Nënshkruhet marëveshja Kosovë-Serbi

[ARIANI_TB]

Dialogu në favor të Serbisë !

Selvije Bajrami | 11-03-2012 01:17 CET
Share on facebook Share on twitter Share on email Share on print
Dialogu mes Serbisë dhe Kosovës, i cili ka mbushur një vit prej se ka filluar me ndërmjetësimin e Bashkimit Evropian në Bruksel, është zhvilluar për të ndihmuar Serbinë dhe në këtë rast ka dëmtuar Kosovën, vlerëson Aleksander Borg Olivier.

Ky i fundit, i cili vepron në Kosovë që nga tetori i vitit 2000, në një intervistë për gazetën sqaron se ka qenë pjesë e shumicës së proceseve në Kosovën e pasluftës dhe gjërat sipas tij, nuk ishin menduar se do të jenë ashtu siç janë sot.

Njëri nga përpiluesit e kornizës kushtetuese të Kosovës, si pjesë e stafit të UNMIK-ut dhe më pas këshilltar te kryeministri Hashim Thaçi, thotë se dialogu në Bruksel është kryekëput politik dhe jo siç ka pretenduar Prishtina zyrtare se po ulet me Serbinë në bisedime për të zhvilluar dialog teknik.

Borg Olivier e cilëson Serbinë në avantazh karshi Kosovës. Ai thotë se pala kosovare është ajo e cila qysh në fillim ka pranuar presionin nga të huajt dhe ka pranuar gjëra të cilat nuk është dashur të pranohen.

“Unë mendoj se dialogu i është imponuar Kosovës, dhe gjithmonë kam menduar se nëse do të ketë dialog, ai dialog nuk duhet të jetë politik dhe për çështje politike. Dhe nga pozicioni i Kosovës është dashur të ketë qëndrim të qartë se nuk do të hyjmë në dialog pol i t ik dhe kur të ulemi në tavolinë, do të ulemi të barabartë... (Shkrimin e plotë mund të lexoni në numrin e sotëm të gazetës Zëri)



http://www.zeri.info/artikulli/1/1/4...or-te-serbise/

[Hillirian-zo]

OLIVIER E CILËSON SERBINË NË AVANTAZH KARSHI KOSOVËS

Dialogu mes Serbisë dhe Kosovës, i cili ka mbushur një vit prej se ka filluar me ndërmjetësimin e Bashkimit Evropian në Bruksel, është zhvilluar për të ndihmuar Serbinë dhe në këtë rast ka dëmtuar Kosovën, vlerëson Aleksander Borg Olivier. ...
Postuar: 10:02:06 / 11.03.2012
Ky i fundit, i cili vepron në Kosovë që nga tetori i vitit 2000, në një intervistë për gazetën sqaron se ka qenë pjesë e shumicës së proceseve në Kosovën e pasluftës dhe gjërat sipas tij, nuk ishin menduar se do të jenë ashtu siç janë sot.

Njëri nga përpiluesit e kornizës kushtetuese të Kosovës, si pjesë e stafit të UNMIK-ut dhe më pas këshilltar te kryeministri Hashim Thaçi, thotë se dialogu në Bruksel është kryekëput politik dhe jo siç ka pretenduar Prishtina zyrtare se po ulet me Serbinë në bisedime për të zhvilluar dialog teknik.

Ai thotë se pala kosovare është ajo e cila qysh në fillim ka pranuar presionin nga të huajt dhe ka pranuar gjëra të cilat nuk është dashur të pranohen./zeri/

[ARIANI_TB]

Kusari-Lila “hëngri” fjalët

Petrit Sherifi | 11-03-2012 00:58 CET
Share on facebook Share on twitter Share on email Share on print
Ndërrimi i deklaratave nga zyrtarë të Qeverisë brenda “natës”, jo rrallë herë është duke ndodhur në vend. Këtë gjë e ka përsëritur edhe ministrja e Tregtisë dhe Industrisë (MTI), Mimoza Kusari-Lila, e cila ka “hëngër” fjalët, të cilat i ka thënë.

