Nënshkruhet marëveshja Kosovë-Serbi

[s0ni]

Ku lexove qe Evropes i ka hypur ne koke kjo pune..? Evropa deshiron qe serbine ta fus ne BE, serbia ngul kembe qe nuk futet pa e çbere shtetin e Kosoves(edhe ashtu gjysme te bere).. ndersa ajo qe bejne politikanet(gabel) te Kosoves eshte flijimi me entusiasem i ketij gjysmeshteti te shqiptareve vetem per t'ja plotesuar deshiren Evropes. A e kupton mostruozitetin me te cilin po perballohen qytetaret e mjere te Kosoves? Duhet te hiqet dore nga shtetesia, nga elemente baze te sovranitetit, per ta mundesuar futjen e serbise(armikun shekullor) ne BE..

Politikanet e Kosoves po t'ishin shqiptar mund te bejne sa te duash.. Fatmiresisht per shkijet, kemi politikaj gabel.. se pari te korruptuar e pastaj te sponzoruar nga vet BE-ja dhe SHBA-ja. Duke vepruar ne kete menyre kane eliminuar çdo tentativ rezistence qe do te mund t'ju vinte prej tyre. E vetmja shprese mbetet VETEVENDOSJA, mbi te cilen jo rastesisht hidhet balte panderpre si nga gabelet indigjen ashtu edhe nga perfaqesuesit Evropian(kete e bejne vetem pasi ju ka deshtuar çdo perpjekje qe edhe VV-ne ta korruptojne per ta manovruar pastaj sipas tekeve te tyre, ne kete rast proserbe). Loje e flliqte po luhet, me lojtar te flliqte.. ndersa shteti Shqiptar si zakonisht kur ka nevoje kombi eshte ne kome te thelle.. irreversibile tashme.

Per Albin Kurtin kam kryesisht mendime te mira. Me ka lene mbresa si njeri i mencur, i llogjikshem kur e kam degjuar te bej debat ne nje emision.

Po pra gabelat (politikanet) e Kosoves, mendoj qe i sjellin prej hundesh serbet. E vetmja menyre per tiu shmangur kesaj eshte te behet proteste nga populli, per ti bere presion gabelave. Politikanet e Kosoves pastaj i kan duat e lidhura dhe nuk mund te bejne bisedime ne favor te serbise, sepse kan popullin duke u cmendur dhe duhet te ruajne qetesine. Po ashtu ne keto kushte te tilla Serbia s'mund te kerkoj c'ti doj qejfi.

Natyrisht.

Qytetaret bejne "rremuja dhe protesta" per rroga, pensione dhe kushte socila, si p.sh. aktualisht ne Greqi dhe Rumani, lere me per heqjen antikushtetuese te Republikes apo shtetit nga nje Qeveri Kuislinge dhe mbeshtetesit e saj nderkombetar...

C'te them une....

[Antiproanti]

Republika e Editës*

Prishtinë, 1 shkurt - Në konferencën për media, të mbajtur të martën, shefja e ekipit negociues të Kosovës në dialog me Serbinë, Edita Tahiri, në përpjekje për të relativizuar dhe mbrojtur koncesionet që po i bën në bisedimet në Bruksel, ka tentuar që topin e përgjegjësisë ta hedhë në oborrin e “Kohës Ditore”, duke akuzuar gazetën se në shkrimin “Kosova heq dorë nga Republika, Serbia nga 1244“, të datës 26 janar 2012, nuk ia ka raportuar fjalët mirë, dhe ka bërë “redaktim politik“.

Derisa gazeta gjithsesi qëndron prapa raportit të botuar, i cili është shkruar bazuar në bisedën me burime ndërkombëtare dhe vetë Edita Tahirin, në mënyrë që të demaskojmë përpjekjet e zëvendëskryeministres Tahiri që përgjegjësinë e vet ta fshehë duke sulmuar mediat, po e botojmë transkriptimin e plotë të bisedës që ka zhvilluar gazetari me të, në një telefonatë, që u bë me kërkesë të vetë Edita Tahirit, dhe jo nga gazetari, meqë ajo dëshironte të sqaronte disa raporte të botuara nga agjencia serbe e lajmeve “Tanjug“.

Për më tepër, të nesërmen, në ditën kur është botuar shkrimi “Kosova heq dorë nga Republika, Serbia nga 1244“, Edita Tahiri ka telefonuar edhe një herë gazetarin e “Kohës Ditore” për t’i shprehur falënderimet e saja për korrektësinë e shkrimit, të cilin e ka quajtur të balancuar, meqë kemi raportuar se jo vetëm Kosova heq dorë nga Republika, por edhe Serbia heq dorë nga Rezoluta 1244!

Pse tani, një javë më vonë, Tahiri vendos që të na akuzojë për të njëjtin shkrim që i pëlqeu një javë më parë, dhe ndaj të cilit për një javë nuk ka dërguar asnjë reagim, as sqarim e as demant ndaj shkrimit – i mbetet Edita Tahirit ta sqarojë vetë. Është ndërgjegjja e saj, jo e jona!

Ne, sikur edhe i tërë publiku kosovar, vetëm mund të supozojmë se një prej arsyeve mund të jetë që shefi i saj, Hashim Thaçi, me të parë shkrimin e “Kohës Ditore” dhe reagimet negative të publikut ndaj këtij koncesioni që po bën Kosova në bisedime me Serbinë, ka ndërruar pozicionin – ai vetë, në mbledhjen e Qeverisë, ka zgjedhur të etiketojë kritikët e dialogut dhe heqjes së Republikës nga emërtimi i Kosovës si “injorantë e disfatistë”.

Asgjë e re - nuk është hera e parë që kjo Qeveri thotë një gjë sot, e demanton veten nesër.

Megjithatë, në rastin e fundit me heqjen e Republikës mund vetëm të konstatojmë se ndihemi shumë mirë që raportimi jonë dhe debati i hapur publik e kritik në lidhje me lëshimet që bën Qeveria e Kosovës në procesin jotransparent të dialogut me Serbinë, ka detyruar tërheqjen e Edita Tahirit dhe shefit të saj nga koncesionet dhënë Serbisë në dialog - për së paku një ditë! Sado taktike që është tërheqja, dhe sado e përkohshme të jetë, ajo është provë se presioni publik ka efektin e vet ndaj zyrtarëve, të cilët, nëse nuk monitorohen nga shoqëria, janë në gjendje të bëjnë koncesione pa limit.

Dhe, fare në fund, na duhet të falënderojmë edhe Edita Tahirin që po na tregon se puna jonë ka efekt! Premtimi jonë për të është se nuk do të ndalemi!

