Berisha: Rama nuk ma vë dot kufirin tek thana, Ruçi: Keni tmerr nga ndryshimet

[Deni_Boy]

TIRANE- Kryeministri Berisha, gjatë fjalës së tij në Kuvend e ndali vëmendjen tek reformat, duke akuzuar opozitën se ka grisur marrëveshjen e arritur.

“Ju paraqitët serialin e akuzave, ndërsa ne kemi bërë gjithcka për avancimin e këtyre reformave. Para se të arrihej marrëveshja lidershipi i tyre rreshtoi dhjetëra kërkesa për rregulloren e parlamentit. Duke qënë të bindur se kjo rregullore është e standarteve më të mira demokratike, qendrimi ynë ishte se në pranojmë të shqyrtojmë rregulloren duke adaptuar nen për nen një rregullore me model si ajo e Parlamentit Europian. Pati refuzim për një kohë të caktuar, më së fundi opozita e pranoi, votoi këtu një vendim parlamenti, po cili është qendrimi mbrapa. Akti i parë i tyre është shkelja e marrëveshjes, kërkojnë që kryeministrit t'i kufizoht koha, që të mos marrë fjalën sa herë ia njeh ligji, kjo është shkelje e hapur e Kushtetutës. Duan që kryeministri të jetë i barabartë me kryetarin e minioracës", tha Berisha

Sipas kryeministrit Rama do t’ja vëjë kufirin tek thana, pasi vetë nuk është deputet.
“E falenderoj Ramën që nuk kandidoi si deputet, ngaqë nuk vjen dot në parlament si kërkon të më vendosë kufirin tek thana. Ne kemi pranuar cdo propozim por nuk mund të prekim parimet themelore”, tha ai.

Kreui i qeverisë, e cilësoi këtë si një tjetër përpjekje të opozitës për të bllokuar statusin kandidat në BE, ndërsa ju kujtoi se do jenë shqiptarët ata që do gjykojnë opozitën për këtë veprim.
“Doni me cdo kusht të bllokoni statusin kandidat në BE. Ne nuk ju lutemi, tentuat ta bllokoni duke lënë bosh sallën e Kuvendit, duke bllokuar sheshe dhe godina. Si të doni, si të dëshironi, doni të ecni përpara mirë, s’doni verdiktin do e japin shqiptarët në 2013-ën”, tha Berisha.

I menjëhershëm ka qenë reagimi i kreut të Grupit Parlamentar të PS-së,Gramoz Ruçi i cili sqaroi qëndrimin e opozitës lidhur me rregulloren e Kuvendit, duke theksuar se nuk kërkohet kufizimi i kohës së kryeministrit, por synohet që ai të mos jetë zëri i vetëm i Parlamentit.

“Nuk kërkojmë kufizimin e kohës së kryeministrit. Kërkesa jonë është që kryeministri të mos jetë zëri i vetëm i Parlamentit, që opozita t’i përgjigjet kryeministrit. Në cilin parlament të botës bëhet kjo që doni ju? Ju keni tmerr, prandaj nuk bëni ndryshime në Kodin Elektoral, keni frikë të dënoni komisionerët që janë në KQZ e që manipulojnë zgjedhjet”,- deklaroi Ruçi.

(ma.ar/er.nu/BalkanWeb)

[-BATO-]

Krieministri e ka gabim që nuk pranon ndrishime, po gabim e ka dhe opozita që bllokon integrimin. Rama kërkon t'ia vërë kufirin te thana Berishës, po edhe ki tjatri, Ruçi, nuk qëndron pas. Këta politikanë nuk duhet të zihen me njëri-tjatrin, po duhet të bashkëpunojnë që të ecim sa më shpejt drejt integrimit. Vanë njëzet vjet që kur duallmë nga komunizmi dhe akoma s'u bë gjë. I jemi qasur Evropës, po nuk po futemi dot. I vate gjatë kjo punë...