Kusari-Lila pati deklaruar ditë më parë në Prizren, se marrëveshja e arritur për përfaqësim rajonal të Kosovës, është një hap pozitiv për zhvillimin ekonomik, derisa pak ditë më vonë, zyrtarë të kësaj ministrie, kanë thënë për “Zërin” se marrëveshjet e arritura në Bruksel, apo përdorimi i fusnotës, ka karakter tjetër.

“Marrëveshja e arritura për përfaqësim rajonal të Kosovës, është një hap pozitiv për zhvillimin ekonomik”, kishte deklaruar Kusari-Lila, në Prizren gjatë prezantimit të Javëve të Biznesit Kosovarë, për nder të 100-vjetorit të pavarësisë së Shqipërisë.

Ndërsa, zyrtarë të kësaj ministrie, kanë thënë për “Zërin” se marrëveshjet e arritura në Bruksel, nuk do të kenë ndonjë ndikim të qarkullimit të lirë të mallarave mes Kosovës dhe Serbisë, pasi që në kuadër të marrëveshjes së CEFTA-s, praktikisht duhej të kishte lëvizje të lirë të mallrave.

“Fusnota, si e tillë, nuk do të duhej të ndikonte në qarkullimin e mallrave, sepse përdorimi i fusnotës ka karakter tjetër”, ka thënë Bajram Shala, zëdhënës i ministrisë që udhëhiqet nga Kusari-Lila.

Shala ka pranuar se gjatë eksportit të mallrave kosovare drejt Serbisë, edhe pse ekziston marrëveshja e CEFTA-s, kohë pas kohe shfaqen probleme në qarkullim të lirë të mallrave.

“Eksportet kosovare kanë qasje të lirë në tregun serb, mirëpo kohë pas kohe mund të shfaqen probleme të natyrave të ndryshme, të cilat duhet fillimisht të trajtohen dhe të zgjidhen në baza bilaterale”, ka thënë Shala.

Sipas tij, nëse në këtë drejtim nuk ka lëvizje pozitive, atëherë Kosova ka të drejtë të ndërmarrë masa tjera të parapara me legjislacionin kosovar. Për ekspertët ekonomikë, marrëveshjet e Brukselit nuk kanë asnjë ndikim në zhvillimin ekonomik të vendit, pasi që në ato marrëveshje nuk përfshihet asnjë pikë e interesave ekonomike të vendit.

Lumir Abdixhiku, drejtor në institutin “Riinvest”, ka thënë se avancimi ekonomik i Kosovës nuk varet aspak nga marrëveshjet e Brukselit, meqë të njëjtat nuk përfshijnë asnjërën prej interesave ekonomike të Kosovës, siç janë çështjet e tregtisë, telekomunikacionit apo energjetikës.

Ai ka thënë se veç kësaj, pavarësisht mundësisë që i jepet Kosovës në pjesëmarrje rajonale, përfi timet nga programet evropiane kanë kriter tërësisht të pavarur, për të cilat Kosova duhet të japë mjaft mund e seriozitet në orientime ekonomike, të cilën qasje nuk e ka pasur nëpër vite.

“Them se zhvillimi ekonomik i Kosovës nuk bëhet me fusnota por me luftim të korrupsionit, efiçiencë në menaxhimin e parasë publike, luftim të informalitetit etj.,”, ka thënë Abdixhiku.

Sipas tij, procesi i zhvillimit ekonomik dhe marrëveshjet e Brukselit janë procese tërësisht të ndara.

Ndërsa, Musa Limani, ekspert ekonomik, lidhur me marrëveshjet në Bruksel, ka thënë se në kuadër të arritjes së asaj marrëveshje, është dashur të ketë një marrëveshje edhe për tregti të lirë me Serbinë.

Sipas tij, vendi nuk duhet ta shohë një marrëveshje që një kamion ta eksportojë Serbia drejt Kosovës, një Kosova drejt Serbisë, por me anë të problemeve, ku nëse një kamion bllokon shteti serb, atë ta bëjë edhe Kosova.

“Derisa të mos pranojë pavarësinë e Kosovës, të mos i heqë strukturat paralele në veri të vendit, të mos e pengojë Kosovën, ne duhet t’i bëjmë embargo Serbisë”, ka thënë Limani.