Redaksia

“Koha Ditore”



* Fusnota: Termi Republika e Editës përdoret pa prejudikim të pozicionit që kanë ndaj këtij termi Hashim Thaçi, Atifete Jahjaga, Jakup Krasniqi, e dy milionë njerëz të tjerë.

Dëgjojeni incizimin e asaj që Edita Tahiri i ka thënë ‘Kohës Ditore’ para një jave

Teksi i bisedës me Edita Tahirin

Biseda me Edita Tahirin, e zhvilluar më 25 janar 2012, në orën 15:00, ku ajo shpjegon për problemin që ka me fusnotën në disa artikuj, e jo me heqjen e fjalës Republikë.

Koha Ditore: A është pranuar prej palës kosovare konkluzioni që Kosova të paraqitet vetëm me ermin Kosova dhe me një fusnotë?

Edita Tahiri: Në kuadër të bisedimeve për përfaqësimet rajonale tashmë janë definuar disa faza. Ato janë se Kosova do të përfaqësohet si shtet, me institucionet e saja shtetërore. Do të jetë vetë shteti nënshkrues i të gjitha marrëveshjes dhe organizimeve rajonale. Për sa i takon denominimit ende nuk ka një zgjidhje, sepse qëndrimi i palëve është shumë larg njëra-tjetrës. Ky qëndrim në fakt është, sepse Serbia ende vazhdon insistimin anakronik për referencën e Rezolutës 1244, ndërkohë që ne si palë jemi të prerë dhe refuzojmë një fusnotë që mund të përmbajë këtë rezolutë. Në anën tjetër, deri më tash nuk ka pasur formulime për të cilat është kërkuar deklarimi, sepse pak a shumë Serbia ka qenë refuzuese e të gjitha varianteve që kanë dalë deri më tash. Po e ritheksoj këtë për median tuaj, meqë mediat serbe kanë folur për një formulim që flet për pa paragjykim për statusin. Në fakt nuk ka pasur këso propozimesh. Propozimet që kanë qenë lidhen me një formulim që thotë: pa prejudikim të pozicionit të shteteve ndaj statusit. Me fjalë të tjera, kjo nënkupton realitetin ekzistues të pavarësisë së Kosovës që ato shtete që e kanë njohur pavarësinë dhe faktin që disa shtete nuk e kanë njohur pavarësinë. Pra reflektim i një realiteti që Kosova është shtet i pavarur i njohur nga shumica e vendeve të rajonit, ndërkaq formulimi i fusnotës përfshin edhe faktin që kanë disa shtete që ende nuk e kanë njohur.

KD: Kështu edhe është prezantuar në artikullin tonë. Mediat serbe e kanë marrë prej nesh e jo ne prej tyre.

Tahiri: Shiko. Mediat serbe a po e dinë ku është dallimi, a ta shpjegoj edhe një herë?

KD: Pa paragjykimin e pozicionit të shteteve për statusin.

Tahiri: Po, ky është dallimi. Jo pa prejudikim të statusit, po pa prejudikim të pozicionit të shteteve për statusin.

KD: Po, po, por kështu e kemi prezantuar edhe ne.

Tahiri: Ju e keni prezantuar shumë saktë në një artikull që e keni pasur para dy javësh. Unë e kam lexuar dhe nuk kam reaguar, sepse ka qenë i bazuar. Mirëpo Tanjugu që është cituar dje ose pardje, e ka keqinterpretuar versionin e fusnotës. Andaj kisha dëshirë të flisja për këtë. Kisha shtuar edhe diçka. Me fjalë të tjera, fusnota nuk merret me statusin, sepse Serbia nuk paragjykon statusin e Kosovës. Fusnota reflekton pozicionin e shteteve për statusin e Kosovës.

KD: Ne do të fokusohemi më shumë në atë që e shohim më të ndjeshme. Fjala “Republikë” nuk do të përmendet në prezantimin ndërkombëtar të Kosovës. A i bie që po hiqni dorë nga Republika?

Tahiri: Situata e tashme e Kosovës, për shkak se disa shtete nuk e kanë njohur, ngjan me modelin e Maqedonisë, pasi Greqia nuk e ka njohur me emrin e saj. Modeli i Maqedonisë është pikërisht me fusnotë. Fusnota që do të përdoret në rastin e Kosovës është reflektim i këtij realiteti, dhe fusnota është e përkohshme derisa të ndodhë njohja e plotë nga vendet e rajonit, sepse është fjala vetëm për bashkëpunime rajonale.

KD: A nuk është më i ndjeshëm rasti i Kosovës, duke e pasur parasysh se Maqedonia është shtet në OKB dhe Greqia nuk ka tendenca të zhbërjes së Maqedonisë, siç ka Serbia ndaj Kosovës. Kosova nuk është shtet në OKB dhe i rrezikohet ekzistenca. A është më fragjile që në këto rrethana Kosova të pranojë të prezantohet me këtë formulim?

Tahiri: Ky formulim reflekton këtë realitet që kemi në rajon. Nuk është vetëm Serbia që nuk e ka njohur Kosovën, por janë edhe Bosnja, Rumania, Moldavia, të gjitha këto shtete nuk janë në kornizën e Evropës Juglindore. Andaj në praktikat ndërkombëtare gjenden formulime që i bëjnë të gjitha shtetet pjesëmarrëse në bashkëpunim rajonal që të mos gjejnë arsye për të kundërshtuar. Këto praktika njihen. Unë e përmenda rastin e Maqedonisë, që edhe pse është shtet në OKB, kur përfaqësohet në BE ose në OKB paraqitet me fusnotë.

Marrëveshjet duhet parë në kontekst të realitetit. Vetë fakti që Kosova do të përfaqësohet me institucionet e saja shtetërore, do të jetë nënshkruese dhe nuk do të jetë më UNMIK-u pjesë e delegacioneve, tregon se shteti përfaqësohet vetë dhe vetëm në aspekt të denominimit...

KD: A do të përdoret i njëjti formulim edhe në nënshkrimin e marrëveshjes me BE-në?

Tahiri: Vetë fakti që BE-ja ia ka dhënë Kosovës marrëdhëniet kontraktuale, nënshkrimi i marrëveshjeve mes Kosovës dhe BE-së do të bëhet me fusnotë, por përmbajtja e fusnotës nuk do të jetë e ngjashme. Aty do të reflektohet realiteti që shumica e vendeve të BE-së e kanë njohur Kosovën, përveç atyre të pestave. A do të jetë kaq implicit apo jo nuk e di, por një realitet do të pasqyrohet, por esenciale është vetë fakti që Kosova do të nënshkruajë marrëveshje me BE-në. Kjo i jep mundësi Kosovës që të jetë partner zyrtar në procesin e integrimeve. Ne kemi qenë në këtë proces, po nuk kemi qenë shtet kontraktual. Duke qenë shtet kontraktual, mundësia për t’ i çuar përpara reformat evropiane është më e madhe, pra do të kemi mundësi më të mëdha për t’i çuar përpara reformat evropiane.

