Keqtrajtimi i kafsheve

[DYDRINAS]

Po sjell nje video ku shihet sjellja e ushtareve te KFOR ne Kosove ndaj kafsheve.



Si sillemi ne me kafshet?

[mia@]

Ne Shqiperi kujdesi ndaj kafsheve le per te deshiruar. Duke filluar qe nga kafshet shtepiake. Pjesa me e madhe e tyre jane te kequshqyera, te pa vaksinuara, te kembajtura. Burim semundjesh jane.

[Meriamun]

Civilizimi i nje kombi shihet se si trajton dy kategori, kafshet dhe te burgosurit, sepse te dy palet jane te nenshtruara..ka thene Gandi.

Ne pergjithsi kafshet i trajtojme mire. Ka dhe perjashtime nuk behet fjale.

Ti ke Sali Berishen qe i trajton shqiptaret me keq se keta te fundit kafshet. Por keta jane perjashtime dhe nuk perbejne shumicen.

[DYDRINAS]

Nje shqiptar duke u kujdesur per ujkun ne fshatrat e Prishtines.

[Abrakatabra83]

ktu s'trajtohen mirë njerëzit, jo më kafshët

[DYDRINAS]

Zhduket një pjesë e faunës së egër në Durrës

Mark Brunga



Disa nga kafshët që dikur popullonin lagunat e bregdetit të Durrësit të njohura në mbarë vendin për faunën e pasur të tyre, janë duke u zhdukur, ose janë larguar përfundimisht. Shoqata e gjuetarëve të Durrësit “ Pali Rroco“ ka lëshuar alarmin pasi në bashkëpunim me policinë specialistë të kësaj organizate ndërmorën një kontroll në zonat e gjuetisë. Kontrolli u krye në zonën e Bisht Kamzës, ndërsa në lagunat e Shën Pjetrit ekipi i policisë pyjore së bashku me efektiva të policisë së shtetit kanë sekuestruar një armë gjahu pa lejë, fakt ky që dëshmon për gjuetinë e paligjshme. Kreu i shoqatës Asti Hanxhari thotë se ka të paktën 3500m gjuetarë të pajisur me armë zjarri, ndërkohë që zyrtarisht kuotizacionin e kësaj shoqate e kanë paguar vetëm 300 vetë. Ai thotë se kontrollet për gjuetinë e paligjshme duhet të jenë më të shpeshta dhe më efikase nga autoritetet, sepse “faktet në terren dëshmojnë që gjuhet edhe jashtë ditëve të miratuara për gjueti”. Gjuetia lejohet vetëm në fundjavë përkatësisht të premteve, të shtunave dhe të dielave, por gjuetarët e zonave rurale e ushtrojnë këtë aktivitet gjatë gjithë javës. Problem akoma i pazgjidhur mbetet fakti që shumë njerëz kanë në shtëpi armë gjahu pa leje. Në jo pak raste vetë Policia e Shtetit ka mundur të sekuestrojë armë të tilla nëpër shtëpitë e banorëve.



Franko Tufa, një gjuetar i vjetër profesionist në Durrës gjuan prej shumë vitesh në brigjet e lagunave. Ai thotë se “tashmë gjuetia ka degraduar”. Nëse para disa viteve lagunat ishin mjaft të pasura kohët e fundit ato janë varfëruar aq shumë sa çdo banor i cili jeton në zonat e njohura të gjuetisë mund ta dallojë këtë fakt. Ka disa lloje shpendësh e kafshësh që janë zhdukur për shkak të gjuetisë pa kriter që bëhet nga gjuetarë jo profesionistë, të cilët jo vetëm që nuk respektojnë ditët e lejuara për gjueti, por përdorin mjete të ndaluara imituese që shkatërrojnë faunen. Rosa e egër është e ndaluar të gjuhet natën, por ky rregull nuk zbatohet dhe ky shpend i natyrës tashmë nuk preferon të qëndrojë në lagunat e bregdetit shqiptar. Veç saj janë zhdukur krejtësisht lepuri i egër, thëllëza e fushës, fazani, etj. Gjuetarët profesionistë pohojnë se në këtë situatë ndikon edhe gjuetia që bëjnë gjuetarët e huaj, të cilët zakonisht gjuajnë me mjete gjahu automatike dhe me imituesa. Gjuetarët konstatojnë se gjuetia për tregti po bëhet një fenomen akoma më shqetësues. Gjuetarët madje edhe familjarë të ndryshëm të tyre përdorin armë zjarri për të vrarë sa më shumë shpendë që shiten më pas në restorante të shtrenjta me çmime të kripura.

Përveç problemeve të mësipërme sekretari i shoqatës Lelo Aleksi thotë se “i kemi kërkuar Drejtorisë së Shërbimit Pyjor dhe Drejtorisë së Policisë që të bëjnë verifikim të të gjithë personave që posedojnë armë gjahu por që nuk kanë lidhje me shoqatën tonë”. “Ne kemi kërkuar”, vijon ai, “që në mbyllje të sezonit të gjuetisë të bëhet vulosja e të gjitha armëve, kontrolli i gjëndjes teknike të tyre, dhe vetëm me fillimin e sezonit të ri të gjuetisë të bëhet rihapja e tyre me komision”. Duke u nisur edhe nga numri i aksidenteve që kanë ndodhur me plagosje në gjueti, duhen evidentuar dhe ndëshkuar në mënyrë të rreptë të gjithë ata prindër që u japin armën pa asnjë përgjegjësi fëmijëve dhe të miturve dhe për fatin e keq ata nuk janë pak, thonë gjuetarët.

Kreu i sektorit të policisë pyjore Haxhi Bici thotë se nga Drejtoria Pyjore janë marrë masa për të ndaluar gjuetinë e paligjshme, por edhe problemet janë të shumta thotë ai. Në qarkun e Durrësit, që përfshin edhe rrethin e Krujës numri i gjuetareve është rreth 6500, ndërsa të anëtarësuar në shoqatën e gjyqtarëve, pra gjuetarë të legalizuar, janë vetëm 350 vetë. Ai thotë se për të mbrojtur zonën që kanë nën juridiksion do të ketë kontrolle të vazhdueshme dhe se masat perveç gjobave të rënda do të shkojnë deri në sekuestrimin e armëve të gjahut sikurse është vepruar në disa raste të mëparshme. “Në disa raste janë vënë edhe gjoba me vlerë 80 mijë lekë të reja”, sqaron ai. Ndryshe nga herët e tjera, kur gjuetia ka vazhduar deri më 15 mars, këtë vit ajo u bllokua që më 15 shkurt për të gjitha llojet e shpendëve, me përjashtim të rosën marsatore që do të gjuhet deri më 15 mars. Pas këtyre datave kushdo që do të kapet duke gjuajtur, do t’i bllokohet arma dhe do të ndëshkohet penalisht.


shekulli