Nuk ka zëvendësim për produktet serbe

Pasi që në muajin korrik të vitit të kaluar vendi pati vënë masat e reciprocitetit me Serbinë, në tregun kosovar nuk është vërejtur ndonjë mungesë e ndonjë malli, pasi që masat e reciprocitetit zgjatën shumë pak. Shala ka thënë se arsyet ishin se tregtarët kosovarë e patën riorientuar furnizimin me mallrat e Serbisë drejt vendeve tjera në rajon apo edhe më gjerë, gjë që ka vërtetuar mosvarshmërinë e tregut kosovar nga Serbia.

“Nga Serbia ende importohet sikurse tregojnë të dhënat statistikore tregtare, që mund të reflektojë për një zëvendësim jo të kënaqshëm, edhe pse ka një numër të caktuar të arsyeve për këtë”, ka thënë ai për “Zërin”.

http://www.zeri.info/artikulli/2/8/4...hengri-fjalet/

[ARIANI_TB]

[ARIANI_TB]

Dialogu në favor të Serbisë
Selvije Bajrami | 11-03-2012 01:17 CET
Share on facebook Share on twitter Share on email Share on print
(E plotësuar) Dialogu mes Serbisë dhe Kosovës, i cili ka mbushur një vit prej se ka filluar me ndërmjetësimin e Bashkimit Evropian në Bruksel, është zhvilluar për të ndihmuar Serbinë dhe në këtë rast ka dëmtuar Kosovën, vlerëson Aleksander Borg Olivier. Ky i fundit, i cili vepron në Kosovë që nga tetori i vitit 2000, në një intervistë për gazetën sqaron se ka qenë pjesë e shumicës së proceseve në Kosovën e pasluftës dhe gjërat sipas tij, nuk ishin menduar se do të jenë ashtu siç janë sot.

Njëri nga përpiluesit e kornizës kushtetuese të Kosovës, si pjesë e stafit të UNMIK-ut dhe më pas këshilltar te kryeministri Hashim Thaçi, thotë se dialogu në Bruksel është kryekëput politik dhe jo siç ka pretenduar Prishtina zyrtare se po ulet me Serbinë në bisedime për të zhvilluar dialog teknik. Borg Olivier e cilëson Serbinë në avantazh karshi Kosovës. Ai thotë se pala kosovare është ajo e cila qysh në fillim ka pranuar presionin nga të huajt dhe ka pranuar gjëra të cilat nuk është dashur të pranohen.

“Unë mendoj se dialogu i është imponuar Kosovës, dhe gjithmonë kam menduar se nëse do të ketë dialog, ai dialog nuk duhet të jetë politik dhe për çështje politike. Dhe nga pozicioni i Kosovës është dashur të ketë qëndrim të qartë se nuk do të hyjmë në dialog politik dhe kur të ulemi në tavolinë, do të ulemi të barabartë. Mendoj se Kosova nuk ka qenë shumë e gatshme që të hyjë në këtë dialog, por ka pasur presione”, vlerëson Aleksander Borg Olivier, i cili në Prishtinë, tashmë ushtron pozitën e avokatit të licencuar në Odën e Avokatëve të Kosovës.

“Unë mendoj se ky dialog nuk i ndihmon Kosovës, por ka qenë i menduar që t’i ndihmojë Serbisë, që të afrohet në Bashkimin Evropian. Çdo gjë që ka ndodhur, unë mendoj se ka prodhuar benificione shumë shumë të vogla për Kosovën, por përparësi shumë të mëdha për Serbinë. Dhe siç dihet Serbia sot është shtet me status të kandidatit, ndërsa Kosova nuk është dhe Kosova nuk është trajtuar drejtë”, vazhdon më tutje ai.

Duhet thënë JO, edhe nëse rrëzohesh nga pushteti

BE-ja, sipas tij, e ka detyruar Kosovën që të jetë pjesë e këtij dialogu, por Kosova, sipas Borg Olivier, nuk është dashur të lejojë të hyjë në procese nga të cilat nuk përfiton. “Mendoj se Kosova nuk është dashur të mbetet kaq prapa kur dihet se shtetet tjera siç janë Shqipëria, Bosnja e Kroacia kanë përfituar. Unë mendoj se BE-ja ka përgjegjësi në Kosovë, ndërsa tani është duke bërë gabim pasi që rinia nuk guxon të lihet e frustruar dhe e zhgënjyer përgjithmonë”, vlerëson ai.