[Pika-Kufi.1-31]

KOSOVA SI TË TJERËT NË FORUMET RAJONALE

Nga Express 01 Shkurt 2012 18:36


Deklarata e kryetarit të Kuvendit të Kosovës, Jakup Krasniqi se përfaqësimi i Kosovës në nismat rajonale pa fjalën republikë paraqet shkelje të Kushtetutës së Kosovës, ka bërë që të reagoj edhe Qeveria e Kosovës, e cila thënë se nuk është marr asnjë vendim i tillë në këtë drejtim dhe se Kosova nuk do të tërhiqet nga pozicioni i vet, por do të prezantohet ashtu sikurse shtetet e tjera.

Pas deklarimit të kryenegociatores, Edita Tahiri se Kosova mund të përfaqësohet në nismat rajonale, ku krahas emrit të saj, do të ketë një fusnotë, por jo edhe fjalën republikë, ka pasur reagime të partive politike opozitare dhe së fundi edhe të kryetarit të Kuvendit të Kosovës, Jakup Krasniqi.

Por pas mbledhjes së Qeverisë së Kosovës, e cila është mbajtur të mërkurën, zëvendëskryeministri i vendit, Hajredin Kuçi, gjatë konferencës për shtyp ka thënë se përfaqësimi i Kosovës në arenën ndërkombëtare do të jetë mbi bazën që e parasheh Kushtetuta e Kosovës.

“Është konstatim i kryetari të Kuvendit dhe në këtë drejtim Qeveria e Kosovës nuk e ka marr asnjë vendim që heq dorë nga një pozicion i tillë dhe përfaqësimi i Kosovës në arenën ndërkombëtare dhe në bashkëpunimin rajonal do të jetë mbi bazën e asaj që parasheh Kushtetuta e Kosovës dhe identiteti shtetëror i Kosovës”, ka thënë Kuçi.

Për më tepër, ai ka shtuar se Kosova do merr pjesë si e barabartë në bashkëpunimet rajonale. Sipas tij, ashtu sikur prezantohen shtetet tjetra, do të prezantohet edhe Kosova.

“Nëse të tjerët identifikohen me shtet edhe ne me shtet, nëse të tjerët me emër ne me emër. Por në asnjë rast nuk do të ketë heqje dorë që është e paraparë me ligjet tona”, ka thënë ai.

Sipas tij, trajtimi është i barabartë përball nesh, qoftë Serbia apo dikush tjetër do të ketë trajtim të barabartë.

Zëvendëskryeministri Kuçi ka thënë se është bërë një zhurmë ose edhe një keqkuptim për këtë çështje, por ka shtuar se nuk ka dhe nuk do të ketë marrëveshje në këtë drejtim, e cila bie ndesh me deklaratën e 17 shkurtit, Kushtetutën e Republikës së Kosovës dhe pozicionin tonë si shtet.

[PLAKU]

Kurti: Duam dorëheqjen e qeverisë dhe zgjedhje të parakohshme
Bota Sot


Lideri i lëvizjes Vetëvendosje po qëndron për një vizitë në Gjermani. Në një intervistë me DW ai flet për qëllimin e vizitës në Gjermani si dhe aksionet, qëllimet dhe aktivitetet e Vetëvendosjes në Kosovë.

DW: Cili ishte qëllimi i kësaj vizite në Gjermani?

Kurti: Ne kemi pasur takime me mërgatën tonë në Dyseldorf, Nyremberg, Vyrcburg dhe sonte (01. 02. 2012) do të kemi në Hamburg. Kemi takuar dhe përfaqësues të Gjermanisë, shefin e deptartamentit për Ballkanin dhe Turqinë në Ministrinë e Jashtme, Nikolaus Lambsdorf, zëvendëskryertaren e ekologjistëve Marieluise Beck, kemi pasur një takim edhe në sekretariatin e Trasnparency International si dhe aktivitete të tjera. Kam takuar edhe ambasadorin e Kosovës, Vilson Mirdita dhe atë të Shqipërisë, Valter Ibrahimi.

DW: Cili ishte mesazhi i Ministrisë së Jashtme dhe i deputetëve gjermanë?

Kurti: Besoj se ata tani e kuptojnë më mirë lëvizjen Vetëvendosje, qëndrimet e saj shumë kritike dhe parimore. Shumica e zyrtarëve ndërkombëtarë janë informuar për lëvizjen Vetëvendosje nga dora e dytë - nga qeveria jonë apo burokratët e tyre në Kosovë. Tani kanë pasur mundësi të informohen nga dora e parë për aksionet dhe qëllimet dhe aktivitetet e Vetëvendosjes. Takimet ishin shumë të përzemërta.

DW: Kur flisni për informacionet e dorës së parë: Ju u referoheni vetëm qëndrimeve tuaja. Ndërkohë që sekretari i shtetit në Ministrinë e Jashtme Nikolaus Graf Lambsdorf në një intervistë për DW të martën (31.02) tha se Gjermania është kundër bllokimit të rrugëve. Do të vazhdoni Ju me aksionet për bllokimin e mallrave serbe?

Kurti: Reciprociteti është thelbi i barazisë dhe është vlerë e BE-së. Ne konsiderojmë se shteti i Kosovës nuk mund të forcohet pa ndërtimin e reciprocitetit me vendet tjera, në radhë të parë me Serbinë. Në aktivitetet tona - të cilat gjithmonë kanë qenë paqësore - ne jemi vënë në mbrojtje të Republikës së Kosovës, angazhohemi për reciprocitet dhe për mbrojtjen e prodhimit vendor.

DW: Nuk iu përgjigjët pyetjes se a do të vazhdoni me bllokimin e rrugëve apo do të ktheheni në institucione për të mbrojtur interesat dhe qëndrimet tuaja politike?

