësaj Lëvizje, jo në asnjë mënyrë pse pajtoheshin me njerëzit dhe ekipin që përbënte VV-ja, aq më pak me prononcimet e pamatura gjithnjë më të shpeshta të disave prej tyre. Por për shkak se Vetëvendosje shihej si një parti politike që nuk bashkëpunon me partitë e përfshira në afera korruptive, që nuk bashkëjeton me korrupsionin, me keqpërdorimet, me nepotizmin etj. VV e krijoi një imazh të tillë me shumë mund. Ishte i vetmi subjekt politik që kundërshtonte dhe i denonconte për vite të tëra zyrtarët e korruptuar. Sulmoi në vazhdimësi edhe udhëheqjen e AAK-së me fokus sulmi ndaj Ramush Haradinajt si kryetar i këtij subjekti, pastaj sulmoi në vazhdimësi kryetarin e Nismës, Fatmir Limajn si dhe të LDK-së. Madje në zgjedhjet e fundit lokale gjithë fushata e saj ishte ndërtuar me sulme ndaj kryetarit të LDK-së, Isa Mustafa, duke e quajtur të korruptuar, të padijshëm, që ka shfrytëzuar buxhetin e shtetit për pasurim familjar e sa e sa akuza të tjera që u bënë ndaj tij publikisht, me pankarta e me postere gjithandej.

Është vështirë të jepet një shpjegim se çfarë ndodhi që e detyroi VV-në të bëjë këtë kthesë të madhe dhe sot t’i bashkohet LDK-së me po Isën kryetar, AAK-së me Ramushin kryetar dhe Nismës me Fatmirin kryetar.

VV, me marrëveshjen e sotme u bënë bashkudhëtar me këto parti politike për 4 vitet e ardhshme (aq është synimi për të qeverisur për një mandat). Sot VV nuk dallon nga këto parti, por është njëra nga to. Opozitarizmi i saj karshi LDK-së, AAK-së dhe Nismës, por edhe karshi PDK-së e AKR-së mori fund sot ora 12.

Më nuk do të ketë protesta të aktivistëve të VV-së, nuk do të ketë aksione, nuk do të shpërndahen pankarta e flamuj si dikur (përveç gjatë fushatave zgjedhore). LDK dhe Mustafa, AAK dhe Haradinaj, Nisma dhe Limaj nuk janë më për VV-në parti që keqqeverisin, që keqmenaxhojnë, që keqpërdorin.

Partneri që vet e zgjedh nuk shahet, është rregull, është njerëzore, morale që njihet nga të gjithë, prandaj edhe VV nuk do ta thyej këtë rregull, nuk do t’i kritikoj më këto parti për asgjë. E nëse ndodh e kundërta, atëherë VV bënë një tradhti të madhe ndaj elektoratit të vet, por edhe ndaj partnerëve që vet i zgjedhi.

Vetëvendosja sot e “pushkatoj” një shpresë të popullit i cili kur ngulfatej nga të këqijat që i vinin nga pushteti, shpresën e vetme e shihte kur këta të vinin në pushtet, ashtu siç deklaronin, të pastër, por jo me ata që i quanin të zhytur në krim e korrupsion.

[Llapi]

[Llapi]

Albin, a je ti?


Imer Mushkolaj E mërkurë, 10 Shtator 2014 16:51
Me lëvizjet e fundit politike, Albin Kurti ka befasuar edhe skeptikët më të mëdhenj. Kurtin dhe Lëvizjen Vetëvendosje tash e kanë të vështirë t’i njohin edhe militantët e tyre më të zjarrtë. Pyetja legjitime është: Albin, a je ti?

Dikur e quante parti të haraçit, por me AAK’në e Ramush Haradinajt lidhi marrëveshje për luftimin e krimit dhe korrupsionit.

Dikur fliste për parime në qeverisje dhe thoshte se do të ishte pjesë e Ekzekutivit veç kur të dilte partia e parë në zgjedhje, por të mërkurën ndryshoi gjithçka.

Dikur deputetët e Listës Serbe i quante çetnikë, por krimin e korrupsionin do ta luftojë edhe me ta në bashkëqeverisje.