Por, ai arsyeton elitën politike në Kosovë, duke thënë se kanë lejuar tërë këtë presion nga BE-ja, për shkak se përfaqësojnë një shtet të dobët e të varfër ekonomikisht, i cili si i tillë ka nevojë për mbështetje. Ai nuk dëshiron të flasë me emra se cilët nga politikanët në vend kanë bërë gabime në këtë fazë duke mos ia lënë fajin as kryeministrit Thaçi, i cili udhëheq me Qeverinë e Kosovës tash e më se katër vjet.

“Unë nuk dëshiroj të personalizoj komentet e mia në asnjë mënyrë, jam i sigurt që Thaçi dëshiron më të mirën për Kosovën, por ai ka qenë i ekspozuar ndaj presioneve shumë të mëdha dhe ndoshta çdo lider politik në pozitën e tij do të kishte ato presione.

Por, ka pasur opsione në këtë çështje. Ndonjëherë një lider politik duhet të thotë jo, edhe nëse ajo jo, do të nënkuptonte që ai nuk do të jetë më në pushtet”, vlerëson ai.

U ngjall 1244

Pas një dialogu që Aleksandër Borg Olivier e vlerëson si të imponuar nga Bashkimi Evropian, janë arritur disa marrëveshje të cilat, sipas tij, vështirë se mund të gjejnë implementim të plotë, e si të tilla të përmirësojnë jetën e qytetarëve. Marrëveshjet, sipas tij, më shumë janë si mbulesë për të dëshmuar se dialogu i ndërmjetësuar nga BE-ja ka sjellë rezultate dhe si i tillë nuk ka qenë proces i dështuar i BE-së.

“Unë nuk e di se këto marrëveshje të nënshkruara çfarë të mirash do t’u sjellin jetëve të njerëzve, por kjo është më shumë një kamuflim për ta lejuar që dialogu të shkojë tutje dhe ta lejojë që dialogu të duket i suksesshëm”, vlerëson ai.

Nëse dialogu nuk do të vlerësohej i suksesshëm, atëherë sipas tij, Serbia nuk do ta merrte statusin e kandidatit.

“Dialogu ka prodhuar marrëveshje porse a janë këto marrëveshje në favor të Kosovës, unë kam dyshime të mëdha, pasi që Serbia në të gjitha fazat e dialogut ka thënë se unë nuk do të ulem me ju si palë të barabarta, nuk do të bisedoj me ju si partnerë të barabartë, unë nuk ju njoh juve, ju jeni ofenduar gjatë gjithë fazave të dialogut dhe pavarësisht këtyre, ju keni marrë pjesë në këtë dialog dhe për këtë arsye është shumë me rëndësi që në situata të tilla, duhet të ketë më shumë konsensus dhe strategji të negociuar me shumë kujdes, pasi që mund t’i vërë palët në pozita të vështira”, thotë ai.

Nga ky dialog, së fundi është arritur edhe marrëveshja për përfaqësimin e Kosovës në nivel rajonal. Fusnota në kuadër të kësaj marrëveshjeje, ku përmenden mendimi i Gjykatës Ndërkombëtare të Drejtësisë dhe Rezoluta 1244, ka sjellë pak përfitime për vendin, por më shumë të këqija.

“Efekti negativ është ringjallja e Rezolutës 1244, e pse është kjo e keqe sepse i lejon ato vende që nuk dëshirojnë ta njohin Kosovën të fshihen prapa kësaj, dhe mund të thonë ja po e shihni Rezoluta 1244 është këtu dhe është valide. E keqja është se Rezoluta 1244 është balancuar me mendimin e GJND-së. Është e keqe sepse ne është dashur ta vrasim 1244-shin, pasi që kjo do të pengojë njohjet e reja dhe anëtarësimet në organizata të ndryshme”, thotë ai.

Duke pasur parasysh faktin që Kosova ka popullatë të re dhe si e tillë pretendon të anëtarësohet në organizata e olimpiada të ndryshme, Borg Olivier konsideron se kjo marrëveshje e arritur mund të përdoret si argument për t’i bllokuar edhe këto pretendime.