Kurti: Nga koncepti i lëvizjes Vetëvendosje mund të kuptohet që njëra rrugë nuk e përjashton tjetrën. Do të veprojmë në kuvendin e Republikës së Kosovës, në komisionet parlamentare, ku jemi prezent dhe do t'i shfrytëzojmë të gjitha rrugët parlamentare. Nga Gjykata Kushtetuese kemi kërkuar shqyrtimin e kundërmocionit të qeverisë ndaj masave të reciprocitetit. Ky kundërmocion ishte një lloj grushtshteti, sepse 59 deputetë votuan kundër reciprocitetit që është e pashembullt në botë. Por ne jemi të gatshëm edhe për vazhdimin e protestave. Vendi dhe koha do të bëhen publike më vonë, por ato nuk do të ndërpriten. Protesta paqësore është vlerë demokratike, liri universale dhe institucion dhe normë e garantuar.

DW: Protestat në rrugë me siguri që janë një prej mjeteve legale të opozitës për të realizuar qëllimet e veta, por edhe ato kanë normat e veta që duhen respektuar. Por Ju ende nuk e keni bërë të qartë në fakt se cila është strategjia e Vetëvendosjes: rrëzimi i qeverisë në rrugë, rrëzimi me aksione në institucione, apo do të prisni zgjedhjet e ardhshme?

Kurti: Jemi subjekt opozitar, i cili ka kërkuar dorëhejqen e qeverisë dhe zgjedhje të parakohshme. Qeveria e tanishme e ka uzurpuar shtetin dhe e ka shndërruar vendin në një republikë qeveritare - me shumë qeveri dhe pak republikë. Aktivitetet tona në kufi nuk i bëjmë me qëllim që të rrëzojmë qeverinë, t'ia marrin pushtetin, apo të forcojmë veten si opozitë. Por këto aksione janë kundër Serbisë, kundër hyrjeve dhe ndërhyrjeve të saj në Kosovë. Është fatkeqësi e madhe që qeveria në vend se të bllokojë Serbinë destruktive, po i bllokon aksionet tona. Për të shkuar përpara, duhet të ndërrohet kjo qeveri. Ne duam që kjo të bëhet në zgjedhje të parakohshme. Pra, duam dorëheqjen e qeverisë dhe zgjedhje të parakohshme - sa më shpejt aq më mirë.

DW: Cili është qëndrimi Juaj ndaj Serbisë, çfarë raportesh duhen ndërtuar me Beogradin?

Kurti: Serbia duhet të ndryshojë në mënyrë që të kemi marrëveshje, komunikim dhe bashkëpunim normal.

DW: Çfarë duhet të ndryshojë?

Kurti: Serbia duhet ta lerë prapa periudhën e regjimeve fashiste dhe nacionalshoviniste të Shekullit 20-të. Serbia duhet të heqë dorë nga e kaluara, të paguajë dëmet e luftës, të na i kthejë 1800 të pagjeturit, ta ndryshojë pjesën e kushtetutës së saj, ku thuhet se Kosova është pjesë e Serbisë, të pushojë me shtypjen dhe diskriminimin e shqiptarëve të Luginës së Preshevës. Serbia duhet të na i kthejë depozitat e plaçkitura bankare, fondet pensionale, dokumentacionin kadastral, librat e amzës, të na i dorëzojë kriminelët e luftës dhe të pranojë pavarësinë e Kosovës. Vetëm për një Serbi të tillë mund të thuhet se nuk është më ajo Serbia e vjetër dhe me të mund të krijojmë marrëdhënie të reja.

DW: Zoti Kurti, shumë prej këtyre temave që përmendët Ju, janë në rend dite edhe në dialogun mes Prishtinës dhe Beogradit në Bruksel. Pse atëherë Ju kërkoni ndërprerjen e dialogut?

Kurti: Dialogu me Serbinë për çështje të brendëshme të Kosovës na bosnjizon neve dhe rezulton me kantonizimin e Kosovës, rezulton me një shtet jo funksional. Nuk mund të përfitojmë nga ky dialog për çështjet e brendshme, do të kemi vetëm dëme.

DW: Po si mendoni Ju t'i ktheni, për shembull, librat e amzës nga Nishi apo Kraljeva. Pa ndonjë marrëveshje kjo me siguri që nuk mund të bëhet...

Kurti: Nuk po kthehen as me marrëveshje. Ne kemi marrë vetëm kopje të librave të amzës dhe po shndërrohemi në një vend kopje. Kemi hequr dorë nga edhe emri republikë në prezantimet e jashtme. Situata është sikur para 40 vitesh, kur shqiptarëve u lejohej përdorimi i flamurit kombëtar, por vetëm brenda shtëpisë dhe jo në publik. Me trysni ndaj Serbisë mund të arrihet kjo. Serbia mund të hidhet në defansivë me dy poteza: e para, duhet t'i ndërpresim bisedimet, dhe e dyta, ta bllokojmë hyrjen dhe ndërhyrjen e Serbisë në Kosovë.

DW: Sa u përket kopjeve, kopje kanë marrë edhe Kroacia dhe Sllovenia, por më intereson më hollësisht, cili është qëndrimi i Vetëvendosjes ndaj serbëve të Kosovës dhe a do të organizoni aksione edhe në veri të Kosovës?

Kurti: Është e vërtetë që Kroacia dhe Sllovenia kanë marrë kopje, por është e vërtetë edhe që Kosta Rika nuk ka ushtri. Nuk e di pse qeveria jonë gjithmonë i merr vetëm shembujt negativ nga vendet tjera dhe jo edhe ata pozitiv. Në Kroaci për shembull po përgjigjet për korrupsion edhe vet ish-kryeministri. Ndërsa Sllovenia është në BE. Lëvizja Vetëvendosje në asnjë mënyrë nuk është kundër serbëve të Serbisë apo të Kosovës. Serbët e Kosovës i konsiderojmë qytetarë të Republikës së Kosovës që duhet të kenë të gjitha të drejtat sipas konventave ndërkombëtare për minoritetet dhe ta kenë të garantuar barazinë para ligjit. Aksionet tona në Merdarë dhe te Dheu i Bardhë, nuk kanë të bëjnë me ndërhyrjen në veri. Në veri kemi një situatë ushtarake ku edhe pikat kufitare janë shpallur ushtarake.

DW: Do të thotë, Ju nuk do të organizoni asgjë në veri të Kosovës?

Kurti: Lëvizja Vetëvendosje ka një plan se si mund të bashkohet Mitrovica. Plani parashikon masa socio-ekonomike si dhe masa politike dhe të sigurisë. Ndër masat që duhen ndërmarrë janë rivitalizimi i Trepçës, zbutja e papunësisë, ndihmat për arsim, shëndetësi etj. Ndërsa sa i përket masave të sigurisë, duhet ndëprerë financimi i strukturave paralele të Serbisë, të ndërpritet shitja e pronave të shqiptarëve, duhet të hapen nën stacione policore në lagjet e banuara me shqiptarë. Mos të harrojmë, strukturat paralele në veri i ka lënë Millosheviqi, më vonë i ka mirëmbajtur Koshtunica e tani këtë po e bën edhe Tadiqi.