Albin Kurti u shfaq krejt tjetër nga ai që është njohur nga publiku, të mërkurën, kur nënshkroi marrëveshje me qëllim që, siç tha, Kosovën ta hedhin në binarët e drejtësisë, të zhvillimit, të barazisë, të luftimit të krimit dhe korrupsionit.

Ata që nuk i ka tradhtuar kujtesa mund të sjellin ndërmend edhe deklaratat se Lëvizja Vetëvendosje nuk do të qeveriste me asnjë subjekt politik që ka qenë në pushtet. E, të gjitha partitë ose zyrtarë partish, me të cilat nënshkroi marrëveshje kanë qenë në qeverisje dhe janë përgjegjëse për gjendjen në të cilën e kanë sjellë vendin. Se si u bënë këto parti tash të pranueshme për Kurtin, veç ai e di.

Para zgjedhjeve të fundit, Kurti thoshte se vetëm kur Lëvizja Vetëvendosje të fitojë dhe ta udhëheq ekzekutivin, do të shohë se më kë do të qeverisë. “Pasi të jemi subjekti i parë do të shikojmë të bëjmë koalicion me subjektet e tjera, varësisht nga përputhjet programore dhe besueshmëria e ndërsjellë. Pra, propozojmë alternativën qeverisëse dhe shikojmë se çfarë kanë të tjerët”, thoshte ai.

Madje, ai kritikonte Ramush Haradinajn se me çdo kusht donte të bëhej kryeministër, duke thënë se ai nuk ka parime. Se si u bë tash lideri i AAK’së parimor, veç Kurti e di.

* * *

Mbase Albin Kurti ka përgjigje edhe për këto deklarata të tij dhe të zyrtarëve të subjektit të tij politik:

“Këto parti duhet të ndryshojnë. Vetëm më pas ne mund të bashkëpunojmë në koalicione”. Partitë nuk kanë ndryshuar, e ai ka bërë marrëveshje me to.

“Haradinaj nuk ka as program, as parime dhe as ekip. Ai ecën duke parë se çka i jep gjasë të bëhet kryeministër. Kaq”. Çuditërisht, tash Haradinaj i ka të tria.

“LDK’ja… e ka dëmtuar shumë opozitën dhe mbi të gjitha Kosovën”. Tash, me këtë LDK, po duan ta zhvillojnë Kosovën.

“U thoni jo çetnikëve të Listës Serbe se kështu i thoni po republikës dhe historisë sonë”. Tash, republikën do ta çojnë përpara me këta “çetnikë”.

“LDK’ja dhe AAK’ja nuk e kanë luajtur rolin e opozitës, sidomos në çastet vendimtare i janë bërë patericë qeverisë në proceset e dëmshme në të cilat ajo e ka katandisur vendin”. Kush është patericë e kujt tash?

“Frika nga pushteti dhe lakmia për pushtet kanë bërë që LDK’ja e AAK’ja t'i nënshtrohen Thaçit”. Kush po e lakmon pushtetin tash?

“Kur krijon subjekt me njeriun që ka aktakuzë për korrupsion dhe thua dua të bashkëqeveris me Vetëvendosjen, i vetmi konkluzion që më bie në mend është nevoja e këtij subjekti për 'vanish' apo 'pastrim kimik'”. Bëhet fjalë për Fatmir Limajn dhe Nismën. A jeni lodhë?

Ka edhe shumë të tjera, pa fund delarata, si këto.

* * *

Me lëvizjet e fundit, Albin Kurti ka befasuar edhe skeptikët më të mëdhenj. Kurtin dhe Lëvizjen Vetëvendosje tash e kanë të vështirë t’i njohin edhe militantët më të zjarrtë. Ata nuk mund t’i përmendin më parimet si arsyen kryesore pse e kanë votuar dhe simpatizuar këtë subjekt politik.

Ndër parimet themelore të një lideri është: të mbajë fjalën!

Kurti nuk është më ai i vjetri, e as VV’ja ajo që ka qenë.

Pyetja legjitime është: Albin, a je ti?