Ka mundur të ketë më shumë njohje

Momenti i shpalljes së pavarësisë së Kosovës, sipas Aleksander Borg Olivier, ka qenë i duhur dhe në pajtueshmëri të plotë më Pakon e Ahtisarit dhe partnerët ndërkombëtarë. Por, Kosova sipas tij, pas këtij vendimi të marrë, ka bërë gabime dhe ka neglizhuar procese të cilat tashmë po i kushtojnë Kosovës.

“Qeveria e Kosovës ka mundur të jetë shumë më shumë agresive me qëllim që të përfitojë më shumë njohje nga shtete të tjera. Mendoj se në atë kohë nuk kemi menduar se do të na duhen katër vjet të kemi 88 njohje. Në atë kohë por edhe tani ka qenë e rëndësishme që të jenë sa më shpejt 100 njohje për shkak se mund të kishim shumicën e shteteve demokratike dhe si e tillë Kosova do të kishte më shumë fuqi”, thotë Borg Olivier.

Procesin e njohjeve, sipas tij, në masë të dukshme e ka penguar kërkesa e Serbisë në GJND, shtet i cili ka kontestuar validitetin e shpalljes së pavarësisë së Kosovës. Por, pas një mendimi pozitiv për Kosovën, kjo e fundit sipas tij, është dashur të bëjë një kundërkërkesë, me qëllim që t’i bindë shtetet se Kosova funksionon si shtet dhe si i tillë është krijuar në shkurt të 2008-tës.

“Mendoj se strategjia e Kosovës për të kërkuar njohje nuk ishte e qartë. Nëse Kosova është shtet i pavarur, atëherë është dashur të veprojë si shtet i pavarur. Kosova kuptohet që është vend i vogël, por është dashur që në një farë forme të shfrytëzojë përkrahjen dhe akterët ndërkombëtarë që i ka pasur. Statusi i Kosovës shpeshherë është vënë në pyetje dhe në këso situatash reaksionet nga pala kosovare kanë munguar”, thotë ai.

Por pas katër vjet njohjesh dhe pas këtij dialogu, Borg-Olivier vlerëson se Kosovës i duhen edhe dhjetëra vite për të arritur në BE.

http://www.zeri.info/artikulli/1/1/4...or-te-serbise/

[ARIANI_TB]

Zgjidhja për Veriun - Autonomi rajonale


Ndarja e veriut dhe pjesës tjetër të Kosovës mund të tejkalohet me autonominë për veriun e Kosovës, vlerëson fondacioni “Carnege Europe”.

Bashkimi Evropian duhet të iniciojë bisedime më ambicioze në mes të Beogradit dhe Prishtinës, si dhe me përfaqësues të veriut të Kosovës, me qëllim që “përmes autonomisë rajonale të tejkalohet ndarja mes veriut dhe pjesëve tjera të Kosovës”, thuhet në një publikim të fondacionit.

Krijuesi i raportit, Stefan Lehne, ish-përfaqësues i Bashkimit Evropian në negociatat për statusin e Kosovës dhe ish-drejtor i Drejtoratit të Përgjithshëm të KE-së për Çështjet e Jashtme dhe ato Politiko-Ushtarake, theksoi se rezultati i këtyre negociatave trepalëshe duhet të "vendosë një kornizë gjithëpërfshirëse të bashkëpunimit, përfshirë marrëveshjet e arritura dhe përfaqësimin diplomatik, me të cilin ruhen qëndrimet e ndryshme ligjore për statusin i cili ka marrë formë sipas modelit të marrëveshjes gjermano-gjermane të vitin 1972".

"Bashkimi Evropian duhet të fillojë procesin e emërimit të një emisari të nivelit të lartë që do të udhëheq bisedimet në lidhje me këtë", thotë ai në analizën e "Carnegie Europe".

Kjo, vlerëson autori, duhet të shpie deri te “ndalimi i kundërshtimit të Serbisë për pranimin e Kosovës në organizatat ndërkombëtare dhe njohjet e mëtejshme (të pavarësisë)".

Lehne mendon se plani katërpikësh për Kosovën i presidentit serb Boris Tadic, ka hasur në interesim të madh.