DW: Cili është qëndrimi Juaj ndaj trupave ndërkombëtare në Kosovë, sepse Ju më parë keni kërkuar largimin e tyre? Ka ndryshuar qëndrimi Juaj?

Kurti: Ne nuk jemi kundër pranisë ndërkombëtare në Kosovë. Jemi për të ndryshuar karakterin e kësaj pranie. Jo prani, e cila na sundon dhe dikton, por një prani që na mbështet dhe ndihmon për zhvillim, demokraci dhe drejtësi. NATO duhet të qëndrojë në Kosovë, por duhet të bëhet me një marrëveshje të re. Marrëveshja duhet të nënshkruhet mes NATO dhe Kosovës dhe jo të qëndrojë mbi bazat e Marrëveshjes së Kumanovës, e cila është nënshkruar prej shumë personave që janë dënuar në Hagë për krime lufte. Natyrisht që ne kërkojmë që edhe forcat e sigurisë së Kosovës të shndërrohen në ushtri, sepse nuk është në rregull që Mali i Zi apo Maqedonia të kenë ushtri, e Kosova nuk lejohet ta ketë ushtrinë e vet.

[Antiproanti]

...

Por pas mbledhjes së Qeverisë së Kosovës, e cila është mbajtur të mërkurën, zëvendëskryeministri i vendit, Hajredin Kuçi, gjatë konferencës për shtyp ka thënë se përfaqësimi i Kosovës në arenën ndërkombëtare do të jetë mbi bazën që e parasheh Kushtetuta e Kosovës.

Sigurisht.
Mjafton qe Kuci dhe Institucionet tjera kuslinge ta shpallin, trajtojne dhe interpretojne paraqitjen e Kosoves si te bazuar ne Kushtetuten e Kosoves.

Dhe, ne baze te "Planit te Ahtisaarit", i cili nuk njeh shtet sovran apo Republike te Kosoves, per zbatimin e te cilit PDK ne bashkeveprim me antishqiptaret tjere ne Kuvendin e Kosoves heren e fundit me 31.01.2012 e kane miratuar nje rezolute perkatese, lejon cfardo perfaqesimi te Kosoves. Varesisht nga marreveshjet bilaterale apo multilaterale te paleve te perfshira dhe vullnetit te tyre. D.m.th. Bazuar ne "Planin e Ahtisaarit", Kosova mund te paraqitet si Republik Kosovo, Kosovo, UNMIK-Kosovo, Kosovo under 1244/1999, Kosovo*, Kosovo[1], Kosovo Institutions* (Republika e Thacit*)etj...
Asnje nga keto paraqitje parimisht dhe kushtimisht nuk eshte ne kundershtim me Kushtetuten e Kosoves, perderisa mbi Kushtetuten e Kosoves qendron Plani i Ahtisaarit apo Propozimin Gjitheperfshires per zgjidhjen e statusit te Kosoves., i cili edhe me Kushtetute te Kosoves pranohet si akti me i larte ligjor per Kosoven.
Kushtetuta e ashtuquajtur Kushtetuta e Republikes se Kosoves resp. dispozitat e saj dhe ligjet tjera te Kosoves jane te vlefshme dhe te perfillshme vetem atehere, kur jane ne pajtueshmeri me "Propozimin Gjitheperfshires per zgjidhjen e statusit te Kosoves" (Planin e Ahtisaarit). Ne kete kontekst, statusi i Kosoves nuk mund te trajtohet dhe interpretohet si i rregulluar perfundimisht, gje qe mund te lexohet edhe ne titullin e Planit te Ahtisaarit.

Megjithate, cdo veprim dhe vendim i institucioneve te zgjedhura te Kosoves qe nuk eshte ne pajtueshmeri te plote me Kushtetuten e Republikes se Kosoves eshte i sanksionueshem ose i denueshem. Ketu nuk ka rendesi "Plani i Ahtisaarit", i cili praktikisht eshte udherrefyes ne procesin e zgjedhjes se statusit perfundimtar te Kosoves. Edhe pse Institucionet e Kosoves dhe Nderkombetaret shume shkelje kushtetuese dhe ligjore mundohen ti fshehin pas gjoja zbatimit te ketij plani.
Me kete plan nuk ndalohet shpallja, pranimi dhe paraqitja e Kosoves si shtet. Ky plan, sa i perket statusit perfundimtar te Kosoves, ndalon vetem bashkimin e Kosoves me ndonje shtet tjeter dhe pretendimet territoriale te kosoves ndaj shteteve tjera. Pothuajse te gjitha propozimet tjera kane te bejne me rregullimin e brendshem te Kosoves.