"Pjesa më interesante e kësaj iniciative – për çka zyrtarët perëndimorë në përgjithësi kanë reaguar mirë - është se me të braktiset koncepti i ndarjes, dhe ky mesazh në nivelin më të lartë mundet faktikisht të paraqes një fillim të madh të ri", thotë ai, për të shtuar se “në thelb të këtij propozimi është ideja e formimit të rajonit të Kosovës veriore, ndërsa bashkëbiseduesit serbë kanë mohuar se ky është qëllimi i formimit të një Republike Srpska të re”.

"Ata thanë se qëllimi nuk është që të jetë një rajon i ri që ndërhyn në punët e Prishtinës, por që të reduktohet në mënyrën minimale ndërhyrja e Prishtinës në veri”, thuhet në tekst.

Në raport vlerësohet se situata në veri të Kosovës mbetet e tensionuar, dhe mosbesimet në mes të Beogradit dhe Prishtinës janë ende të mëdha, “për çka nuk duhet humbur kohë dhe, mbështetur në suksesin e marrëveshjeve të shkurt të 2012, BE-ja ka nevojë urgjente për të filluar një dialog më të plotë që do të adresoj çështjet në veri ku ka një shumicë serbe".

"Përfaqësuesja e Lartë e BE-së, Catherine Ashton, duhet ta emërojë një emisar të nivelit të lartë për të udhëhequr bisedimet”, thotë analisti i "Carnegie Europe".

Lene përfundon se "nëse serbët dhe kosovarët besojnë se në fund do të bashkohen në rrjedhën evropiane, ka gjasa të mëdha për të zgjidhur mosmarrëveshjet e tyre". /telegrafi/



http://gazetaexpress.com/?cid=1,13,76180

[Hillirian-zo]

Ahmeti: Qeveria do ta pranoj statusin special për veriun
on Mars 14, 2012 1:10 pm / 0 Comments

Veprimet e kryenegociatores kosovare, Edita Tahirit, kanë lënë të habitur edhe zyrtarët më të lartë të Brukselit, thotë nënkryetari i Lëvizjes Vetëvendosje, Shpend Ahmeti, pas kthimit të tij nga Brukseli.

“Zonja Edita Tahiri nuk i përgjigjet ftesave të Kuvendit për të marr pjesë në Komisionin për Punë të Jashtme, nuk na i dërgojnë marrëveshjet në origjinal. Të gjitha këto kanë qenë të çuditshme për Komisionin dhe PE-në”, ka thënë ai për Kosovapress, duket theksuar se në Bruksel janë habitur kur kanë kuptuar se Tahiri nuk ka dhënë asnjë shpjegim për qytetarët për marrëveshjet e fundit të arritura në dialogun e Kosovës me Serbinë.

Sipas Ahmetit, Lëvizja Vetëvendosje para zyrtarëve më të lartë evropianë ka argumentuar kundërshtimin për kompromiset dhe koncesioneve të fundit. Sipas tij, qëllimi i BE-së ka qenë që Serbisë t’i jepet statusi i kandidatit për anëtarësim në BE, pasi që të njëjtit mendojnë se Serbia llogaritet ende si rrezik për destabilizimin e Ballkanit.

Duke folur për mundësinë e fillimit të negociatave politike për veriun e Kosovës, Ahmeti ka thënë se dialogu i zhvilluar mes Kosovës dhe Serbisë asnjëherë nuk ka qenë teknik dhe se sipas tij, ky dialog përditë po shpie drejt autonomisë dhe statusit special për veriun.

“Kjo qeveri e brishtë, e cila nuk e ka përkrahjen e shumicës së popullit, për shkak se është e krijuar edhe me votën e minoriteteve, nuk e ka përkrahjen as për dialog e as për negociata. Patjetër se kjo qeveri mund të shkojë dhe të pranojë çdo gjë. Në qoftë se e kanë pranuar fusnotën, që ne kemi thënë se do ta pranojnë, besoni se nesër do ta pranojnë edhe statusin e veriut. Prandaj, është e domosdoshme të punohet këtu dhe t’ju thuhet qytetarëve se kjo po vjen. Mund të ketë pauzë për shkak të zgjedhjeve në Serbi më 6 maj, por në vjeshtë paralajmërimet janë se do të diskutohet për veriun”, ka thënë ai.