Nga momenti qe Kosova, institucionet e zgjedhura te saj e kane shpallur pavaresine dhe kane miratuar Kushtetuten e Republikes se Kosoves, per ato dhe per secili qytetare te Republikes se Kosoves vlene cdo dispozite e kesaj Kushtetute, perjashtuar te tilla qe nuk do te ishin apo nuk jane ne pajtueshmeri me Planin e Ahtisaarit, e qe realisht nuk kane te bejne me statusin e Kosoves apo statusin aktual te Kosoves, dhe dispozitat e vecanta dhe kalimtare per prezencen nderkombetare. D.m.th. Institucionet e zgjedhura te Kosoves qe nga shpallja e Republikes dhe miratimi i Kushtetutes se Republikes se Kosoves mbajne pergjegjesi vetem ndaj ketij shteti dhe kesaj Kushtetute.
Askush, as plani i Ahtisaarit, as EULEX-i dhe asnje prani tjeter nderkombetare ne Kosove nuk mund ti detyroje keto institucione qe te veprojne dhe vendosin ne kundershtim me Kushtetuten e Republikes se Kosoves dhe ligjet perkatese te saj. Institucionet e Republikes se Kosoves kane obligime vetem ndaj perfaqsuesve kompetent dhe legjitim te EULEX-it, KFOR-it dhe perfaqesuesve tjere nderkombetare, kur jane ne pyetje mardhenjet e ndersjellta (bilaterale). Cfardo kerkese apo urdheri i nderkombetareve per veprime apo vendime antikushtetuese dhe jashtligjore te instuitucioneve te zgjedhura te Kosoves nuk eshte as ne pajtueshmeri me Kushtetuten e Kosoves, as me planin e Atisaarit. Vetem (kushtimisht) me Rezoluten 1244 te OKB-se.
D.m.th. Nese Institucionet e Kosoves e heqin Republiken, nuk perfaqsohen si shtet ne arenen nderkombetare, heqin flamurin dhe simbolet tjera te shtetit etj., atehere perfaqsuesit e ketyre institucioneve automatikisht e shkelin kushtetuten dhe ligjin e Republikes se Kosoves. Pervec ne rastet, kur kemi te bejme me veprime reciproke te te gjithe pjesemarresve. Pra, nese te gjitha shtetet pajtohen (edhe per arsye politike) qe te shkruhet vetem emri i shtetit (p.sh. Serbi, Kosove, Shqiperi ...).
Rasti tjeter, ku Kosova ka te drejte te mos paraqitet si shtet, eshte angazhimi konkret per anetaresim dhe njohje te shtetit te Kosoves nga shtete dhe organizata permanente nderkombetare.
Pjesemarrja ne konferenca nderkombetare dhe dialogje rajonale etj. nuk e justifikon heqjen dore nga paraqitja si shtet apo si Republike. Jo pse do te ishte absolutisht e pamundshme qe cfardo pjesemarrje dhe paraqitje te justifikohet, cofte edhe permes interpretimeve me absurde, sic behet aktualisht me krahasimin e Kosoves me konfliktin greko-maqedonas, por sepse do te ishte plotesisht e disfavorshme per forcimin e shtetsise dhe sovranitetit te Kosoves. Nese Kosova pranon (vullnetarisht) te paraqitet nderkombetarisht dhe trajtohet ndryshe nga tjeret, jo si shtet apo Republike e pavarur, atehere automatikisht ulet edhe nevoja dhe prioriteti i shteteve dhe organizatave te rendesishme nderkombetare per ta njohur shtetin e Kosoves. Sepse, ne kete menyre Kosova ua mundeson atyre te bashkepunojne me te gjitha palet dhe ne pothuajse te gjitha sferat, pa rrezikuar prishjen e mardhenjeve, interesat e vendeve te veta dhe probleme tjera me cfardo pale te involvuar direkt apo indirekt. Pra, Kosova me heqjen dore nga shteti apo Republika ne radhe te pare do te ngadalsonte mjaft procesin edhe ashtu absolutisht te pakenaqshem te njohjes nderkombetare dhe te forcimit te sovranitetit.
Shpresa e ndonjerit nga kosovaret, sidomos e disave ne pushtet, te cileve nuk ju behet vone sepse sitauata e tille ju pershtatet se paku per karriere dhe perfitime personale, se leshimet e tilla do ta bindin Serbine apo ndonjerin nga armiqet e Kosoves ti revidojne qendrimet e tyre ndaj Kosoves, me gjase shume te madhe eshte e paarsyeshme.
Edhe une jam relativisht i bindur se pas 10, 20 apo 50 vitesh rrethanat do te ndryshojne. Por, nuk eshte absolutisht e sigurte se do te jene me te pershtatshme se sot apo se para 10 viteve. Dhe, per mua nuk eshte me rendesi primare statusi, por gjendja e pergjithshme ekonomike, sociale dhe kulturore ne krahasim me tjeret ne rajon dhe ne Europe.
Prandaj, duke u nisur nga pervoja e statusit te paqarte te Kosoves qe 13 vitet e fundit dhe 10, 30, 50 apo 100 vitet e meparshme, ka shume pak arsye per te besuar dhe shpresuar se me statusin e paqarte dhe me veprimet perkatese te politikes se Kosoves do te arrihen ndonjehere standardet e vendeve fqinje dhe atyre Europiane me te cilat mundemi dhe duhet te krahasohemi.
Perndryshe, edhe ne vendet me te varfera te botes ka njerez te pasur, te kenaqur dhe te lumtur, kryesisht ata qe jane ne pushtet. Shumica e tyre nuk i rrezikojne pasurite dhe privilegjet e tyre per mireqenjen e masave apo te popullit, kur shtrohet nevoja per veprime apo vendime te guxmshme per te arritur nje qellim te tille. Kjo tek e fundit eshte e natyrshme. Prandaj, veprimet, vendimet dhe fjalet e pushtetitit ne vende si Kosova nuk jane absolutisht te krahasueshme me ato te pushteteve normale demokratike...

[Antiproanti]

Expect the Unexpected
January 2012

SWP Research Paper
Stiftung Wissenschaft und Politik
German Institute for International
and Security Affairs
...

Border Changes on the Cards again in the Western Balkans

http://www.swp-berlin.org/fileadmin/...rt.pdf#page=31

[s0ni]

Nuk u beka copy & paste shkrimi qe ta sillje ketu. Po e shkruaj une nje paragraf te vogel.

Expect the Unexpected
January 2012

SWP Research Paper
Stiftung Wissenschaft und Politik
German Institute for International
and Security Affairs
...

Border Changes on the Cards again in the Western Balkans

http://www.swp-berlin.org/fileadmin/...rt.pdf#page=31

Another round of border changes in the offing in the Western Balkans. Kosovo and Bosnia Herzegovina are still fragile political entitites lingering in the status of Westeren protectorates, as is the Republic of Macedonia. Ethno-political conflics are coming to a head again in all three. During the past two decade, conflicts within the territory of the former Yugoslavia have generally been resolved by redrawing political borders, which rarely happenned peacefully. This time too, there is reason to doubt wheather new border revisions can occur without violence.
The place where the political map is most likely to be redrawn is the triangle composed of Kosovo, Albania and westeren Macedonia. This region is populated alsmost exclusively by Albanians, a great majority of whom would like to see their nation united in a single state.


Nejse po ndaloj ketu. Me aq sa lexova s'kishe ndonje gje e madhe. Vetem po flisnin per shqetesimet qe kane per vendin tone ne pergjithesi. Duan te mbajne urte shqiptaret sepse po u forcua shteti Shqiptar dhe nese Kosova bashkepunon me Shqiperine atehere dhe shqiptaret e Maqedonise do te behen me te fuqishem.

[Pika-Kufi.1-31]

NUK E PRANOJ HEQJEN E REPUBLIKËS

Nga Express 03 Shkurt 2012 14:19

“Edhe krejt spektri politik po të pranonte heqjen e Republikës, unë nuk e pranoj”, ka thënë kryeministri i Kosovës, Hashim Thaçi, në intervistën dhënë Radios Evropa e Lirë.


RADIO EVROPA E LIRË: Zoti kryeministër, cila është e ardhmja e veriut të Kosovës? Tashmë është kërkuar nga qeveria juaj një plan i veçantë për veriun. Çka nënkupton kjo? Një status special?