[Hillirian-zo]

Tripi* i Editës për 8 Mars ia merr 50 mijë euro buxhetit

8:56 / 14.03.2012
Shpërndaje
36

Ndaj grave të Zyrës së Kryeministrit është treguar zemërgjerë për 8 Mars Edita Tahiri, por pa prekur në kuletën e saj. Ka prekur në të shtetit.
Diku 50 mijë euro është kostoja publike e shpenzuar për tripin në Shqipëri të autorizuar nga zëvendëskryeministrja Tahiri, si dhe për ekipin e saj mbështetës.

Pjesë e tij ishin 36 femrat që punojnë në zyrën më me rëndësi të ekzekutivit. Të enjten kishin mbërritur në Tiranë, e të dielën pasdite qenë kthyer në Prishtinë, njofton “Koha Ditore”.

Nga atje kanë postuar fotografi në rrjetin social Facebook, madje nga Mali i Dajtit, ku nga Tirana shkohet me teleferik.

Gratë e Qeverisë jo veç që nuk kanë pasur nevojë të fusin dorën në xhep gjatë kësaj vizite, por ato kanë realizuar edhe të ardhura shtesë. Ndonëse ishin pjesë e një tripi, secila nga to ka realizuar nga dy mëditje. E tarifa për një mëditje të udhëtimit zyrtar në Shqipëri është 209 euro.

Njëra nga pjesëmarrëset ka treguar në kushte anonimiteti arsyen e vetme që i ishte bashkëngjitur tripit.

“Veç për mëditje shkova”, ka treguar ajo. “Mëditjet në Shqipëri janë të mira, se përndryshe nuk i kisha lënë tri net fëmijët vetëm.

(*Tripi në anglishte ka kuptimin ekskursion, udhëtim. Në zhargonin urban trip përdoret për të përshkruar aventurën dhe përjetimin). /Telegrafi/




Sen ma besheret kurr nuk kum pa

[Hillirian-zo]

Shqipëria kundërshton mbajtjen e zgjedhjeve të Serbisë në Kosovë
Ministria shqiptare e Punëve të Jashtme vlerëson se vendimi i Beogradit për të mbajtur zgjedhjet edhe në disa komuna të Republikës së Kosovës është i paligjshëm dhe i të papranueshëm, pasi cenon integritetin e një vendi fqinj sovran.
“Përpjekjet serbe për mbajtjen e zgjedhjeve në territorin e Republikës së Kosovës janë në kundërshtim të plotë me frymën dhe përmbajtjen e deritanishme të bisedimeve mes dy vendeve, të ndërmjetësuara nga Bashkimi Evropian, ku Serbia kërkon të integrohet”, thuhet në një deklaratë të MPJ-së të Shqipërisë.
Si të paligjshme, thuhet në deklaratë, “këto zgjedhje nuk do të kenë asnjë efekt juridik, personat e zgjedhur nuk do të kenë autoritet ligjor. I vetmi efekt që këto zgjedhje sjellin është forcimi i strukturave paralele kriminale serbe në veri të Kosovës, çmontimi i të cilave është detyrim i Republikës së Serbisë. Këto zgjedhje gjithashtu cenojnë perspektivën e integrimit të plotë të komuniteteve etnike në institucionet dhe shoqërinë e Republikës së Kosovës”.
Sipas MPJ-së, fryma evropiane për të cilën ka nevojë Kosova, Serbia dhe i gjithë rajoni, konsiston në zgjidhjen e problemeve në Veri të Kosovës, duke zbatuar plotësisht paketën Ahtissari. /7dite/



E pra ky eshte hapi tjeter qe do te realizoj serbia me ndihmen e editha Besheretkes dhe hashim Ftyrkalit

[Sharri-Liburna]

Edhe shqipnia eshte ber papagall i evropes ,pa fol evropa shqipnia nuk po guxon asnji fjal me fol, tash thaci ua ka cel shkive rrugen ,qeveria e kosoves per ta as qe ekziston ,tash e kan fusnoten,http://www.koha.net/index.php?page=1,13,91559