HASHIM THAÇI: E ardhmja edhe e veriut të Mitrovicës është e ardhmja identike me shtetin sovran të Kosovës. E ardhmja e veriut është e ardhmja e Kosovës, duke respektuar gjithmonë Kushtetutën dhe ligjet e Kosovës; duke respektuar dokumentin e presidentit Ahtisari, prandaj në asnjë rrethanë nuk do të ketë as status special, as ndonjë propozim që lexohet në ndonjë medium, dhe një gjë e tillë asnjëherë nuk është shtruar së diskutuari, e lëre së propozuari nga ndokush.

Pra, veriu i Mitrovicës është pjesë e Kosovës. Kosova do të funksionojë si një njësi shtetërore, me integritetin territorial të respektuar e garantuar e të njohur edhe ndërkombëtarisht.


RADIO EVROPA E LIRË: Ju e hidhni poshtë këtë mundësi, por realiteti në terren në veri dëshmon se atje nuk ka pajtim me planin e Ahtisarit dhe pavarësinë e Kosovës. Me çka do të bindni serbët që të ndryshojnë qëndrim?

HASHIM THAÇI: Qeveria e Republikës së Kosovës dhe gjithë mekanizmat ndërkombëtarë që janë të instaluar në Kosovë do të vazhdojnë të punojnë që të jenë sa më afër qytetarëve në veri, në mënyrë që edhe ata të kuptojnë realitetin e ri të krijuar. Dokumenti i presidentit Ahtisari është dokumenti më afirmativ për komunitet në Evropë.

Edhe e ardhmja e qytetarëve serbë, edhe e të tjerëve në veri, është duke u integruar në institucionet e Kosovës. Unë kam vazhduar të kem kontakte edhe direkt, por edhe përmes mekanizmave të tjerë, me njerëz me ndikim në veri përmes OJQ-ve të ndryshme, apo personaliteteve të ndryshme me ndikim në opinionin publik atje.

Gjërat kam besim që do të fillojnë të ndryshojnë për të mirë dhe ne do të vazhdojmë me angazhimin tonë konkret që të kemi rend dhe ligj, që të kemi investime socio-ekonomike, të kemi demokraci, zgjedhje të lira, lidership legjitim dhe të vazhdojmë me përkushtimet tona mbështetëse integruese dhe zhvillimore për veriun.

Realisht për vitet të tëra aty nuk ka pasur rend dhe ligj, tani për herë të parë pas 12 vjetësh, nga 25 korriku, kemi doganierët dhe policët e Kosovës. E rëndësishme është që tash kemi kontrolle kufitare nga institucionet e Kosovës dhe ato ndërkombëtare. Tani, natyrisht se kërkohet ky kontakt me qytetarët në veri që të sqarojmë përgjegjësitë tona shtetërore para tyre, që ata qytetarë të jetojnë në Kosovën e pavarur dhe sovrane, të jetojnë të lirë dhe me të drejta të garantuara. Ata janë qytetarë, shtetas tanë, dhe ne do të jemi pranë tyre me ofertat tona afirmative integruese.


RADIO EVROPA E LIRË: Jeni shprehur në favor të takimit me presidentin serb Boris Tadiq. Në çfarë rrethanash do të mbahej një takim i këtillë dhe për çfarë do të bisedonit?

HASHIM THAÇI: Realisht, kjo nuk është hera e parë e deklarimeve të tilla. Është e nevojshme, është e domosdoshme për interesin e dy shteteve, dy popujve tanë, të paqes, të stabilitetit, bashkëpunimit rajonal, të ketë takime të liderëve politikë të zgjedhur në mënyrë legjitime të shteteve përkatëse.

Takime të delegacionit kosovar ka pasur edhe në Vjenë edhe në vende të tjera. Prandaj në interesin e dy vendeve tona, është që të ketë edhe komunikim të drejtpërdrejt ndërshtetëror në mes të lidershipit kosovar edhe atij të zgjedhur të Serbisë, por gjithmonë si dy shtete të pavarura sovrane, duke punuar për interesin e dy vendeve, qytetarëve tanë dhe perspektivës euro-atlantike, edhe të Kosovës edhe të Serbisë edhe të gjithë rajonit.


RADIO EVROPA E LIRË: Përfaqësimi i Kosovës në forumet rajonale ka bërë që të ngecin edhe përpjekjet për rifillimin e bisedimeve. A janë vënë në pikëpyetje këto bisedime duke pasur parasysh qëndrimet tërësisht të kundërta të të dyja palëve?

HASHIM THAÇI: Prishtina do të vazhdojë të jetë kreative dhe e përgjegjshme në procesin e dialogut ndërshtetëror mes Kosovës dhe Serbisë për çështje teknike në interesin e gjithë qytetarëve, pa dallime etnike. Ndërsa sa i përket zhurmës së ditëve të fundit, deklaroj shumë qartë se Qeveria e Republikës së Kosovës do ta respektojë me përpikëri Kushtetutën e Republikës së Kosovës, ligjet e Kosovës, dhe dokumentin e presidentit Ahtisari.

Dhe, e heq gjithë atë mjegull apo pretendim zhurmues elektoral politik se diçka e tillë nuk do të lejohet të ndodhë, diçka e tillë as që është propozuar, por, çdo zgjidhje që Prishtina do ta pranojë edhe në të ardhmen, do të jetë zgjidhje në përputhshmëri të plotë me vullnetin qytetar të Kosovës, duke respektuar Kushtetutën e Kosovës dhe modelin evropian.

Tek e fundit, them të drejtën, sa i përket deklarimeve të lira që po dalin aty - këtu, mund t’ju them lirisht se edhe krejt spektri politik po të pranonte heqjen e Republikës, unë nuk e pranoj.


RADIO EVROPA E LIRË: Deri ku jeni ne gjendje të shkoni për të rifilluar procesin?

HASHIM THAÇI: Jemi duke punuar për konsolidimin dhe forcimin e shtetit. Tani kemi edhe deklarimin e Grupit Drejtues Ndërkombëtar që mbështet zotimin e Qeverisë së Republikës së Kosovës për të përmbyllur mbikëqyrjen e pavarësisë. Kemi edhe rezolutën nga Kuvendi i Republikës së Kosovës që shpreh gatishmëri dhe i jep mbështetje të plotë Qeverisë së Republikës së Kosovës në këtë drejtim.

Qeveria e Republikës së Kosovës do t’i kryejë të gjitha obligimet që dalin nga rezoluta e Kuvendit të Republikës së Kosovës. Veç kemi filluar të punojmë si grupe punuese me të gjitha autoritetet përkatëse, prandaj ritheksoj se viti 2012 do të jetë viti i suksesit të plotë të Kosovës, viti i përmbylljes së pavarësisë dhe viti i Kosovës evropiane.


RADIO EVROPA E LIRË: Grupi Ndërkombëtar i Krizave ka vlerësuar se “përpjekja e Prishtinës për ta kontrolluar gjithë territorin dhe vendosmëria e serbëve të veriut për të rezistuar, mund të prodhojë më tepër viktima”. A pajtoheni me këtë konstatim ?

HASHIM THAÇI: Në asnjë rrethanë nuk do të lejojmë që të ketë veprime të dhunshme ndëretnike, por, ne do ta shfrytëzojmë gjithë autoritetin tonë, të forcës sonë kushtetuese dhe ligjore për vënie të rendit dhe ligjit, në çdo hapësirë të territorit të Republikës së Kosovës.


RADIO EVROPA E LIRË: T’i kthehemi pak skenës së brendshme politike. Zhvillimet e fundit dhe përplasjet tuaja me Vetëvendosjen kanë nxitur drojë për degradimin e fjalorit politik. Si mund të zbuten tensionet midis jush?

HASHIM THAÇI: Realisht Qeveria e Republikës së Kosovës nuk është duke u konfrontuar me askënd. Unë falënderoj gjithë spektrin politik kosovar për mbështetje të plotë që i ka dhënë zotimit të treguar në Vjenë për përmbylljen e mbikëqyrjes së pavarësisë nga trupi drejtues ndërkombëtar. Qeveria e Republikës së Kosovës është duke vazhduar të luajë rolin e vet unifikues, në kuptimin e një agjende të përbashkët shtetërore. Ne kemi qenë edhe në opozitë në vitin 2004 - 2007, kur është formuar ekipi i unitetit, kemi marrë të gjitha përgjegjësitë si lidership, duke vënë së pari interesat e shtetit mbi ato partiake.

Prandaj, edhe thirrja ime sot për gjithë spektrin politik kosovar është që të punojë së pari për Kosovën, pastaj për interesa partiake ose interesa të tjera, sepse është viti më i rëndësishëm historik për Kosovën pas vitit 1999, kur e fituam lirinë, pas vitit 2008 që e shpallëm Kosovën të pavarur dhe sovrane.

Tani është përmbyllja e pavarësisë, pra viti i hapjes së perspektivës euroatlantike. Dhe, në këtë kohë, kërkohet unitet politik, qytetar dhe shtetëror. Natyrisht, në këtë drejtim duhet respektuar mendimet e ndryshme, por këto mendime apo këto ide të mos degjenerojnë me pretendime për marrjen e mekanizmave të pushtetit nga ndonjë forcë politike, sepse kjo nuk ndodh kurrkund në botën demokratike.

Pra kemi të bëjmë me një pikëpamje të respektimit të ligjshmërisë dhe pretendime të marrjes së ligjshmërisë në duart e veta nga një mekanizëm i caktuar politik.

[halla mine]

"Edhe krejt spektri politik po të pranonte heqjen e Republikës, unë nuk e pranoj”, ka thënë kryeministri i Kosovës, Hashim Thaçi, në intervistën dhënë Radios Evropa e Lirë.

O qoban.. pse po i ndrron fjalt si kurv..

para nje jave pat thane:

Në pyetjen se a do të përfaqësohet Kosova si republikë në nisma rajonale, ai ka thënë se
“Qeveria e Republikës së Kosovës do të jetë e përgjegjshme në procesin e dialogut, duke respektuar gjithmonë Kushtetutën dhe ligjet e saj në fuqi, dhe dokumentin e presidentit Ahtisaari”.

Pastaj, kur është lutur të tregonte nëse e konsideron përgjegjshmëri të hiqet dorë nga termi republikë, ka thënë se
“kjo nënkupton respektimin e plotë të sovranitetit, integritetit territorial, të Kushtetutës dhe ligjeve të Kosovës”.
E kur gazetarët kanë insistuar t’i merrnin përgjigje kryeministrit për formën se si do të bëhet ky prezantim i Kosovës, ai ua ka kthyer fare shkurt:
“Si shtet i pavarur dhe sovran”.

Pra kurkun nuk paska thane qe nuk pranon te hiqet termi, ndersa sot qo kry, paska ndryshu. Pas nje jave tjeter prap do te ben deklarata pa lidhje, pa u pergjigjur ne pyetje direkt. A i besohet nje polari si ky..?? Serbia po i beson.. dhe kur i besojn shkijet hajmedet per shqiptaret.

rrej, rrej ,rrej... vjedh, vjedh, vjedh.. veq keto dy aftesi i ka qobani i brojes. Lum drenica per te.

[Antiproanti]

Thaçi: Nuk e pranoj heqjen e Republikës

Kryeministri Hashim Thaçi ka deklaruar se edhe krejt spektri politik po të pranonte heqjen e Republikës, ai nuk do ta pranonte një gjë të tillë.

...
RTK

Mos i harroni keto fjale te Thacit!

Ta presim se cka do te thote Thaci, pasi te nenshkruhet marreveshja me Serbine dhe BE-ne, ku Kosova domosdoshmerisht do te duhej te heqte dore nga Republika ne paraqitjet e saj nderkombetare.
Heqja dore nga Republika eshte ne ate mase e pashmangshme, sa qe pohimet e Thacit qysh sot mund te quhen genjeshtra te pastra dhe pergatitje e terrenit per mashtrimin e radhes te publikut(elektoratit) te vete.

E vetmja mundesi reale per te mos hequr dore nga Republika ne paraqitjet e Kosoves ne nismat rajonale dhe nderkombetar, eshte heqja dore nga pjesemarrja ne konferenca te tilla rajonale, europiane dhe boterore. Dhe, une personalisht do ta perkrahja nje veprim dhe vendim te tille te Thacit.
Mundesia tjeter teorike, do te ishte paraqitja e te gjithe pjesemarresve pa Republike dhe e Kosoves si "Kosovo*" apo dicka te ngjashme. Por, edhe kjo, jo vetem qe do te ishte heqje dore nga Republika, perfshi edhe fusnoten per Kosoven, por edhe shume joreale...
Por, perderisa ai deshirone te mbetet Kryeminister i kosoves dhe te mos e rrezikoje edhe lirine e vete personale, pohimi i tij "nuk e pranoj heqjen e Republikes" nuk eshte asgje me shume se propagande e thjeshte per ata qe gelltisin genjeshtra dhe mashtrime te tilla akrobatike...